Əməkdar artist Tünzalə Əliyeva

Baş onkoloq "Toppuş bacı"ya qəzəbləndi: "Sağalıb, amma özünü xərçənglə reklam edir"

3969
(Yenilənib 14:16 26.09.2018)
Baş onkoloq: "Tünzalə xanımın səhhəti normaldır, rahat gəzir, qidalanır, efirə, səhnəyə çıxa bilir, bəs nədən narazıdır?"

BAKI, 26 sentyabr — Sputnik. "Hamının "Toppuş bacı" kimi tanıdığı aktrisa, əməkdar artist Tünzalə Əliyeva artıq sağalsa da, efirlərə çıxıb kömək istəyir. Axı, o, niyə özünü xərçənglə reklam edir?!"

Azərbaycan Milli Onkologiya Mərkəzinin baş həkimi Azad Kərimli
© Sputnik / Murad Orujov
Azərbaycan Milli Onkologiya Mərkəzinin baş həkimi Azad Kərimli

Sputnik Azərbaycan xəbər verir ki, bu sözləri modern.az-a müsahibəsində Milli Onkologiya Mərkəzinin baş həkimi, Azərbaycanın baş onkoloqu Azad Kərimli deyib. O, ölkəmizdə xərçəng xəstəliyinin vəziyyətindən, müalicəsindən, bu istiqamətdə əhalinin maarifləndirilməsi zərurətindən bəhs edib.

Onkoloqun sözlərinə görə, sosial şəbəkələrdə çox xəstələr şayiələr yayır, reallığı əks etdirməyən məlumatlar paylaşırlar. Buna misal olaraq, o, son vaxtlar KİV-də və sosial şəbəkələrdə öz xəstəliyi ilə gündəmə gələn Tünzalə Əliyevanın adını qeyd edib.

"Hamımızın "Toppuş bacı" kimi yaxşı tanıdığı Tünzalə Əliyeva son günlərdə efirə çıxır, mətbuata danışır, bütün Azərbaycandan kömək istəyir. Tünzalə xanımın səhhəti normaldır, rahat gəzir, qidalanır, efirə, səhnəyə çıxa bilir. Bu xanım nədən narazıdır? Tünzalə Əliyeva artıq sağalıb, əməliyyat edildi, sadəcə, müalicəsi davam edir. Mütəmadi xəstəxanaya gedib-gələrək hər kəs kimi müalicəsini götürməli, yaşamalıdır. "Topuş bacı" nəyə görə, xərçənglə özünü reklam edir? Bu kimi hallarla rastlaşdığımıza görə, insanlar da xərçəngdən qorxurlar" — deyə baş onkoloq əməkdar artisti tənqid edib.

Kərimli Əliyevadan fərqli olaraq, xərçəng xəstəsi olan digər tanınmış aktrisa Kübra Əliyevanın özünü reklam etmədiyini xatırladıb: "Bir neçə il əvvəl aktrisa Kübra Əliyeva da xərçəng xəstəliyindən əziyyət çəkirdi. Müalicə götürdü, saçına qədər tökülürdü. İndi isə vəziyyəti yaxşıdır, sağalıb və müayinələrini davam etdirir".

"Tək adını çəkdiyim məşhurlar deyil, efir insanlarının çoxu bu durumdadır. Kübra Əliyeva səhhətinə laqeyd yanaşmır, həkim nə zaman dedisə, o zaman da qəbula gəlir, müalicə götürür, özünü reklam etmir" — deyə həkim bildirib.

Xatırladaq ki, xərçəng xəstəsi olan Tünzalə Əliyeva bu günlərdə ayağından 38 limfa vəzisi götürüldüyünü, bu səbəbdən də işləmə qabiliyyətini itiridiyini açıqlayıb. Bununla yanaşı, o, ipoteka krediti ilə özünə ev aldığını deyib və kreditinin ödənilməsi üçün ictimaiyyətdən yardım istəyib.

"İpoteka ilə ev götürmüşəm. 2 ilini ödəmişəm, 18 ilim qalıb. Mən də bir il işləyə bilməyəcəm. Böyük bir yükün altına girirəm. Ayağımdan 38 limfa vəzisi götürülüb, 37-sindən heç nə çıxmadı, amma birində bədxassəli şiş var. Kimyəvi terapiya qəbul edirəm. İpotekamın ödənilməsi üçün köməklik istəyirəm" — deyə Əliyeva bildirib.

Artıq xeyli tanınmış şəxs Əliyevaya yardım kampaniyasına qoşulub.

3969
Teqlər:
baş onkoloq, əməkdar artist Tünzalə Əliyeva, "Toppuş bacı", baş həkim, Azad Kərimli, xərçəng xəstəliyi
Əlaqədar
Türkiyədə ağıllı dərman: Xərçəng xəstələrinin ömrü 5 ilədək uzadılır
Xərçənglə bağlı dəhşətli məlumat yayıldı
Ən təhlükəli xərçəng növünün dərmanı tapılıb
Xərçəng xəstəliyinin yeni əlaməti aşkar edildi
Tanınmış siyasətçi xərçəngdən vəfat etdi
Bakıda Zəfər paradı

Ərdoğan Qarabağ Zəfəri Xocalı qətliamı haqqında serial çəkilməsi barədə tapşırıq verib

7
(Yenilənib 16:38 02.03.2021)
Mədəniyyət naziri Anar Kərimov bildirib ki, Qarabağ Zəfəri, Qafqaz İslam Ordusu və Xocalı qətliamı kimi tarixi hadisələr haqqında film və serialların çəkilməsi Azərbaycan və Türkiyə dostluq və qardaşlığının simvolu olacaq.

BAKI, 2 mart — Sputnik. Türkiyə Prezidenti Rəcəb Tayyib Ərdoğan Qarabağ Zəfəri və Xocalı qətliamı haqqında serial çəkilməsi barədə tapşırıq verib.

"Cənab Prezidentimizin tapşırığı ilə Qarabağ Zəfəri ilə yanaşı, Qafqaz İslam Ordusu və Xocalı qətliamı kimi tarixi hadisələr haqqında Türkiyə və Azərbaycan birgə serial və film layihələri həyata keçirəcək".

Sputnik Azərbaycan xəbər verir ki, bunu Türkiyə Prezidenti Administrasiyasının İctimaiyyətlə əlaqələr idarəsinin rəhbəri Fahrettin Altun söyləyib.

O bildirib ki, bu cür layihələrin həm milli, həm də dünya miqyasında mətbuat və rəqəmsal platformalarda yer alması təmin ediləcək: "Həmin layihələrdə tarix və ideallarımızın birliyini ən güclü şəkildə vurğulayacağıq. Serial və film sektorlarımızın birlikdə işləməsi və təcrübələrini paylaşması çox önəmlidir".

Mədəniyyət naziri Anar Kərimov bildirib ki, Qarabağ Zəfəri, Qafqaz İslam Ordusu və Xocalı qətliamı kimi tarixi hadisələr haqqında film və serialların çəkilməsi Azərbaycan və Türkiyə dostluq və qardaşlığın simvolu olacaq.

7
Səmra Rəhimli

Səmra açıq-saçıq klipi fotossesiyası ilə gündəmi zəbt edib - VİDEO/FOTO

13
(Yenilənib 15:42 02.03.2021)
"Hərdən mənə elə gəlir ki, əvvəl səhifəm dini səhifə və izləyicilərim isə dindarlar olub. Dini məsləhətlər vermişəm, bu gün də qəfil artist olmağa qərar vermişəm, izləyicilərim çaş-baş qalıblar" - Səmra Rəhimli

BAKI, 2 mart — Sputnik. Müğənni Səmra Rəhimli "Göz" adlı yeni klipini təqdim edib. Sputnik Azərbaycan xəbər verir ki, layihənin rəhbəri və rejissoru sənətçinin anası İlahə Baxşıyevadır. "Youtube" video hostinqində və "instagram" hesabında paylaşılan klip açıq-saçıq görüntülərinə görə müzakirə olunub. S.Rəhimli isə müzakirələrə səbəb olan klipi haqda bu sözləri yazıb:

Посмотреть эту публикацию в Instagram

Публикация от QUEEN SAMRA (@samraeurovision)

"Hərdən mənə elə gəlir ki, əvvəl səhifəm dini səhifə və izləyicilərim isə dindarlar olub. Dini məsləhətlər vermişəm, bu gün də qəfil artist olmağa qərar vermişəm, izləyicilərim çaş-baş qalıblar".

Посмотреть эту публикацию в Instagram

Публикация от QUEEN SAMRA (@samraeurovision)

Qeyd edək ki, mahnının söz və musiqisi Clavisə məxsusdur. Müğənni bundan başqa, fərqli fotosessiyası ilə hər kəsi təəccübləndirib.

13
Teqlər:
video, Səmra Rəhimli, klip

Əbədi alov neft diyarı: Suraxanı Əmircana fotoekskursiya

0
Bakı hər bir tərəfdən öz unikal tarixi, ənənəsi və arxitektur abidələri ilə tanınan qəsəbələrlə əhatə olunub. Müxtəlif dövrlərdə Bakıətrafında 40-a yaxın belə qəsəbə olub.

Qədim abidələrin rast gəlindiyi Suraxanı və Əmircan qəsəbələri Abşeronda ən maraqlı yerlərdən sayılır. Burada zərdüştlər, hinduistlər və siqhlər tərəfindən ibadətgah kimi istifadə olunan Atəşgah məbədi var. Suraxanı qəsəbəsinin adı toponim kimi iki komponentdən ibarətdir: surax - fars və tat dillərində çala, çuxur, xanı isə mənbə, qaynaq deməkdir.

Suraxanı həmçinin neft ənənələri ilə tanınır - burada 1857-ci ildə iş adamı Vasili Kokorev tərəfindən dünyada ilk Neftayırma Zavodu tikilib.

Əmircan qəsəbəsinin ərazisində Abşeronun ən gözəl məscidlərindən biri - Murtuza Muxtarov məscidi yerləşir. Məscid XX əsrin əvvəllərində Bakı milyonçusu M.Muxtarov tərəfindən inşa edilib.

Bu məsciddən bir az kənarda daha bir memarlıq abidəsi - XIV əsrə aid Nizaməddin məscidi var. Hazırda məsciddə rekonstruksiya işləri aparılır.

Bundan əlavə, qəsəbədə dini məbədlər, onlardan biri Səkinəxanım seyid Saleh qızı Piridir. Burada din xadimlərinin məzarları var. 

Əmircan qəsəbəsində tanınmış azərbaycanlı yazıçı və mütəfəkkir Abbasqulu ağa Bakıxanov doğulub. Onun yaşadığı ev hazırda muzeydir. 

Sputnik Azərbaycan-ın fotolentində Suraxanı və Əmircan qəsəbələrinin bu və digər tarixi abidələrini izləyə bilərsiniz.

0
  • © Sputnik / Murad Orujov

    Atəşgah məbədi.

  • © Sputnik / Murad Orujov

    Atəşgah məbədi.

  • © Sputnik / Murad Orujov

    Atəşgah məbədinin divarında sanskrit dilində yazı.

  • © Sputnik / Murad Orujov

    Əmircanda Murtuza Muxtarov məscidi.

  • © Sputnik / Murad Orujov

    Əmircanda Murtuza Muxtarov məscidi.

  • © Sputnik / Murad Orujov

    Məsciddə indiyə qədər Murtuza Muxtarovun məzarı saxlanılır.

  • © Sputnik / Murad Orujov

    Əmircan qəsəbəsində məscid.

  • © Sputnik / Murad Orujov

    Əmircan qəsəbəsinə mənzərə.

  • © Sputnik / Murad Orujov

    Murtuza Muxtarov məscidi (Qoşaminarəli məscid).

  • © Sputnik / Murad Orujov

    Qoşaminarəli məscidinin minarəsindən Əmircana mənzərə.

  • © Sputnik / Murad Orujov

    Abbasqulu ağa Bakıxanovun ev-muzeyi.

  • © Sputnik / Murad Orujov

    Suraxanı qəsəbəsinə mənzərə.

  • © Sputnik / Murad Orujov

    1904-1905-ci illərdə tikilən Binyət Əli məscidi.

  • © Sputnik / Murad Orujov

    Əmircan qəsəbəsində XIV əsrdə yonulmuş əhəng daşından tikilən Nizamədin məscidi.

  • © Sputnik / Murad Orujov

    Səkinəxanım seyid Saleh qızı Piri.

  • © Sputnik / Murad Orujov

    Əmircan qəsəbəsində dini xadimin məzarı.

  • © Sputnik / Murad Orujov

    Qəsəbədə bir çox evlərdə ərəb dilində yazılar qalıb.

  • © Sputnik / Murad Orujov

    Bakının Əmircan qəsəbəsində məhəllə.

  • © Sputnik / Murad Orujov

    Əmircan qəsəbəsində müsəlman məbədi.