Emin Ağalarov

Emin Ağalarova daha bir fəxri ad verildi

350
(Yenilənib 12:10 22.06.2018)
Fəxri adı Respublika rəhbəri şəxsən təqdim edib

BAKI, 22 iyun — Sputnik. Azərbaycanın Xalq artisti, tanınmış müğənni Emin Ağalarova Rusiyanın Adıgey Respublikasının fəxri adına layiq görülüb. Sputnik Azərbaycan xəbər verir ki, ona Adıgey Respublikasının Əməkdar artisti fəxri adı verilib.

 

Fəxri adı Respublika rəhbəri Murad Karalbieviç Kumpilov təqdim edib. Sənətçi açıqlamasında bildirib ki, bu ad onun üçün gözlənilməz olub: "Gözlənilməz və xoş sürprizə görə minnətdaram! Göstərilən diqqətə və yüksək qiymətə görə təşəkkür edirəm! Ümidlərinizi doğruldacağıma söz verirəm".

350
Teqlər:
Adıgey Respublikası, Emin Ağalarov, fəxri ad, əməkdar artist, müğənni, Rusiya, Azərbaycan, xalq artisti
Əlaqədar
Emin Ağalarov gürcüləri valeh edib
Emin Ağalarovdan faciə qurbanlarına böyük dəstək
Emin Ağalarov məşhur radionu satın aldı
Emin Ağalarovun ehtiraslı öpüş səhnəsi şoka saldı - VİDEO
Emin Ağalarovun şəxsi həyatı barədə maraqlı görüntülər üzə çıxdı
Emin Ağalarov Trampla bağlı məsələyə münasibət bildirdi
Rəssam, arxiv şəkli

"Yenə o bağ olaydı" səyyar sərgisi davam edir

15
"YARAT" Müasir İncəsənət Məkanının Xaçmaz rayonunda incəsənət həvəskarları üçün təşkil etdiyi "Yenə o bağ olaydı" adlı səyyar sərgisinin vaxtı uzadılıb. Sərgi ziyarətçilər üçün noyabrın 27-dək açıq qalacaq

BAKI, 30 oktyabr — Sputnik. "YARAT" Müasir İncəsənət Məkanının Xaçmaz rayonunda incəsənət həvəskarları üçün təşkil etdiyi "Yenə o bağ olaydı" adlı səyyar sərgisinin vaxtı uzadılıb.

Sputnik Azərbaycan xəbər verir ki, sərgi ziyarətçilər üçün noyabrın 27-dək açıq qalacaq. Sərginin ekspozisiyasında rəssamlar Ağababa Bağırov, Etibar İsmayılov, Günay Əliyeva, Musa Bəyzadə, Nəzrin Məmmədova, Vüsalə Ağarazıyeva, Leyli Qafarova kimi gənc sənətçilərin və tanınmış italiyalı rəssam Mikelancelo Pistolettonun əsərləri təqdim olunur. Bununla yanaşı, sərgi Ruslan Abbasov, Günel Axundlu, Rəna Bəşirova, Timo Herbst, Orxan Hüseynov, Mersedes Şturm-Li və Fərid Rəsulovun əsərlərini özündə ehtiva edən videoskrininq proqramı ilə müşayiət olunur. Həmçinin "YARAT" "Nargis Magazine" ilə birgə əməkdaşlıq çərçivəsində "Recycle Project" (2019) layihəsinə daxil olan "Pablik art" proqramını təqdim edir. Burada Rəşad Ələkbərovun "Reuse, Reduce, Recycle" installyasiyası nümayiş olunur.

15
Əlaqədar
Tələsin: Yeniyetmələr arasında rəsm müsabiqəsi start götürdü
Rəssam Gəncə terrorunun qurbanlarının fotolarından illüstrasiya hazırlayıb
Ailəsində yaşanan problemlər onu rəssam edib, amma bu işdən pul qazanmaq istəmir
Oksana Rəsulova, arxiv şəkli

Azərbaycanlı aktrisa hind ingilis dillərində dünya ictimaiyyətinə müraciət edib

95
(Yenilənib 19:20 30.10.2020)
Oksana Rəsulova dünya ictimaiyyətinə hind dilində müraciət edərək Ermənistanın uzunmüddətli təcavüzünü pisləməyə çağırıb

BAKI, 30 oktyabr — Sputnik. Tanınmış azərbaycanlı aktrisa və rəqqasə Oksana Rəsulova özünün "Instagram" səhifəsində hind dilində müraciət edib. Oksana Rəsulova dünya ictimaiyyətinə hind dilində müraciət edərək Ermənistanın uzunmüddətli təcavüzünü pisləməyə çağırıb. Rəsulova qeyd edib ki, Ermənistan Azərbaycanın mülki əhalisini raket atəşinə məruz qoyur.

"27 sentyabrdan başlayaraq Ermənistanın silahlı qüvvələri beynəlxalq hüququn norma və prinsiplərini, 1949-cu il Cenevrə Konvensiyasını, BMT Təhlükəsizlik Şurasının qətnamə və qətnamələrini, habelə elan olunmuş humanitar atəşkəs tələblərini kobud şəkildə pozaraq, Azərbaycanın mülki əhalisini qəsdən hədəf alıb. Münaqişə zonasından uzaq şəhər və bölgələrə raket və artilleriya zərbələri endirirlər" deyən Rəsulova dünyanı insan faciəsinə biganə qalmamağa çağırdı. Hind rəqslərinin mahir ifaçısı, aktrisa hind dilindən başqa, ingilis dilində də müraciət edib.

 

95
Teqlər:
Oksana Rəsulova, müraciət, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Sahibə Qafarova Pakistan Milli Assambleyasının sədrinə məktub ünvanlayıb
"Manga" qrupunun solisti azərbaycanlı müğənni ilə duet oxudu
Moskvada Müslüm Maqomayevin abidəsi təhqir edildi
"Eurovision" ulduzlarından Gəncə terroru barədə klip
Kanadalı senator Azərbaycan xalqından üzr istəməlidir

Ermənistan ordusunun ağır silahları havadan yerdən aşkar olunaraq məhv edilir

0
"Hər gün apardığımız əməliyyatları şəffaf şəkildə əlimizdə olan görüntülərlə həm öz ictimaiyyətimizi və beynəlxalq ictimaiyyəti məlumatlandırırıq", - MN sözçüsü bildirib.

BAKI, 31 oktyabr - Sputnik. "Düşmənin ağır silahları havadan və yerdən aşkar olunaraq məhv edilir.

Bu əməliyyatlar davam edəcək və bu əməliyyatları yekunlaşdırmaq üçün bir yol var ki, bütün torpaqlar işğaldan azad edilsin və bizim ərazilərimizdə heç bir silahlı düşmən qalmasın".

Sputnik Azərbaycan xəbər verir ki, bu barədə Azərbaycan Müdafiə Nazirliyinin mətbuat katibi, polkovnik-leytenant Anar Eyvazov bildirib.

"Bizim bütün əməliyyatlarımız yalnız əməliyyat sahəsi çərçivəsindədir. Bizim Ermənistan Respublikasında heç bir hədəfimiz yoxdur. Bizim bütün hədəflərimiz yalnız əlində silah olan düşmən bölmələridir və düşmənin legitim hərbi obyektləridir ki, biz bu obyektlərə qarşı havadan və qurudan əməliyyatlarımızı davam etdiririk", - A.Eyvazov əlavə edib.

"Hər gün apardığımız əməliyyatları şəffaf şəkildə əlimizdə olan görüntülərlə həm öz ictimaiyyətimizi və beynəlxalq ictimaiyyəti məlumatlandırırıq", - MN sözçüsü bildirib.

0
Mövzu:
Azərbaycan və Ermənistan arasında müharibə