Manaf Ağayev

"Toylar kralı" kriminal avtoritetə necə "çevrildi": "Hamı məni ağsaqqal hesab edir"

15692
(Yenilənib 20:16 03.09.2018)
Manaf Ağayev: "Heç kəs heç vaxt mənim kiminləsə kobud rəftar etdiyimi, kimisə döyüb-söydüyümü görməyib"

Kəmalə Əliyeva, Sputnik Azərbaycan

BAKI, 3 sentyabr — Sputnik. Son zamanlar "Toylar kralı" titulunun sahibi olan azərbaycanlı ifaçı Manaf Ağayevin öz həmkarları və digər tanınmış şəxslərlə bağlı xoş niyyətlə atdığı addımlar sosial şəbəkələrdə ona "qanuni oğru" ayamasının qoşulmasına gətirib çıxarıb.

Müğənni Elton Hüseynəliyev idarə etdiyi 90 DD 044 dövlət nömrə nişanlı, İnfiniti markalı avtomobillə qəza törədib
© Photo : Avtosfer saytı tərəfindən təqdim olunub

Məsələ ondadır ki, həmkarlarından kiminsə hər hansı problemi meydana çıxsa, Manaf Ağayev dərhal ona yardım etməyə çalışır və özü də bunu xəlvət eləmir, əksinə, aləmə car çəkir. Misal üçün, sosial şəbəkələrin yazdığına görə, bu günlərdə Manaf Ağayev müğənni Mətanət Əsədovanı incidən şəxsi onun qarşısında diz çökərək üzr istəməyə vadar edib. 

Sputnik Azərbaycan-a müsahibəsində Manaf Ağayev etiraf edib ki, ictimaiyyətin bu cür reaksiyasını qətiyyən gözləmirdi. Çünki sözügedən addımını səmimi olaraq xoş niyyətlə atmışdı. Müğənninin dediyinə görə, o, mədəni və səviyyəli ailədən çıxıb.

"Mənim çıxdığım ailədə heç kəsin kriminal dünya ilə bir əlaqəsi olmayıb. Bizim ailəmizdə, demək olar ki, hamının iki ixtisası var" — deyən müğənninin özü isə universitet bitirib və yaradıcılıqla məşğul olmaq qərarına gəlib. 

"Məni tanıyanlar bilirlər ki, təbiətcə çox sakitəm, qalmaqallı adam deyiləm. Heç kəs heç vaxt mənim kiminləsə kobud rəftar etdiyimi, kimisə döyüb-söydüyümü görməyib. Əgər mənim kiməsə deyiləsi sözüm olsa, sadəcə zəng edərək onunla görüşürəm və biz hər şeyi mədəni şəkildə yoluna qoyuruq" — Ağayev deyib.

İfaçı bütün günahı özünün sözü birbaşa, adamın düz üzünə demək şakərində görür. O, həmişə ədalətin tərəfində dayandığını, lakin bunun özünün əleyhinə çevrildiyini və axırda da özünün günahkar çıxarıldığını bildirib. Müğənninin sözlərinə görə, o, həmişə öz dostlarına, həmkarlarına dəstək verməyə hazırdır, çünki heç kəsin çıxılmaz vəziyyətdə qalmasını istəmir. 

"Hamı məni hörmətli adam, ağsaqqal hesab eləyir. Mənim heç vaxt qanunlarla problemim olmayıb. Çünki mən öz respublikamın qanunlarına riayət edən vətəndaşam. Hətta bizim bütün nəslimizdə heç kəs həbsdə olmayıb" — deyə Ağayev ona "kriminal avtoritet", "qanuni oğru", "qoçu" kimi ayamalar qoşanların nəzərinə çatdırıb. 

Müğənni onu da qeyd edib ki, "qanuni oğru"larla da heç bir əlaqəsi yoxdur. Onun haqqında elə söz yayan adamlara sadəcə ayıbdır.

Ağayevin fikrincə, əgər adama hörmət edirlərsə, bu, o demək deyil ki, o, həbsxanada oturub və onu "qanuni oğru" adlandırmaq olar. Müğənni bundan sonra belə adlandırılmasını istəmir və hər kəsi də bu barədə xəbərdar edir. 

Manaf Ağayev Azərbaycanın ən çox arzu edilən toy müğənnilərindəndir. O, "Toylar kralı" müsabiqəsində qalib gəldikdən sonra şöhrətinə şöhrət qatıb. 

15692
Teqlər:
"Toylar kralı", ifaçı, kriminal, müğənni, Manaf Ağayev
Əlaqədar
Məşhur müğənni dünyasını dəyişdi
Tanınmış müğənni oğlu ilə birlikdə yol qəzasına düşdü, təhlükəsizlik kəməri...
Dünya şöhrətli müğənni azərbaycanlı əri üçün Azərbaycan plovu bişirdi
Populyar müğənninin anasının intihar etməsi ilə bağlı yeni xəbər var
Dreyk, arxiv şəkli

Onilliyin ən yaxşı musiqiçisi

15
(Yenilənib 23:08 13.05.2021)
Repçi Dreyk reytinq cədvəlində ümumilikdə 50 həftədən artıq birinci yerdə olmuş yeganə solo ifaçısıdır.

BAKI, 13 may — Sputnik. Kanadalı repçi Dreyk (Obri Dreyk Qrem) Billboard məcmuəsinin reytinqinə görə 2010-cu illərin ən yaxşı artisti seçilib. Sputnik Azərbaycan Rusiya mediasına istinadən xəbər verir ki, adı çəkilən musiqiçi mütləq rekorda imza atıb. Belə ki, repçi artıq 27 dəfə Billboard Music Awards mükafatına layiq görülüb. Onun ən yaxın rəqibi, digər repçi Kanye Uestin hesabında isə cəmi beş mükafat var.

Məlumatda deyilir ki, Dreykin buraxdığı disklər Billboard-un reytinq cədvəlində hələ 2010-cu ildə işıq üzü görmüş "Thank Me Later" albomundan başlayaraq yüksək yerlər tutmağa başlayıb. Bundan əlavə, repçi reytinq cədvəlində ümumilikdə 50 həftədən artıq birinci yerdə olmuş yeganə solo ifaçısıdır.

Xatırladaq ki, Dreyk həmçinin ifaları Spotify servisində 50 milyard dəfə dinlənilən ilk musiqiçi olub.

Eləcə də oxuyun: 

Rusiyalı duet Ramazan bayramına mahnı həsr elədi - VİDEO

Əcnəbi müğənni Bakı bulvarını görüb izləyicilərinə tövsiyə etdi - FOTO

Nyu-York məhkəməsi filin müraciətinə baxacaq

 

15
Şuşada “Xarıbülbül” festivalı

Həsrəti sovuran unudulmaz iki gün: Şuşada "Xarı-bülbül" festivalı - VİDEO

77
(Yenilənib 19:34 13.05.2021)
Konsert bitəndən sonra Prezident İlham Əliyev və birinci xanım Mehriban Əliyeva festivalda iştirak edən incəsənət xadimləri ilə görüşdülər. Cıdır düzündə hamı birlikdə “Qarabağ Azərbaycandır!” söylədi.

BAKI, 13 may - Sputnik. Azərbaycan Respublikasının Prezidenti İlham Əliyevin təşəbbüsü və Heydər Əliyev Fondunun təşkilatçılığı ilə ölkəmizin mədəniyyət paytaxtı Şuşanın Cıdır düzündə keçirilən “Xarıbülbül” musiqi festivalı mayın 13-də qala-konsertlə başa çatıb.

Sputnik Azərbaycan AZƏRTAC-a istinadən xəbər verir ki, Prezident İlham Əliyev, birinci xanım Mehriban Əliyeva, qızları Leyla ƏliyevaArzu Əliyeva festival ifaçılarının çıxışlarını dinləyiblər.

Qala-konsertdə Xalq artistləri Rauf Abdullayev, Yalçın Adıgözəlov, Əməkdar artist Fuad İbrahimov Murtuza Bülbülün dirijorluğu ilə Üzeyir Hacıbəyli adına Azərbaycan Dövlət Simfonik Orkestri, Xalq artisti Gülbacı İmanovanın bədii rəhbərliyi ilə Azərbaycan Dövlət Xor Kapellası çıxış ediblər. Konsertdə Üzeyir Hacıbəylinin, Fikrət Əmirovun, Qara Qarayevin, Ələkbər Tağıyevin, Müslüm Maqomayevin, Niyazinin, Tofiq Quliyevin, Vasif Adıgözəlovun və digər bəstəkarların əsərləri təqdim olunub.

Festival çərçivəsində Xalq artistləri Alim Qasımov, Azərin, Dinarə Əliyeva, Elçin Əzizov, Əlixan Səmədov, Fərhad Bədəlbəyli, Mənsum İbrahimov, Murad Adıgözəlzadə, Natiq Şirinov, Polad Bülbüloğlu, Samir Cəfərov, Teyyub Aslanov, Yusif Eyvazov, Əməkdar artistlər Fərqanə Qasımova, Mirələm Mirələmov, Sahib Paşazadə, Şəhriyar İmanov, Şirzad Fətəliyev və digər ifaçıların çıxışları da alqışlarla qarşılandı.

Konsertdə Azərbaycan xalqının ümummilli lideri Heydər Əliyevin vaxtı ilə işğal altında olan ərazilərimiz haqqında söylədiyi “Arzu edirəm ki, sizinlə birlikdə gedək Şuşaya. Gedəcəyik, inanın ki, gedəcəyik. Şuşa Azərbaycanın gözüdür, hər bir azərbaycanlı üçün bu, iftixar mənbəyidir. Şuşa bizim mədəniyyətimizin, tariximizin rəmzidir. Şuşa hamı üçün əzizdir. Amma tək Şuşa yox, Laçın dağları da belə əzizdir. Heç vaxt biz Laçınsız yaşaya bilmərik. Ağdam kimi gözəl bir şəhər, Füzuli, Cəbrayıl, Zəngilan, Qubadlı, Kəlbəcərin o bulaqları, Kəlbəcərin o İsti suyu. Biz onlarsız yaşaya bilmərik” fikirlərini və Silahlı Qüvvələrin Müzəffər Ali Baş Komandanı, Prezident İlham Əliyevin Şuşa şəhərinin 2020-ci il noyabrın 8-də işğaldan azad edildiyi gün xalqımıza müraciətində dediyi “Xoşbəxt adamam ki, ata vəsiyyətini yerinə yetirdim. Şuşanı azad etdik! Bu, böyük Qələbədir! Şəhidlərimizin, Ulu Öndərin ruhu şaddır bu gün! Gözün aydın olsun Azərbaycan! Gözünüz aydın olsun dünya azərbaycanlıları! Əziz Şuşa, sən azadsan! Əziz Şuşa, biz qayıtmışıq! Əziz Şuşa, biz səni dirçəldəcəyik! Şuşa bizimdir! Qarabağ bizimdir! Qarabağ Azərbaycandır!” sözlərini əks etdirən videoçarx təqdim edilib.

Müzəffər Ali Baş Komandan İlham Əliyevin rəhbərliyi ilə Azərbaycan Ordusunun torpaqlarımızı işğaldan azad etməsindən sonra ilk dəfə keçirilən “Xarıbülbül” musiqi festivalı incəsənət xadimlərinin “Azərbaycan” mahnısının birgə ifası ilə yekunlaşdı.

Konsert bitəndən sonra Prezident İlham Əliyev və birinci xanım Mehriban Əliyeva festivalda iştirak edən incəsənət xadimləri ilə görüşdülər. Cıdır düzündə hamı birlikdə “Qarabağ Azərbaycandır!” söylədi.

Belə başlamışdı

Qeyd edək ki, mayın 12-də - “Xarıbülbül” musiqi festivalının ilk günündə ölkəmizdə yaşayan müxtəlif xalqların musiqi yaradıcılığı “Azərbaycan musiqisində multikulturalizm” mövzusunda təqdim edilib. Ölkəmizin müxtəlif bölgələrində yaşayan ayrı-ayrı xalqların musiqi qrupları və ifaçıları öz çıxışları ilə Azərbaycanın millətindən, dinindən asılı olmayaraq hər bir kəsin vahid Vətəni olduğu mesajını bütün dünyaya çatdırıb. Festivalın açılışındakı çıxışında bu mesajın əhəmiyyətini xüsusi vurğulayan Azərbaycan Prezidenti İlham Əliyev deyib:

“Azərbaycanda bütün xalqlar dostluq, qardaşlıq, həmrəylik şəraitində yaşayır və bu 44 günlük müharibə bir daha onu göstərdi ki, ölkəmizdə milli birlik, milli həmrəylik vardır. Təsadüfi deyil ki, birinci festivalda Azərbaycanda yaşayan xalqların nümayəndələri çıxış edəcəklər və bir daha biz bütün dünyaya buradan – Şuşadan, qədim torpağımızdan mesaj veririk”.

Xatırladaq ki, 44 günlük Vətən müharibəsində Prezident, Silahlı Qüvvələrin Müzəffər Ali Baş Komandanı İlham Əliyevin rəhbərliyi ilə qəhrəman Azərbaycan Ordusu Ermənistanın işğalı altında olan torpaqlarımızı azad etməyə və ərazi bütövlüyümüzü bərpa etməyə müvəffəq oldu. Hazırda işğaldan azad olunan ərazilərdə böyük quruculuq layihələri həyata keçirilməkdədir. Bu layihələr azad olunan ərazilərin, inzibati, tarixi və mədəni abidələrin bərpası ilə yanaşı, həm də tarixi torpaqlarımızda illərdir keçirilməyən mədəni tədbirlərimizin, ənənələrimizin bərpasını əhatə edir. Beləliklə, işğaldan azad olunan torpaqlarımız hazırda mənən də dirçəlir. Mayın 12-13-də Cıdır düzündə keçirilən “Xarıbülbül” musiqi festivalı bunun əyani təsdiqidir.

Eləcə də oxuyun: 

"Mən dünyada Şuşaya bənzər şəhər görməmişəm" - İlham Əliyev

* Könlüm keçir Qarabağdan: Şuşa bu dəqiqələrdə - VİDEO

Xarıbülbül festivalının ilk günündən möhtəşəm FOTOLAR

Şuşada atəşfəşanlıq olub - VİDEO

 

77
Teqlər:
xarı-bülbül, video, festival, Şuşa
Kosmos, arxiv şəkli

Alimlər Kainatın genişlənməsi haqqında yeni məlumatlar əldə ediblər

0
Alimlər hələ ki Kainatın genişlənmə sürətinin dəyişməsinə nəyin səbəb olduğunu bilmirlər. Ola bilsin ki, bunu izah etmək üçün kosmik miqyasda işləyən yeni fizika və ya onun modifikasiya olunmuş versiyanı yaratmaq lazım gələcək.

BAKI, 14 may - Sputnik. Astronomlar ifrat yeni ulduzların alışmasına dair kataloqdakı informasiyanı analiz ediblər və belə nəticəyə gəliblər ki, müşahidələrin məlumatları Kainatın dəyişən sürətlə genişlənməsi modelinə daha çox uyğundur. Tədqiqatın nəticələri ilə bağlı məqalə “Astrophysical Journal” nəşrində dərc edilməsi üçün hazırlanıb və “arXiv.org” preprint serverində yerləşdirilib.

Kainatın genişlənməsi sürəti kosmologiyanın vacib parametrlərindən biridir. Astrofiziklər adətən Habbl sabitindən çıxış edirlər. Lakin alimlər Kainatın genişlənməsi sürətini onun tarixinin müxtəlif dövrlərində müqayisə etməyə başlayanda müşahidələr nəzəri modellərlə tez-tez ziddiyyət təşkil edir.

AZƏRTAC bildirir ki, bu problemi həll etmək üçün Yaponiya Milli Astronomiya Rəsədxanasından və SOKENDAI perspektiv tədqiqatlar universitetindən Maria Ciovanna Dainottinin rəhbərliyi ilə Yaponiya və İtaliya alimləri Kainat tarixinin müxtəlif vaxtlarında partlamış 1048 yeni ulduzun kataloqunu analiz ediblər. Tədqiqatçılar bu məlumatlar əsasında rəqəmsal model qurublar. Onu düzgün təsvir etmək üçün müəlliflər zamandan asılı yeni dəyişən təqdim etməli olublar ki, Habbl sabiti zamanla dəyişəcəyi təqdirdə, onun qarşısını almaq mümkün olsun.

Müşahidələrdə sistematik səhv ehtimalını istisna etmək üçün tədqiqatçılar nəticələrini Havayda Mauna-Kea rəsədxanasında Yaponiya Milli Astronomiya Rəsədxanasının “Subaru” teleskopunda quraşdırılmış “Hyper Suprime-Cam” alətinin köməyilə ayrıca yoxlayıblar.

İfrat geniş görmə sahəsi olan bu 900-meqapiksel kamera ən böyük sahədə zəif yeni ulduzların müşahidəsi üçün nəzərdə tutulur. Tədqiqatçılar onun köməyilə erkən Kainatda müşahidə edilən ifrat yeni ulduzlar seçimini böyütməyə və məlumatlarda qeyri-müəyyənliyi azaltmağa nail olublar.

Alimlər hələ ki Kainatın genişlənmə sürətinin dəyişməsinə nəyin səbəb olduğunu bilmirlər. Ola bilsin ki, bunu izah etmək üçün kosmik miqyasda işləyən yeni fizika və ya onun modifikasiya olunmuş versiyanı yaratmaq lazım gələcək.

Tədqiqatçılar nəticələrini “Subaru” teleskopundan və digər rəsədxanalardan əldə olunmuş əlavə və ya daha keyfiyyətli məlumatların köməyilə təsdiq etmək məqsədilə müşahidələrini davam etdirməyi planlaşdırırlar.

0