Flora Kərimova

“Röya başa düşməlidir ki, məni öz sponsorları ilə qorxuda bilməz”

789
(Yenilənib 21:58 30.04.2018)
Xalq artisti: “Mən Röyanı İlhamə Quliyeva onu "iylənmiş", "bitli", "pinti" adlandıranda müdafiə eləmişəm”

BAKI, 30 aprel — Sputnik. Azərbaycanın Xalq artisti gənc həmkarını bağışlamaq fikrində deyil: Röya jurnal məqalələrinin birində ona xoşagəlməz jest eləyib və bununla da Flora Kərimovanı çox pis təhqir edib.

Xalq artisti Flora Kərimova ilə Əməkdar artist Röya Ayxan arasındakı qalmaqal uzun illərdir davam edir. İndiyə qədər onların hər ikisi susurdu və bir-birinə qarşı ictimaiyyət qarşısında heç nə demirdi. İndi isə vəziyyət dəyişib. Flora Kərimova sözügedən münaqişənin səbəbləri və gənc həmkarı ilə münasibətləri barədə Sputnik Azərbaycan-a müsahibəsində ətraflı danışıb.

— Hazırda sizin Röya ilə qalmaqalınız gündəmdədir. Bu münaqişənin səbəbi nədir?

— On il əvvəl, Roya bu yolu (dava — red.) tutmağa cəhd edəndə və məni jurnaldakı şəkildə orta barmağı ilə göstərəndə, bir müxbir çox doğru olaraq qeyd eləmişdi ki, o, adətən konsertindən əvvəl özünə total diqqəti cəlb eləmək üçün qalmaqal yaradır. Və ilk dəfə Röya konserti zamanı öz məqsədi üçün məni seçdi. Çünki mən sənətkar idim. Eyni şey ikinci dəfə də baş verdi. O məni günahlandırdı ki, mən onu sənətkar hesab eləmirəm.

Elə səs var ki, onun ifa etmək imkanları çox məhduddur və əgər o səs inkişaf etmirsə, bütün mahnılar eyni cür səslənirsə, onda tamaşaçı bu müğənniyə marağını itirir. Mən sözləri eşidən kimi ona dinləyicini həyəcanlandıran, narahat edən və bəzən göz yaşları axıtmağa vadar edən səsimi əlavə edirəm. Bu, ilahidən gəlir. Mən heç nə düşünmürəm. Sadəcə, Allahın mənə verdiyi istedad tədricən iş prosesində açılır. Mənə, hətta özüm haqqında belə danışmaq xoş deyil. Onlarınsa belə bir imkanları yoxdur. Onlar tamaşaçını bezdirirlər və öz ifaları ilə yeni heç nə nümayiş etdirmirlər.

Öz tərbiyəsizlikləri ilə məhv etdikləri gözəl musiqilər istisna olmaqla, xalqın şərəfi, mədəniyyəti, mentaliteti ilə oynayırlar.

Röya başa düşməlidir ki, təkcə özünü deyil, həm də "ləyaqət" sözünün alternativinin olmadığı Azərbaycanı təmsil edir. Axı o, özünün çirkin davranışları ilə hamını biabır edir. Sizcə, mən bu respublikanın vətəndaşı olaraq necə susum?

— Flora xanım, Röya etiraf edir ki, yaradıcılıq yolunun başlanğıcında siz həmişə ona dəstək vermisiniz və hətta onu qızınızın toyuna da dəvət etmisiniz…

— Bəli, o mənim qızımın toyunda olub, çünki həmin vaxtlar da, indi də onun tərəfindən çox sevilir. Qızımın mənə qarşı sənətlə bağlı iradları olan adamları bağışlamaq kimi bir şakəri var. Mən ən başda Röyanı dəstəkləmişdim və o, bunu yaddan çıxarmamalı, jurnalda mənə orta barmağını göstərməməli idi.

— Axı Röya deyir ki, o, həmin barmağı sizə göstərməyib…

— Bu necə ola bilər? Bu məxsusi olaraq çəkilmiş şəkildir. O, hətta burada xüsusi poz verib. Röya onun adını daşıyan həmin jurnalın yaradıcısı və redaktoru olub. Siz necə düşünürsüz, hansısa sponsor məsuliyyəti öz üzərinə götürərək belə bir nəşr buraxır?

Bundan əlavə, o, iddia edir ki, mənim "Bir axşam taksidə" mahnımdan başqa kompozisiyam yoxdur. Röya, axı sən illərlə öz maşınında mənim "Bilməzdim" mahnıma qulaq asmısan!

Mən bir şeyi bilirəm ki, o, İlhamə Quliyevanın sözlərini səsləndirir. Çünki bu "komplimentləri" mən İlhamənin ağzından eşitmişəm. Bəs Röyanın öz sözləri hanı və o niyə eynilə İlhamənin yolunu gedir? Mən həmişə hamıya xəbərdarlıq edirəm: "Mənə toxunmayın". Və ona görə demirəm ki, bu, məni təhqir edir. Ona görə ki, mən bir qadın olaraq öz uşaqlarıma görə məsuliyyət daşıyıram. Mən beləyəm də. Mən hər bir Azərbaycan qadınının, hətta alçalanlarının belə arxasında dağ kimi duracağam, çünki o azərbaycanlıdır və bu xalqın qanını daşıyır.

— Aranızda barışıq mümkündürmü?

Röya jurnalının səhifəsi
"Röya" jurnalının səhifəsi

— Əlbəttə ki, yox. Mən onun anadangəlmə xarakterini dəyişə bilərəm? Mən Röyanı İlhamə Quliyeva onu "iylənmiş", "bitli", "pinti" adlandıranda müdafiə eləmişəm. Mən dağ kimi onun dalında dayanmışam. Mənim Röyaya sadəcə qadın kimi iradım olub və dəfələrlə ona bu barədə demişəm. Əgər o, bunu qiymətləndirməyibsə və mənə orta barmağını göstəribsə, mən nə etməliyəm? Mən bütün bunları udub deməliyəm ki, "sağ ol, ay Röya, mən sənin sponsorlarından qorxuram?"

— Deməli, qalmaqal davam edəcək?

— Mən ona bu səbəbdən cavab vermişəm ki, o, məni siyasi fəaliyyətimlə vurmağa başlayıb. Ona müraciət edərək soruşmaq istəyirəm: "Sən bunları danışmağı utanmadın? Hamı sənə tüpürdü".

Röya indi ona görə susur ki, aşağı doğru yuvarlandığını başa düşüb. Faiq Ağayev də özünü belə yandırmışdı, məni incitməyə başladı və indi heç kimdir. Röya da həmin vəziyyətə çatıb. Onun istedadı yoxdur, sadəcə ürəkdən oxuyur. Amma o unudur ki, həmin ürəkdən hamıda var.

Mənim 77 yaşım var. Mən onun kimi axmaq deyiləm ki, sözləri qulaqardına vuram. Məndə ona cavab verəcək nələrsə var və bütün bunlara görə, o özü günahkardır. Necə yeddi yaşlı uşağın yanında unitazda otururmuş kimi oturub poz verərək orta barmağı göstərmək olar?!

Təəccüblüdür ki, Faiq, İlhamə və Röyanın hər üçünün hərəkətlərində eyni xətt, eyni ifadələr və eyni ittihamlar sezilir. Sanki onlar əkizlərdir. Röya anlamalıdır ki, məni özünün sponsorları ilə qorxuda bilməz. Onsuz da o sponsorlar uzun müddət onun dalında durmayacaqlar. Bunu başa düşmək üçün Röyanın, hətta qadın ağlı da çatmır.

789
Teqlər:
Flora Kərimova, Röya Ayxan, müsahibə, ittiham, qalmaqal, cavab
Əlaqədar
Flora Kərimova “Sən supersən!”-nin Azərbaycan təmsilçisi haqqında danışır
Flora Kərimovadan etiraf: "Məndən xalq düşməni düzətmək gecdir"
Flora Kərimovanın yeni klipinin təqdimatı oldu
Flora Kərimova: "Mənə dəstək olmasaydılar, bu günlərə gəlməzdim"
Rəssam, arxiv şəkli

Tələsin: Yeniyetmələr arasında rəsm müsabiqəsi start götürdü

3
Müsabiqənin şərtlərinə görə, rəsmlər A1 və ya A3 ölçülü vatman kağızlarda çəkilməlidir. Müsabiqəyə 1 və ya 2 rəsm əsəri təqdim oluna bilər. Rəsmlərin son qəbul tarixi noyabrın 27-də başa çatır.

BAKI, 29 oktyabr — Sputnik. F.Köçərli adına Respublika Uşaq Kitabxanası 10-17 yaş arası uşaq və yeniyetmələr arasında "Terrora yox deyək!" adlı rəsm müsabiqəsi elan edib.

Sputnik Azərbaycan xəbər verir ki, müsabiqənin keçirilməsində məqsəd yeniyetmələrin diqqətini erməni terroruna cəlb etmək, onlara sülh mədəniyyəti, xalqlar və insanlar arasında qarşılıqlı anlaşma, dostluq münasibətlərinin əhəmiyyətini, milli dəyərlərimizi, tolerantlıq və multikulturalizm ənənələrini aşılamaq, habelə xüsusi istedadları aşkarlamaq və onların qabiliyyətlərinin inkişaf etdirilməsinə dəstək verməkdir.

Müsabiqə vətənpərvərlik mövzusunda keçirilir. Müsabiqənin şərtlərinə görə, rəsmlər A1 və ya A3 ölçülü vatman kağızlarda çəkilməlidir. Müsabiqəyə 1 və ya 2 rəsm əsəri təqdim oluna bilər. Rəsmlərin son qəbul tarixi noyabrın 27-də başa çatır.

Yarışma başa çatdıqdan sonra münsiflər heyəti tərəfindən 3 qalib seçiləcək. Qalib və iştirakçılara həvəsləndirici diplom, fəxri fərman və kitablar hədiyyə olunacaq.

Əlavə məlumatı http://clb.az/yeniyetmlr-arasnda-terrora-yox-deyk-adl-rsm-msabiqsi_d3001.html ünvanından əldə etmək olar.

3
Azərbaycan Dövlət Akademik Milli Dram Teatrı, arxiv şəkli

Ən qədim teatrımız Silahlı Qüvvələrə Yardım Fonduna vəsait köçürüb

12
Teatr Ermənistanın hərbi təcavüzünün qarşısının alınması, mülki əhalinin təhlükəsizliyinin təmin edilməsi üçün şanlı Ordumuza dəstək olmaq məqsədilə Silahlı Qüvvələrə Yardım Fonduna 10 min manat vəsait köçürüb.

BAKI, 29 oktyabr — Sputnik. Qüdrətli Azərbaycan Ordusunun işğalçı Ermənistanın təxribatlarına cavab olaraq həyata keçirdiyi əks-hücum əməliyyatları bütün cəbhəboyu böyük uğurla davam edir. Əsgər və zabitlərimizin fədakarlığı, yenilməz döyüş əzmi və qazandığı qələbələri hər bir soydaşımızda böyük ruh yüksəkliyi yaradır. Azərbaycan Ordusunun maddi-texniki təchizatı dövlət tərəfindən yüksək səviyyədə təmin olunsa da, əksər vətəndaşlar, o cümlədən müəssisə və təşkilatlar Orduya hərtərəfli dəstəyi özlərinə mənəvi borc hesab edir, bu istiqamətdə əllərindən gələni əsirgəmirlər.

Sputnik Azərbaycan xəbər verir ki, Azərbaycan Dövlət Akademik Milli Dram Teatrı Ermənistanın hərbi təcavüzünün qarşısının alınması, mülki əhalinin təhlükəsizliyinin təmin edilməsi üçün şanlı Ordumuzun həyata keçirdiyi zəruri əks-həmlə tədbirlərinə dəstək olmaq məqsədilə Silahlı Qüvvələrə Yardım Fonduna 10 min manat vəsait köçürüb.

12
Mövzu:
Azərbaycan və Ermənistan arasında müharibə
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

0
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

0