Amaliya Pənahova və Hüsniyyə Mürvətova

Amaliya Pənahovanın ölümündən sonra üzə çıxan faktlar həmkarlarını da heyrətə salıb

15702
(Yenilənib 12:58 08.11.2018)
“İki il idi ki, onun xərçəng onkoloji xəstəlikdən əziyyət çəkdiyini öyrənmişdik, lakin xərçəngin hansı növündən əziyyət çəkməsi haqda məlumatımız olmayıb"

Nigar Məhərrəm, Sputnik Azərbaycan.

BAKI, 8 noyabr — Sputnik. Bu gün səhər saatlarında dünyasını dəyişən Xalq artisti Amaliya Pənahova Bakının Yasamal rayonunda, “Qurd Qapısı” qəbirstanlığında dəfn olunacaq. 

Bu barədə Sputnik Azərbyacan-a Bakı Bələdiyyə Teatrının aktyoru Tural Baxşı məlumat verib. Onun sözlərinə görə, aktrisa həyat yoldaşı Yusif Muxtarovun yanında torpağa tapşırılacaq.

T.Baxış Xalq artistinin barəsində əksəriyyətin bilmədiyi faktlar da açıqlayıb. Bildirib ki, Amaliya Pənahova xərçəng xəstəliyinə görə xarici ölkədə də müalicə alıb.

Aktyor Amaliya Pənahova haqqında daha sonra bunları deyib: “İki il idi ki, onun xərçəng onkoloji xəstəlikdən əziyyət çəkdiyini öyrənmişdik. Lakin xərçəngin hansı növündən əziyyət çəkməsi haqda məlumatımız olmayıb. Çünki ailəsi bu məlumatların yayılmasını istəmirdi, ona görə də belə informasiyalar gizlin saxlanılırdı. Sadəcə onu bilirik ki, xəstəliyi ilə əlaqədar müalicə üçün tez-tez xaricə gedirdi”.

T.Baxış əlavə edib ki, aktrisanın xaricdə yaşayan oğluna da anasının vəfatı haqda məlumat verilib: “Hazırda aktrisanın qızı Bakıdadır. Xaricdə yaşayan oğlunun isə gəlişi gözlənilir”.

Aktyorun sözlərinə görə, direktoru olduğu Bakı Bələdiyyə Teatrındakı tamaşanın premyerasına qatıla bilməməsi aktrisanı son ayda ən çox üzən hadisə olub: “Premyera zamanı zəng edib, təqdimatda iştirak etmədiyi üçün çox üzüldüyünü bildirmişdi. Çox kövrəlmişdi. Deyirdi, teatr qurulandan bu günə ilk dəfədir ki, təqdimat mərasimində iştirak edə bilmir. Həmin vaxt kimyaterapiya qəbul etdiyi üçün təqdimatda iştirak edə bilməmişdi”.

Tural Baxış Xalq artistinin harada dəfn olunacağı ilə bağlı isə hələ ki, bir qərarın verilmədiyini bildirib. 

Sputnik Azərbaycan-a danışan Xalq artistinin sənət yoldaşları da onun vəfat xəbərindən sarsılıb. Xalq artisti Rasim Balayevə açıqlamasında, müxtəlif rollarda tərəf müqabili olan Amaliya Pənahovanın ölümündən sarsıldığını deyib: “Hazırda Türkiyədə müalicə alıram. Bir müddətdir ki, Ankarada müalicə olunduğum üçün bəzi hadisələrdən xəbərsiz oluram. Xəbəri sizdən eşitdim, üzüldüm”.

Bəstəkar Faiq Sücəddinov da üzüntüsünü bölüşüb: “Bu yaxınlarda telekanalların birinin qonağı olmuşdu. Hər zamankı kimi o zaman da gülərüz idi.  Bu xanımda böyük ruh yüksəkliyi vardı. Heyif”.

Bəstəkar aktrisanın xəstəliyindən xəbərsiz olduğunu da söyləyib: “O, xərçəng idi? Heç zaman onun xərçəng olduğunu eşitməmişəm. Sadəcə, bu xəbərə çox üzülürəm”.

Xalq artisti Flora Kərimovanın reaksiyası isə belə olub: “Bu xəbərə çox üzüldüm. Ölüm onu tez apardı. 1945-ci il təvəllüdlü idi. Nə yaşı vardı ki?!"

Aktrisanın ölümü ilə bağlı millət vəkili Aydın Mirzəzadə də üzüntüsünü dilə gətirib: “Xalq artistimiz Amaliya xanım Pənahovanın dünyasını dəyişməsinə çox üzüldüm. Onu şəxsən tanıyırdım. Böyük sənətkar, gözəl insan idi. Allah rəhmət eləsin”.

15702
Teqlər:
Vəfat, ölüm, Azərbaycanın xalq artisti, Amaliya Pənahova
Əlaqədar
Amaliya Pənahovanın hansı şəraitdə və nədən dünyasını dəyişdiyi məlum oldu
Xalq artisti Amaliya Pənahova vəfat edib
Gəncədə vəziyyət

Məşhur türk müğənni konsertindən gələn gəliri gəncəlilərə bağışlayacaq

314
(Yenilənib 23:15 21.10.2020)
Ayhan Ulu (Pau) “Twitter” hesabında Gəncəylə bağlı paylaşımları ilə diqqət çəkib. O, erməniləri müdafiə edən eks-model Tuğba Özayla da dava edib

BAKI, 21 oktyabr — Sputnik. Ötən həftə Azərbaycanın ikinci böyük şəhəri sayılan Gəncədə ermənilərin törətdiyi 3-cü terror hadisəsinin qurbanları  dünyanın bir çox ölkələrində anılıb. Bundan başqa, Türkiyənin məşhur sənət adamları da buna səssiz qalmayıblar. Sputnik Azərbaycan xəbər verir ki, sözügedən ölkənin ulduzu Ayhan Ulu (Pau)  da “Twitter” hesabında Gəncəylə bağlı paylaşımları ilə diqqət çəkib. O, erməniləri müdafiə edən eks-model Tuğba Özayla da dava edib.

Bundan başqa, İzmirin məşhur ifaçılarından olan Pau bir neçə konsertinin gəlirini Gəncə qətliamından zərər görən şəxslərə bağışlayacağını bildirib: "Gələn həftə konsertlərimdən götürəcəyim gəliri Gəncə xalqına bağışlayacağam. Həmişə yanınızdayam. Azərbaycana hər zaman dəstək verəcəyəm".

Qeyd edək ki, Türkiyənin dünya şöhrətli müğənnisi, meqastar Tarkan da Gəncədə baş verən terrora səssiz qalmayıb. O,  “Instagram” hesabında ermənilərin Gəncəyə xain hücumunu pisləyən paylaşım edib.

“Dualarım qardaş ölkə Azərbaycanladır. Xain hücumlarda həyatını itirənlərə allahdan rəhmət, ailə və yaxınlarına başsağlığı, yaralılara şəfa diləyirəm. Çox kədərliyəm. Qəlbim Azərbaycan xalqı ilədir”, - ulduz müğənni qeyd edib.

314
Teqlər:
dəstək, konsert, müğənni, məşhurlar, Türkiyə, ölənlər və yaralılar, erməni təxribatı, raket zərbələri, Gəncə
Mövzu:
Azərbaycan və Ermənistan arasında müharibə
Əlaqədar
Erməni terrorunun qurbanları dünyanın dörd bir yanında anıldı
Qəlbimiz Azərbaycanla döyünür - Türkiyə müxalifətinin lideri
Gəncə istiqamətində Ermənistanın PUA-sı məhv edildi
Bir gecədə üç nəvəsini itirən Sənayət nənə: “Ləman bu il tələbə olacaqdı” – video
Türk ulduzları Gəncə terroruna səssiz qalmayıblar
Televizora baxan adam, arxiv şəkli

Məşhur serialdan Azərbaycana dəstək

116
(Yenilənib 19:16 21.10.2020)
"Canımız, qanımız, Azərbaycanımız, qardaşlarımız bir mübarizə içindədirlər. 30 illik zülmə bəsdir deyirlər"

BAKI, 21 oktyabr — Sputnik. Azərbaycanlıların da sevə-sevə izlədiyi Türkiyənin məşhur "Kalk Gidelim" serialında Azərbaycan haqda bəhs edilib.

Sputnik Azərbaycan xəbər verir ki, TRT-də yayımlanan ekran işində Azərbaycanın işğalçı Ermənistanla savaşından söz açılıb.

Serialın 125 bölümündə Seyfeddin Dal obrazını canlandıran aktyor Ufuk Özkan bu sözləri deyib:

"Cümhuriyyət rahat qurulmadı. Türk 1920-də də vətənini müdafiə etdi, indi də edir. Canımız, qanımız, Azərbaycanımız, qardaşlarımız bir mübarizə içindədirlər. 30 illik zülmə bəsdir deyirlər. Davalarında haqlıdırlar. Bunu bütün dünya belə bilsin".

Daha sonra isə ekran işində Xalq artisti Azərinin "Çırpınırdı Qara dəniz" mahnısı səsləndirilib.

116
Teqlər:
serial, dəstək, Azərbaycan, Türkiyә, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Məşhur türk sənətkarının ifasında "Qarabağ türküsü" səsləndirildi
Ərdoğan yenə Azərbaycana dəstək verdi: Bizə uzadılan hər bir əli kəsirik və kəsəcəyik!
Türk ulduzları Gəncə terroruna səssiz qalmayıblar
"Qərarlarınızı heçə sayan Ermənistanı mühakimə etməyəcəksinizsə, nəyi edəcəksiniz?!"
Nyu-Yorkdakı Azərbaycan Ordusuna dəstək aksiyasından görüntülər

Paytaxt yenə dizenfeksiya olunacaq

0
Maddələrin qəbul olunmuş müəyyən toksikliyini nəzərə alaraq sakinlərdən ciddi zərurət yaranmadığı təqdirdə qeyd olunan tarixlərdə küçəyə çıxmamaq xahiş olunur

BAKI, 23 oktyabr — Sputnik. Son günlərdə COVID-19-a yoluxanlarının sayının artması nəzərə alınaraq oktyabr ayının 24 və 25-də kommunal xidmətlərin xüsusi texnikası və əməkdaşları tərəfindən Bakı şəhəri üzrə əsas küçə, prospekt və yollarda xüsusi kimyəvi maddələrlə növbəti dəfə əlavə gücləndirilmiş dezinfeksiya işləri aparılacaq.

Bu barədə Sputnik Azərbaycan-a Bakı Şəhər İcra Hakimiyyətindən məlumat verilib.

Bildirilib ki, bununla əlaqədar maddələrin qəbul olunmuş müəyyən toksikliyini nəzərə alaraq sakinlərdən ciddi zərurət yaranmadığı təqdirdə qeyd olunan tarixlərdə küçəyə çıxmamaq xahiş olunur.

0
Teqlər:
Bakı, dezinfeksiya, Koronavirus, epidemiya, COVID-19
Mövzu:
Azərbaycanda koronavirus: son xəbərlər