Elçin Əfəndiyev

Sənət Əfəndiyev hegemoniyasından qurtuldumu?

917
(Yenilənib 17:50 03.05.2018)
Bir rejissor öz maddi mənfəətləri uğruna teatr səhnəsini Əfəndiyevlərin yaradıcılığı ilə işğal edirsə, ortada sənətdən və sənət sevgisindən söhbət gedə bilməz!

BAKI, 3 may — Sputnik. Məlum olduğu kimi, yazıçı-dramaturq Elçin Əfəndiyev baş nazirin müavini vəzifəsindən uzaqlaşdırılıb. Xatırladım ki, uzun illər bu vəzifədə çalışan Elçin Əfəndiyev yazıçı-dramaturq İlyas Əfəndiyevin oğludur. İlyas Əfəndiyevin ikinci oğlu Timuçin Əfəndiyev də 1987-ci ildən 2014-cü ilə qədər Azərbaycan Dövlət Mədəniyyət və İncəsənət Universitetinin rektoru vəzifəsində çalışıb, 2014-cü ildən bu günə qədər isə Bakı Xoreoqrafiya Akademiyasının rektorudur.

Mətləbə keçməzdən əvvəl bir məqamı dönə-dönə vurğulamaq istəyirəm ki, mən nə İlyas Əfəndiyevin, nə də Elçin Əfəndiyevin yaradıcılığını təhlil-tənqid etmək niyyətindəyəm. Hər iki müəllif Azərbaycan ədəbiyyatına, xüsusən də dramaturgiyasına kifayət qədər yeniliklər gətirib və dəyərli əsərlər yazıblar. İlyas Əfəndiyevin "Sən həmişə mənimləsən", "Unuda bilmirəm", "Mənim günahım", "On manatlıq lüstr" pyeslərini, Elçin Əfəndiyevin isə "Şekspir" və "Qatil" pyeslərini buna nümunə göstərmək olar.

Uzun sözün qısası, mənim giley-güzarım bu yazıçılardan və onların yaradıcılığından deyil, Elçin Əfəndiyev baş nazirin müavini olduğu müddət ərzində ona yarınmaq üçün teatrların repertuarını Əfəndiyev imzası ilə dolduran Mədəniyyət Nazirliyindən, teatr direktorlarından və rejissorlarındandır.

Mədəniyyət və İncəsənət Universitetində təhsil aldığım müddət ərzində səhnə danışığından mənə dərs deyən müəllimim, aktyor Azad Şükürovdan bir dəfə soruşdum ki, niyə Timuçin Əfəndiyev Universitetin rektorudur deyə və Elçin Əfəndiyev baş nazirin müavinidir deyə, Universitetin tələbələri Əfəndiyevlərdən pyeslər səhnələşdirməyə məhkum ediliblər və teatr aktyorları, aktrisaları da bu müəlliflərin pyeslərindəki qəhrəmanları canlandırmağa məcbur olunublar? Azad müəllimin cavabı belə oldu ki, "nə İlyas Əfəndiyevin, nə də Elçin Əfəndiyevin əsərlərinin zorla səhnələşdirilməsinə ehtiyacı var. Hər iki dramaturqun səhnələşdirilməyə layiq kifayət qədər pyesləri mövcuddur".

Belə aydın olur ki, həm universitet müəllimləri tələbələrə məcburən Əfəndiyevlərdən əsər götürmələrini tapşırır, həm də Mədəniyyət Nazirliyi, teatr direktorları və rejissorları yarınmaq, yaltaqlanmaq, vəzifə və fəxri ad əldə etmək üçün Əfəndiyevlərin yaradıcılığına müraciət edirlər.

Bu, ilk növbədə sənətə xəyanətdir! Bir rejissor, bir aktyor öz maddi mənfəətləri uğruna teatr səhnəsini Əfəndiyevlərin yaradıcılığı ilə işğal edirsə, ortada sənətdən və sənət sevgisindən söhbət gedə bilməz!

2000-ci ildən indiyə qədər ölkənin müxtəlif teatrlarında və ADMİU-da Əfəndiyevlər qədər səhnələşdirilən başqa bir müəllif tapmaq mümkün deyil. Bu illər ərzində İlyas Əfəndiyevin "Qarabağnamə", "Atayevlər ailəsi", "Mənim günahım", "On manatlıq lüstr", "Məhv olmuş gündəliklər", "Sən həmişə mənimləsən" və başqa pyesləri, Elçin Əfəndiyevin isə "Qatil", "Şekspir", "Cəhənnəm sakinləri", "Arılar arasında", "Teleskop", "Mənim sevimli dəlim", "Sənətkarın taleyi" və başqa əsərləri səhnləşdirilib.

Bu yerdə olduqca gülməli bir məqamı da nəzərinizə çatdırmaq istəyirəm: Akademik Milli Dram Teatrının 2018-ci ilin aprel ayı üçün olan repertuarında Əfəndiyevlərə məxsus dörd tamaşa yer tutduğu halda, 2018-ci ilin may ayı üçün olan repertuarda Əfəndiyev imzası ilə cəmi bir tamaşa var. Çünki aprel ayının 21-dən etibarən Elçin Əfəndiyev baş nazirin müavini vəzifəsində çalışmır.

Görünür, Mədəniyyət Nazirliyi, teatr direktorları və rejissorlar hazır-nəzir dayanıblar ki, yenicə vəzifələrə təyin olunmuş şəxslərdən kimlər pyes yazacaq, onlar da öz maddi mənfəətləri üçün teatr səhnələrini yeni imzaların hegemoniyasına qurban verəcəklər!

Bunlar bir yana, Azər Paşa Nemətov Elçin Əfəndiyevin "Cəhənnəm sakinləri" pyesini yenicə səhnələşdirmişdi. Heyif oldu! Başqa teatrlarda da Əfəndiyevlərə məxsus əsərlərin məşqləri gedirdi. Görəsən, onlar hansı həvəslə təqdimat edəcəklər? Axı vəzifə və fəxri ad daha Elçin Əfəndiyevdən gəlməyəcək!

917
Teqlər:
Mədəniyyət və İncəsənət Universiteti, müəllif, direktor, Elçin Əfəndiyev, dramaturq, dəyişiklik, pyes, səhnə, İlyas Əfəndiyev, fəxri ad, Mədəniyyət Nazirliyi, teatr, rejissor, rektor, yazıçı, aktyor, vəzifə, tamaşa, baş nazirin müavini
Əlaqədar
Fikrət Qocaya “Şərəf” ordeni, Timuçin Əfəndiyevə fəxri diplom
Məşhur aktyor: "Azərbaycanda teatr binaları var, amma teatr yoxdur"
Dövlət teatrındakı əlbəyaxa dava yuxarı müstəviyə daşındı
Aktyor: “Bizim teatrda boş yer olmur”
Rəssam, arxiv şəkli

"Yenə o bağ olaydı" səyyar sərgisi davam edir

15
"YARAT" Müasir İncəsənət Məkanının Xaçmaz rayonunda incəsənət həvəskarları üçün təşkil etdiyi "Yenə o bağ olaydı" adlı səyyar sərgisinin vaxtı uzadılıb. Sərgi ziyarətçilər üçün noyabrın 27-dək açıq qalacaq

BAKI, 30 oktyabr — Sputnik. "YARAT" Müasir İncəsənət Məkanının Xaçmaz rayonunda incəsənət həvəskarları üçün təşkil etdiyi "Yenə o bağ olaydı" adlı səyyar sərgisinin vaxtı uzadılıb.

Sputnik Azərbaycan xəbər verir ki, sərgi ziyarətçilər üçün noyabrın 27-dək açıq qalacaq. Sərginin ekspozisiyasında rəssamlar Ağababa Bağırov, Etibar İsmayılov, Günay Əliyeva, Musa Bəyzadə, Nəzrin Məmmədova, Vüsalə Ağarazıyeva, Leyli Qafarova kimi gənc sənətçilərin və tanınmış italiyalı rəssam Mikelancelo Pistolettonun əsərləri təqdim olunur. Bununla yanaşı, sərgi Ruslan Abbasov, Günel Axundlu, Rəna Bəşirova, Timo Herbst, Orxan Hüseynov, Mersedes Şturm-Li və Fərid Rəsulovun əsərlərini özündə ehtiva edən videoskrininq proqramı ilə müşayiət olunur. Həmçinin "YARAT" "Nargis Magazine" ilə birgə əməkdaşlıq çərçivəsində "Recycle Project" (2019) layihəsinə daxil olan "Pablik art" proqramını təqdim edir. Burada Rəşad Ələkbərovun "Reuse, Reduce, Recycle" installyasiyası nümayiş olunur.

15
Əlaqədar
Tələsin: Yeniyetmələr arasında rəsm müsabiqəsi start götürdü
Rəssam Gəncə terrorunun qurbanlarının fotolarından illüstrasiya hazırlayıb
Ailəsində yaşanan problemlər onu rəssam edib, amma bu işdən pul qazanmaq istəmir
Oksana Rəsulova, arxiv şəkli

Azərbaycanlı aktrisa hind ingilis dillərində dünya ictimaiyyətinə müraciət edib

92
(Yenilənib 19:20 30.10.2020)
Oksana Rəsulova dünya ictimaiyyətinə hind dilində müraciət edərək Ermənistanın uzunmüddətli təcavüzünü pisləməyə çağırıb

BAKI, 30 oktyabr — Sputnik. Tanınmış azərbaycanlı aktrisa və rəqqasə Oksana Rəsulova özünün "Instagram" səhifəsində hind dilində müraciət edib. Oksana Rəsulova dünya ictimaiyyətinə hind dilində müraciət edərək Ermənistanın uzunmüddətli təcavüzünü pisləməyə çağırıb. Rəsulova qeyd edib ki, Ermənistan Azərbaycanın mülki əhalisini raket atəşinə məruz qoyur.

"27 sentyabrdan başlayaraq Ermənistanın silahlı qüvvələri beynəlxalq hüququn norma və prinsiplərini, 1949-cu il Cenevrə Konvensiyasını, BMT Təhlükəsizlik Şurasının qətnamə və qətnamələrini, habelə elan olunmuş humanitar atəşkəs tələblərini kobud şəkildə pozaraq, Azərbaycanın mülki əhalisini qəsdən hədəf alıb. Münaqişə zonasından uzaq şəhər və bölgələrə raket və artilleriya zərbələri endirirlər" deyən Rəsulova dünyanı insan faciəsinə biganə qalmamağa çağırdı. Hind rəqslərinin mahir ifaçısı, aktrisa hind dilindən başqa, ingilis dilində də müraciət edib.

 

92
Teqlər:
Oksana Rəsulova, müraciət, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Sahibə Qafarova Pakistan Milli Assambleyasının sədrinə məktub ünvanlayıb
"Manga" qrupunun solisti azərbaycanlı müğənni ilə duet oxudu
Moskvada Müslüm Maqomayevin abidəsi təhqir edildi
"Eurovision" ulduzlarından Gəncə terroru barədə klip
Kanadalı senator Azərbaycan xalqından üzr istəməlidir
Fövqəladə hallar naziri, general-polkovnik Kəmaləddin Heydərov Gəncə şəhərində qəza baş vermiş əraziyə gəlib

Ermənistanın mülki əhalimizə qarşı terror aktları barədə hər kəs məlumatlandırılıb - FHN

0
Fövqəladə Hallar naziri, general-polkovnik Kəmaləddin Heydərov Ermənistan silahlı qüvvələrinin Azərbaycanın dinc əhalisinə qarşı törətdiyi terror xarakterli təxribatları barədə tərəfdaş ölkələrin uyğun qurumları və beynəlxalq təşkilatları məlumatlandırıb.

BAKI, 31 oktyabr - Sputnik. Azərbaycan Respublikasının Fövqəladə Hallar naziri, general-polkovnik Kəmaləddin Heydərov Ermənistan silahlı qüvvələrinin Azərbaycanın dinc əhalisinə qarşı törətdiyi terror xarakterli təxribatları barədə tərəfdaş ölkələrin uyğun qurumları və beynəlxalq təşkilatları məlumatlandırıb.

Bu barədə Sputnik Azərbaycan-a Fövqəladə Hallar Nazirliyindən məlumat verilib.

Məlumatda qeyd olunur ki, 30-a yaxın ölkənin fövqəladə hallarla mübarizə üzrə məsul dövlət qurumları və 20-yə yaxın nüfuzlu beynəlxalq təşkilata, o cümlədən Birləşmiş Millətlər Təşkilatının uyğun qurumları (UN OCHA, UN DRR), Beynəlxalq Mülki Müdafiə Təşkilatı, NATO EADRCC (Avro Atlantik Fəlakətə Cavabın Əlaqələndirilməsi Mərkəzi), Avropa İttifaqının Avropa Mülki Müdafiəsi və Humanitar Yardım Əməliyyatları Baş İdarəsi, Avropa Şurasının Avropa və Aralıq Dənizi üzrə Böyük Risklər Sazişi, Atom Enerjisi üzrə Beynəlxalq Agentlik, GUAM, Qara Dəniz İqtisadi Əməkdaşlıq Təşkilatı, İqtisadi Əməkdaşlıq Təşkilatı və digər aidiyyəti beynəlxalq strukturlara ünvanlanmış məktublarda Ermənistan-Azərbaycan, Dağlıq Qarabağ münaqişəsi barədə həqiqətlər diqqətə çatdırılıb.

Məktublarda Ermənistan silahlı qüvvələri tərəfindən tarixi Azərbaycan torpaqlarının 20 faizinin 30 ilə yaxın işğal altında saxlanılması, işğal olunmuş bölgədən bir milyondan çox soydaşımızın qaçqın və məcburi köçkün vəziyyətinə düşməsi, BMT Təhlükəsizlik Şurasının torpaqlarımızın işğaldan dərhal və qeyd-şərtsiz azad edilməsi tələbi barədə 4 qətnaməsinin hələ də kağız üzərində qalması qeyd olunub.

Ermənistanın terrorçu xislətli hərbi-siyasi rəhbərliyinin qərarı ilə Ermənistan silahlı qüvvələrinin bu ilin 27 sentyabr tarixində Azərbaycanın mülki əhalisini və hərbi obyektləri hədəf alaraq hərbi təxribata əl atması və buna cavab olaraq Azərbaycan Silahlı Qüvvələri tərəfindən əks-həmlə əməliyyatına başlanılması, bu əməliyyatın yalnız Azərbaycan Respublikasının beynəlxalq birlik tərəfindən birmənalı tanınmış torpaqlarında aparılması diqqətə çatdırılıb.

Bildirilib ki, Ermənistan dövlətinin ənənəvi terrorçu davranışlarına uyğun olaraq, Ermənistan silahlı qüvvələri beynəlxalq humanitar hüququn norma və prinsiplərini kobud şəkildə pozaraq Azərbaycan əhalisinin sıx yaşadığı yaşayış məntəqələrini, mülki obyektləri, o cümlədən fərdi və çoxmənzilli yaşayış binalarını, təsərrüfatları ağır artilleriya qurğularından və raketlərdən atəşə tutaraq mülki obyektlərdə dağıntı və yanğınlar törədir, çoxsaylı sakinlərin həlak olmasına səbəb olur. Bu çərçivədə, xüsusilə razılaşdırılmış humanitar atəşkəs rejiminin tələblərini kobudcasına pozaraq döyüş bölgəsindən kənarda yerləşən Azərbaycanın Gəncə, Bərdə, Ağcabədi və digər şəhər və kəndlərinin mütəmadi olaraq ağır artilleriya və raket atəşlərinə məruz qalması, nəticədə çoxsaylı mülki şəxslərin ölümü və ciddi dağıntıların baş verməsi qəti şəkildə pislənilir, bu terrorçu addımlara dərhal son verilməsi üçün dünya birliyinin Ermənistanın hərbi-siyasi rəhbərliyinə ciddi təzyiqlər göstərməsinin vacibliyi vurğulanır.

Qeyd edək ki, məktublara Ermənistan dövlətinin terrorçu xislətini sübut edən foto və videomateriallar, habelə ingilis dilində broşür əlavə olunub.

0