Avropada əhalisi

Lənətə gəlmiş avropalılar!

11197
(Yenilənib 10:02 28.09.2018)
Onlar azaddırlar, çünki sənətə, mədəniyyətə azadlıq veriblər

BAKI, 27 sentyabr — Sputnik. İnkişaf etmiş ölkələrdə normal cəmiyyətin fərdləri öz bütün komplekslərindən azaddırlar. Onların "bu, nə deyər", "o, nə düşünər" deyə dərdləri yoxdur. Bu səbəbdən həmin ölkələrdə insanlar təhsillə, elmlə, yaradıcılıqla məşğuldurlar.

Ən xırda bir misal çəkim: bizim cəmiyyətdə elə insan var ki, çox güclü aktyorluq istedadı var. Amma nəsli-kökü, qonum-qonşusu ona "mütrif" deyər deyə, bu sahədə çalışmaqdan çəkinər. Beləcə, ölkə də öz istedadlı incəsənət xadimini itirər. Ya da başlayarlar yaradıcı insanların şəxsi həyatlarını müzakirəyə çıxarmağa – filan müğənni üç ərə gedib, filan aktrisa lezbiyandır, filan aktyor qaşın alıb, sırğa taxıb, filan yazıçı saqqal saxlayıb, saçına rəng qoyub və s.

Hələ teatrlardan, filmlərdən, kliplərdən danışmıram. Azca erotik səhnə olsa, əxlaqşüvənlər aksiya elan edəcəklər. Bunların bütün əxlaqı bir aktrisanın filmdəki öpüşmə və ya sevişmə səhnəsindən ibarət imiş.

Bəs günahkar kimdir? Lənətə gəlmiş avropalılar! Bizə soyunmağı da, öpüşməyi də, sevişməyi də onlar öyrətdi! Biz ki, amöb kimi bölünə-bölünə çoxalırdıq. Bu avropalılar abır-həyamızı əlimizdən aldılar.

Bir hadisə baş verən kimi ortaya "ana-bacı", "qeyrət-namus" söhbətini atıb, sonra da avropalıları söyürlər. Avropalının anası, bacısı, əxlaqı yoxdur? Əlbəttə, var! Amma onların əxlaq anlayışı ilə Şərq insanının əxlaq anlayışı arasında dərin bir uçurum var. Şərq insanı əxlaq dedikdə cinsiyyət orqanlarını düşünür, avropalı əxlaq dedikdə mənəvi toxluqdan danışır.

Onlar zahirən çılpaq olsalar da, daxilən zəngindirlər. Onlar düşünürlər, sorğulayırlar, öyrənir və öyrədirlər. "Bozun əlli çaları" filminə inkişaf etmiş ölkələrin insanları niyə etiraz etdilər, bilirsiz? "21-ci əsrdə yaşayırıq, pornoqrafik film çəkilir, amma kameradan kişi cinsiyyət orqanını gizlədirlər" dedilər. Bizdə isə, burax o filmə münasibəti, sən heç o filmi çəkmək üçün aktyor-aktrisa, rejissor tapa bilməzsən. Bunları da xaricdən dəvət etsən, elə filmə vəsait ayıracaq yerli sponsor tapa bilməzsən.

Ömrü boyunca yaşadığı cəmiyyətin eybəcərliklərinə, qan davalarına, ancaq ölüm gətirən iyrənc adətlərinə, bu nifrət dolu mentalitetinə bir kəlmə etiraz edə bilməyənlər, rüşvətə, özbaşınalığa sükutla boyun əyənlər, nədənsə, hər fürsətdə çılpaq avropalını söyürlər. Tam olaraq bugünkü yaşam normalarının, rahatlıqlarının böyük bir qismini avropalılara borclu olan, onların bütün elmi-texniki uğurlarından faydalanıb öz yaşayını təmin edən bu adamların bütün düşməni çılpaq avropalılar imiş.

Avropalılar azaddırlar, çünki çox bilirlər. Avropalıların orta məktəb şagirdləri bizim professor, elmlər doktoru almış adamları susdurub yerinə oturdar öz biliyi ilə. Onlar azaddırlar, çünki sənətə, mədəniyyətə azadlıq veriblər. Bir cəmiyyətin mədəniyyəti azaddırsa, o cəmiyyətin hər bir fərdi azad olar. Avropalılar azad olduqları üçün istədikləri vaxt örtünə də, soyuna da bilərlər.

Biz isə düşünməyək, sorğulamayaq, öyrənməyək, amma qapanaq! Oxumayaq, oxutmayaq, gəzməyək, görməyək, amma mütləq qapanaq! Susaq, lap lal olaq, amma qapanaq, ha! Nə olur olsun, savadsızlıqdan törəyən bu qədər fəlakətlər – terror, dini radikalizm, nifrət cinayətləri, ailə-maişət qətlləri, uşaqların ərə verilməsi, bəkarət davaları və s. bütün növ insan faciələri həyatımıza meydan oxusa da, əsas odur ki, qapanaq!

Lənətə gəlmiş əxlaqsız, lüt avropalı kimi azad, xoşbəxt, elmli və mədəni həyat yaşamaq nəyimizə lazımdır! Qapanmalıyıq biz!

11197
Teqlər:
geyinmə, biz, soyunmaq, əxlaq, sənət, mədəniyyət, Avropa
Əlaqədar
Bakıda əxlaqsız hərəkətlər edən xalauşaqları saxlanılıb
Azərbaycanlı qadınlar əxlaqsızlıq ittihamı ilə Türkiyədən qovulublar
"Əxlaqsız" baş nazir yenidən səhnədə
Teatr səhnəsi, arxiv şəkli

Şuşa Teatrı haqqında film çəkilib

5
(Yenilənib 16:48 22.01.2021)
Teatrdan bəhs edən "Dönüş" filminin ssenari müəllifi Yaqub Əlioğlu, rejissoru isə Murad Quliyevdir. Film Şuşa teatrının yenidən öz doğma torpağına - Şuşaya dönəcəyi haqdadır.

BAKI, 22 yanvar — Sputnik. Şuşa Teatrı haqqında sənədli film çəkilib. Sputnik Azərbaycan xəbər verir ki, teatrdan bəhs edən "Dönüş" filminin ssenari müəllifi Yaqub Əlioğlu, rejissoru isə Murad Quliyevdir. Film Şuşa Teatrının kollektivi və teatrın yenidən öz doğma torpağına - Şuşaya dönəcəkləri haqqındadır.

 

5
Xaç, arxiv şəkli

"Xristian irsimizi tanıyaq" - Müqəddəs Məryəm ana katolik kilsəsi - VİDEO

20
(Yenilənib 11:43 22.01.2021)
Bolşeviklər tərəfindən uçurulan Müqəddəs Məryəm ana kilsəsinin xatirəsinə həsr edilən kilsənin tikintisi 2007-ci ilin fevralında yekunlaşıb.

BAKI, 22 yanvar — Sputnik. Müqəddəs Məryəm ana katolik kilsəsi Bakıda 1912-ci ildə neft maqnatları – Rılskilər ailəsi tərəfindən ("Müqəddəs Bakirə Məryəmin Məsum Hamiləliyi" kostyolu - polyak katolik kilsəsi, memarı İ.K.Ploşko) inşa edilib. Bolşeviklər tərəfindən uçurulan Müqəddəs Məryəm ana kilsəsinin xatirəsinə həsr edilən kilsənin tikintisi 2007-ci ilin fevralında yekunlaşıb. 7 mart 2008-ci ildə Azərbaycan Respublikasının Prezidenti İlham Əliyev, Birinci xanım, Heydər Əliyev Fondunun prezidenti Mehriban xanım Əliyeva və Vatikanın dövlət katibi kardinal Tarçizio Bertone kilsənin rəsmi açılış mərasimində iştirak ediblər.

Sputnik Azərbaycan Mədəniyyət Nazirliyinə istinadən "Xristian irsimizi tanıyaq" layihəsi çərçivəsində Müqəddəs Məryəm ana katolik kilsəsi haqqında qısa videoçarxı təqdim edir.

20
Vüqar Səfərli, arxiv şəkli

Vüqar Səfərli apelyasiya şikayəti verdi - Ev dustaqlığına çıxmaq üçün

0
(Yenilənib 13:14 23.01.2021)
Qeyd edək ki, Səfərli bir müddət əvvəl də barəsində seçilmiş həbs qətimkan tədbirinin ev dustaqlığına dəyişdirilməsi ilə bağlı məhkəməyə müraciət edib. Binəqədi rayon Məhkəməsi onun müraciətini təmin etməyib.

BAKI, 23 yanvar — Sputnik. Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun rəhbəri olmuş Vüqar Səfərli barəsində seçilmiş həbs qətimkan tədbirinin dəyişdirilməsi ilə bağlı apelyasiya şikayəti verib.

Sputnik Azərbaycan-ın məlumatına görə, şikayət araşdırılması üçün Bakı Apelyasiya Məhkəməsinə göndərilib.

İş araşdırılması üçün hakim Ramin Qaraqurbanlının icraatına verilib.

Məhkəmənin baxış iclası yanvarın 25-nə təyin olunub.

Qeyd edək ki, V. Səfərli bir müddət əvvəl barəsində seçilmiş həbs qətimkan tədbirinin ev dustaqlığına dəyişdirilməsi ilə bağlı məhkəməyə müraciət edib. Binəqədi rayon Məhkəməsi onun müraciətini təmin etməyib.

Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fonduna (KİVDF) dövlət büdcəsindən ayrılan vəsaitlərin xərclənməsi zamanı aşkar edilmiş qanun pozuntuları ilə əlaqədar Hesablama Palatasından daxil olmuş materiallar üzrə Baş prokuror yanında Korrupsiyaya qarşı Mübarizə Baş İdarəsində Azərbaycan Respublikası Cinayət Məcəlləsinin müvafiq maddələri ilə cinayət işi başlanıb.

Aparılmış istintaqla Kütləvi İnformasiya Vasitələrinin İnkişafına Dövlət Dəstəyi Fondunun sərəncamında olan əmlakın həmin qurumun İcraçı direktoru və əməkdaşlarının digər şəxslərlə əlbir olmaqla şəxsi maraqlarına uyğun istifadə etmələrinə, fəaliyyətin ayrı-ayrı istiqamətləri üzrə proqramların və vəzifələrin icra edilməsi adı ilə rəsmi sənədlərə yalan məlumatlar daxil edilərək xüsusilə külli miqdarda ziyan vurulmaqla mənimsəmələrinə, cinayət yolu ilə əldə edilmiş pul vəsaitlərinin leqallaşdırılmasına və digər qanunsuz əməllər törətmələrinə əsaslı şübhələr müəyyən edilib.

Belə ki, aparılmış istintaqla müəyyən edilmişdir ki, Fondun icraçı direktoru Səfərli Vüqar Müzəffər oğlu, "Portos" MMC-nin direktoru Məmmədov Nadir Məhərrəm oğlu və qeyriləri ilə qabaqcadan əlbir olaraq mətbuat işçilərinin mənzil-məişət şəraitinin yaxşılaşdırılması və yaşayış evlərinin tikintisi ilə bağlı 2013-2019-cu illər ərzində dövlət tərəfindən KİVDF-yə ayrılmış vəsaiti layihə və smeta sənədlərində iş həcmini əsassız şişirdib, işlərin və materialların dəyərini müəyyən edilmiş qiymətlərdən artıq göstərilməklə "Portos" MMC-nin bank hesablarına köçürüb, bununla da, mətbuat işçiləri üçün Bakı şəhəri, Səbail rayonu, 20-ci sahə, Bibiheybət qəsəbəsi ərazisində yaşayış binalarının tikintisi üzrə ayrılmış xüsusilə külli miqdarda pul vəsaitini mənimsəmiş, qeyd edilən cinayət əməllərinin aşkar olunmasının qarşısını almaq məqsədilə əlbir olduğu şəxslərlə birlikdə yerinə yetirilmiş işlərin qəbulu haqqında "Forma 2" aktlarında ayrılmış vəsaitlərin tam həcmdə binanın tikintisinə sərf edilməsinə dair yalan məlumatlar daxil edib şəxsən təsdiq etməklə vəzifə saxtakarlığı da törədib.

Bundan başqa, Vüqar Səfərli digər şəxslərlə qabaqcadan əlbir olaraq qurumun fəaliyyətinin təşkili üçün inzibati bina üzrə münasib yerin ayrılması və ya qeyri-yaşayış sahəsinin aşağı qiymətlərlə icarəyə verilməsi üçün Nazirlər Kabinetinin qərarları ilə müəyyən edilən qanuni prosedurlara qəsdən əməl etmədən, həmin Fondun maliyyələşməsinin həyata keçirildiyi dövlət büdcəsindən ayrılmış vəsait üzrə icarə xərclərinin özünün əvvəllər sədri olduğu, sonradan isə özünə yaxın şəxslərin fəaliyyətlərinə faktiki nəzarəti həyata keçirməkdə davam etdiyi şirkətlərə, habelə yaxın münasibətdə olduğu digər şəxslərə gəlir qismində verilməsinə nail olmaqdan ötrü həmin şəxslərin xüsusi mülkiyyətində olan Bakı şəhəri, Yasamal rayonu, Mətbuat prospekti, 23L ünvanında yerləşən müəssisə binasının 3-cü mərtəbəsinin Fondun inzibati istifadəsinə verilməsi məqsədilə maddi baxımdan Fond üçün daha ağır şərtlərlə icarəyə götürülməsinə dair müqavilələr bağlamış, 2011-2019-cu illər ərzində cəmi 812 min manat məbləğində pul vəsaitini icarə haqqı adı ilə köçürməklə dövlət büdcəsinə külli miqdarda ziyan vurub.

Həmçinin, Vüqar Səfərli digər şəxslərlə qabaqcadan əlbir olaraq nəşr olunan qəzetlərə maliyyə yardımının göstərilməsi məqsədi ilə dövlət tərəfindən ayrılmış vəsaitin 2015-2019-cu illər ərzində 300 min manat məbləğində olan hissəsini ailə üzvünün adına təsis etdiyi "Futbol+Qol" qəzetinə qanunsuz olaraq köçürməklə həmin pulu, eləcə də qurumun məqsədlərinin həyata keçirilməsi üçün alınmış 103 min manat dəyərində dəftərxana ləvazimatlarını da mənimsəmiş, eyni zamanda 2017-2019-cu illər ərzində ziyafətlərin keçirilməsi ilə bağlı satınalma müqavilələrinin bağlanması zamanı qanunsuzluqlara yol verməklə KİVDF-yə məxsus olmaqla ona etibar edilmiş cəmi 105 min manat məbləğində pul vəsaitini israf edib.

Bundan əlavə, Vüqar Səfərli qeyriləri ilə qabaqcadan əlbir olaraq qeyd edilən mənimsəmə və vəzifə saxtakarlığı cinayətləri üzrə əldə etdiyi xüsusilə külli miqdarda pul vəsaitini kommersiya bankında olan milli və xarici valyutadakı depozit hesablarına 2015-2018-ci illər ərzində cəmi 5 milyon 796 min manatı yerləşdirməklə cinayət yolu ilə əldə edilmiş həmin pul vəsaitlərini külli miqdarda leqallaşdırmışdır.

İş üzrə toplanmış ilkin sübutlar əsasında Səfərli Vüqar Müzəffər oğlu Azərbaycan Respublikası Cinayət Məcəlləsinin müvafiq olaraq 179.4 (xüsusilə külli miqdarda ziyan vurmaqla mənimsəmə və israf etmə), 193-1.3.2 (cinayət yolu ilə əldə edilmiş külli miqdarda pul vəsaitlərini leqallaşdırma), 308.2 (ağır nəticələrə səbəb olan mühüm zərər vurulmaqla vəzifə səlahiyyətlərindən sui-istifadə etmə), 308-2.4 (satınalma prosedurları keçirilmədən külli miqdarda ziyan vurmaqla dövlət vəsaitlərini xərcləmə) və 313 (vəzifə saxtakarlığı), Məmmədov Nadir Məhərrəm oğlu isə Cinayət Məcəlləsinin 179.4, 308.2 və 313-cü maddələrinə əsasən təqsirləndirilən şəxs qismində cəlb edilərək barələrində məhkəmənin qərarı ilə həbs qətimkan tədbiri seçilib.

0