Şahmar Ələkbərovun 75 illik yubileyinə həsr olunmuş xatirə gecəsi

Şahmar Ələkbərovun yubileyi: Xatirələrdə yaşayan ikinci həyat

186
(Yenilənib 00:16 18.07.2018)
Aktyorun xatirə gecəsində bir çox mədəniyyət xadimləri çıxış ediblər. Onların hamısı bir şeyi deyiblər: Şahmar Ələkbərov xalqın elə bir oğlu olub ki, onu hər bir evdə gözləyiblər, hörmət ediblər və seviblər

BAKI, 17 iyul — Sputnik. "Şahmar Ələkbərov aktyor kimi doğulmuşdu və həmişə deyirdi: əgər ikinci dəfə həyata gəlsəydi, yenə də bi sənəti seçərdi". Bu sözləri dahi aktyorun 75 illiyinə həsr olunmuş gecədə Azərbaycan Kinematoqrafçılar İttifaqının birinci katibi Cəmil Quliyev söyləyib.

Sputnik Azərbaycan xəbər verir ki, tanınmış aktyor və rejissor Şahmar Ələkbərovun xatirə gecəsi Muzey Mərkəzində baş tutub. Gecə Mədəniyyət Nazirliyi, Dövlət Film Fondu və Kinematoqrafçılar İttifaqının dəstəyi ilə keçirilib.

Əminliklə söyləmək olar ki, dahi aktyora pərəstişkarlarının ürəyində, eləcə də Azərbaycan kinosu tarixində yer tutmaq üçün bir həyat da bəs edib. Şahmar Ələkbərovun vəfatından 25 il keçməsinə baxmayaraq, onu hələ də xatırlayır, sevir və ona baxırlar. Aktyorun xatirəsini yad etmək üçün ən yaxın adamları və dostları, vaxtilə bir yerdə çalışdığı, filmlərə çəkildiyi həmkarları və mədəniyyət xadimləri toplaşmışdılar.

Muzey Mərkəzinin foyesində Şahmar Ələkbərovun həyat və yaradıcılığını əks etdirən fotosərgi təşkil edilmişdi. Qonaqlar bu sərgiyə maraq və bir qədər də kədərlə baxırdılar. Çünki aktyorun adı ilə Azərbaycan kinosunun bütöv bir dövrü bağlı idi.

  • Şahmar Ələkbərovun 75 illik yubileyinə həsr olunmuş xatirə gecəsi
    Şahmar Ələkbərovun 75 illik yubileyinə həsr olunmuş xatirə gecəsi
    © Sputnik / Kemale Aliyeva
  • Şahmar Ələkbərovun 75 illik yubileyinə həsr olunmuş xatirə gecəsi
    Şahmar Ələkbərovun 75 illik yubileyinə həsr olunmuş xatirə gecəsi
    © Sputnik / Kemale Aliyeva
  • Şahmar Ələkbərovun 75 illik yubileyinə həsr olunmuş xatirə gecəsi
    Şahmar Ələkbərovun 75 illik yubileyinə həsr olunmuş xatirə gecəsi
    © Sputnik / Kemale Aliyeva
  • Şahmar Ələkbərovun 75 illik yubileyinə həsr olunmuş xatirə gecəsi
    Şahmar Ələkbərovun 75 illik yubileyinə həsr olunmuş xatirə gecəsi
    © Sputnik / Kemale Aliyeva
  • Şahmar Ələkbərovun 75 illik yubileyinə həsr olunmuş xatirə gecəsi
    Şahmar Ələkbərovun 75 illik yubileyinə həsr olunmuş xatirə gecəsi
    © Sputnik / Kemale Aliyeva
  • Şahmar Ələkbərovun 75 illik yubileyinə həsr olunmuş xatirə gecəsi
    Şahmar Ələkbərovun 75 illik yubileyinə həsr olunmuş xatirə gecəsi
    © Sputnik / Kemale Aliyeva
  • Şahmar Ələkbərovun 75 illik yubileyinə həsr olunmuş xatirə gecəsi
    Şahmar Ələkbərovun 75 illik yubileyinə həsr olunmuş xatirə gecəsi
    © Sputnik / Kemale Aliyeva
  • Şahmar Ələkbərovun 75 illik yubileyinə həsr olunmuş xatirə gecəsi
    Şahmar Ələkbərovun 75 illik yubileyinə həsr olunmuş xatirə gecəsi
    © Sputnik / Kemale Aliyeva
  • Şahmar Ələkbərovun 75 illik yubileyinə həsr olunmuş xatirə gecəsi
    Şahmar Ələkbərovun 75 illik yubileyinə həsr olunmuş xatirə gecəsi
    © Sputnik / Kemale Aliyeva
  • Şahmar Ələkbərovun 75 illik yubileyinə həsr olunmuş xatirə gecəsi
    Şahmar Ələkbərovun 75 illik yubileyinə həsr olunmuş xatirə gecəsi
    © Sputnik / Kemale Aliyeva
1 / 10
© Sputnik / Kemale Aliyeva
Şahmar Ələkbərovun 75 illik yubileyinə həsr olunmuş xatirə gecəsi

Tədbir Mərkəzin akt zalında keçirilirdi. Qonaqları onun həyat yoldaşı, iki qızı və oğlu salamlayırdı. Onun uşaqları jurnalistlərlə danışmaqdan qəti imtina edərək, bunu onun nəvəsinin edəcəyini bildirirdilər. Nəvəsi də rejissor kimi Şahmar adı daşıyır. Şahmar Katibli babasının həyatı ilə bağlı qohumlarının xatirəsini toplayır.

"Valideynlərim həmişə mənə onun haqqında danışıblar. Onun məktəbdə necə oxuması, necə gözəl aktyor olması barədə. Mən onun barəsində çox şeyi iştirakı ilə çəkilən filmlərdən öyrənmişəm. Uşaqlıqda çox şeyi başa düşmürdüm. Amma böyüyəndən sonra onun Azərbaycan kinematoqrafiyası üçün hansı işləri gördüyünü anladım. Buna görə də, onun kimi adamın nəvəsi olmaqdan qürur duyuram" — deyə Şahmar Katibli bildirib.

Dostu haqqında danışan Əminə Yusifqızı göz yaşlarını güclə saxlayıb. O, etiraf edib ki, heç vaxt Şahmar Ələkbərovun doğum gününün qeyd edilməsində iştirak etməyib. Ona aktyorun ölümündən sonra yubiley gecələrində iştirak etmək çox ağırdır: "Biz uzun illər bir yerdə işləmişik və bir-birimizi çox yaxşı tanıyırdıq. O, mənim təkcə həmkarım deyil, həm də sirlərimi bölüşə bildiyim dostum idi. Şahmar da həmişə deyirdi ki, məni özünə həyat yoldaşından da yaxın sayır. Çünki sirlərini mənimlə bölüşə bilirdi".

O, etiraf edib ki, hələ sirləri saxlayır və bu sirləri özü ilə aparacaq.

Aktyorun xatirə gecəsində bir çox mədəniyyət xadimləri çıxış ediblər. Onların hamısı bir şeyi deyiblər: Şahmar Ələkbərov xalqın elə bir oğlu olub ki, onu hər bir evdə gözləyiblər, hörmət ediblər və seviblər.

Çıxışlar arasında aktyorun iştirak etdiyi "Yeddi oğul istərəm", "Mən ki gözəl deyildim", "Axırıncı aşırım", "Həyat bizi sınayır",  "Qatır Məmməd", "Bakıda küləklər əsir" və s. filmlərdən fraqmentlər göstərilib.

Xatırladaq ki, aktyor uzun sürən ağır xəstəlikdən sonra 1992-ci il avqustun 12-də 49 yaşında  vəfat edib.

186
Teqlər:
Şahmar Ələkbərov, qohumlar, Muzey Mərkəzi, yubiley, rejissor, aktyor
 Boris Qraçevski

Koronavirusdan ölən rejissor vaxtilə xərçəngə qalib gəlibmiş

6
(Yenilənib 17:02 16.01.2021)
Bir neçə il əvvəl xərçəng xəstəliyi ilə mübarizə aparan Boris Qraçevskinin orqanizmi xərçəngə qalib gəlsə də, koronavirusla mübarizəyə davam gətirə bilmədi

BAKI, 16 yanvar — Sputnik. Yanvarın 14-də vəfat edən Rusiyanın tanınmış sənət xadimi, "Yeralaş" Uşaq Yumoristik Kinojurnalının bədii rəhbəri Boris Qraçevski ilə yanvarın 17-də vida mərasimi keçiriləcək.

Sputnik Azərbaycan xarici mediaya istinadən xəbər verir ki, dekabrın 28-dən xəstəxanada olan 71 yaşlı rejissor koronavirusa yoluxmuşdu. Dekabrın 31-də vəziyyəti ağırlaşan Boris Qraçevskini reanimasiya şöbəsinə yerləşdirmişdilər. Yanvarın 3-də səhhətində stabilləşmə nəzərə çarpan B.Qraçevski sosial media hesabından məlumat yayaraq, vəziyyətinin düzəldiyini və yaxın zamanlarda evə yazılacağını bildirmişdi. Amma virus öz işini görmüşdü. Belə ki, yenidən vəziyyəti ağırlaşan Boris Qraçevski bir müddət əvvək komaya düşmüşdü. Yanvarın 14-də isə tanınmış rejissor vəfat etdi.

71 yaşlı mərhum Boris Qraçevski ilə vida mərasimi yanvarın 17-də Rusiyanın "Kino Evi"ndə olacaq. Vida mərasimindən sonra mərhum rejissor Troyekurov qəbristanlığında dəfn ediləcək.

Qeyd edək ki, Boris Qraçevski 1949-cu il martın 18-də Moskva vilayətinin Ramenski rayonunda anadan olub. 1974-cü ildə Aleksandr Xmeliklə birlikdə "Yeralaş" uşaq kinojurnalını yaradıb və ömrünün sonunadək jurnalının bədii rəhbəri və baş redaktoru olub.

Xatırladaq ki, bir neçə il əvvəl xərçəng xəstəliyi ilə mübarizə aparan Boris Qraçevskinin orqanizmi xərçəngə qalib gəlsə də, koronavirusla mübarizəyə davam gətirə bilmədi.

6
Reza Deqati

Dünya şöhrətli fotoqraf Fransa telekanalında erməni vandalizmindən danışıb - VİDEO

15
(Yenilənib 13:51 16.01.2021)
Fransa mediasının bütün jurnalistləri müharibə zamanı Ermənistan tərəfinə getdilər. Təxminən yüzə yaxın fransız jurnalist münaqişəni Ermənistan tərəfindən işıqlandırırdı.

BAKI, 16 yanvar — Sputnik. Məşhur fotoqraf Reza Deqati Fransanın TV5MONDE televiziya kanalının qonağı olub. O, verilişdə Şuşa şəhərinin tarixindən danışıb, onun əsasının Qarabağ xanı Pənahəli xan tərəfindən qoyulduğunu diqqətə çatdırıb.

Sputnik Azərbaycan xəbər verir ki, Reza Deqati vurğulayıb ki, Şuşa Azərbaycanın mədəniyyət mərkəzidir. Şuşa məşhur bəstəkarlar, musiqiçilər, şairlər, yazıçılar yetişdirib. Veriliş zamanı Şuşa şəhərinin tarixi mərkəzini əhatə edən qala divarları nümayiş etdirilib. Şəhərin 30 illik erməni işğalından azad olunduğu bildirilib.

Məşhur fotoqraf İkinci Qarabağ müharibəsi zamanı Fransa mediasının nümayiş etdirdiyi qərəzdən də bəhs edib. O deyib ki, Fransa mediasının bütün jurnalistləri müharibə zamanı Ermənistan tərəfinə getdilər. Təxminən yüzə yaxın fransız jurnalist münaqişəni Ermənistan tərəfindən işıqlandırırdı. "Azərbaycan tərəfində isə mən Fransadan olan yeganə jurnalist idim. Mən adətim üzrə münaqişə zonalarına gedərək insanların çəkdikləri iztirabları işıqlandırmağa çalışıram. Birinci Qarabağ müharibəsi zamanı - 1992-ci ildə də mən Azərbaycan tərəfində idim. Mən Ermənistan silahlı qüvvələri tərəfindən törədilmiş kütləvi qırğını, Azərbaycan xalqının əzablarını gördüm və bütün bunları lentə alaraq yaymağa çalışdım", - deyə o qeyd edib.

Reza Deqati verilişdə Ermənistanın döyüş zonalarından uzaqda yerləşən Azərbaycan şəhərlərini, mülki əhalini kasetli bombalarla hədəfə almasından da danışıb. O, Bərdə şəhərinin Ermənistan tərəfindən raket atəşinə məruz qaldığını, mülki əhalinin qətlə yetirildiyini qeyd edib.

 Fotoqraf erməni bombardmanının qurbanı olmuş Bərdə sakininin dəfn mərasimini əks etdirən şəkli göstərərək, müharibə zamanı Ermənistanın mülki əhalini qətlə yetirdiyini diqqətə çatdırıb. O vurğulayıb ki, kasetli bombaların Cenevrə Konvensiyaları ilə qadağan olunmasına baxmayaraq, Ermənistan bu silahlardan istifadə etdi və təkcə Bərdədə 20-dən çox mülki şəxs həlak oldu.

Fotojurnalist bildirib ki, o, yalnız müharibədən əziyyət çəkən mülki insanların əzabını dünyaya çatdırmaq istəyir.

Reza Deqati veriliş zamanı Azərbaycandakı multikulturalizmdən də bəhs edib, bununla bağlı çəkdiyi fotoları nümayiş etdirib. O, Azərbaycanda müxtəlif dini icmaların birgə mehriban şəraitdə yaşadıqlarını vurğulayıb. Fotojurnalist Azərbaycanın dini tolerantlığı ilə həmişə diqqəti cəlb etdiyini bildirib. O vurğulayıb ki, Azərbaycan dini tolerantlıq baxımından dünya dövlətlərinə nümunədir və hətta Avropa ölkələrində də bu cür tolerantlıq yoxdur.

15
Həbsxana, arxiv şəkli

Penitensiar xidmətin məhkumun ölümü ilə bağlı açıqlaması: "Tibbi ekspertizanın rəyi var"

0
(Yenilənib 19:58 16.01.2021)
"Digər cəzaçəkmə müəssisələrində olduğu kimi, bu müəssisədə də tam sabitlikdir, iş öz ahəngi ilə gedir" - Mehman Sadıqov

BAKI, 16 yanvar - Sputnik. Ədliyyə Nazirliyinin Penitensiar Xidməti sosial şəbəkələrdə 13 saylı cəzaçəkmə müəssisəsində məhkumun döyülərək öldürülməsi və müəssisədə məhbuslara telefonla əlaqə qadağasının qoyulması ilə bağlı yayılan iddialara münasibət bildirib. 

Sputnik Azərbaycan APA-ya istinadən bildirir ki, Penitensiar Xidmətin şöbə rəisi Mehman Sadıqov sosial şəbəkələrdə yayılan həmin məlumatların yalan olduğunu deyib: "Röyal adlı həmin məhkum ürək-damar çatışmazlığından vəfat edib. Bununla bağlı məhkəmə-tibbi ekspertizasının rəyi də var. Müəssisədə heç bir əməliyyat keçirilməyib. Telefon danışıqlarına da hər hansı bir qadağa, yaxud məhdudiyyət qoyulmayıb. Bu cür böhtan xarakterli məlumatlar əvvəllər də yayılıb. Bu da məhkumların narahatlığına səbəb olur. Digər cəzaçəkmə müəssisələrində olduğu kimi, bu müəssisədə də tam sabitlikdir, iş öz ahəngi ilə gedir”. 

Qeyd edək ki, sosial şəbəkələrdə Röyal adlı məhkumun 13 saylı cəzaçəkmə müəssisəsində döyülərək öldürülməsi və həmin müəssisədə məhbuslara telefonla əlaqə qadağasının qoyulması ilə bağlı məlumatlar yayılıb. 

0