Nəsrin Cavadzadə

Türkiyəlilər azərbaycanlı aktrisanı "ağ yuyub qara sərdilər"

1689
(Yenilənib 15:58 18.10.2018)
Türkiyəli sosial şəbəkə istifadəçiləri Fransanın Kann şəhərində keçirilən Beynəlxalq Kommunikasiya Proqramları Bazarı sərgisində iştirak edən azərbaycanlı aktrisa Nəsrin Cavadzadəni lağa qoyublar.

BAKI, 18 oktyabr — Sputnik. Türkiyəli sosial şəbəkə istifadəçiləri Fransanın Kann şəhərində keçirilən Beynəlxalq Kommunikasiya Proqramları Bazarı sərgisində iştirak edən azərbaycanlı aktrisa Nəsrin Cavadzadəni lağa qoyublar.

Bu barədə Sputnik Azərbaycan Cavadzadənin "Instagram" sosial şəbəkəsində paylaşılmış şəklinə yazılan şərhlər əsasında xəbər verir. "Baymagazin" İnstagram hesabında Cavadzadənin Kannda parlaq qızılı rəngdə paltarda çəkilmiş şəklini paylaşaraq sual verib ki, "sizcə bu geyim gözəlmi, gülüncmü?" İzləyicilərin əksəriyyəti onun geyiminin, saç düzümünün bərbad və gülünc olduğunu, bu cür gözəl qızın özünü necə də pis hala saldığını yazıblar.

Qeyd edək ki, sözügedən sərgi dünya televiziya sənayesinin vacib hadisələrindən biridir. Cavadzadənin bu tədbirdə iştirakı onun Netflix şirkətinin istehsalı olan "Kağız ev" serialında oynadığı rolla bağlıdır. Orada aktrisa İstanbul adlı qızın obrazını canlandırır.

Cavadzadə festivalda məşhur türk "Sudi Etuz" markasından olan qızılı rəngli geyim geyinib. Türkiyə KİV-ləri onun stilini yüksək qiymətləndirib və qeyd ediblər ki, Cavadzadə tədbirdə öz geyimi ilə əsl hadisə yaradan sıçrayış edib. Lakin türk sosial şəbəkə istifadəçiləri bunun əksini düşünürlər. Onlar aktrisanın seçimini qətiyyən bəyənməyiblər.

Nəsrin Cavadzadə məşhur Azərbaycan akademiki Mirməmməd Cavadzadənin nəvəsidir. Hazırda aktrisa Türkiyədə yaşayır. O, bir çox türk filmləri və seriallarda çəkilib. "Yaxşı günlər qabaqdadır" və "Quzu" filmlərində oynadığı rollara görə, Cavadzadə iki dəfə Türkiyənin məşhur "Qızıl portağal" kino mükafatına layiq görülüb. O, "İkinci planda ən yaxşı qadın roluna" və "Ən yaxşı qadın roluna görə" nominasiyalarında "Qızıl portağal"ı qazanıb.

1689
Teqlər:
azərbaycanlı aktrisa Nəsrin Cavadzadə, Fransa, Türkiyə, sosial şəbəkə
Əlaqədar
Məşhur aktrisa həbs ediləcək
Populyar serialın aparıcı aktrisası filmdən qovuldu
Ağcaqanadın sancdığı aktrisa ağır xəstəliyə düçar olub - VİDEO
Azərbaycanlı milyonçudan türkiyəli məşhur aktrisaya şok təklif: Bir gecənə bir milyon...
Aktyor Şon Konneri Ceyms Bond rolunda, arxiv şəkli

Tarixdəki ən yaxşı Ceyms Bondun adı açıqlandı

21
(Yenilənib 13:34 11.08.2020)
Bondiana filmlərinin ən yaxşı agent 007-sinin seçilməsi üçün sorğu keçirilib. Şon Konneri bütün rəqiblərini geridə qoyub.

BAKI, 11 avqust — Sputnik. Həftəlik RadioTimes-in öz oxucuları arasında keçirdiyi səsvermə zamanı "Agent 007" filminin pərəstişkarları britaniyalı aktyor Şon Konnerini tarixin ən yaxşı Ceyms Bondu seçiblər.

Nəşrin məlumatına görə, sorğuda 14 mindən çox fanat öz fikirini bildirib. Birinci raundda Konneri 56 faiz səs yığaraq, 43 faiz səs toplayan fəaliyyətdə olan agent 007-ni, ingilis aktyoru Daniel Kreyqi geridə qoyub.

İkinci raundda ingilis Pirs Brosnan qalib gəlib. O, avstraliyalı aktyor Corc Lezenbini geridə qoyaraq səslərin 76 faizini qazanıb. Lezenbi isə cəmi 24 faiz səs toplayıb.

Üçüncü raund ən gözlənilməz olub, çünki oxucuların 41 faizinin səsini toplayan Rocer Mur, 49 faiz səs yığan varisi Timoti Daltona uduzub.

Beləliklə, finalda Şon Konneri Dalton və Brosnanla qarşılaşaraq 44 faiz səslə qalib gəlib. İkinci yeri 32 faizlə Dalton qazanıb. Brosnan isə 23 faizlə səslə "bürünc"ü əldə edib.

Şon Konneri kinoda ilk agent 007 olub. O, Bondiananın beş filmində çəkilib: "Doktor Nou" (1962-ci il), "Rusiyadan məhəbbətlə" (1963-cü il), "Qoldfinger" (1964-cü il), "Kürəvi ildırım" (1965-ci il) və "Yalnız iki dəfə yaşayırsan" (1967-ci il).

21
Qadın güzgüyə baxır, arxiv şəkli

Estetik əməliyyat etdirən ulduz büsbütün dəyişdi

58
(Yenilənib 23:15 10.08.2020)
Müğənninin bu dəyişimi sosial şəbəkələrdə geniş müzakirə obyektinə çevrilib. Onun bu addımı pərəstişkarlarını məyus edib.

BAKI, 10 avqust — Sputnik. "Adam Gibi Adam", "Katmer Katmer" ve "İhanetin Bekçisi" və s. mahnıları ilə tanınan türkiyəli müğənni Lara keçirdiyi estetik əməliyyatlar nəticəsində tanınmaz hala gəlib.

2000-ci illərdə Türkiyədə məşhurlaşan 41 yaşlı müğənninin xeyli sayda əməliyyat etdirdiyi bildirilir.

Посмотреть эту публикацию в Instagram

Публикация от LARA (@lara.official)

İzləyicilərinin belə tanımaqda çətinlik çəkdiyi Laranın hətta göz rəngini belə əməliyyatla dəyişdirdiyi iddia edilib.

Посмотреть эту публикацию в Instagram

Публикация от LARA (@lara.official)

Müğənninin bu dəyişimi sosial şəbəkələrdə geniş müzakirə obyektinə çevrilib. Onun bu addımı pərəstişkarlarını məyus edib.

58
Əlaqədar
Azərbaycanlı müğənni həyatdan tez getmiş reperlərə yeni trek həsr edib
Ulduzlarımız karantində Bakıdan Türkiyəyə qaçırlar
Canet Cekson azərbaycanlı müğənniyə təşəkkür edib: Mahnımı gözəl oxuyursan
Bakı "YouTube"dan Azərbaycan xalq mahnısını mənimsəmiş kanalların bağlanmasını tələb edir
Mehdiabad qəsəbəsində antisanitariya

Bakıda bələdiyyənin əməkdaşı cərimə edildi

0
(Yenilənib 23:33 11.08.2020)
Mehdiabad Bələdiyyəsinin əməkdaşı Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

BAKI, 11 avqust — Sputnik. Daxili İşlər Nazirliyinin Baş İctimai Təhlükəsizlik İdarəsi Ekologiya və Təbii Sərvətlər Nazirliyinin müvafiq qurumları ilə birgə sanitariya-gigiyena qaydalarının pozulması hallarının qarşısının alınması məqsədilə reydlər keçiriblər.

Sputnik Azərbaycan Daxili İşlər Nazirliyinin məlumatına istinadla xəbər verir ki, avqustun 6-da keçirilən reydlər zamanı Abşeron rayonunun Mehdiabad qəsəbəsində yerləşən "Şok Market"in yaxınlığında və Binəqədi rayonu Binəqədi gölü ərazisində məişət tullantılarının qalaqlanması və yandırılması faktları aşkar edilib.

İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduqlarına görə Mehdiabad Bələdiyyəsinin əməkdaşı, qəsəbə sakini Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

Bu istiqamətdə tədbirlər davam etdirilir.

0