Aygün Kazımova və Rauf Əhmədov

Aygün Kazımova özünə uyğun gənc ifaçı tapdı

177
(Yenilənib 04:04 24.05.2018)
Mahnının sözləri və musiqisi Nicat Məlikova məxsusdur

BAKI, 24 may — Sputnik. Xalq artisti Aygün Kazımova gənc müğənni Rauf Əhmədovla bir yerdə ifa etdiyi “Yaraşdın mənə” musiqisinə çəkilmiş klipini təqdim edib.

Müğənninin mətbuat xidmətindən Sputnik Azərbaycan-a bildirilib ki, mahnının sözləri və musiqisi Nicat Məlikova məxsusdur. Nicat Məlikov həm də klipin rejissoru kimi çıxış edib. Klipin musiqi və icraçı prodüseri Fərid İsmayılov, saund-prodüseri Ramin Vəlibəyov və İsmayıl Əsədovdur. Layihəyə texniki dəstəyi isə Cinealiance qrupu göstərib.

Kazımovanın obrazını məşhur stilist və dizayner Rüfət İsmayılov yaradıb, makiyaj Ruhaya məxsusdur. Raufun obrazı üzərində isə dizayner Cəlal Kəngərli və bərbər Qadir Əmir işləyib. Kazımova və Əhmədov “Dahi Qetsbi” filmindəki qəhrəmanların obrazında böyük gecədə çıxış edirlər.

Aygün Kazımova Azərbaycan pop musiqisi tarixində ən məşhur müğənnilərdən biridir. Onun karyerası “Bakı payızı — 88” musiqi festivalında qələbə başlayıb. Sonra Yurmala və “Asiya Dausı” müsabiqələrində iştirak edib. 1996-cı ildə İstanbulda Beynəlxalq müsabiqənin laureatı olub. Müğənni təkcə Azərbaycanda deyil, xaricdə də konsertlərlə çıxış edib.

177
Teqlər:
gənc ifaçı, Xalq artisti Aygün Kazımova, klip, mahnı
Aşpaz, arxiv şəkli

Məşhur "Master Chef" yarışında Azərbaycan mətbəxi günü elan edilib

17
(Yenilənib 22:02 24.11.2020)
Yarışın ötən gün yayımlanan bölümündə iştirakçılara "Dovğa", "Şah plov", "Gürzə", "Sazan ləvəngi", "Şəkərbura" bişirmələri tapşırılıb.

BAKI, 24 noyabr — Sputnik. Türkiyənin məşhur "Master Chef" yarışında Azərbaycan mətbəxi günü elan edilib.

Sputnik Azərbaycan xəbər verir ki, yarışın ötən gün yayımlanan bölümündə iştirakçılara "Dovğa", "Şah plov", "Gürzə", "Sazan ləvəngi", "Şəkərbura" bişirmələri tapşırılıb.

"Bu həftə mətbəxinə müraciət etdiyimiz ölkə qəlbimizə yaxındır. Qardaş ölkə Azərbaycan mətbəxinə müraciət edəcəyik", - deyə münsiflərdən Somer Sivrioğlu söyləyib.

Посмотреть эту публикацию в Instagram

Публикация от MasterChef Türkiye (@masterchefturkiye)

Digər münsif Mehmet Yalçınkaya isə: "Qardaşlarımızın qələbəsini təbrik edirik. Haqlı bir qələbə qazandılar. Ən sonunda haqları olanı geri aldılar. Oradakı şəhidlərimizi sevgi və sayqıyla anırıq. Mübarizələri davam edir, uğurlar diləyirik", - sözlərini deyib.

17
Teqlər:
Azərbaycan mətbəxi, "Master Chef", tv, Azərbaycan, Türkiyə
Azıx mağarası, arxiv şəkli

Azıx mağarasına aid tapıntılar Bakıya gətirilib

23
(Yenilənib 20:31 24.11.2020)
Maraqlıdır ki, qutuların birində işğalçıların qanunsuz ekspedisiyasının bəzi çöl-tədqiqat sənədləri aşkar olunub. Görünür, işğalçılar bu tapıntıları özləri ilə birgə Azərbaycan Respublikasından çıxarmağa imkan tapmayıblar.

BAKI, 24 noyabr — Sputnik. Bir neçə gün əvvəl Azərbaycan hərbçiləri Xocavənd rayonunun işğaldan azad edilmiş Azıx kəndindəki evlərdən birinə baxış zamanı üzərində "Azıx" yazılmış və içərisində arxeoloji materialların olduğu qutular aşkar etmələri barədə Arxeologiya və Etnoqrafiya İnstitutuna məlumat veriblər. Bununla əlaqədar olaraq İnstitut tərəfindən Azərbaycan Respublikası Dövlət Təhlükəsizliyi Xidməti və AMEA-nın rəhbərliyi məlumatlandırılıb.

AMEA Arxeologiya və Etnoqrafiya İnstitutunundan Sputnik Azərbaycan-a verilən məlumata görə, məlumat mühüm əhəmiyyət kəsb etdiyi üçün təcili olaraq Azərbaycan Respublikası Dövlət Təhlükəsizliyi Xidmətinin nümayəndəsi ilə birgə İnstitutun əməkdaşı tarix üzrə fəlsəfə doktoru Azad Zeynalov həmin rayona ezam olunub. Yerində baxış zamanı müəyyən olunub ki, bu qutularda işğal müddətində dünya əhəmiyyətli abidə, Paleolit dövrünə aid ibtidai insan düşərgəsi olan Azıx mağarasında Ermənistan və digər ölkələrin alimlərinin apardıqları qanunsuz arxeoloji qazıntılar nəticəsində aşkar edilmiş tapıntılar qablaşdırılıb. Bunların əksəriyyəti qədim fauna qalıqlarıdır. 90-a yaxın plastik qutulardakı bu tapıntılar dünən axşam Bakıya gətirilərək İnstitutun Arxeoloji Fondunda yerləşdirilib.

Maraqlıdır ki, qutuların birində işğalçıların qanunsuz ekspedisiyasının bəzi çöl-tədqiqat sənədləri aşkar olunub. Görünür, işğalçılar bu tapıntıları özləri ilə birgə Azərbaycan Respublikasından çıxarmağa imkan tapmayıblar. Amma qanunsuz qazıntıların bütün tapıntılarının hamısının burada olub-olmadığı da məlum deyil.

Professor Nəcəf Müseyiblinin bildirdiyinə görə, bütün bu tapıntılar Arxeologiya və Etnoqrafiya İnstitutunda araşdırılacaq, təhlil ediləcək, bu barədə Azərbaycan Respublikası Prokurorluğuna və geniş ictimaiyyətə ətraflı məlumat veriləcəkdir. Alimlərimiz bu işdə əməyi olan hərbçilərimizə və Azərbaycan Respublikası Dövlət Təhlükəsizliyi Xidmətinə dərin təşəkkürlərini bildirirlər.

23
Teqlər:
AMEA-nın Arxeologiya və Etnoqrafiya İnstitutu, AMEA, Xocavənd, Azıx mağarası, arxeoloji tapıntı, arxeoloqlar, arxeologiya
Azərbaycan hərbçiləri, arxiv şəkli

Müzəffər Ordumuz artıq Kəlbəcərdə!

63
(Yenilənib 01:14 25.11.2020)
Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.

BAKI, 25 noyabr - Sputnik. Azərbaycan Respublikası, Rusiya Federasiyası Prezidentləri və Ermənistan Respublikası baş nazirinin imzaladığı üçtərəfli Bəyanata əsasən, Azərbaycan Ordusunun bölmələri noyabrın 25-də Kəlbəcər rayonuna daxil olub.

Sputnik Azərbaycan bildirir ki, məlumatı Azərbaycan Müdafiə Nazirliyi yayıb. Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.
Gün ərzində Kəlbəcərdən foto və video materiallar təqdim olunacaq.

63
Teqlər:
Azərbaycan ordusu, Qarabağ, Kəlbəcər rayonu