Ramiz Əzizbəyli xəstəxana palatasında

Ayağının bir hissəsi amputasiya olunmuş Xalq artistindən məyusedici xəbər

8503
(Yenilənib 13:54 08.01.2019)
"Həkimlər ümid verirlər ki, ortopedik ayaqqabı ilə yenidən gəzə bilər"

Nigar Məhərrəm, Sputnik Azərbaycan

BAKI, 8 yanvar — Sputnik. "Hazırda özünü yaxşı hiss edir. Mütəmadi olaraq həkim və tibb bacısı evə gələrək son durumu ilə maraqlanır, sarğısını dəyişirlər. Hazırda yaranın sağalma prosesi gedir".

Bunu ötən ay ayağında yaranan qanqrenə görə əməliyyat olunan Xalq artisti Ramiz Əzizbəylinin qızı Xədicə Əzizbəyli Sputnik Azərbaycan-a açıqlamasında  deyib. 

X.Əzizbəyli onu da bildirib ki, Xalq artistinin ikinci ayağına da stend qoyulacaq: "Hər iki ayaqda damar tıxanıqlığı vardı. Lakin bir ayaqda artıq qanqren yarandığı üçün onun üzərinə daha tez düşdük. Artıq atamın sol ayağına da stend qoyulub. O biri ayağında da vəziyyət gərginləşməsin deyə, vaxtından qabaq stend qoyulmalıdır".

"Lakin stend bu tezliklə, yoxsa bir neçə ay sonra qoyulacaq, bunu hələ ki, bilmirik. Həkim baxdıqdan sonra son qərarını verəcək" – deyə R.Əzizbəylini qızı əlavə edib.

O, atasının digər xəstəlikləri - şəkər və təzyiqi ilə bağlı da danışıb: "Ayağının müalicəsi ilə bağlı olaraq paralel müalicələr qəbul edir. Bu səbəbdən hazırda şəkər və təzyiqi normaya düşüb".

Aktyorun qızı atasının sağalandan sonra gəzə biləcəyinə ümid edir: "Hələ ki yataqdadır, gəzə bilmir. Düşünürük ki, sağaldıqdan sonra gəzə bilər. Həkimlər ümid verirlər ki, ortopedik ayaqqabı ilə yenidən gəzə bilər. Ən azı addım-addım gəzə biləcəyi ilə bağlı ümidimiz var".

"Sağaldıqdan sonra öz fəaliyyətinə başlayacaq" – deyə Xədicə Əzizbəyli əlavə edib.

Qeyd edək ki, dekabrın sonunda Ramiz Əzizbəylinin sağ ayağı barmaq hissədən amputasiya olunub. 

 

8503
Teqlər:
əməliyyat, ayaq, amputasiya, "Xalq artisti", Ramiz Əzizbəyli
Əlaqədar
Həkimlər Xalq artisti ilə bağlı son qərarı verdi
Xalq artisti Ramiz Əzizbəyli: "Qırx adda xəstəliyim var"
Xalq artisti xəstəxanaya yerləşdirilib
Antalya, arxiv şəkli

Ulduzlarımız karantində Bakıdan Türkiyəyə qaçırlar

1683
(Yenilənib 15:54 09.07.2020)
Müğənnilər Tunar Rəhmanoğlu, Səbinə Selcan və prodüser Tarix Əliyev yay mövsümünün qonşu ölkədə keçirilməsi fürsətini fövtə vermədilər

BAKI, 9 iyul  - Sputnik, Kəmalə Əliyeva. Sən demə, Azərbaycanın Xalq artisti Miri Yusif karantin rejimində  Bakıdan qaçıb xüsusi reyslə Türkiyəyə istirahətə yollanaraq sosial şəbəkə istifadəçiləri tərəfindən sərt tənqidlərə məruz qalan tək məşhur deyilmiş.

Sputnik Azərbaycan-ın araşdırmasına görə, Miri Yusifin ardınca Bakı-İstanbul-Bakı xüsusi reysindən istifadə edərək, qonşu ölkəyə daha bir neçə azərbaycanlı ulduz uçub.

Azərbaycanda iyulun sonuna kimi sərt karantin rejimi hökm sürəcək. Bu müddətdə çimərliklər və istirahət zonaları qapalı olacaq. Yerli məşhurlar bu vəziyyəti fürsətə çevirərək yayın qalan hissəsini səmərəli keçirmək üçün Türkiyəyə qaçıblar.

Ulduzlar istirahət zamanı çəkilmiş şəkillərini həvəslə "Instagram"-da paylaşaraq sərt karantinin qaydalarına uymaq məcburiyyətində qalan imkansız təbəqənin həsəd və hiddətinə səbəb olurlar.

Belə ki, Türkiyədə məşhur olan müğənni Günelin ifaçı qardaşı Tunar Rəhmanoğlu öz doğum gününü ailəsi ilə birlikdə qardaş ölkədə qeyd etmək qərarına gəlib.

Onun ardınca məşhur qalmaqallı prodüser Tarix (Tolik) Əliyev Bakıdan köçüb. Dediyinə görə, yarım ilə yaxındır ki, koronavirusa görə heç yerə gedə bilməyib.

"Hava limanında həmişə sıxlıq olur, bu dəfə isə hər yer boş idi. Bütün bunlar koronavirusa görədir. Ümid edək ki, tezliklə hər şey dəyişəcək", - Əliyev qeyd edib.

Müğənni Səbinə Selcan da Türkiyəyə istirahətə yola düşüb. O, artıq evdə otura bilməyəcəyini etiraf edib, buna görə vəziyyəti dəyişdirməyə qərar verib.

View this post on Instagram

A post shared by SabinaSelcan (@sabinaselcan) on

"Əgər harasa uçmaq imkanı varsa, bundan istifadə etmək lazımdır. Allaha şükür ki, İstanbula uçuşlar açıldı. Oradan Türkiyənin digər şəhərlərinə də gedəcəyəm", - deyə müğənni bildirib.

İyun ayından başlayaraq qarşılıqlı razılıq əsasında "Azərbaycan Hava Yolları" və "Türkiyə Hava Yolları" şirkətləri həftədə dörd dəfə müntəzəm olaraq Bakı-İstanbul-Bakı xüsusi reyslərini təşkil edirlər.

Nazirlər Kabinetinin qərarı ilə 20 iyul saat 06:00-dək Bakı, Sumqayıt, Lənkəran, Mingəçevir, Yevlax, Cəlilabad, Gəncə, Masallı, Abşeron, Goranboy, Göygöl, Bərdə, Xaçmaz, Samux, Siyəzən və Şəki rayonlarında ciddi karantin rejimi fəaliyyət göstərəcək. Qeyd olunan şəhər və rayonlarda bütün iş, xidmət və ticarət sahələrində fəaliyyət, həmçinin ictimai nəqliyyat və avtomobillərin hərəkəti dayandırılıb. Göstərilən şəhər və rayonlarda fəaliyyətinin davam etdirilməsinə icazə verilən sahələrdə çalışan şəxslərin və nəqliyyatın hərəkətinə icaze.e-gov.az.portalında müvafiq icazə alındıqdan sonra yol verilir.

1683
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Azərbaycanlı müğənni ukraynalı opera müğənnisinə klip çəkib
Santa-Barbarada olmuşam! Tanınmış azərbaycanlı müğənnidən fərqli paylaşım
Məşhur bakılı: "Koronavirus mənə də çatıb" - VİDEO
Hamının kefi qalxacaq! Dilarə Kazımova yay hitini təqdim edib
Nadir səs tembrinə sahib olan azərbaycanlı müğənni imicini kökündən dəyişib
Müğənni Bəxtiyar Əliyev, arxiv şəkli

Müğənni Bəxtiyarın keçmiş həyat yoldaşı onun koronavirusa yoluxduğuna inanmır

1093
(Yenilənib 15:45 09.07.2020)
Azərbaycan əsilli məşhur rusiyalı müğənni Bahh Tee-nin keçmiş həyat yoldaşı Fərqanə Həsənova deyib ki, sabiq ərinin koronavirusa yoluxduğuna inanmır

 

BAKI, 9 iyul – Sputnik, Kəmalə Əliyeva. Azərbaycan əsilli məşhur rusiyalı müğənni Bahh Tee-nin (Bəxtiyar Əliyev) keçmiş həyat yoldaşı Fərqanə Həsənova sabiq ərinin koronavirusa yoluxduğuna inanmır. Bahh Tee isə bir həftəyə koronavirusdan sağaldığını iddia edib.

Sputnik Azərbaycan-ın məlumatına görə, bu günlərdə müğənni sosial şəbəkə hesabından izləyicilərinə COVID-19 virusuna yoluxduğunu və evdə müalicə aldığını bildirib.

Bahh Tee hazırda xəstəxanada olan atasını və dostunu da yoluxdurduğunu etiraf edib. O, həmçinin onunla ticarət mərkəzində və digər yerlərdə görüşən, selfilər çəkən pərəstişkarlarını, dostlarını da virusa yoluxduğu barədə xəbərdar edib.

Bir həftədən sonra Bahh Tee analiz verdiyini və nəticələrin neqativ çıxdığını, təhlükəli infeksiyadan tamamilə sağaldığını bəyan edib.

Bəxtiyar Əliyevin paylaşımının skrinşotu

Bahh Tee tez bir zamanda sağalmasını "Instagram" səhifəsinin izləyicilərinə sevinclə xəbər verib.

Bununla yanaşı, müğənninin keçmiş həyat yoldaşı sosial şəbəkə izləyicilərinə sabiq ərinin virusa yoluxduğuna inanmadığını bildirib.

"Suallarla üstümə hücum edirlər. Bu, mənim işim deyil. Mən bununla maraqlanmıram. Əgər doğrudursa, Allah qorusun. Mən ona yalnız cansağlığı arzu edə bilərəm. Amma mən onun yoluxduğuna inanmıram”, - deyə Həsənova bildirib.

Bəxtiyar Əliyev və Fərqanə Həsənova 2016-cı ildə evləniblər, 2019-cu ilin oktyabr ayında isə ayrılıblar. Boşanmanın səbəbi, Həsənovanın sözlərinə görə, populyar müğənninin ona xəyanət etməsi olub.

1093
Mövzu:
Dünyanı cənginə almış bəla
Əlaqədar
Hamının kefi qalxacaq! Dilarə Kazımova yay hitini təqdim edib
Azərbaycanlı müğənni ukraynalı opera müğənnisinə klip çəkib
Santa-Barbarada olmuşam! Tanınmış azərbaycanlı müğənnidən fərqli paylaşım
XİN-də həbs edilənlərdən biri məşhur müğənnimizin atası imiş - FOTO
Canet Cekson azərbaycanlı müğənniyə təşəkkür edib: Mahnımı gözəl oxuyursan
Favipiravir preparatı

Həyatınızla eksperiment aparmayın - Koronavirusu müalicə "edən" dərman təhlükəli çıxdı

0
(Yenilənib 19:07 10.07.2020)
Yaponiyada "Favipiravir" kliniki testlərdən keçirilib və onun koronavirusun müalicəsində effektiv olmadığı sübut olunub. Rusiya Səhiyyə Nazirliyi "Avifavir"-i mayın 30-u təsdiqləyib.

BAKI, 10 iyul — Sputnik. Rusiya Səhiyyə Nazirliyi tərəfindən koronavirusun müalicəsi üçün təsdiqlənən "Avifavir"in hamilə qadınlar üçün təhlükəli olduğu məlum olub. Sputnik Azərbaycan "Lenta.ru"-ya istinadən xəbər ki, bunu Qameli adına epidemiologiya və mikrobiologiya üzrə elmi-tədqiqat mərkəzinin direktoru Anatoli Altşeyn bildirib.

O, qeyd edib ki, daha əvvəl bu preparat yuxu dərmanı kimi istifadə olunub və genetik qüsurlu uşaqların doğulmasına səbəb olurdu.

Altşeyn bildirib ki, bu preparat Yaponiya istehsalı olan "Favripiravir"dən sintez olunub. Yaponiyada istehsal olunan və digər ölkələrə göndərilən dərman isə effektiv olmayıb: "Həmin dərman sintez olunub və digər adlarla buraxılıb. Bu dərman hamilə xanımlar üçün çox təhlükəlidir O, 60-cı illərdə yuxu dərmanı kimi tətbiq olunan talidomidə bənzəyir.

O, əlavə edib ki, Yaponiyada "Favipiravir" kliniki testlərdən keçirilib və onun koronavirusun müalicəsində effektiv olmadığı sübut olunub. Bu nəticələr Rusiyada da nəzərə alınmalıdır.

"Qovorit Moskva" radiostansiyası ilə qeyd edir ki, Yaponiya hökuməti bu dərmanı qrip epidemiyası üçün saxlayır və əlavə təsirlərlə bağlı açıq bazara çıxarmır.

Qeyd edək ki, Rusiya Səhiyyə Nazirliyi "Avifavir"-i mayın 30-u təsdiqləyib. Qeyd olunur ki, bu preparat Ebola hemorragik qızdırmasının müalicəsində istifadə olunub.

0