Ramiz Əzizbəyli xəstəxana palatasında

Xalq artistindən yeni xəbər var: Həkimlər arasında fikir ayrılığı yaranıb

8689
(Yenilənib 13:39 27.12.2018)
"Biz əməliyyatla bağlı həkimlərin son qərarını gözləyirik"

BAKI, 27 dekabr — Sputnik. Xəbər verdiyimiz kimi, ayağında qanqren yaranan Xalq artisti Ramiz Əzizbəyli bu gün əməliyyat olunmalıydı. Bu haqda aktyorun yaxınları ötən gün Sputnik Azərbaycan məlumat vermişdi. 

Əməliyyatla bağlı son vəziyyəti öyrənmək üçün Xalq artistinin qardaşı oğlu, müğənni Nurlan Əzizbəyli ilə əlaqə saxladıq. Müğənni əməliyyatın başlanmadığını bildirib: "Hələ ki, heç bir yenilik yoxdur. Dünən həkimlər arasında fikir ayrılığı oldu ki, ayağını hansı hissədən kəssinlər. Bu səbəbdən hələ ki, əməliyyat başlamayıb".

"Biz əməliyyatla bağlı həkimlərin son qərarını gözləyirik. Xalq artistinə baş çəkmək üçün bir azdan xəstəxanaya gedəcəyəm" - deyə N.Əzizbəyli əlavə edib.

Xatırladaq ki, Ramiz Əzizbəyli üç dəfə beyin insultu keçirib, yüksək təzyiq və şəkərdən əziyyət çəkir.

Aktyorun qızı Xədicə Əzizbəyli isə son durumla bağlı Sputnik Azərbaycan-a bunları demişdi: "Atam başqa klinikada əməliyyat olunacaq. Əvvəl hansı həkimin əməliyyat edəcəyini bilirdik. Amma indi qərarsızıq, bilmirik, həkimi dəyişəcəyik, ya yox. Atam hansı həkim tərəfindən əməliyyat olunacaq, bunu dəqiqləşdirdikdən sonra, sizə məlumat verəcəyəm".

8689
Teqlər:
xəstə, Ramiz Əzizbəyli, "Xalq artisti"
Əlaqədar
Elçin Əzizov Xalq artisti kimi təəssuratlarını bölüşdü
Həkimlər Xalq artisti ilə bağlı son qərarı verdi
Xalq artisti Ramiz Əzizbəyli: "Qırx adda xəstəliyim var"
Xalq artisti xəstəxanaya yerləşdirilib