Depressiyada olan qadın

Xalqın sənətkara pul, ev, maşın borcu yoxdur

6591
(Yenilənib 18:46 03.10.2018)
Nə haqqın var "mən illərimi bu sənətə və xalqa xidmət etməklə keçirmişəm" deyib, həm sənətə, həm də xalqa minnət qoymağa?

BAKI, 3 oktyabr — Sputnik. Son illər sürətlə yayılan xəstəliklər sənət adamlarını da caynağına alıb. Maddi sıxıntılar içində olan sənət adamları öz can dərdlərinə çarə qılmağa pul tapa bilməyincə, üz tuturlar xalqa. Görən də elə bilər ki, bunlar hansısa fövqəladə zəngin xalqın yoxsul sənətkarlarıdır.

Əvvəla, bir xalqın sənətkarı öz can ağrısını sağaltmağa pul tapmırsa, deməli o xalq da həmin vəziyyətdədir. Axı sənətkar öz mühitinin güzgüsüdür. Bəs xəstələnən kimi efirdən xalqa səslənən, mərhəmət uman, kömək istəyən bu sənət adamları hansı üzlə belə hay-həşir salırlar?

Soruşan lazımdır ki, sən, bir sənətkar kimi, öz xalqının dərdini nə vaxt dilə gətirmisən? Heç vaxt! Ümumiyyətlə, sən əsl sənətlə yox, öz maddi mənfəətlərinə uyğunlaşdırılmış sənətlə məşğul olmusan. Bəs indi nə haqla bu xalqdan kömək istəyirsən?

Nəhayət, xalq sənə niyə kömək etməlidir? Sənətə, xalqa və bütün bəşərə xidmət etmək sənin sənətkar borcundur. Nə haqqın var "mən illərimi bu sənətə və xalqa xidmət etməklə keçirmişəm" deyib, həm sənətə, həm də xalqa minnət qoymağa? Sən bir istedadla doğulmusansa, bu istedadın sənin üzərində bir məsuliyyəti var. Bu məsuliyyət də mümkün olduğu qədər çox insana mənəvi və zehni inkişaf bəxş etməkdən ibarətdir.

Xalqın öhdəsinə düşən isə səni alqışlamaq, sənə hörmət və rəğbət bəsləmək, sənin yoxluğunda da səni ehtiramla anmaqdır. Axı sənə ev almaq, maşın almaq, səni lüks malikanələrdə saxlamaq bu xalqın borcu deyil. Bunları sənə sənin məşğul olduğun sənət qazandırmalıdır.

Əgər fərqində olduğun qədər böyük bir sənətlə məşğulsansa və bu böyüklük sənə zərrə qədər də maddi rahatlıq verməyibsə, bunun səbəblərini özün düşün. Əgər bunu bacarmırsansa, o zaman sus!

Söhbət, təkcə son zamanlar bu mövzu ilə gündəmdə olan aktrisa Tünzalə Əliyevadan getmir. Ayağı bir yerdə büdrəyən kimi efirə çıxıb xalqdan kömək istəyən bütün sənət və elm adamlarından danışıram.

İllər əvvəl Xanım Qafarova uzun müddət xərçəngdən əziyyət çəkdi. Hətta, hər iki gözü tamamilə sıradan çıxmışdı və əməliyyat olunmuşdu. Şahidəm ki, Xanım Qafarova həftənin beş günü teatra gəlib məşq edəndə, tamaşa oynayanda, hər dəfə səhnəyə çıxmazdan əvvəl salfetlə gözündən axan qanı silərdi və məşqə çıxar, rolunu ifa edərdi. Həm xərçəngin, həm də gözünün müalicəsi vardı. Xanım Qafarovanın isə bununçün pulu yox idi. Buna rəğmən, bircə dəfə də efirə çıxıb xalqdan nəsə dilənmədi.

Fuad Poladov kimi kino və teatr nəhəngi xərçəng xəstəliyindən həyatını itirdi. Ümumiyyətlə, bu xalq onun xərçəng xəstəsi olduğunu aktyorun ömrünün son aylarında öyrəndi. Çünki o, bunu dilinə də gətirməmişdi. Hərçənd, onun da müalicəsi vardı və bu müalicə üçün pulu yox idi. Heç kimdən də heç nə ummurdu.

Xanım Qafarova da, Fuad Poladov da yaşamaq istəyirdilər. Mən əminəm ki, onların ikisinin də çoxlu arzuları var idi və həyat onlar üçün də kifayət qədər şirin idi. Amma onlar böyük bir həqiqətin fərqində idilər: əgər sənətkara dəyər verə bilən bir mühit yoxdursa, deməli, o sənətkarlar bu mühiti yarada bilməyiblər.

Onların belə acınacaqlı tale yaşamalarında və amansız ölümlərində həm də özləri günahkar idilər. Çünki onların mühitində sənət və sənətkarlar bütün boyunduruqlara sorğu-sualsız tabe idi. Haqqın, həqiqətin carçısı olan sənət insanı öz haqqını tələb etməyi bacarmırdısa, günlük məişət adamlarından ibarət xalqdan nə istəyə bilərdi ki?

İndi Tünzalə Əliyeva və digərləri də zəhmət çəkib, susmalıdır. Mən can ağrısının nə olduğunu çox yaxşı bilirəm. Mən sənətin və sənətkarın nə demək olduğunu da kifayət qədər anlayıram. Amma və lakin, sənətkarların öz seçdikləri məcburiyyət və məhkumiyyətlərdən onları xalq xilas etməli deyil. Bundan xilas olmağa sənətkarın öz qüdrəti olmalıdır.

Şəfa diləyirəm…!

6591
Teqlər:
dərd, sənətkar, xalq, sənət, xəstə, borc, xərçəng, xəstəlik
Əlaqədar
Fəxri adı başına bəla olan sənətkar - Onun rəsmini “Dəmir ledi” də alıb
Sənət Əfəndiyev hegemoniyasından qurtuldumu?
Tovuzlu qadın kişi sənəti ilə məşğul olur
Nəzrin Məmmədova, arxiv şəkli

YARAT-dan olan dicey qız: Azərbaycanda zövqlər bir qədər pisdir

4
(Yenilənib 00:15 01.06.2020)
Musiqi – azərbaycanlı diceyin maraqlarının yalnız bir hissəsidir, o etiraf edir ki, asan yolları sevmir və eksperimentlərə üstünlük verir.

BAKI, 1 iyun — Sputnik, Kəmalə Əliyeva. Karantinə qədərki Bakıda Böyük Britaniyanın elektron musiqi şousu “Selector Live: Women. Sounds. Waves” böyük uğurla keçib. Bu şouda azərbaycanlı və xarici qadın diceylər (DJ) eyni səhnəni bölüşüblər. İştirakçılar arasında Azərbaycanın tanınmış diceyi Inherroom (Nəzrin Məmmədova) da var idi. O, Sputnik Azərbaycan-a müsahibəsində qızlar arasında diceylik peşəsinə olan tələbatdan danışıb. 

- Nəzrin, indi Azərbaycanda dicey işləyən qızlar çoxdurmu?

- Mən diceyliklə dörd il bundan əvvəl məşğul olmağa başladım. Onda bizim sayımız cəmi üç idi, amma indi dicey qızların sayı artıb. Mən bu sahədə işləmək istəyən qadınları həmişə dəstəkləməyə, onlara məsləhətlər verməyə, kömək etməyə hazıram.

- Siz necə dicey oldunuz?

-  Biz elə bir dövrdə yaşayırıq ki, orada hər şeyi internet vasitəsilə öyrənmək olar. İngilis dilini mükəmməl bilirəm, buna görə də mənə lazım olan məlumatları tapmaq daha asandır. Mənim hələ uşaqlıqdan musiqiyə böyük həvəsim var, amma musiqi təhsilim yoxdur, hər hansı musiqi alətində də ifa etmirəm. Mən yalnız musiqi dinləməyi sevirəm. Çoxlu dicey dostum var. Məhz onlardan birinin məsləhəti ilə mən də bu peşəyə müraciət etmək qərarına gəldim. Hesab edirəm ki, indi həyatda nəyisə əldə etmək, yaxud sevimli işlə məşğul olmaq üçün təhsil lazım deyil. Əsasən də, bizim dövrümüzdə hər şeyə unikal yanaşma daha yaxşı qarşılanır.

- Xaricdə tez-tez çıxış edirsiniz?

- Əsasən qeyri-festival formatında olan tədbirlərdə iştirak edirəm. Gürcüstanda, Moskvada çıxış etmişəm. Musiqidən başqa, vizual incəsənətlə də məşğul oluram. Bir çox ölkələrdə sərgilərim keçirilib. Mən interdisiplinar rəssamam, ona görə də həm rəssamlıqla, həm heykəltaraşlıqla, həm qrafika ilə, həm videoinstalyasiya ilə, həm də performansla maraqlanıram. Musiqi isə mənim maraqlarımın bir hissəsinə çevrilib.

- İndi diceylər arasında kişilərə daha çox tələbat var, ya qadınlara?

- Bunun heç bir fərqi yoxdur. Hesab edirəm ki, biz tam bərabərhüquqlu cəmiyyətdə yaşayırıq. Hər şey təşkilatçılardan asılıdır. Çıxışım zamanı çalışıram ki, Azərbaycana gəlib çatmamış musiqiləri səsləndirim. Mən Britaniya səsləndirməsini çox sevirəm. Mən nə isə yeni bir şey gətirmək istəyirəm, lakin tez-tez başqa bir şey qoymağı xahiş edirlər. Azərbaycanda zövqlər bir qədər pisdir, amma zaman keçdikcə bu, dəyişəcək.

- Mən yox, amma elə diceylər - Azərbaycan musiqisindən öz şəbəkələrinizdə istifadə edirsiniz?var, Azərbaycan musiqisinə müraciət edirlər. Mənim gördüyüm işdə xalq musiqisindən istifadə etmək, fikrimcə, diqqət cəlb etməyin çox asan yoludur. Mən asan yolları sevmirəm, əsasən ən eksperimental və mürəkkəb olanları seçirəm.

- Hansı planlarınız var?

- Əvvəllər gələcəyimi xaricdə görürdüm, amma indi qərarımı dəyişmişəm. Mən artıq on ildir burada incəsənətlə məşğul oluram, ona görə də köçmək istəmirəm, həm orada, həm də burada işləmək istəyirəm. Hətta başqa bir ölkədə olsam da, yenə Azərbaycan rəssamı, artisti olacağam.

Təəssüf ki, bir çox uşaqlar diceylikdə özlərini sınamaqdan qorxurlar. Hesab edirlər ki, bu peşənin gələcəyi yoxdur. Rəssam olmaq istədiyimi deyəndə çoxları məni fikrimdən daşındırmaq istəyirdi. Məni inandırmağa çalışırdılar ki, bu sənətdə gəlir yoxdur. Fəaliyyətimdən beş il sonra YARAT Müasir İncəsənət Mərkəzi açıldı, məni oraya dəvət etdilər və bütün arzularım reallığa çevrildi. İndi gənclərin daha geniş imkanları var.

4
Əlaqədar
Azərbaycanlılar onlayn-festivalda ruslara böyük həyəcan yaşadıblar
Kamilla Zərbəliyeva: "Qabağımda soyunmaq istəyənlər çoxdur"
Emin onun həyatına təsir edən qeyri-adi oğlana sənədli film həsr edib
Sevgilisindən ayrılan azərbaycanlı müğənniyə qızlar təklif yağdırırlar
Məşhur azərbaycanlı arıqlamağın sirrini bölüşür
Opera müğənnisi Yusif Eyvazov, arxiv şəkli

Məşhur azərbaycanlı arıqlamağın sirrini bölüşür

29
Vokalçı Yusif Eyvazov artıq çəkidən qurtulmaq istəyən pərəstişkarlarına stressiz və mənşəyi məlum olmayan dərmanlarsız arıqlamağın yollarını öyrətmək niyyətindədir

BAKI, 31 may - Sputnik, Kəmalə Əliyeva. Azərbaycanın Xalq artisti Yusif Eyvazov pərəstişkarlarına onun xarici görkəmini tamamilə dəyişən qəfil arıqlamağının sirrini açacağına söz verib.

Sputnik Azərbaycan bildirir ki, o, Instagram-dakı səhifəsində artıq çəkidən qurtulmaq istəyən hər bir kəsə kömək etməyə hazır olduğunu deyib.

Посмотреть эту публикацию в Instagram

Публикация от Yusif Eyvazov Tenor Official (@yusif_eyvazov_official)

“Dostlar, siz öz həyatınızı, öz bədəninizi dəyişə bilərsiniz. Necə bilirsiniz, mən sizə öz idman zalımdan onlayn məşqlər keçsəm, sağlam qida haqda, orqanizm üçün stres yaşatmadan, tədricən, sağlam yolla, kimya və dərmansız kilolardan qurtulmaq barədə danışsam, necə olar?” – deyə Y.Eyvazov izləyicilərinə müraciət edib.

Xatırladaq ki, azərbaycanlı vokalçı 2019-cu ildən arıqlamağa başlayıb. O, 30 kq artıq çəkidən qurtulub.

Karyerasına İtaliyanın teatr və konsert zallarında başlayan Yusif Eyvazov 2008-ci ildə Milanda Opera Müğənniləri Beynəlxalq Müsabiqəsinin Qran-Pri mükafatına layiq görülüb. Onun adı "Dünyanın ən yaxşı tenorları" kitabına daxil edilib. O, bir sıra beynəlxalq müsabiqələrin laureatı və qalibidir. Onun qazandığı mükafatlar arasında Gianandrea Gavazzeni (dünya şöhrətli italyan dirijoru, pianoçusu, bəstəkarı, musiqi tənqidçisi və yazıçısı — red.) fəxri medalı da var. Eyvazov Milanın "La Skala" operasının və Monte-Karlonun "Kral" operasının kollektivləri ilə birlikdə dünya səhnələrində çıxış edir.

2015-ci ildə Rusiyanın xalq artisti Anna Netrebko ilə ailə qurub.

29
Əlaqədar
Koronavirus maneə deyil, yenə isti olacaq - "Jara" baş tutacaq
Samirə Əfəndi Səfurə Əlizadənin hitinə ikinci nəfəs verib
Bakılı qız Rusiya telekanalının realiti-şousunun finalına yüksəldi
Sevgilisindən ayrılan azərbaycanlı müğənniyə qızlar təklif yağdırırlar
Hüseyn Həsənov yeni avtomobilinə külli miqdarda pul xərcləyib