50 manatlıq əsginaslar

Azərbaycanda hər kəs onu yer üzündə gəzən Venera planeti zənn edir

717
(Yenilənib 23:44 20.06.2018)
Bir aktyoru bir həftə ərzində bir serialda, iki şou proqramda, bir maqazin verilişində, bir teatr tamaşasında görə bilirik və həmin aktyor bunların çoxunda, bəzən də hamısında eyni geyimdə olur

BAKI, 20 iyun — Sputnik. Azərbaycanda "xalq artisti", "xalq şairi", "xalq yazıçısı" və "xalq rəssamı" fəxri adlarına layiq görülən şəxslər 50 manat, "əməkdar incəsənət xadimi", "əməkdar elm xadimi", "əməkdar mədəniyyət işçisi", "əməkdar artist", "əməkdar rəssam", "əməkdar memar", "əməkdar həkim", "əməkdar müəllim", "əməkdar mühəndis", "əməkdar jurnalist" və başqa fəxri adlara layiq görülmüş şəxslər isə 30 manat məbləğində təqaüd alır.

Sənətdə əməyi olan şəxslər əgər çəkdikləri zəhmət müqabilində "əməkdar incəsənət xadimi", "əməkdar elm xadimi", "əməkdar mədəniyyət işçisi", "əməkdar artist", "əməkdar rəssam" adlarına layiq görülüblərsə, heç olmazsa, bu əməyə layiq də maddi qazancları olmalıdır ki, yeni sənət nümunələri yaratmaq üçün imkanları, həvəsləri və rifahları olsun. Fəxri adla və 30 manat aylıq gəlirlə bir aktyoru, aktrisanı, rejissoru bu mədəniyyətə sağlam yaradıcı şəxs kimi bəxş etmək mümkün deyil. 30 manat bir qış ayında keçirilən adı soyuqdəymənin müalicəsinə kifayət etməz.

Bu xalqın artisti, şairi, yazıçısı, rəssamı öz peşəsindən nə qədər gəlir əldə bilir? Müğənnilər və bəstəkarlar istisna olmaqla, xalq artistlərindən aktyorlar, aktrisalar, rejissorlar aşağı məbləğli teatr maaşı, kino və serial məvacibi ilə özlərinin məişət həyatını düz-əməlli idarə edə bilmirlər.

Bir aktyoru bir həftə ərzində bir serialda, iki şou proqramda, bir maqazin verilişində, bir teatr tamaşasında görə bilirik və həmin aktyor bunların çoxunda, bəzən də hamısında eyni geyimdə olur. Adı üstündə olan bu əməkdar artistlər, sənətdə zəhmət çəkmiş şəxslər ifa etdikləri obrazlarda, qatıldıqları verilişlərdə kostyumlarını dəyişəcək qədər maddi imkana sahib deyillərsə, onlardan hansı böyük yaradıcılığı, yeni sənət tapıntılarını, improvizasiyaları gözləyə bilərikmi?

Bir şair, yazıçı ən yaxşı halda şeirlərinə bəstələnən musiqilərdən, əsərlərinə çəkilən film və seriallardan pul qazana bilir, o da əgər həyata keçərsə, iş peşəkarlara həvalə olunarsa. Kitab satışı isə məlum mühitdə müzakirə mövzusu belə olmadığı üçün, bir ədəbiyyat adamının kitab satışından pul qazandığını düşünmək absurd olar.

Məgər fəxri ad alan bir yazıçı, şair 50 manatla kitab çap etdirə bilər? Yoxsa yeni əsər mövzusu ilə bağlı araşdırma aparmaq üçün hansısa tarixi məkanlara, qədim şəhərlərə getmək mümkündür? Heç təbiət qoynunda inzivaya çəkilmək də mümkün deyil.

Birinə əməkdar artist, xalq artisti dedikdə ekran qarşısında oturan milyonların ağlından neçə-neçə villalar, neçə-neçə maşınlar, köməkçilər, xidmətçilər, sürücülər, mühafizəçilər keçir. Bu adlar o qədər ehtişamlı səsləndirilir ki, eşidənlər ad sahibini yer üzündə gəzən dan ulduzu, yəni Venara planeti zənn edirlər. Lakin bu sənət adamına adını verdiyimiz xalqa məlum olsun ki, onların artisti bu ada görə ayda cəmi 50 manat qazana bilir və belə olan halda öz artistinizi qırmızı xalıda Oskar almağa gedərkən təsəvvür etməyin.

Yanlış anlaşılmasın. Həqiqi sənət adamı maddi təmənnalara görə sənətdən imtina etmir. Elə olsaydı, bu gün Azərbaycan teatrlarında 150-200 manata çalışan yüzlərlə aktyor-aktrisamız, hər gün bir portalda şeirləri, yazıları dərc olunan, kitabları çapdan çıxan şairlərimiz, yazıçılarımız olmazdı. Amma bu maddi yoxsulluq sənət adamını daha böyük uğurlara imza atmaqdan, yeni-yeni yaradıcı fikirləri həyata keçirməkdən məhrum edir.

717
Teqlər:
əməkdar müəllim, əməkdar həkim, əməkdar memar, əməkdar mədəniyyət işçisi, əməkdar elm xadimi, 50 manat, xalq rəssamı, Əməkdar mühəndis, Əməkdar jurnalist, əməkdar rəssam, xalq şairi, təqaüd, fəxri ad, əməkdar artist, əməkdar incəsənət xadimi, sənət, Xalq yazıçısı, Azərbaycan, xalq artisti
Əlaqədar
Azərbaycanın Xalq artisti xəstəxanaya yerləşdirildi
Qonorarını ala bilməyən Xalq artisti səhnədə dava saldı
Xalq artisti tərəfindən zorlandığını iddia edən aktrisa aksiyaya başladı
Azərbaycanlı müğənni-aktrisadan şok etiraf: "Xalq artisti mənə təcavüz etdi"
Xalq artisti V Beynəlxalq Muğam festivalıdan gözləntilərini açıqladı
Anar Kərimov, arxiv şəkli

Mədəniyyət naziri BMT-nin Sivilizasiyalar Alyansı üzrə ali nümayəndəsi ilə görüşüb

13
(Yenilənib 19:20 22.06.2021)
Bu kampaniya çərçivəsində təşkilatın işğaldan azad olunmuş ərazilərdə tarixi-dini abidələrin bərpası və oradakı gerçəklərin dünyaya çatdırılması istiqamətində mühüm işlər görəcəyinə əminliyini ifadə edib.

BAKI, 22 iyun — Sputnik. Mədəniyyət naziri Anar Kərimov ölkəmizdə səfərdə olan BMT-nin Sivilizasiyalar Alyansı (BMTSA) üzrə ali nümayəndəsi Migel Angel Moratinos ilə görüş keçirib. Sputnik Azərbaycan xəbər verir ki, nazir 44 günlük Vətən müharibəsindən sonra Azərbaycana ilk BMT nümayəndəsinin səfərindən məmnunluğunu ifadə edib.

A.Kərimov 30 illik işğaldan sonra öz ərazi bütövlüyünü bərpa edən Azərbaycanın regionda yeni imkanlara yol açdığını vurğulayıb, bu kontekstdə həm regionda, həm də ölkələr arasında sülhün bərqərar olmasına töhfə vermək üçün BMT-nin Sivilizasiyalar Alyansının əlverişli imkanlarının olduğunu diqqətə çatdırıb: "Biz inanırıq ki, təşkilat postkonflikt dövrünü yaşayan Azərbaycanla Ermənistan arasında da davamlı sülhün və güvənliyin təmin edilməsi üçün əlindən gələni əsirgəməyəcək."

Təşkilatla Mədəniyyət Nazirliyi arasında birgə əməkdaşlığın hər zaman yüksək səviyyədə inkişaf etdiyini bildirən nazir "Mədəniyyət naminə sülh" (Peace for Culture) qlobal çağırış haqqında məlumat verib. Qeyd etdi ki, mədəniyyətin qorunması üçün regionda sülhün bərqərar olması vacibdir və bu məqsədlə Azərbaycan "Mədəniyyət naminə sülh" kampaniyası ilə dünyaya çağırış edir. Bu kampaniya çərçivəsində təşkilatın işğaldan azad olunmuş ərazilərdə tarixi-dini abidələrin bərpası və oradakı gerçəklərin dünyaya çatdırılması istiqamətində mühüm işlər görəcəyinə əminliyini ifadə edib.

Səfərinin məqsədinin Azərbaycana dəstəklərini nümayiş etdirmək olduğunu deyən M.Moratinos dini abidələrin qorunmasının təşkilatın prioritet fəaliyyət istiqamətlərindən olduğunu, bu sahədə Azərbaycanla əməkdaşlığı yüksək qiymətləndirdiyini qeyd edərək konkret layihələrin reallaşdırılmasının vacibliyini, bu sahədə birgə layihələrin həyata keçirilməsində maraqlı olduqlarını diqqətə çatdırıb.

Görüş əməkdaşlığın gələcək perspektivlərinin və tərəfləri maraqlandıran digər məsələlərin müzakirəsi ilə davam edib.

13
Musiqi alətləri, arxiv şəkli

Azərbaycanlı musiqiçidən beynəlxalq səviyyəli layihə: "Kamança Şuşanın səsidir"

41
(Yenilənib 23:33 21.06.2021)
Solo ifa zamanı Toğrul Əsədullayevi "Buta" instrumental ansamblı – bədii rəhbər, tarzən Rövşən Qurbanov, pianoda Əməkdar artist Nərgiz Əliyeva müşayiət ediblər.

BAKI, 21 iyun — Sputnik. Beynəlxalq Muğam Mərkəzinin solisti, Əməkdar artist, Prezident mükafatçısı, sənətşünaslıq üzrə fəlsəfə doktoru, dosent Toğrul Əsədullayev "Kamança Şuşanın səsidir" musiqi layihəsini təqdim edib. Sputnik Azərbaycan xəbər verir ki, musiqiçi şuşalı bəstəkarların əsərlərindən ibarət silsilə ifalar lentə aldırıb.

Qeyd edək ki, alboma səkkiz əsər daxil edilib. Əfrasiyab Bədəlbəyli, Niyazi, Fikrət Əmirov, Süleyman Ələsgərov və Vasif Adıgözəlovun yaradıcılığından nümunələr ilk dəfə olaraq solo kamançada dinləyicilərin ixtiyarına verilib. Solo ifa zamanı Toğrul Əsədullayevi "Buta" instrumental ansamblı – bədii rəhbər, tarzən Rövşən Qurbanov, pianoda Əməkdar artist Nərgiz Əliyeva müşayiət ediblər. Yaxın gələcəkdə ifaçı layihəni daha geniş formatda beynəlxalq səviyyədə təqdim etməyi planlaşdırır.

Məlumat üçün bildirək ki, musiqiçi Heydər Əliyev Fondunun dəstəyi ilə Azərbaycan Mədəniyyətinin Dostları Fondunun layihəsi əsasında keçirilən "Muğam 2007", "Muğam 2011", "Muğam 2013", "Muğam 2015" Televiziya müsabiqəsində kamança ifaçısı kimi iştirak edib. 2009, 2011, 2013 və 2015 -ci illərdə Qəbələ Musiqi Festivalının iştirakçısı olub. Toğrul Əsədullayevin ifa etdiyi "Nəva", "Bayatı-Şiraz", "Çahargah", "Şur", "Hümayun", "Rahab" kimi muğamlar Azərbaycan Dövlət Telaradio Şirkətinin Qızıl Fondunda saxlanılır.

2012-ci ildə Azərbaycanda keçirilən "Eurovision 2012" mahnı müsabiqəsinin finalında çıxış edən məşhur müğənni Emin Ağalarovu müşayiət edən Əməkdar artist, 1997-ci ildən etibarən ABŞ, Meksika, Kanada, Çin, BƏƏ, İngiltərə, Almaniya, Norveç, İtaliya, Avstriya, İspaniya, Fransa, İsveç, İsveçrə, Yunanistan, Litva, Latviya, Rumıniya, Slovakiya, Polşa, Türkiyə, İran, Ukrayna, Gürcüstan, Özbəkistan, Qazaxıstan, Qırğızıstan, Türkmənistan həmçinin Rusiyanın bir sıra şəhərlərində dəfələrlə Azərbaycanın milli musiqisini təmsil edib.

41
Qəbələyə mənzərə, arxiv şəkli

Ölkə xaricində istirahətdən həzz almaq olmur - Həmvətənlərimizin yay planları