Heydər Əliyev

Heydər Əliyev onu bağışladımı?

6864
(Yenilənib 10:20 24.07.2018)
Sovet ideologiyasının qurbanı olan bu təkəbbürlü yazıçı özünü öz dövrünün oxucularına sevdirə bilsə də, onunla eyni dövrdə yaşayan nəsil dünyadan getdikcə unudulmağa başladı

(ikinci hissə)

BAKI, 19 iyul — Sputnik. Bayram Bayramovun xasiyyətindəki təzadları Sovet İttifaqı dağılandan sonra, müstəqillik dönəmində də görmək olar. Axı 1987-ci ildə Heydər Əliyev SSRİ Nazirlər Soveti sədrinin 1-ci müavini vəzifəsindən və Siyasi Büronun üzvlüyündən azad ediləndə Bayram Bayramov bunu faciə hesab etmişdi və qorxu keçirmiş, təşvişə düşmüşdü. Sovet dağılandan sonra isə Bayram Bayramov Heydər Əliyevin hakimiyyətə gəlməsini istəmədi.

Bayram Bayramov
© Photo : PUBLIC DOMAIN
Bayram Bayramov

Bunun da öz səbəbləri var. Bayram Bayramov Əbdürrəhman Vəzirova, Ayaz Mütəllibova adlarıyla müraciət edən, onlara ərki çatan, yaxın olan biri idi. Hətta, xalq şairi Qabilin oğlu Mahir Qabiloğlu deyir ki, Bayram Bayramov Ayaz Mütəllibova zəng edib özünə də, Qabilə də bir qara "volqa" göndərməsini istəmişdi.

Amma "Heydər Əliyev Bayram Bayramovu bağışlamışdı" – bunu mən demirəm, Mahir Qabiloğlu deyir və məncə, haqlıdır. Əgər Bayram Bayramov bağışlanmasaydı, Fəxri Xiyabanda dəfn olunmazdı. Halbuki onun Fəxri Xiyabanda dəfn olunması göstərişini də Heydər Əliyev vermişdi. Hətta Heydər Əliyevin hakimiyyəti dönəmində də Bayram Bayramov vəzifədə olmuşdu.

Axı Heydər Əliyev ədəbiyyata, incəsənətə, mədəniyyətə önəm verən insan idi. Ona qarşı üsyan edən Bayram Bayramov nə olursa olsun, Heydər Əliyev üçün bir yazıçı idi.

Amma bu gün Bayram Bayramovun unudulduğunu ya da unutdurulduğunu haqlı olaraq iddia edənlər də var. Nəticədə yazıçının Fəxri Xiyabandakı məzarı üstə nəinki heykəli, büstü belə, yoxdur, heç adı da yazılmayıb. Üstəlik, orta məktəb dərsliklərində onun özü və əsərləri haqqında bir cümlə də yoxdur. Əsərləri müasir dövrdə, yeni əlifba ilə çap olunmur. Yubileyi, anım mərasimləri keçirilmir. Adını daşıyan bir mədəniyyət ocağı, bir küçə yoxdur.

Amma mən bunu heç önəmsəmirəm. Həmişə demişəm, yenə deyirəm ki, sənətkarın mükafatı xalqın sevgisidir. Heykəl, büst, küçə bir külünglə dağıdılar, məhv olar. Ürəkdəki sevgini heç kim məhv edə bilməz…

Bayram Bayramov isə bu sevgini tamlıqla qazana bilmədi. Ən xırda bir misal: mən bu yazıçı haqqında araşdırmaya başlayanda bir qisim insan "o kimdir?" sualını verdi, bir qisim də "əl çək o kommunist adamdan!" dedi və bunların əksini, "Gözəl yazıçı idi!" deyənlər də oldu. Bayram Bayramovun yaradıcılığını siyasətə, siyasətini yaradıcılığına qatdılar.

Bunda yazıçının öz günahı da vardı. Özü bu qarışıqlığın ilk icraçısı idi. Lakin sovet ideologiyasının qurbanı olan bu təkəbbürlü yazıçı özünü öz dövrünün oxucularına sevdirə bilmişdi. Amma onunla eyni dövrdə yaşayan nəsil dünyadan getdikcə Bayram Bayramovun adı, özünün və əsərlərinin xatirəsi də gedir. Bayram Bayramov elə öz yazdığı romandakı kimi bir bəlalı sevgiyə dönür, unudulur.

Yəqin ki, çoxunuz "Mən ki, gözəl deyildim", "Onun bəlalı sevgisi", "Firəngiz" filmlərini izləmisiniz. Bu filmlərin ssenariləri Bayram Bayramova məxsusdur. Bəlkə sizin də köhnə kitab rəflərinizdə Bayram Bayramovun qəhvəyi rəngli sərt qapaqların arasında qərar tutan, kiril əlifbası ilə çap olunmuş 1984-cü il qoxulu "Seçilmiş əsərləri" var?!

6864
Teqlər:
Bayram Bayramov, Sovet İttifaqı, əsər, Heydər Əliyev, yazıçı
Əlaqədar
İlham Əliyev məşhur yazıçı ilə bağlı sərəncam imzaladı
Türk dünyasının dahi yazıçısının ölümü
Yazıçı: “İsa Muğannanın Azərbaycan nəsrində möhürü var”
Millət vəkili “Xalq yazıçısı” adı aldı
Tanınmış yazıçımıza “Şöhrət” ordeni verildi
Şəki Xan sarayı

Avropanın Keramika Marşrutunun yeni üzvü - Şəkinin təqdimatı keçirilib

209
(Yenilənib 20:41 18.06.2021)
Azərbaycan Mədəni Marşrutlar üzrə Avropa İnstitutuna 2011-ci ildən üzv olub. İndiyədək Azərbaycan Avropa Şurası Mədəni Marşrutları layihəsi çərçivəsində 5 marşruta qoşulub.

BAKI, 18 iyun — Sputnik. Avropa Şurasının Keramika Assosiasiyasının Baş Assambleyasının onlayn formatda iclası keçirilib. Sputnik Azərbaycan xəbər verir ki, iclas çərçivəsində Avropa Keramika Marşrutunun (European Route of Ceramics) yeni üzvü - Şəki şəhərinin təqdimatı baş tutub.

Şəki şəhəri bu ilin əvvəlində Dövlət Turizm Agentliyinin təşəbbüsü ilə Avropa Keramika Marşrutuna üzv seçilib. Yeni üzvü təqdim edən Dövlət Turizm Agentliyinin Qoruqları İdarəetmə Mərkəzinin şöbə müdiri Sədaqət Davudova iclas iştirakçılarına Avropa Keramika Marşrutuna yeni qoşulmuş Şəkinin tarixi, şəhərsalma mədəniyyəti, özünəməxsus memarlıq üslubu, sənətçilik ənənələri haqqında ətraflı məlumat verib. Qeyd olunub ki, keramika sənəti ənənələrinin davam etdirilərək gələcək nəsillərə ötürülməsində Şəki sənətkarlarının rolu böyükdür.

Assambleya iştirakçılarına Qafqazda ilk Keramika Mərkəzi - "ABAD" Keramika və Tətbiqi Sənət Mərkəzinin məhz Şəkidə yaradılması, ilk Beynəlxalq Keramika Simpoziumunun da bu şəhərdə keçirilməsi haqqında məlumat verilib. Qeyd olunub ki, Şəki şəhəri 2008-ci ildə Dünya Tarixi Şəhərlər Liqasının üzvü seçilib, 2019-cu ildə UNESCO-nun Ümumdünya İrs Komitəsinin 43-cü sessiyasında "Xan Sarayı ilə birgə Şəkinin tarixi mərkəzi" Ümumdünya İrs Siyahısına daxil edilib. 212 maddi mənəvi irs, 28 qeyri-maddi mədəni irs, 19 mədəni təbii irs daşıyıcısı olan Şəki şəhəri 2010-cu ildə Azərbaycanın Sənətkarlıq Paytaxtı elan edilib, 2017-ci ildə onun adı UNESCO-nun "Yaradıcı şəhərlər şəbəkəsi" siyahısına salınıb.

Avropa Keramika Marşrutu 2012-ci ildə Avropa Şurası tərəfindən sertifikatlaşdırılmış mədəni marşrutdur. Bu hərəkatın məqsədi keramika istehsalı və bu sahəyə dair qədim ənənələrlə bağlı mədəni irsi dəyərləndirmək, dayanıqlı turizm təklifi yaratmaq və bununla da ümumilikdə mədəni və sosial inkişafa nail olmaqdır. Hazırda Avropa Şurasının Keramika Assosiasiyası mərkəzi qərargahı İtaliyanın Faentsa (Faenza) şəhərində yerləşir.

Azərbaycan Mədəni Marşrutlar üzrə Avropa İnstitutuna 2011-ci ildən üzv olub. İndiyədək Azərbaycan Avropa Şurası Mədəni Marşrutları layihəsi çərçivəsində 5 marşruta – "Şərab Yolu", "Yəhudi irsi üzrə Avropa marşrutu", "Qədim Qayaüstü İncəsənət İzləri", "Termal şəhərlər" və "Zeytun ağacları" yoluna qoşulub.

209
Open Air kinotatrı

Kinosevərlərə şad xəbər: "Open Air Cinema"nın Bakıda da reallaşdırılması nəzərdə tutulub

273
(Yenilənib 20:43 18.06.2021)
""Open Air Cinema" layihəsi Bakıda gerçəkləşdikdən sonra digər layihə - "AvtoCinema" təqdim ediləcək.

BAKI, 18 iyun — Sputnik. Ötən həftə "CinemaPlus" kinoteatrlar şəbəkəsi kinosevərlər üçün yeni layihə ərsəyə gətirib. "Cinema Plus"un PR meneceri Nərmin Həsənovanın Sputnik Azərbaycan-a verdiyi məlumata görə, Şamaxı şəhərində yerləşən "Abqora" restoranında "Meysəri" şərabları və "CinemaPlus"un birgə layihəsi olan "Open Air Cinema"da hər həftəsonu açıq havada, təbiətin qoynunda qonaqlar yeni filmləri izləyə biləcəklər:

"Bu layihə keçən il də Şamaxıda baş tutmuşdu. Layihə regionda həyata keçirilsə də, paytaxt sakinləri tərəfindən də böyük maraqla qarşılanıb. Hələ ki, Bakıda başlamamışıq. Bakıda da belə layihələr nəzərdə tutulub. Məlum məsələləri nəzərə alaraq hələlik paytaxtda gözləmə mövqeyindəyik".

Nərmin xanım "AvtoCinema" adlı layihədən də danışıb:

""Open Air Cinema" layihəsi Bakıda gerçəkləşdikdən sonra digər layihəni - "AvtoCinema"nı təqdim edəcəyik. "AvtoCinema" layihəsi açıq havada kinoteatr giriş və çıxışı olan böyük avtopark sahəsini xatırladır. İnsanlar şəxsi avtomobillərində əyləşərək böyük ekranda filmləri izləyəcəklər. Çalışdıq ki, "Open Air Cinema" bir pilot layihə kimi regionda sınaqdan keçirilsin və daha sonra maraq və istəkləri nəzərə alaraq bu təcrübəni paytaxta köçürə bilək. Bu layihə pandemiya şəraiti ilə əlaqəli deyil, adi vaxtlarda da davam etdirilə bilər. İnanıram ki, kinosevərlərimiz yeni layihə vasitəsilə filmlər izləmək imkanı qazanacaqlar".

Qeyd edək ki, "Open Air Cinema"da filmlər və seanslar haqqında məlumatı "CinemaPlus"un sosial şəbəkə hesablarından əldə etmək mümkündür.

Xatırladaq ki, Azərbaycan Nazirlər Kabineti yanında Operativ Qərargah Koronavirus pandemiyası ilə bağlı (COVID-19) ötən ilin martın 14-dən etibarən ölkə daxilində tətbiq olunan sosial təcrid tədbirlərini həyata keçirib. Bu tədbirlərə toy, yas mərasimləri və digər kütləvi toplantıların qadağan edilməsi, mədəniyyət obyektlərinin, teatrların, muzeylərin, kinoteatrların, əyləncə mərkəzlərinin, idman mərkəzlərinin və digər əlaqəli obyektlərin bağlanması da daxil olub.`

273
Чаглар Сеюнджю

Söyüncü: Türkiyə oyunçuları pley-off mərhələsinə çıxmaq üçün çüzi şansa ümid edirlər