Роза Зяргярли  и Парвин Сафаров

Roza Zərgərli neftçalalı çobanı dəstəklədi

109
(Yenilənib 13:20 27.08.2018)
"O səs Türkiyə"nin məşhur ifaçısı Roza Zərgərli ilə birlikdə yeni toy hiti yaradıb

BAKI, 27 avqust — Sputnik. Müğənni Roza Zərgərli "oxuyan çoban" kimi tanınan gənc ifaçı Pərvin Səfərovu onunla birlikdə duet oxumaqla dəstəkləyib. Onların oxuduğu mahnı "Görüm yarı" adlanır.

Səfərovun Sputnik Azərbaycan-a verdiyi məlumata görə, həmin mahnının sözləri Vüsal İbrahimovun, musiqisi Ruslan Səfəroğlunundur. Səfəroğlu həm də kompozisiyanı aranjeman edib.

Mahnıya verdiyi dəstəyə görə Zərgərliyə təşəkkürünü bildirən Səfərov əmindir ki, "Görüm yarı" sevən cütlüklərin sevimli mahnısı olacaq və bütün toylarda səslənərək hitə çevriləcək.

Pərvin Səfərov Neftçala rayonunda anadan olub. O, beynəlxalq vokal layihəsi olan "O səs Türkiyə"də çıxış edəndən sonra məşhurlaşıb. Layihədə onun hamisi məşhur türk müğənnisi Murad Boz olub. Buna qədər isə Səfərov qoyun otararkən oxuduğu mahnıları "Youtube" kanalında yaymaqla tanınmışdı. 2018-ci ildə Pərvin Azərbaycan Milli Konservatoriyasına daxil olub.

Roza Zərgərli Azərbaycanın tanınmış müğənnilərindən biridir. O, təkcə Azərbaycanda deyil, xarici ölkələrdə də konsert proqramları ilə çıxış edir. Müğənni, həmçinin Qafqazın elm, təhsil və biznes üzrə İctimai Akademiyasının üzvüdür.

Zərgərli öz gücünü yazıçı kimi də sınayıb. Onun bu yaxınlarda "Sibir çiçəyi" avtobioqrafik romanı təqdim edilib. Roman sevgi, nifrət, xəyanət və ölüm haqqındadır. Kitabda müğənni Azərbaycanın məşhur mədəniyyət xadimləri ilə birgə həyat yolunun necə keçdiyini izah edib. Hazırda Zərgərli yeni "Məcnunsuz Leyli" kitabı üzərində işləyir.

109
Teqlər:
oxuyan çoban, Pərvin Səfərov, Roza Zərgərli, "O səs Türkiyə", müğənni
Əlaqədar
Tanınmış müğənni oğlu ilə birlikdə yol qəzasına düşdü, təhlükəsizlik kəməri...
Dünya şöhrətli müğənni azərbaycanlı əri üçün Azərbaycan plovu bişirdi
Populyar müğənninin anasının intihar etməsi ilə bağlı yeni xəbər var
Məşhur müğənninin anası intihara əl atıb
Bülənt Ərsoy, arxiv şəkli

Bülent Ersoyun "yaxşılığını" başına çırpdılar

3
(Yenilənib 20:24 30.11.2020)
Bülent Ersoyun açıqlamasından qısa müddət sonra vəqfdən cavab gəlib. "Çağdaş Yaşamı Dəstəkləmə Vəqfi" B.Ersoya rədd cavabını verib

BAKI, 30 noyabr — Sputnik. Türk musiqisinin divası adlandırılan Bülent Ersoy ötən həftə hər biri 40 min TL dəyərində olan iki ədəd bəyaz tülkü dərisindən olan kürk alıb.

Sputnik Azərbaycan xəbər verir ki, üzərində tülkünün başı olan kürklər sosial mediada tənqid obyektinə çevrilib. Heyvanların qətl edilərək, dərisindən kürk, papaq, ayaqqabı, çanta hazırlanmasına etiraz edən heyvansevərlər Bülent Ersoyu sərt tənqid ediblər.

Vəziyyəti belə görən B.Ersoy: "Kürklərimi "Çağdaş Yaşamı Dəstəkləmə Vəqfi"nə bağışlayacam" deyərək, açıqlama edib.

Bülent Ersoyun açıqlamasından qısa müddət sonra vəqfdən cavab gəlib. "Çağdaş Yaşamı Dəstəkləmə Vəqfi" B.Ersoya rədd cavabını verib.

Vəqfin açıqlamasında deyilir: "Çağdaş Yaşamı Dəstəkləmə Dərnəyi Atatürk fikir və düşüncələrini müasir təhsil yoluyla çağdaş toplumlar səviyyəsinə çatdırmağı hədəfləyən örnək cəmiyyət birliyidir. Dərnəyimiz özündə təbiət, çevrə və canlı haqlarına sayğı ilə yanaşmağı birləşdirir. Bu səbəbdən heyvanların qətl edilməsi ilə hazırlanan məhsulların və ya həmin məhsullardan əldə edilən gəlirin Vəqfimizə bağışlanması qanun və dəyərlərimizə ziddir".

3
Teqlər:
dəri, kürk, Bülənt Ərsoy
 Müslüm Maqomayev, arxiv şəkli

Ukraynada Maqomayevin xatirəsinə həsr edilmiş III Beynəlxalq vokal müsabiqəsi keçiriləcək

9
(Yenilənib 19:33 30.11.2020)
Müsabiqə iştirakçıları iki seçim turunda Müslüm Maqomayevin akademik (opera) və estrada repertuarına daxil olan mahnılar ifa edəcəklər

BAKI, 30 noyabr — Sputnik. Dekabrın 1-dən 4-dək Ukraynanın kurort paytaxtı sayılan Truskavetsdə Vokalçıların Müslüm Maqomayevin xatirəsinə həsr edilmiş III Beynəlxalq müsabiqəsi keçiriləcək.

 Maqomayev bioqrafik serialından səhnə
© Photo : Первый канал/ Mediaslovo / АМЕДИА/ 2020

Sputnik Azərbaycan xəbər verir ki, bu unikal müsabiqədə həm opera, həm də estrada musiqisini eyni dərəcədə uğurla ifa edən vokalçılar aşkar ediləcək, onlar Ukraynanın və dünyanın musiqi ictimaiyyətinə təqdim olunacaqlar. Müsabiqə iştirakçıları iki seçim turunda Müslüm Maqomayevin akademik (opera) və estrada repertuarına daxil olan mahnılar ifa edəcəklər. Onun repertuarına daxil olan "Mən göyə baxıram" adlı Ukrayna xalq mahnısı müsabiqədə hökmən ifa edilməlidir.

Müsabiqəyə 16-40 yaşlarında, musiqi üzrə ixtisas təhsili almış peşəkar müğənnilərlə bərabər, musiqi təmayüllü ali məktəblərin və kolleclərin tələbələri də qoşula bilərlər.

İştirakçılar ilkin mərhələdə qiyabi seçimdən keçiblər. Bu mərhələdə ən çox bal toplayanlar final seçiminə dəvət olunublar.

Vokalçıların Müslüm Maqomayevin xatirəsinə həsr edilmiş Beynəlxalq Müsabiqənin mövcud olduğu illərdə bu yarışda Ukrayna, Moldova, Niderland, ABŞ, Özbəkistan, Litva və Qazaxıstandan olan vokalçılar iştirak ediblər.

Bu il iştirakçıların peşəkar səviyyəsi çox yüksəkdir: xaricdə kontrakt üzrə işləyən gənc opera müğənniləri koronavirus karantini səbəbindən Ukraynaya qayıdıblar və onlar da bu müsabiqədə iştirak edəcəklər. On beş nəfər finalçı arasında "Ölkənin səsi" teleşousunun iştirakçıları və populyar aktyorlar da var.

Epidemiyaya qarşı mübarizə tələblərinə uyğun olaraq, müsabiqə qarışıq formatda keçiriləcək: ifaçılar, münsiflər heyətinin üzvləri və prodüserlər seçim turlarında canlı iştirak edəcəklər, tamaşaçılar isə müsabiqəyə onlayn rejimdə qoşula biləcəklər. Seçim turları və qala-konsert müsabiqənin rəsmi internet səhifəsində nümayiş etdiriləcək. Efirin texniki təminatı "Truskavets-onlayn" saytına həvalə edilib.

Müsabiqənin təşkilatçıları Müslüm Maqomayev adına Azərbaycan Mədəniyyət Mərkəzi və Truskavets Şəhər Şurasıdır. Tədbir Azərbaycanın Ukraynadakı səfirliyinin, Azərbaycan Respublikasının Diasporla İş üzrə Dövlət Komitəsinin dəstəyi ilə keçirilir. AzərTac bu müsabiqənin media-tərəfdaşıdır.

9
Teqlər:
Ukrayna, vokal, müsabiqə, Müslüm Maqomayev