Srbuya Sarqsyan

Sarqsyan Azərbaycan bayrağı fonunda mahnı oxudu

8646
(Yenilənib 17:59 03.05.2018)
Erməni müğənni bu "səhv"ə görə təşkilatçıları bağışlayıb

BAKI, 3 may — Sputnik. "Yanlış da bir naxışdır" deyirlər. Ukraynalıların ekranlara çıxan və milyonlarla tamaşaçısı olan beynəlxalq musiqi yarışması zamanı erməni qızın oxuduğu "Human" (mahnı insan hüquq və azadlıqları uğrunda mübarizəyə həsr olunub — red.) mahnısının fonunda Azərbaycan bayrağının ekrana çıxarması da, deyəsən, yanlışdan doğan bir naxışdır.

Bu günlərdə beynəlxalq vokal layihəsinin təşkilatçıları Kiyevdə Ermənistan müğənnisinin çıxışı zamanı "siyasi səhvə" yol veriblər. Ukraynanın "Голос країни" ("Ölkənin səsi") vokal layihəsində çıxış edən erməni müğənni Srbuya Sarqsyan "Human" mahnısını oxuyan zaman arxa fondakı ekranda Azərbaycan bayrağı əksini tapıb. Eyni zamanda mahnının sonunda ekrana yazılan "Human" sözü də Azərbaycan bayrağının rənglərində olub.

Sputnik Azərbaycan-ın məlumatına görə, Sarqsyan bu barədə özünün Instagram səhifəsində yazıb. O, layihənin təşkilatçılarının bu barədə izahatını qeyd edərək bildirib ki, baş verənlər texniki səhv olub və onlar həm müğənnidən, həm də duyğularının təhqir olunduğunu düşündükləri digər insanlardan üzr istəyiblər.

"Biz hamımız insanıq və bəzən səhv edə bilərik. Mən "Голос країни" komandasını yaxşı tanıyıram və onların üzrxahlığının səmimi olduğuna inanıram. Mənim çıxışım insan hüquq və azadlıqları uğrunda mübariziyə həsr olunmuşdu və orada təxribata yer yox idi", — müğənni bildirib.

"Mən dəstəyə və inkişaf imkanlarına görə layihənin peşəkar komandasına minnətdaram. Ukraynalılara, onların isti və xeyirxah münasibətinə görə isə daha çox minnətdaram", — deyə Sarqsyan əlavə edib.

Onun sözügedən çıxışının videosu "Голос країни" layihəsinin "YouTube"dakı rəsmi saytından silinib və əvəzində səhvlərin düzəldiyi yeni çarx yerləşdirilib. Yenilənmiş çarxı da diqqətinizə təqdim edirik.

8646
Teqlər:
Srbuya Sarqsyan, "Голос країни", "Human", musiqi yarışması, naxış, səhv, yanlış, Ukrayna, bayraq, Azərbaycan, mahnı
Əlaqədar
"Sən supersən! - 2" müsabiqəsinin iştirakçısı ilə görüş keçirilib
Agentlik məktəblilər üçün müsabiqə elan etdi: Qiymətli hədiyyə...
Gözəllər "Miss & Mister Grand Azerbaijan" müsabiqəsində
Azərbaycan bayrağı

Məşhur türk sənətkarının ifasında "Qarabağ türküsü" səsləndirildi

47
(Yenilənib 12:02 21.10.2020)
Mahnı Azərbaycan Ordusunun göstərdiyi sücaətlərdən, işğaldan azad olunan torpaqlarımızdan bəhs edir.

BAKI, 21 oktyabr — Sputnik. Son günlər Azərbaycan Ordusunun aparığı uğurlu əməliyyatları nəticəsində Cəbrayıl, Fizuli və Zəngilan şəhərləri və bir sıra kəndlərimizin işğaldan azad olunması xəbəri Azərbaycan xalqı ilə yanaşı, qardaş Türkiyə xalqını da sevindirib. Azərbaycana dəstək məqsədilə Türkiyənin ən məşhur bölgələri Azərbaycan bayrağına bürünüb.

Bundan başqa qardaş ölkənin sənət adamları da ölkəmizə dəstək olublar. Bu dəfə bu axına Türkiyənin məşhur saz ifaçısı, müğənni Əsəd Kabaklı da qoşulub. Sputnik Azərbaycan xəbər verir ki, məşhur ozan Qarabağda davam edən vətən savaşı üçün mahnı ifa edib. Mahnı Azərbaycan Ordusunun göstərdiyi sücaətlərdən, işğaldan azad olunan torpaqlarımızdan bəhs edir. Sözügedən mahnının sözləri İntiqam Yaşar, musiqisi isə Əziz Əlibəyliyə məxsusdur.

47
Mövzu:
Azərbaycan və Ermənistan arasında müharibə
Ceyla Seyidova, arxiv şəkli

"Sarı gəlin"dən xəbər var

255
(Yenilənib 11:49 19.10.2020)
Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. "Sarı Gəlin" musiqisinin ilk balet versiyasının klipi "ALOV Club"un "Instagram" səhifəsində yayımlanıb.

BAKI, 19 oktyabr — Sputnik. Ermənilərin uzun illər özününkiləşdirmək istədiyi Azərbaycanın xalq mahnısı "Sarı gəlin" yeni balet versiyasında təqdim olunub.

Посмотреть эту публикацию в Instagram

Публикация от ALOV Club (@alovclub)

Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. "Sarı Gəlin" musiqisinin ilk balet versiyasının klipi "ALOV Club"un "Instagram" səhifəsində yayımlanıb: "Müstəqillik günü münasibətilə xalqımızı təbrik edirik! Ölkə üçün çətin bir zamanda ruhdan düşməməyinizi diləyirik".

https://www.instagram.com/p/CGejOZhjSyT/?utm_source=ig_web_copy_link

255
Əlaqədar
Azərbaycanlı aşıq "Sarı gəlin"i niyə ermənilərlə birlikdə oxuduğuna aydınlıq gətirdi
Bakıda “Sarı gəlin” oxuyan italiyalı əfsanəvi müğənni
Eyfel qülləsində "Sarı gəlin" səsləndirildi
Moldovanın Xalq artistinin ifasında “Sarı Gəlin”
Misirlilər azərbaycanlı qızın ifasında "Sarı gəlin"ə valeh oldu
Jurnalist, arxiv şəkli

"Hərbi forma geyinməyin!" - Əflatun Amaşov

0
Ermənistan tərəfdən də xarici media təşkilatları ilə sıx təmaslar var. Tutalım, bizimlə bağlı bir xəbər hansısa nüfuzlu media təşkilatının saytında gedirsə, onlar dərhal çalışırlar ki, onun əsassızlığını sübuta yetirib materialı sildirsinlər.

BAKI, 21 oktyabr — Sputnik. Azərbaycan Mətbuat Şurasının Sədri Əflatun Amaşov cəbhə bölgəsində fəaliyyət göstərən jurnalistlərə müraciət edib.

Sputnik Azərbaycan üraciət mətnini təqdim edir:

"Əziz və dəyərli cəbhə bölgəsində fəaliyyət göstərən jurnalistlər!

Çox çətin şəraitdə çalışırsınız. Həyat və sağlamlığınızla risk edirsiniz. Bu, Vətən qarşısındakı müstəsna və danılmaz xidmətinizdir. Sizə hörmət və ehtiramımızı bildiririk.

Əziz dostlar, həmkarlar, daxilinizdəki ruh yüksəkliyini və coşğunu da anlayırıq. Ancaq işinizi görərkən hərbi formada, hərbi forma rəng çalarları olan paltarlarda olmayın. Məsələ yalnız onda deyil ki, bununla özünüzü açıq hədəfə çevirirsiniz. Hərçənd bu da əsasdır. Daha bir əsas məsələ sosial şəbəkələrdəki, xüsusən "Facebook"dakı şəkillərinizdir. Ora hərbi formada, əldə silah şəkil qətiyyən qoymayın.

Yada salım ki, biz hərbi formada, əlində mikrafon, diktafon, çiynində avtomat olan erməniləri görürdük. Əsaslandırırdıq ki, onların başlarına bir iş gəlsə, ermənilər başlayacaqlar ki, Azərbaycan Ordusu jurnalistlərə atəş açıb.

Allah eləməsin ki, başınıza bir iş gəlsin. Canınızı sağ və sağlam olsun. Gün o gün olsun ki, hər biriniz tam qələbə xəbərlərinin müjdəçisi olasınız. Amma müharibədir, hər şey mümkündür. Müharibənin ağırlığını sizlərə izah etməyə heç ehtiyac yoxdur. Hər gün görür və yaşayırsınız...

Uzun sözün qısası, sizlərlə bağlı hansısa hadisəni beynəlxalq media ictimaiyyətinin diqqətinə çatdıranda, xarici həmkarlarımızın etdikləri ilk iş açıb "Facebook"da sizinlə maraqlanmaq olur. Bu halda qarşılarında hərbi formalı adam çıxanda məsələni diqqətə çatdıranlara, yəni bizə münasibətləri heç də yaxşı olmur. İlk təəssürat çox çox önəmlidir. Prinsipial olaraq gördüklərinə inanırlar. Belədə qaldırılan haqlı problem əhəmiyyətini itirir.

Üstəlik onu da nəzərə alın ki, Ermənistan tərəfdən də xarici media təşkilatları ilə sıx təmaslar var. Tutalım, bizimlə bağlı bir xəbər hansısa nüfuzlu media təşkilatının saytında gedirsə, onlar dərhal çalışırlar ki, onun əsassızlığını sübuta yetirib materialı sildirsinlər. Hər vasitəyə əl atırlar. Cəbhə bölgəsində olan jurnalistin hərbi formadakı şəklindən gözəl sübut isə yoxdur. Bunu mütləq qaydada nəzərə almağınızı xahiş edirəm.

Hər birinizə bol-bol uğurlar və cansağlığı arzulayıram!"

0
Mövzu:
Azərbaycan və Ermənistan arasında müharibə