Çinarə Məlikzadə

Azərbaycan musiqisində yeni dalğa

949
(Yenilənib 10:39 12.07.2018)
Onun səsi bütün musiqi alətlərini əvəz edə bilir

BAKI, 11 iyul — Sputnik. Müəyyən sənət biliyimə arxalanıb, acizanə bir ədayla deyə bilərəm ki, Azərbaycan musiqisini ifa etmək çox çətindir. Söhbət peşəkar ifadan gedir. Boğazları, xırdalıqları, şirinliyi, bəmi, zili, keçidləri və bütün digər tələbləri ilə dinləyəni musiqiyə aşiq edə biləndir peşəkar ifaçı.

Son illər sayı-hesabı bitib-tükənməyən xeyli müğənni çıxdı musiqi səhnəmizə. Bir qismi elə qısa zamanda unuduldu. Bir qismi isə hələ də gündəmdə qalmaq, tanınmaq, dinlənilmək üçün çalışır. Bu müğənnilər səhnəyə çıxmaq, şöhrət qazanmaq üçün müxtəlif vasitələrdən istifadə etdilər. Bəziləri sponsorlarına güvəndi, bəziləri öz cibindən xərclədi. Nə etdilərsə, biz sənətin və xalqın sənətkar qazandığını görmədik.

Bir gün sosial şəbəkələrdən bir səs eşidildi. Qısa video idi. Buruq saçlı, xoş simalı, şirin təbəssümlü bir qız öz məlahətli səsi ilə mahnı oxuyurdu. Diqqət etdik. Yox, bu, sadəcə mahnı oxumaq deyildi. Musiqini ifa etmək idi, hər saiti səsləndirmək idi və bu, əsl peşəkarlıq idi.

Çinarə Məlikzadə. Bir zamanlar "Xalq ulduzu" yarışmasından dinləmişdik onu. Sonralar "O səs Türkiyə" musiqi yarışmasında gördük və dinlədik. Amma bunların heç birində Çinarə Məlikzadə hələ könülləri fəth edə bilmədi.

Səbəb nə idi? Çinarə Məlikzadənin səsi və ifa tərzi sonradanmı yetişdi, püxtələşdi? Məncə, səbəb bu deyildi. Sadəcə bu yarışmaların heç biri Çinarə Məlikzadənin səsindəki səmimiyyətə uyğunlaşmırdı. Heç bir yarışma səhnəsi onun səsi qədər doğma ab-havaya malik ola bilməzdi.

Sosial şəbəkələrdə yayılan o videodan sonra müasir musiqi səhnəsinə peşəkar bir ifaçının, sənəti bilən, duyan, hiss edən, musiqinin nə olduğunu anlayan, öz işini sevən və sevdirməyi bacaran bir sənətkarın gəldiyini gördük. Biz o sənətkarı qazanmaq üçün heç nə etmədik. Xalq olaraq kütləvi şəkildə oturub gözlədik. Aidiyyatı qurumların da sənət çoxdan marağında deyil. Amma səhnə o sənətkarı istəyirdi, arzulayırdı, səhrada su gəzən kimi axtarırdı. O sənətkarın səsi sosial şəbəkələrdən gəldi: "Heeeyyy! Mən burdayam!"

Azərbaycan Respublikasının Prezidenti İlham Əliyev
© Official website of President of Azerbaijan Republic

Nə oxudusa, sevildi. Çünki sevgiylə oxudu. Amma biz hələ də onun bilik və bacarıqlarından həm öz mənəvi mənfəətimiz, həm sənət üçün istifadə edə bilmirik. Nəzakət Teymurovadan sonra az qala bütün gözəlliyini itirən, hətta unudulan, öləziyən milli musiqiyə yenidən can verməyi bacaran gücə malik olan Çinarə Məlikzadəni hələ də musiqimiz üçün lazım olan yerdə görə bilmirik.

Nə gəncliyi, nə təcrübə azlığı bu ifadəmə əngəl törətməz ki, deyəm, Çinarə Məlikzadə sənətkardır! Sənətkar olmaq üçün qocalmaq və ya vəfat etmək gərək deyil. Sənətkar olmaq üçün sənəti bilmək, sevmək və sevdirmək kifayətdir. Hansı ki, Çinarə Məlikzadə bunların üçünü də bacarır. Həm də elə bacarır ki, əsl səsə, əsl ifaya orkestrın lazım olmadığını da sübut edir.

Onun səsi bütün musiqi alətlərini əvəz edə bilir. Bu qədəri onu öz səhnəmizdə sənətkar kimi görməyə, sevməyə və qorumağa yetir və hətta, çoxdur.

Kim bilir, neçə-neçə gözəl səslər var, hələ heç bir yerdən eşidilməyən. Amma bizim laqeydliyimizə, tənbəlliyimizə rəğmən, öz gücü ilə, səsinin zəhməti ilə bizi özü tapan, səhnəmizə gələn Çinarə Məlikzadəyə nəhəng bir təşəkkür borcluyuq.

949
Teqlər:
Çinarə Məlikzadə, ifa, sənətkar, səhnə, peşəkar, sənət, müğənni, musiqi, Azərbaycan
Əlaqədar
Bir gecədə ulduzu parlayan Çinarə Məlikzadə: "Onun təklifini həvəslə qəbul edərəm"
Gənc müğənni Çinarə Məlikzadə özü və yaradıcılığı haqqında danışacaq
Aida Mahmudovanın PASTPRESENTFUTURE sərgisi

Azərbaycanlı rəssamın ABŞ-da ikinci fərdi sərgisi açılıb

4
(Yenilənib 21:11 15.01.2021)
Fevralın 16-dək davam edəcək "Aida Mahmudova: PASTPRESENTFUTURE" sərgisi "Sapar Contemporary" inkubatorunun təşkilatçılığı ilə reallaşır.

BAKI, 15 yanvar — Sputnik. Tanınmış azərbaycanlı rəssam Aida Mahmudovanın Amerika Birləşmiş Ştatlarında ikinci fərdi sərgisi açılıb.

Sputnik Azərbaycan xəbər verir ki, fevralın 16-dək davam edəcək "Aida Mahmudova: PASTPRESENTFUTURE" sərgisi "Sapar Contemporary" inkubatorunun təşkilatçılığı ilə reallaşır.

"Sapar Contemporary" inkubatoru varlığın fraqmentar təbiətini zamanla və landşaftda təhrif olunmuş xatirələr vasitəsilə tədqiq edən yeni "Aida Mahmudova: PASTPRESENTFUTURE" seriyasını təqdim edib. Qalereyanın Mərkəzi Asiya və Qafqazda fəaliyyət göstərən nüfuzlu qadın rəssamlara dəstək istiqamətində fasiləsiz səyləri çərçivəsində təşkil edilən "PASTPRESENTFUTURE" rəssamın Amerika Birləşmiş Ştatlarında ikinci fərdi sərgisidir.

Rəssam yeni əsərində yaradıcılıq prosesinin sırf emosional və instinktiv tərəfini önə çəkmək üçün xarici məhdudiyyətlərdən (ideoloji, siyasi və ya dini) kənarda mövcud olan əsərlər yaratmaq məqsədilə keçmişi, bu günü və gələcəyi vəhdət halında birləşdirir. Nəticədə birbaşa olaraq rəssamla rəsm texnikası arasındakı əlaqədən ilhamlanan və məfhumları çılpaq şəkildə göstərən güclü əsərlər yaradılır.

Ot və quru bitkilərdən istifadə edilərək və rəssamın impressionist toxunuşları nəticəsində ərsəyə gələn "Roots" (2020) kimi əsərlər rəssamın vətəni Azərbaycanda rast gəlinən landşaftın canlandırıcı detallarını üzə çıxarır. Yer kürəsinin səthi ilə bağlı reallıqlara baş vuran Aida Mahmudovanın təsvir etdiyi bu proses təbiəti xatirələri oyadan nostalji hissi ilə doldurur. Təbəqələrin yaradılması və ya onların bir-birindən ayrılması, habelə quru bitkilər, keramika, mis də daxil olmaqla müxtəlif materialların qarışdırılması prosesi rəssam üçün fiziki olaraq böyümə və emosional şəfa tapma məqsədilə edilən məşğələyə çevrilir.

Azərbaycanın paytaxtı Bakıda yaşayıb fəaliyyət göstərən Aida Mahmudovanın rəsm əsərləri onun seçdiyi materialların fiziki təbiəti və üstünlük verdiyi dünyəvi palitrası ilə ahəngdar şəkildə uzlaşır. Onun olduqca intuitiv xarakter daşıyan axtarışları xarici sədlərdən yan keçən sevgi, itki, yaddaş və istək kimi universal insan hisslərinin bütün spektri üzrə inkişaf etməyə davam edir. Rəssamın sözlərinə görə, "cəmiyyətin bir hissəsi olaraq, biz varlığın təbiətini, başqaları ilə qarşılıqlı münasibətlərimizi müəyyən dərəcədə məhdudlaşdırırıq və bununla da ibtidai ünsiyyət kanallarını itiririk. Mənim üçün incəsənətin heç bir sərhədi yoxdur - o, ünsiyyətin istənilən forması üçün açıqdır, yaradıcılıq prosesi isə insan tərəfindən yaradılmış və buna görə də olduqca kövrək olan fundamental prinsipləri bu və ya digər dərəcədə məhv edir".

4
Leyla Məcnun serialı

"Netflix" ilk dəfə Azərbaycanda film çəkdi - VİDEO

30
(Yenilənib 14:17 15.01.2021)
"Netflix Indonesia" tərəfindən lentə alınan layihədə Leyla və Samirin sevgi həyatından bəhs edilir. Çəkilişlər İndoneziya və Bakıda baş tutub. Filmin baş qəhrəmanlarını aktrisa Aça Septriasa və aktyor Reza Rahadian canlandırıblar.

BAKI, 15 yanvar — Sputnik. Dünyaca məşhur "Netflix" platforması ilk dəfə Azərbaycanla bağlı film çəkib.

Sputnik Azərbaycan xəbər verir ki, ekran işi məşhur yazıçımız Nizami Gəncəvinin "Leyli və Məcnun" poeması əsasında ərsəyə gətirilib.

"Netflix Indonesia" tərəfindən lentə alınan layihədə Leyla və Samirin sevgi həyatından bəhs edilir. Çəkilişlər İndoneziya və Bakıda baş tutub. Filmin baş qəhrəmanlarını aktrisa Aça Septriasa və aktyor Reza Rahadian canlandırıblar.

"Layla və Majnun"un premyerası fevralın 11-də baş tutacaq.

 

30
Teqlər:
Netflix şirkəti

İqtisadi Şuranın 2021-ci ildə ilk iclası keçirilib

0
İclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

BAKI, 15 yanvar - Sputnik. Bu gün Azərbaycan Respublikasının Baş naziri, İqtisadi Şuranın sədri Əli Əsədovun sədrliyi ilə Şuranın növbəti iclası keçirilib.

Nazirlər Kabinetinin mətbuat xidmətindən Sputnik Azərbaycan-a verilən məlumata əsasən, iclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

0