Fikirli adam

Məni parkda yatmaqdan xilas edən adam...

14146
(Yenilənib 17:02 07.08.2018)
Görəsən, bizdə hansı adam özünə və dostlarına hədiyyə etmək üçün 6 ədəd kitab alıb 210 manat pul ödəyər?

BAKI, 7 avqust — Sputnik. 5-6 il əvvəlin hadisəsidir. Yayın bitməsinə az qalmışdı. İstanbulda hər otağı ayrıca kirayə verilən hündür binalardan birində qalırdım. Ay tamam olurdu və kirayənin vaxtı çatırdı. Mənim isə pulum yox idi. Bütün günlərim kirayə pulunu tapmağın yolları barədə düşünməklə keçirdi.

Bakıdakı dost-tanışla əlaqə saxlayıb kitablarımın satıldığı mağazalara göndərdim. Mağazalardan da müsbət cavab gəlmədi. Biri demişdi ki, müəllif ödənişlərinin vaxtı deyil, biri mühasibatın işləmədiyini bəhanə gətirmişdi, bir digəri kitabların satılmadığını bildirmişdi və s. Bunun da alınmadığını görüb ümidimi tamam itirdim və daha pul axtarmaqdan əl çəkdim.

Kimdənsə borc istəmək də mümkün deyildi. Çevrəm hamısı sənət adamlarıdır. Yazıçı, şair, jurnalist, aktyor, aktrisa, rejissor, bəstəkar və s. Bunların hansından borc istəmək olar ki? Satılan kitablarının pulu təkcə içki içib dərdlərini unutmağa yetən Azərbaycan yazıçısından, şairindənmi borc istəyərdim, yoxsa aylıq yol xərcləri belə maaşından çox olan aktyor, aktrisa, rejissorlardan? Xülasə, ədəbiyyat, sənət adamları ilə puldan danışmağa üzüm gəlmir. Yaxşı fərqindəyəm ki, bu əl çirki onların ən yaralı yeridir.

Beləcə, əlacsız qaldım. Evə qayıda da bilmədim. Taksimdə — "Gezi Park"ında oturub siqaret çəkirdim. Elə Türkiyədə ən ucuz siqaret olan "Mavi Lark" alacaq qədər pulum qalmışdı. Əşyalarım, geyimim, notbukum evdə idi. Ora qayıtsaydım, ev yiyəsi kirayə haqqını istəyəcəkdi və mən ödəyə bilməyəndə əşyalarımla birlikdə evdən çıxaracaqdı. Bu isə ikiqat yük olardı. Ən azından, əşyalarımın qalacaq yeri var idi. Mən isə pul dərdi çəkə-çəkə siqaret tüstülədirdim. Əlac yox idi, parkda yatacaqdım.

Elə bu vaxt ortayaşlı bir kişi yanımda əyləşdi. Cibindən "Malbro" qutusunu çıxarıb içindən bir siqaret götürdü. Nəzakətlə məndən alışqan istədi. Alışqanı çıxarıb siqaretini özüm yandırdım.

Bir xeyli sükutdan sonra qəfildən sual verib hardan olduğumu soruşdu. Azərbaycandan olduğumu dedim. Sonra İstanbulda nə iş görməyimlə maraqlandı. Mən də heç bir iş görmədiyimi bildirdim. O, inadla mənim məşğuliyyətimi öyrənməyə çalışırdı. "Azərbaycanda nə işlə məşğul idin?" deyə soruşdu. Mən elə Azərbaycanda da bir iş görmədiyimi dedim. Kişi isə yarızarafat, yarıciddi "sənin işin-gücün yoxmu?" deyə istehza etdi.

Bir köks ötürüb yazıçı olduğumu dedim. Təəccübləndi. Kitablarımla maraqlandı. "İki kitabım var" dedim.

O: Yanındamı?

Mən: Yox, evdədir.

O: Evin hardadır?

Bu sualı verəndə, elə bil, söydü məni. Susdum. Bilmədim ona nə cavab verim. O da yəqin ki, cavab vermək istəmədəyimi düşünüb üzünü başqa səmtə çevirdi və özünü elə apardı ki, bu sualı heç verməyib. Xeyli sükutdan sonra "Harbiyədə qalıram" dedim.

O: Bura yaxındır, mən sənin kitablarını oxumaq istəyirəm. Xahiş edirəm ki, mənə öz kitablarını satasan.

Mən: O kitablar azərbaycanca yazılıb. Siz anlamayacaqsız.

Kişi bizim dilə aşina olduğunu bildirdi və qeyd etdi ki, Nizamini, Füzulini, Nəsimini, Bəxtiyar Vahabzadəni azərbaycanca oxuyub.

Mən isə ona kitab sata bilməzdim. Çünki kitabları götürmək üçün evə getməli idim və evə getsəm, ev yiyəsi kirayəni istəyəcəkdi. O kişinin iki kitab üçün ödəyəcəyi pul da kirayə haqqının uzaqbaşı onda biri ola bilərdi. Vəziyyəti izah edib aciz görünmək də istəmədim. Onu bu fikrindən daşındırmaq üçün bir bəhanə axtarırdım. Elə bu vaxt "bir kitab üçün sənə 100 Tl (35 manat) ödəyəcəyəm" dedi.

Heyrətə gəldim. "Zarafat edirsiz? Bir kitabın qiyməti 100 TL deyil" dedim. O isə, nəzakətlə izah etdi: "Mən bu kitabı mağazadan alsaydım, satış qiymətinə alardım. Amma mən bu kitabı yazıçının özündən alıram. Bunun, əslində, qiyməti ölçülməz. Bu, mənim üçün bir tarix olacaq, bir yazıçının özündən kitab alacağam. Ödədiyim 200 TL nədir ki, bunun müqabilində?"

Onun ciddiyyətinə əmin oldum. 200 TL mənim ödəyəcəyim kirayə haqqının yarısı idi. Bu pulu ev sahibinə verib, qalanını da sonra ödəməyə razı salacaqdım.

Onunla birlikdə qaldığım evə yollandıq. Onu içəri dəvət etsəm də, girmədi. Qapıda gözlədi. İki kitabımın hərəsindən bir ədəd gətirdim. Hər iki kitabın üz qapağına baxdı, ikisini də bir az vərəqlədi. Sonra isə "bu kitabların hərəsindən iki ədəd də gətir" dedi.

Təəccübdən əməlli-başlı tərlədim. İçəri girib hərəsindən iki ədəd də gətirdim. Kitabları alandan sonra əlini cibinə atdı. Pullarını çıxarıb hesablayaraq danışdı, "mənim iki yaxın dostum var. Onlar da kitab pərəstişkarıdır. Hərəsindən bir ədəd onlar üçün hədiyyə alıram. Amma səndən bir xahişim var ki, bu kitabların hamısını imzalayasan".

Sözünü bitirən kimi 600 TL (210 manat) uzatdı mənə. Əlim əsə-əsə pulu aldım. Bir qələm götürüb kitabların hamısını imzaladım. O, əlimi sıxıb təşəkkür etdi. Məni tanımağa sevindiyini də deyib sağollaşdı.

Əlimdə 600 TL pul var idi və mən bu pulu 6 ədəd kitabdan qazanmışdım. Azərbaycanda isə mən bu pulu ən az 100 kitabımın satışından qazana bilərdim. O hadisənin təəccübü hələ də məni tərk etməyib.

Cəld aşağı düşüb ev sahibinə 400 TL verdim. Sonra bir kafedə yemək yedim. Həmin andan indiyə qədər düşünürəm: görəsən, mənim ölkəmdə hansı adam özünə və dostlarına hədiyyə etmək üçün 6 ədəd kitab alıb 600 Tl (yəni 210 manat) pul da ödəyər?

14146
Teqlər:
kirayə pulu, şair, mağaza, kitab, İstanbul, Bakı, yazıçı, Azərbaycan
Əlaqədar
Nə kitablar var, nə də müəllimlər: Gürcüstanda Azərbaycan dilində təhsil batır
Əli Həsənovun kitabı Tacikistanda çap olunub
Məktəblərdə kağız kitablar dövrü sona çatır, lap az qaldı
Nəyisə düz hesablamadılar: Qüllə kitabxananın üstünə aşdı - VİDEO
Məktəbə getmədən oxuyub yazmağı öyrəndi, 12 kitab yazdı
Şəki Xan sarayı

Avropanın Keramika Marşrutunun yeni üzvü - Şəkinin təqdimatı keçirilib

209
(Yenilənib 20:41 18.06.2021)
Azərbaycan Mədəni Marşrutlar üzrə Avropa İnstitutuna 2011-ci ildən üzv olub. İndiyədək Azərbaycan Avropa Şurası Mədəni Marşrutları layihəsi çərçivəsində 5 marşruta qoşulub.

BAKI, 18 iyun — Sputnik. Avropa Şurasının Keramika Assosiasiyasının Baş Assambleyasının onlayn formatda iclası keçirilib. Sputnik Azərbaycan xəbər verir ki, iclas çərçivəsində Avropa Keramika Marşrutunun (European Route of Ceramics) yeni üzvü - Şəki şəhərinin təqdimatı baş tutub.

Şəki şəhəri bu ilin əvvəlində Dövlət Turizm Agentliyinin təşəbbüsü ilə Avropa Keramika Marşrutuna üzv seçilib. Yeni üzvü təqdim edən Dövlət Turizm Agentliyinin Qoruqları İdarəetmə Mərkəzinin şöbə müdiri Sədaqət Davudova iclas iştirakçılarına Avropa Keramika Marşrutuna yeni qoşulmuş Şəkinin tarixi, şəhərsalma mədəniyyəti, özünəməxsus memarlıq üslubu, sənətçilik ənənələri haqqında ətraflı məlumat verib. Qeyd olunub ki, keramika sənəti ənənələrinin davam etdirilərək gələcək nəsillərə ötürülməsində Şəki sənətkarlarının rolu böyükdür.

Assambleya iştirakçılarına Qafqazda ilk Keramika Mərkəzi - "ABAD" Keramika və Tətbiqi Sənət Mərkəzinin məhz Şəkidə yaradılması, ilk Beynəlxalq Keramika Simpoziumunun da bu şəhərdə keçirilməsi haqqında məlumat verilib. Qeyd olunub ki, Şəki şəhəri 2008-ci ildə Dünya Tarixi Şəhərlər Liqasının üzvü seçilib, 2019-cu ildə UNESCO-nun Ümumdünya İrs Komitəsinin 43-cü sessiyasında "Xan Sarayı ilə birgə Şəkinin tarixi mərkəzi" Ümumdünya İrs Siyahısına daxil edilib. 212 maddi mənəvi irs, 28 qeyri-maddi mədəni irs, 19 mədəni təbii irs daşıyıcısı olan Şəki şəhəri 2010-cu ildə Azərbaycanın Sənətkarlıq Paytaxtı elan edilib, 2017-ci ildə onun adı UNESCO-nun "Yaradıcı şəhərlər şəbəkəsi" siyahısına salınıb.

Avropa Keramika Marşrutu 2012-ci ildə Avropa Şurası tərəfindən sertifikatlaşdırılmış mədəni marşrutdur. Bu hərəkatın məqsədi keramika istehsalı və bu sahəyə dair qədim ənənələrlə bağlı mədəni irsi dəyərləndirmək, dayanıqlı turizm təklifi yaratmaq və bununla da ümumilikdə mədəni və sosial inkişafa nail olmaqdır. Hazırda Avropa Şurasının Keramika Assosiasiyası mərkəzi qərargahı İtaliyanın Faentsa (Faenza) şəhərində yerləşir.

Azərbaycan Mədəni Marşrutlar üzrə Avropa İnstitutuna 2011-ci ildən üzv olub. İndiyədək Azərbaycan Avropa Şurası Mədəni Marşrutları layihəsi çərçivəsində 5 marşruta – "Şərab Yolu", "Yəhudi irsi üzrə Avropa marşrutu", "Qədim Qayaüstü İncəsənət İzləri", "Termal şəhərlər" və "Zeytun ağacları" yoluna qoşulub.

209
Open Air kinotatrı

Kinosevərlərə şad xəbər: "Open Air Cinema"nın Bakıda da reallaşdırılması nəzərdə tutulub

273
(Yenilənib 20:43 18.06.2021)
""Open Air Cinema" layihəsi Bakıda gerçəkləşdikdən sonra digər layihə - "AvtoCinema" təqdim ediləcək.

BAKI, 18 iyun — Sputnik. Ötən həftə "CinemaPlus" kinoteatrlar şəbəkəsi kinosevərlər üçün yeni layihə ərsəyə gətirib. "Cinema Plus"un PR meneceri Nərmin Həsənovanın Sputnik Azərbaycan-a verdiyi məlumata görə, Şamaxı şəhərində yerləşən "Abqora" restoranında "Meysəri" şərabları və "CinemaPlus"un birgə layihəsi olan "Open Air Cinema"da hər həftəsonu açıq havada, təbiətin qoynunda qonaqlar yeni filmləri izləyə biləcəklər:

"Bu layihə keçən il də Şamaxıda baş tutmuşdu. Layihə regionda həyata keçirilsə də, paytaxt sakinləri tərəfindən də böyük maraqla qarşılanıb. Hələ ki, Bakıda başlamamışıq. Bakıda da belə layihələr nəzərdə tutulub. Məlum məsələləri nəzərə alaraq hələlik paytaxtda gözləmə mövqeyindəyik".

Nərmin xanım "AvtoCinema" adlı layihədən də danışıb:

""Open Air Cinema" layihəsi Bakıda gerçəkləşdikdən sonra digər layihəni - "AvtoCinema"nı təqdim edəcəyik. "AvtoCinema" layihəsi açıq havada kinoteatr giriş və çıxışı olan böyük avtopark sahəsini xatırladır. İnsanlar şəxsi avtomobillərində əyləşərək böyük ekranda filmləri izləyəcəklər. Çalışdıq ki, "Open Air Cinema" bir pilot layihə kimi regionda sınaqdan keçirilsin və daha sonra maraq və istəkləri nəzərə alaraq bu təcrübəni paytaxta köçürə bilək. Bu layihə pandemiya şəraiti ilə əlaqəli deyil, adi vaxtlarda da davam etdirilə bilər. İnanıram ki, kinosevərlərimiz yeni layihə vasitəsilə filmlər izləmək imkanı qazanacaqlar".

Qeyd edək ki, "Open Air Cinema"da filmlər və seanslar haqqında məlumatı "CinemaPlus"un sosial şəbəkə hesablarından əldə etmək mümkündür.

Xatırladaq ki, Azərbaycan Nazirlər Kabineti yanında Operativ Qərargah Koronavirus pandemiyası ilə bağlı (COVID-19) ötən ilin martın 14-dən etibarən ölkə daxilində tətbiq olunan sosial təcrid tədbirlərini həyata keçirib. Bu tədbirlərə toy, yas mərasimləri və digər kütləvi toplantıların qadağan edilməsi, mədəniyyət obyektlərinin, teatrların, muzeylərin, kinoteatrların, əyləncə mərkəzlərinin, idman mərkəzlərinin və digər əlaqəli obyektlərin bağlanması da daxil olub.`

273
Şenol Günəş, arxiv şəkli

Günəş Türkiyə millisinin AVRO-2020-də uğursuz çıxışına görə üzr istəyib