İranlı rəssam Şirin Bağçı

Təbrizdən Bakıya köçən qadın: “Nəslimdə bir nəfər olsun azərbaycanlı yoxdur”

5714
(Yenilənib 20:36 16.11.2018)
İranlı rəssam Şirin Bağçı Azərbaycanda rahatlıq tapıb və doğmalarından ötrü darıxsa da, İrandan Bakıya köçdüyünə görə peşman deyil.

Kəmalə Əliyeva, Sputnik Azərbaycan

BAKI, 16 noyabr — Sputnik. İranlı rəssam Şirin Bağçı doğmalarından ötrü darıxsa da, Azərbaycanda rahatlıq tapıb və İrandan Bakıya köçdüyünə görə peşman deyil.

Bu barədə rəssam qadın İçərişəhərdəki "Art Tower" qalereyasında keçirilən "Qadınlar və emosiyalar" fərdi sərgisinin açılışında Sputnik Azərbaycan-a deyib. Sərginin təşkilatçıları rolunda "İçərişəhər" Dövlət Tarix-Memarlıq Qoruğu İdarəsi, Azərbaycan Respublikası Mədəniyyət Nazirliyi və Arts Council Azerbaijan çıxış ediblər.

Персональная выставка иранской художницы  Ширин Бахчи под названием Женщины и эмоции
© Sputnik / Kemale Aliyeva
Şirin Bağçının "Qadınlar və emosiyalar" adlı fərdi sərgisi

Bağçı Azərbaycana 7 il əvvəl gəlib. Onun sözlərinə görə, köçməmişdən əvvəl dəfələrlə Azərbaycanda olub və bura onun çox xoşuna gəlib.

"Mənim bütün qohumlarım Təbriz şəhərindəndirlər. Bizim nəsildə azərbaycanlı yoxdur, amma mən bu xalqı çox sevirəm. Uzun düşüncələrdən sonra biz çox sakit və rahat olan bu ölkəyə köçmək qərarına gəldik. Köçəndən sonra mənim heç bir problemim olmayıb. Azərbaycanlılar çox qonaqpərvər və mehriban insanlardır, ona görə də onlarla tanış olmaq, ünsiyyət qurmaq çox asandır, lakin doğmalarımdan da ötrü çox darıxıram" - deyə Bağçı bildirib.

Персональная выставка иранской художницы  Ширин Бахчи под названием Женщины и эмоции
© Sputnik / Kemale Aliyeva
Şirin Bağçının "Qadınlar və emosiyalar" adlı fərdi sərgisi

Bağçı uşaq yaşlarından rəsm çəkir. Universiteti bitirdikdən sonra isə o sevimli işi ilə ciddi şəkildə məşğul olmaq qərarına gəlib. İranda Bağçı bir dəfə də olsun fərdi sərgisini keçirməyib, lakin qarışıq sərgilərdə iştirak edib. Onun sözlərinə görə, Təbrizdə kifayət qədər istedadlı, peşəkar qadın rəssamlar var və onlardan çox şey öyrənmək mümkündür.

"Azərbaycana köçəndən sonra mən sənətlə məşğul olmağı davam etdirmək qərarına gəldim. Yeddi il ərzində sərgi keçirməmişəm. Mənim tələbələrim isə dəfələrlə müxtəlif müsabiqələrdə işlərini nümayiş etdiriblər və qalib olublar" - Bağçı deyib.

Персональная выставка иранской художницы  Ширин Бахчи под названием Женщины и эмоции
© Sputnik / Kemale Aliyeva
Şirin Bağçının "Qadınlar və emosiyalar" adlı fərdi sərgisi

Rəssam "Qadınlar və emosiyalar" layihəsinin üzərində iki ildən çox işləyib. Sərgidə o, cəmi 20 işini nümayiş etdirib. Bu mövzunu Bağçı təsadüfən seçməyib. Bu mövzu rəssamı həmişə narahat edirmiş. Öz işlərində rəssam onda təəssürat oyadan qadınların obrazlarını çatdırmağa çalışıb. Rəsmlərin çoxunda Bağçı ona tanış olmayan qadınları çəkib.

"Mən özüm qadınam, ona görə də onları çox yaxşı başa düşürəm. Qadın və emosiya sözləri demək olar ki, sinonimdir, çünki birini digəri olmadan təsəvvür etmək belə mümkün deyil. Mən öz işlərimdə həm ehtiraslı, həm qısqanc, həm sevən, həm inadkar, həm də azadlıqsevər qadını göstərmək istəmişəm. Ümumiyyətlə, biz qadınlar bir flakona yerləşən emosiyalar buketiyik" - Bağçı bildirib.

Персональная выставка иранской художницы  Ширин Бахчи под названием Женщины и эмоции
© Sputnik / Kemale Aliyeva
Şirin Bağçının "Qadınlar və emosiyalar" adlı fərdi sərgisi

Rəsmlərinin birində o İranın Şiraz şəhərindən olan qızı çəkib. Onun sözlərinə görə, bu şəhərdə İranın ən gözəl qadınları yaşayırlar. Rəssam əlavə edib ki, tanışlarının çoxu şəkilləri görəndə qeyd edirlər ki, onların hər birində müəllifin cizgilərini tapmaq olar.

Персональная выставка иранской художницы  Ширин Бахчи под названием Женщины и эмоции
© Sputnik / Kemale Aliyeva
Şirin Bağçının "Qadınlar və emosiyalar" adlı fərdi sərgisi

"Mən istəyirəm ki, bütün qadınlar xoşbəxt olsunlar, sevilsinlər və ən əsası, sevimli işləri ilə məşğul olsunlar. Bu mövzuda işlərimi davam etdirmək niyyətindəyəm, çünki rəsmlərimdə göstərmək istədiyim çoxlu qadın emosiyaları var" - Bağçı qeyd edib.

İranlı rəssamın rəsmləri sərgini ziyarət edənlərin xoşuna gəlib. Hər bir qadın obrazı digərindən fərqlənib və obrazların hər birində bakılı qadınlar özlərini görə biliblər.

5714
Teqlər:
köçmək, qadın, rəssam, Təbriz şəhəri, Azərbaycan, İran
Əlaqədar
Təbriz nümunəvi müsəlman şəhəri seçilib
Təbriz aksiyasına İstanbuldan dəstək
Tatarıstanda Təbriz parkı yaradılıb
Görüş yeri dəyişdirildi, Təbriz proqramdan çıxarıldı
Dumanlı Təbriz, gizli Bakı, döyüşən şəhər...
Birinci vitse-prezident Mehriban Əliyeva, arxiv şəkli

Mehriban Əliyeva Bəhram Bağırzadə ilə telefonla danışıb

15
Koronavirusa yoluxan və xüsusi rejimli xəstəxanaya yerləşdirilən Bəhram Bağırzadənin vəziyyəti bir müddət ağırlaşmışdı

BAKI, 12 iyul — Sputnik. Azərbaycan Respublikasının Birinci vitse-prezidenti Mehriban Əliyeva COVID-19 xəstəliyindən müalicəsi davam edən Əməkdar artist Bəhram Bağırzadə ilə telefonla danışıb.

Sputnik Azərbaycan APA-ya istinadən bildirir ki, Əməkdar artistə tezliklə sağalmağı arzulayan Mehriban Əliyeva ölkəmizdə COVID-19-la mübarizədə, xəstələrin müalicəsində Azərbaycan həkimlərinin, tibb işçilərinin fədakar əməyini xüsusilə qeyd edib.

Bəhram Bağırzadə onun müalicəsi üçün göstərilən dəstək və səylərə görə Birinci vitse-prezident Mehriban Əliyevaya təşəkkürünü bildirib. Tezliklə sağalacağına inandığını deyən Bəhram Bağırzadə hər zaman Prezident İlham Əliyevin və Birinci vitse-prezident Mehriban Əliyevanın dəstəyini hiss etdiyini qeyd edib.

Xatırladaq ki, koronavirusa yoluxan və xüsusi rejimli xəstəxanaya yerləşdirilən Bəhram Bağırzadənin vəziyyəti bir müddət ağırlaşmışdı. Aparılan intensiv müalicə nəticəsində Əməkdar artistin səhhətində artıq müsbət dinamika və stabilləşmə qeydə alınıb.

15
Əlaqədar
Bəhram Bağırzadə komadan ayıldı
Bəhram Bağırzadədən xəbər var - bugünkü rentgen müayinəsi ümidvericidir
Bəhram Bağırzadə barədə xoş xəbər: Artıq aktiv hərəkətlər edir
Rusiyalı baş infeksionist: "Azərbaycan azacıq bizim səhvimizi təkrarladı" - MÜSAHİBƏ
Xalq artisti Nəzakət Teymurova, arxiv şəkli

Səhnəmizin Leylisi koronavirusa yoluxub, vəziyyəti ağırdır

300
(Yenilənib 14:59 12.07.2020)
"Nəzakət Teymurovanın vəziyyəti çox ağırdır. Hazırda xəstəxanaya yerləşdirilib. Amma necə olursa-olsun, onun virusa qalib gələcəyinə əminəm"

BAKI, 12 iyul — Sputnik. Azərbaycan Dövlət Akademik Opera və Balet Teatrının solisti, Azərbaycan Respublikasının Xalq artisti, Prezident mükafatçısı Nəzakət Teymurova koronavirusa yoluxub.

Sputnik Azərbaycan bildirir ki, bu barədə Hacı Nuran sosial şəbəkədə yazıb.

"Onun koronavirusa yoluxduğunu eşidəndə qulaqlarıma inanmadım. Axı Nəzakət Teymurova çox ehtiyatlı idi. Amma nə edəsən ki, reallıq öz sözünü deyir və bizim medianın da gözündən heç nə yayınmır. Nəzakət Teymurovanın vəziyyəti çox ağırdır. Hazırda xəstəxanaya yerləşdirilib. Amma necə olursa-olsun, onun virusa qalib gələcəyinə əminəm. Çünki bir qarabağlı qızı koronaya elə-belə təslim ola bilməz. Azərbaycan muğam sənətinin bənzərsiz səsi olan, səhnəmizin Leylisinin bu gün tamaşaçılarının, doğmalarının, dostlarının dualarına ehtiyacı var. Allah səni sevdiklərin üçün qorusun, gözəl insan", - deyə Hacı Nuran qeyd edib.

300
Həkim, arxiv şəkli

Həkimlərin təşkilatına ittiham: irqçidirlər

0
(Yenilənib 22:52 12.07.2020)
“Sərhədsiz həkimlər” humanitar təşkilatının əsası 1970-ci illərin əvvəllərində qoyulub. O, hərbi münaqişə zonalarında tibbi yardımın göstərilməsi üzrə ixtisaslaşıb.

BAKI, 12 iyul — Sputnik. “Sərhədsiz həkimlər” beynəlxalq humanitar təşkilatının minədək sabiq və hazırkı əməkdaşı açıq məktub yazaraq təşkilatı institusional irqçilikdə ittiham edib.

Sputnik Azərbaycan bildirir ki, bu barədə The Guardian yazır.

Məktubda deyilir ki, “Sərhədsiz həkimlər”in rəhbərliyi korporativ mədəniyyətin, işə qəbul təcrübəsinin və “kiçik qrup imtiyazlı ağ adamların rəhbərlik etdiyi qeyri-insani proqramların” dəstəklədiyi irqçiliyin miqyasını dərk etmir.   

Məktuba imza atanlar təşkilatda müstəqil araşdırma aparılmasına, eləcə də “dəyişilməz rəhbərlik və paternalizmi” aradan qaldıracaq islahatların edilməsinə çağırırlar.

Bundan başqa, iradların sırasında təşkilatın iyerarxik quruluşu və bütün idarəçiliyin qərb ölkələrinin əlində olması yer alır.

Belə ki, 2019-cu ildə təşkilatda 65 min əməkdaş çalışırmış, bunların 90%-i isə təşkilatın işlədiyi zonalardakı lokal heyət olub. Bütün idarəçilər isə həmin dövrdə qərb ölkələrində olublar.

“Sərhədsiz həkimlər” humanitar təşkilatının əsası 1970-ci illərin əvvəllərində qoyulub. O, hərbi münaqişə zonalarında tibbi yardımın göstərilməsi üzrə ixtisaslaşıb.

0
Əlaqədar
Qəflətən: ABŞ-dakı qaradərili hərəkatına Rus Pravoslav Kilsəsindən irad
“Heykəl müharibəsi”: bu günün qəhrəmanı sabah zibillikdə yer ala bilər
Anqlikan kilsəsi İsa peyğəmbərin qaradərili olduğunu bəyan edib və onun təsvirlərini yayıb
Qaradərilinin qətli dondurmanın adını dəyişdirdi
BMT baş katibi Antonio Quterreş videomüraciət yayıb