Helouin üçün hazırlanmış balqabaq

Ölkəmizə əcnəbi "cadugərlər" ayaq açıb: Onlara qoşulanlar da var, qorxudan qaçanlar da

6409
(Yenilənib 16:32 31.10.2018)
Bəs siz Azərbaycanda başqa mədəniyyətə xas olan bir bayramın qeyd olunmasını necə qarşılayırsınız?

Təranə Xudabaxşiyeva, Sputnik Azərbaycan

BAKI, 31 oktyabr — Sputnik. Azərbaycan xalqı il boyu bir çox bayramları qeyd edir. Bu, həm dövlət bayramlarıdır, həm milli adət-ənənələrə söykənən, həm də İslam dininə xas olan bayramlardır.

Son zamanlar isə məktəb və liseylərimizdə, həmçinin bir çox şirkətlərdə ingilisdilli xalqların xüsusi təntənə ilə qeyd etdiyi Halloven (Halloween) bayramının keçirilməsi dəb halını alıb. "Cadugərlər bayramı"nın ölkəmizdə qeyd olunması insanlar tərəfindən birmənalı qarşılanmır. Bəziləri bu bayramı qəbul etsə də, bir qismi, əsasən, Avropa və Amerikada keçirilən bu bayramı pisləyir.

Bu gün - 31 oktyabr paytaxtın bəzi müəssisələrində sözügedən bayram qeyd olunub. Sputnik Azərbaycan sosial şəbəkə istifadəçiləri arasında sorğu keçirib. İstifadəçilərə sual olunub ki, Azərbaycanda başqa mədəniyyətə xas olan bir ənənənin, yəni Halloven bayramının kütləvi şəkildə keçirilməsini necə qarşılayırsınız? Və ümumiyyətlə, bu bayramı qeyd edirlərmi?

Beləliklə:

Nigar Məhərrəmova: "Bu bayramın Azərbaycanda da keçirilməsini normal qarşılayıram. Düşünürəm ki, həm böyüklər, həm də kiçiklər üçün əyləncəlidir".

Aygün İlqarqızı: "Məncə, Halloven maraqlı bayramdır. Sadəcə mən bu bayram obrazlarından qorxuram. Vampir geyimində kimisə görəndə çox qorxuram".

Arzu Umud: "Mən gözəllik aşiqiyəm. Adi qorxunc şəkillər görəndə belə, onlara baxmıram. Bir dəfə Halloven partidə aparacılıq təklifi almışdım. Çox düşündüm, mənim yerim olmadığını düşünüb, təklifə rədd cavabı verdim. Təsəvvür edəndə ki, həmin bayram üçün hazırlanan şirniyyatlar və içkilər belə, iyrənc və qorxuncdur, bundan necə zövq almaq olar? Mənim düşüncəmə görə, qorxunun bayramı olmaz".

Sənubər Ümidova: "Əlbəttə, belə bayramlar da keçirilməlidir. Dərinliyə baxanda, yeni il bizim ənənəvi bayram deyil. Amma illərlə artıq bizim doğma bayramımıza çevrilib. Eynilə də Halloven bayramı. Gün gələcək, bu bayram da bizdə təntənə ilə qeyd ediləcək".

Fərqanə Mehmanqızı: "Halloven maraqlı və gülməli bir əhval-ruhiyyə yaradır. İnsan həmişə can atdığı "sehrli" obraza girir həmin gün. Bu bayram vasitəsi ilə hər kəsin daxilindəki ruh halını bilmək olur. Bayramda kim hansı obrazı seçirsə, daxilindəkini o obraz vasitəsi ilə göstərir. Bayramın mənə görə maraqlı tərəfi budur. İnsanların iç dünyalarını kəşf edə bilirəm. O ki qaldı bayramın kütləvi hal almasına, bu isə, həmrəylik psixologiyasından irəli gəlir. Məqsəd - "hamı edir, mən də edim" olmamalıdır.

Günel Eminzadə: "Mən ancaq Novruz bayramını qeyd edirəm. Bir də Müstəqillik, Cümhuriyyət günlərini. Digər bayramlar mənim üçün yoxdur və qeyd etmirəm".

Ramin Sadıqzadə: "Gündə bir bayram kəşf edirlər. İmkan var, bayram keçirək? Əmək haqqımız bu növbəti maaşa güclə çatır. Belə bayramların əleyhinəyəm".

Vüsal Qarayev: "Bu bayramın keçirilməsini normal qarşılayıram. Doğrudur, evdə bu bayramı qeyd etmirik. Sadəcə, etiraz edəcək bir bayram deyil. İstəyən keçirə bilər".

6409
Teqlər:
Azərbaycan, cadugər, Halloven bayramı, Halloween bayramı, bayram
Əlaqədar
Qurban bayramında 75 cinayət törədildi
Futbol bayramı gəlir, “Qarabağ”ın təqvimi bilindi
Dəmir yolu işçilərinin peşə bayramı qeyd olundu
Bakının mərkəzində yemək bayramı: “Ye, iç, kef elə!”
Aktyor Şon Konneri Ceyms Bond rolunda, arxiv şəkli

Tarixdəki ən yaxşı Ceyms Bondun adı açıqlandı

21
(Yenilənib 13:34 11.08.2020)
Bondiana filmlərinin ən yaxşı agent 007-sinin seçilməsi üçün sorğu keçirilib. Şon Konneri bütün rəqiblərini geridə qoyub.

BAKI, 11 avqust — Sputnik. Həftəlik RadioTimes-in öz oxucuları arasında keçirdiyi səsvermə zamanı "Agent 007" filminin pərəstişkarları britaniyalı aktyor Şon Konnerini tarixin ən yaxşı Ceyms Bondu seçiblər.

Nəşrin məlumatına görə, sorğuda 14 mindən çox fanat öz fikirini bildirib. Birinci raundda Konneri 56 faiz səs yığaraq, 43 faiz səs toplayan fəaliyyətdə olan agent 007-ni, ingilis aktyoru Daniel Kreyqi geridə qoyub.

İkinci raundda ingilis Pirs Brosnan qalib gəlib. O, avstraliyalı aktyor Corc Lezenbini geridə qoyaraq səslərin 76 faizini qazanıb. Lezenbi isə cəmi 24 faiz səs toplayıb.

Üçüncü raund ən gözlənilməz olub, çünki oxucuların 41 faizinin səsini toplayan Rocer Mur, 49 faiz səs yığan varisi Timoti Daltona uduzub.

Beləliklə, finalda Şon Konneri Dalton və Brosnanla qarşılaşaraq 44 faiz səslə qalib gəlib. İkinci yeri 32 faizlə Dalton qazanıb. Brosnan isə 23 faizlə səslə "bürünc"ü əldə edib.

Şon Konneri kinoda ilk agent 007 olub. O, Bondiananın beş filmində çəkilib: "Doktor Nou" (1962-ci il), "Rusiyadan məhəbbətlə" (1963-cü il), "Qoldfinger" (1964-cü il), "Kürəvi ildırım" (1965-ci il) və "Yalnız iki dəfə yaşayırsan" (1967-ci il).

21
Qadın güzgüyə baxır, arxiv şəkli

Estetik əməliyyat etdirən ulduz büsbütün dəyişdi

58
(Yenilənib 23:15 10.08.2020)
Müğənninin bu dəyişimi sosial şəbəkələrdə geniş müzakirə obyektinə çevrilib. Onun bu addımı pərəstişkarlarını məyus edib.

BAKI, 10 avqust — Sputnik. "Adam Gibi Adam", "Katmer Katmer" ve "İhanetin Bekçisi" və s. mahnıları ilə tanınan türkiyəli müğənni Lara keçirdiyi estetik əməliyyatlar nəticəsində tanınmaz hala gəlib.

2000-ci illərdə Türkiyədə məşhurlaşan 41 yaşlı müğənninin xeyli sayda əməliyyat etdirdiyi bildirilir.

Посмотреть эту публикацию в Instagram

Публикация от LARA (@lara.official)

İzləyicilərinin belə tanımaqda çətinlik çəkdiyi Laranın hətta göz rəngini belə əməliyyatla dəyişdirdiyi iddia edilib.

Посмотреть эту публикацию в Instagram

Публикация от LARA (@lara.official)

Müğənninin bu dəyişimi sosial şəbəkələrdə geniş müzakirə obyektinə çevrilib. Onun bu addımı pərəstişkarlarını məyus edib.

58
Əlaqədar
Azərbaycanlı müğənni həyatdan tez getmiş reperlərə yeni trek həsr edib
Ulduzlarımız karantində Bakıdan Türkiyəyə qaçırlar
Canet Cekson azərbaycanlı müğənniyə təşəkkür edib: Mahnımı gözəl oxuyursan
Bakı "YouTube"dan Azərbaycan xalq mahnısını mənimsəmiş kanalların bağlanmasını tələb edir
Mehdiabad qəsəbəsində antisanitariya

Bakıda bələdiyyənin əməkdaşı cərimə edildi

0
(Yenilənib 23:33 11.08.2020)
Mehdiabad Bələdiyyəsinin əməkdaşı Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

BAKI, 11 avqust — Sputnik. Daxili İşlər Nazirliyinin Baş İctimai Təhlükəsizlik İdarəsi Ekologiya və Təbii Sərvətlər Nazirliyinin müvafiq qurumları ilə birgə sanitariya-gigiyena qaydalarının pozulması hallarının qarşısının alınması məqsədilə reydlər keçiriblər.

Sputnik Azərbaycan Daxili İşlər Nazirliyinin məlumatına istinadla xəbər verir ki, avqustun 6-da keçirilən reydlər zamanı Abşeron rayonunun Mehdiabad qəsəbəsində yerləşən "Şok Market"in yaxınlığında və Binəqədi rayonu Binəqədi gölü ərazisində məişət tullantılarının qalaqlanması və yandırılması faktları aşkar edilib.

İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduqlarına görə Mehdiabad Bələdiyyəsinin əməkdaşı, qəsəbə sakini Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

Bu istiqamətdə tədbirlər davam etdirilir.

0