Tural Kərimov

Rejissor: "Çox aşağı məbləğ təklif edirlər, o pula Bakıda heç kirayə qalmaq mümkün deyil"

2390
(Yenilənib 18:11 04.08.2018)
"Üç dəqiqəlik qısametrajlı film üçün 2 ay əlləşirik, çalışırıq"

Rahim Zakiroğlu, Sputnik Azərbayсan

BAKI, 4 avqust — Sputnik. Son zamanlar həvəskar rejissorların sayı artır. Düzdür, əksər rejissorlar həvəskarlıqdan başlayır, sonra peşəkar olurlar. 1992-ci ildə Bakıda doğulan, lakin hazırda Lənkəranda yaşayan Tural Kərimov da özünü rejissor kimi sınayıb. Həvəskar rejissor olan Turalın çəkdiyi 2 qısametrajlı film, artıq ölkə səviyyəli festivalda birinci yerə layiq görülüb.

Tural Kərimov, həmçinin öz üslubunda rep də ifa edir. Elə buna görə də özünə "TourAlone" ləqəbini götürüb. Onun, artıq "Salam olsun cümləmizə" adlı albomu da işıq üzü görüb. Hazırda ikinci "Səsi külək adam" adlı albomunun üzərində iş gedir ki, bu albomun da artıq 3 parçası hazırdır.

Həvəskar rejissor və reper Sputnik Azərbaycan-ın bölgə müxbirinin suallarını cavablandırıb, görəcəyi işlər barəsində danışıb:

— Əvvəlcə istərdik ki, götürdüyünüz "TourAlone" ləqəbinə aydınlıq gətirəsiniz.

— "TourAlone" ləqəbi həm adıma uyğundur, həm də hərfi tərcümədə "tək" və ya "yalnız səyahət" deməkdir. Yəni həyat səyahətinə tək gəlmişəm, dünyadan köçəndə də tək gedəcəyəm.

— Bir neçə işlə məşğulsunuz. Bəs ixtisasınız nədir?

— Biznesin idarə edilməsi ixtisası üzrə oxumuşam, amma öz ixtisasım üzrə işləmirəm. Heç o ixtisası davam etdirmək fikrim də yoxdur. Əvvəldən mədəniyyətə, incəsənətə doğru istiqamətlənəcəyimi bilirdim. Amma nədənsə elə oldu ki, biznesin idarə olunması ixtisasını seçdim və özümü həmin sahədə sınamaq istədim, lakin alınmadı. İstedad məni incəsənətə gətirdi.

— Son zamanlar sosial şəbəkərlərdə "vine"lar daha çox yayılıb, əksəriyyəti də pul qazanmaq üçün "vine" çəkirlər. Siz nəyə görə "vine" deyil, məhz qısametrajlı film çəkməyə üstünlük verdiniz?

— Çünki işlərimdə daha çox keyfiyyət önəm verirəm. Bəlkə də bu bizim inkişafdan dala qalmağımıza gətirib çıxarır. 3 dəqiqəlik qısametrajlı film üçün 2 ay əlləşirik, çalışırıq. Keyfiyyətdən qaçmaq adamı dala salır. Amma "viner"lərə də halal olsun ki, çox video çəkib, paylaşa bilirlər. Məndə o yoxdur. Hətta 6 saniyəlik bir şey olsa da, fikir verəcəyəm ki, keyfiyyətli olsun. Mənim üçün "viner" olmaq önəmli deyil. Həm də qısametrajlı filmlər şəraitsizlikdən çəkiləndir. Həmçinin də qısametrajlı filmlər informasiyanı daha tez çatdırmağa kömək olur. Bu işdə maarifləndirmək məqsədi də var, özümün təcrübə qazanmağım da.

— Özünüzü peşəkar hesab edirsiniz?

— Özümü peşəkar saymıram, bütün bu qısametrajlı filmlər təcrübə qazanmağım üçündür. Düzdür, deməzdim ki, biz asan bir işdən başlamışıq. Qısametrajlı filmi çəkmək o qədər də asan deyil. Bədii filmi uzun-uzadı çatdırmaq üçün çox şey etmək olar. Amma qısametrajlı film elədir ki, qısa şəkildə bir fikri ortaya qoya, tamaşaçıya çatdıra biləsən.

— Bəs, tammetrajlı filmlər çəkmək barədə düşünürsünüz?

— Əlbəttə, gələcəkdə bədii tammetrajlı filmlərdə çalışmaq planda var. Hazırda çəkdiyimiz qısametrajlı filmlərin tərcüməsi ilə məşğuluq. Ən azından gələcəkdə sosial şəbəkələrdə yerləşdirək və yaxud hər hansı başqa festivala göndərək. Bu da xaricdə çalışmaq məqsədi daşıyır. Bundan sonra da çalışacağam ki, çəkdiyimiz filmləri ingilis dilində subtitrlərlə montaj edib, video portallara yerləşdirək ki, daha çox adam baxıb anlasın. Əsas odur!

— İki qısametrajlı filminiz festivalda qalib gəlib. Həmin filmləri çəkəndə məqsədiniz nə idi? Festivalda qalib olmaq, yoxsa sırf izləyiziləri maarifləndirmək?

— "Əsas məqsəd maarifləndirməkdir, təbii ki. Bu ilin may ayında Anarın seçilmiş əsərlərinə həsr edilmiş "Kitab və Qutab" adlı buktreylerim III Buktreylər festivalında qalib oldu. 2 ay sonra da Gənclər və İdman Nazirliyinin və "MZ Production"un birgə təşkilatçılığı ilə keçirilən İnsan hüquqlarına dair qısametrajlı filmlər müsabiqəsində də "Cəza" adlı qısametrajlı filmimiz qalib gəldi. Mən bu hər iki filmin həm rejissoru, həm də ssenaristiyəm. "Kitab və qutab" filmində daha çox mütaliəyə həvəsi artırmışdım. Hətta film çəkənlərin çəkdikləri əsər barədə məlumatsızlığına, paxıllıq mövzularına toxunmuşdum. Çalışmışdım ki, nə çəkdiyimizi başa düşsünlər. Həmçinin çalışdım ki, kitabın bəzən filmdən daha çox maraqlı olduğunu göstərim.

2018-ci ilin may ayında Turalın Kitab və Qutab adlı buktreyleri III Buktreylər festivalında qalib olub
© Foto T.Kərimov tərəfindən təqdim olunub
2018-ci ilin may ayında Turalın "Kitab və Qutab" adlı buktreyleri III Buktreylər festivalında qalib olub

— Bəs, "Cəzada"?

— "Cəza" filmində isə tam fərqli bir mövzuya toxundum. Hətta deyərdim ki, dünyada bu mövzuya çox az toxunulub. Burada mövzu keçmiş məhbusların cəmiyyətə inteqrasiyasıdır. Yəni belə sosial videoçarxları axtarsaq da tapa bilmərik. Tam orijinal ssenari ilə bu mövzuya toxunduq və məncə həmin o 3 dəqiqə ərzində istədiyimizi bəzi insanlara göstərə bildik. Keçmiş məhbusların adından həyata baxışı, çəkdikləri çətinliyi, sosial adaptasiya problemlərini göstərdik.

— Belə başa düşdüm ki, siz rejissorluqla yanaşı ssenari də yazırsınız. Hansı daha çox yaxındır ruhunuza, hansı sahədə özünüzü daha güclü hesab edirsiniz?

— İstər "Cəza"da, istərsə də "Kitab-qutab"da çalışmışam ki, orijinallığı qoruyum. Bu da həqiqətdir ki, adam nədənsə şüuraltı təsirlənir, amma baxan bilir ki, bu Azərbaycan reallığıdır və yaxud belə bir yanaşma heç kim tərəfindən ola bilməzdi və bu sırf orijinal fikirdir. Bu fikri çatdırmaq da bir bacarıq tələb edir. İdeya super ola bilər. Hər şey ssenaridən asılıdır. Ssenari o qədər gözəl olmalıdır ki, hətta sənin zəif rejissorluğun belə, gözəl görünsün. Mənim də iddiam, əsasən, ssenari yazmağadır, ssenaristliyədir. Bu sahədə özümü daha güclü saya bilərəm, nəinki rejissorluqda.

İnsan hüquqlarına dair qısametrajlı filmlər müsabiqəsində I yerə layiq görülmüş Tural Kərimov kinoşünas, rejissor Ayaz Salayevlə
© Foto T.Kərimov tərəfindən təqdim olunub
İnsan hüquqlarına dair qısametrajlı filmlər müsabiqəsində I yerə layiq görülmüş Tural Kərimov kinoşünas, rejissor Ayaz Salayevlə

— Nə kimi çətinliklərlə, problemlərlə üzləşirsiniz?

— Əsas çətinliyimiz bölgədə fəaliyyət göstərməyimizdir. Həm də avadanlıq baxımından çətinliklərimiz var. Hələ də yaradıcı komanda formalaşmayıb. Nə qədər həvəsə iş görsək də, bir müddət sonra maddiyyata bağlılıq yaranır. Yəni müəyyən qədər maddiyyat da olmalıdır ki, inkişaf da olsun və daha yaxşı işlər görə bilək. Digər çətinlik isə odur ki, mühit tam formalaşmayanda bir adam 5 işi görür. Daim çalışmışam ki, ssenari yazdımsa, mümkün şəraitə görə hər işin peşəkarını cəlb edim. Aktyor seçimi baxımından da bir az çətinliklər olur. Elə rollar var ki, həvəskar aktyorlara üz tuturam, amma elə rollar da olur ki, çalışırıq, peşəkar aktyorlara müraciət edək.

— Sizə təmənnasız dəstək və ya yardım edənlər olurmu?

— Çox sağ olsunlar, bu vaxta qədər Lənkəran Dövlət Dram Teatrından köməkliklər olub. Heç bir maddiyyat güdmədən bizə köməklik göstəriblər. Lakin çalışmışam ki, qalib gəldiyim festivallarda aldığım mükafatları düzgün şəkildə bölüşdürüm. Çəkiliş məkanlarını da çox vaxt çalışırıq ki, tanıdığımız yerlərə gedək. Amma çəkiliş üçün xüsusi icazə aldığımız yerlər də olub. Artıq bizi də tanımaya başlayıblar və sağ olsunlar, adımız çəkiləndə bilirlər ki, ortaya keyfiyyətli iş qoyacağıq, ona görə də icazə verirlər. Bəzən çox az məbləğdə qonorar ayırırlar ki, bu çəkilişi edin və sairə. Biz ortaya sənət qoyuruq, ağzımıza gələni deyil, beynimizə gələni çəkirik. Telefonla, ya da "Instagram" üçün bir dəqiqəlik video çəkmirik.

İnsan hüquqlarına dair qısametrajlı filmlər müsabiqəsində T.Kərimovun Cəza filminə baxış
© Foto T.Kərimov tərəfindən təqdim olunub
İnsan hüquqlarına dair qısametrajlı filmlər müsabiqəsində T.Kərimovun "Cəza" filminə baxış

— İşlərinizi izləyib, dəyərləndirənlərdən hansısa təkliflər alırsınız?

— Hər festival bizə dəyərli insanlar qazandırdı və onlardan müəyyən təkliflər gəlib. Hazırda serial ssenarisi ilə bağlı təklif də var. Gələn təkliflərin hamısı Bakıdandır. Bəzi təkliflər də oldu ki, özüm imtina etdim. Açığı deyim, çox aşağı məbləğ təklif edirdilər. Çünki onların dedikləri pula Bakıda heç kirayə qalmaq mümkün deyil. Amma çox dəyərli insanlar tanıdım. İnşallah onların köməkliyi ilə zirvələrə qalxacağıq.

2390
Əlaqədar
Rejissor Elvin Abdulla “EuroAsia İnternational Film Festival”ı haqqında danışır
Populyar serialın rejissoru: "Tamaşaçıların gözləmədiyi bir final olacaq"
Azərbaycanlı aktrisanı zorladığı iddia edilən məşhur rejissor 20 il iş ala bilər
"O rejissorla işləsəm, anamın südü mənə qənim olsun"
Banu Şucai, arxiv şəkli

Azərbaycanın ən gözəl qızı oğlanı onlayn seçdilər

95
(Yenilənib 23:44 10.07.2020)
Karantin rejimi tətbiq olunandan əvvəl altı ay müddətində iştirakçılar model xoreoqrafiyası, model işinin nəzəriyyəsi, psixologiya və xarici dil dərslərinə qatılıblar

BAKI, 10 iyul — Sputnik, Kəmalə Əliyeva. Modellər Banu Şücai və Elçin Dadaşov Miss&Mister Azerbaijan-2020 milli gözəllik müsabiqəsinin qalibi olublar.

Bu barədə Sputnik Azərbaycan-a layihənin mətbuat xidmətindən məlumat verilib.

Koronavirus pandemiyası səbəbindən müsabiqə ilk dəfə onlayn keçirilib. Münsiflər heyətinə layihənin yaradıcısı və təşkilatçısı Anelya Orduxanova, baş koordinator, quruluşçu xoreoqraf Ayla Mais, koordinator və xoreoqraf Hidayət Xəlilov (Mister Super Model 2018) və müsabiqənin piar-meneceri, psixoloq Səxavət Qabiloğlu daxildirlər. 

© Photo : Courtesy organizers of the contest Miss & Mister Azerbaijan-2020
Banu Şücai və Elçin Dadaşov

Models Production model şirkətinin nümayəndəsi də finala qatılaraq iştirakçıların çıxışını onlayn izləyib.

Karantin rejimi tətbiq olunandan əvvəl altı ay müddətində iştirakçılar model xoreoqrafiyası, model işinin nəzəriyyəsi, psixologiya və xarici dil dərslərinə qatılıblar. Finalçılar Bakıdan və Azərbaycanın digər regionlarından şəbəkəyə qoşularaq məharətlərini münsiflərə nümayiş etdiriblər.

Səsvermə nəticəsində Banu Şücai və Elçin Dadaşov birinci olublar.

Banu Şücai Miss Globe International və  Miss smile titullarının sahibi, “Səs Azərbaycan” milli musiqi layihəsinin iştirakçısı olub. Dünyada bir çox beynəlxalq moda həftələrində model kimi iştirak edib. Elçin Dadaşov da moda və gözəllik sənayesi ilə bağlı müxtəlif layihələrə qatılıb.

 

95
Səmra Rəhimli, arxiv şəkli

Azərbaycanlı müğənni həyatdan tez getmiş reperlərə yeni trek həsr edib

345
(Yenilənib 19:54 10.07.2020)
Səmra Rəhimli həyatdan tez getmiş reperlərin xatirəsinə həsr olunmuş "Göz" adlı kompozisiyasının onlayn təqdimatını keçirib, tezliklə hip-hop albomunu da təqdim edəcək.

 

BAKI, 10 iyul — Sputnik, Kəmalə Əliyeva. Azərbaycanlı müğənni Səmra Rəhimli yeni hip-hop albomundan "Göz" adlı kompozisiyasının onlayn təqdimatını keçirib.

İfaçı Sputnik Azərbaycan-a bildirib ki, mahnı həyatdan tez getmiş reperlərin xatirəsinə həsr olunub.

Layihənin prodüseri müğənninin anası İlahə Baxşıyeva olub. Bu kompozisiyanı yazdırmağa onu 20 yaşında qətlə yetirilmiş amerikalı reper XXXTENTACİON-ın (Jasey Duane Ricardo Onfray) "Moonlight" ("Ay işığı") adlı məşhur hiti ilhamlandırıb.

"Mən artıq bir ildir ki, albom üzərində çalışıram. Onun yerli şou-biznesdə analoqu yoxdur, çünki bu, Azərbaycanda ilk qadın hip-hop albomudur. Bura on trek daxil olacaq. Bu albomun üzərində gənc reper və musiqiçilərdən ibarət tam bir qrup işləyir: sözlərin müəllifi Clavis və OD, musiqinin müəllifi OD, aranjman Clavis, miks və masterinq isə Drek-dir", – deyə Rəhimli qeyd edib.

Qız etiraf edib ki, hip-hop həmişə onu cəlb edib. O, hətta məktəb illərində ingilis dilində rep oxuyur, populyar reperləri dinləyirmiş. Rəhimli həmişə Azərbaycan dilində rep kompozisiyası ifa etmək istəyib.

"İllər sonra mən sevimli hip-hopuma qayıtdım və bizimlə eyni dalğada olan insanları tapmazdan əvvəl anamla bu işə çox vaxt sərf etdik. Armas sinqlinin uğur qazanmasından sonra biz bu istiqamətdə işləri davam etdirməyə qərar verdik - yeni trekləri yazmağa başladıq və bir vaxt ayıldıq ki, artıq bütöv bir albom üçün material yığılıb", - deyə müğənni etiraf edib.

Səmra Rəhimli 19 oktyabr 1994-cü ildə Bakıda anadan olub. "O Səs Türkiyə" və "Səs Azərbaycan" layihələrinin iştirakçısı olan Səmra 2016-cı ildə Stokholm şəhərində keçirilən 61-ci "Avroviziya" Mahnı Müsabiqəsində Azərbaycanı "Miracle" mahnısı ilə təmsil edib. O, "Avroviziya-2016"nın final mərhələsində 17-ci yerdə qərarlaşıb.

Hazırda müğənni çıxış etməyə və yeni layihələr üzərində işləməyə davam edir.

345
Əlaqədar
Müğənni Bəxtiyarın keçmiş həyat yoldaşı onun koronavirusa yoluxduğuna inanmır
Azərbaycanlı müğənni ukraynalı opera müğənnisinə klip çəkib
Santa-Barbarada olmuşam! Tanınmış azərbaycanlı müğənnidən fərqli paylaşım
Hamının kefi qalxacaq! Dilarə Kazımova yay hitini təqdim edib
Ulduzlarımız karantində Bakıdan Türkiyəyə qaçırlar
 Belarus Prezidenti Aleksandr Lukaşenko, arxiv şəkli

Lukaşenko Belarusun dağılması təhlükəsindən danışdı

0
(Yenilənib 00:23 11.07.2020)
Prezident eyni zamanda vurğulayıb ki, Belarusda dəyişikliklər "Maydandan deyil, Konstitusiyadan" gəlməlidir

BAKI, 10 iyul — Sputnik. Belarus Prezidenti Aleksandr Lukaşenko ölkənin dağılması təhlükəsi olduğunu bəyan edib. Sputnik Azərbaycan "RİA Novosti"-yə istinadən xəbər verir ki, Lukaşenko yerli KİV-lərlə görüşündə ölkənin suverenliyinin qorunmasının əsas məqsəd olduğunu bildirib.

"Yalnız mənim deyil, bizim öz əllərimizlə qurduğumuz hər şeyin sabah dağılmasını və kiminsə gəlib, eksperimentlər həyata keçirməsini istəmirəm", - deyə Lukaşenko vurğulayıb.

Prezident eyni zamanda vurğulayıb ki, Belarusda dəyişikliklər "Maydandan deyil, Konstitusiyadan" gəlməlidir.

Qeyd edək ki, avqustun 9-da Belarusda prezident seçkisi keçiriləcək. Seçki kampaniyası zamanı müxalifətin bəzi liderləri və namizəd Viktor Babariko tutulub. Belarus DİN vurğulayır ki, onlar siyasi fəaliyyətinə görə deyil, kütləvi tədbirlər zamanı asayişin pozulmasına görə saxlanılıblar.

0
Əlaqədar
Lukaşenko anons etdi – İqtisadi, ekoloji problemlər kəskinləşəcək
Lukaşenko qələbə paradında - Moskvanı vətəninin paytaxtı adlandırdı
Lukaşenko bəyan etdi: "Koronavirus üzərində qələbə çaldıq"
Kreml: Belarusdakı seçkilərə müdaxilə etməyə hazırlaşmırıq
Lukaşenko xəbərdarlıq edib: Belarus ərazisinin bir hissəsini itirə bilər