Aprel şəkilləri sənədli filminin təqdimatı

Sona Vəliyeva: "Aprel şəhidləri Allah tərəfindən seçiliblər"

115
(Yenilənib 16:24 27.04.2018)
Filmdə aprel döyüşlərində şəhid olan və pilotlar - mayor Təbriz Musazadə, mayor Urfan Vəlizadə və baş leytenant Əbubəkir İsmayılovdan bəhs edilir

BAKI, 27 aprel — Sputnik. Bu gün Beynəlxalq Mətbuat Mərkəzində "Bitməyən müharibənin qəhrəmanları" silsiləsindən "Aprel şəkilləri" sənədli filminin təqdimatı olub. Sputnik Azərbaycan-ın məlumatına görə, film Mətbuat Şurası və "Veysəloğlu" Şirkətlər Qrupunun dəstəyi ilə hazırlanıb.

Şabrandakı küçələrdən birinə aprel döyüşlərində şəhid olan kiçik gizir Babək Abidovun adı verilib
© Sputnik / Leyla Abdullayeva

Bakıda və Kürdəmir rayonunda çəkilən filmdə aprel döyüşlərində şəhid olan və "Azərbaycan bayrağı" ordeni ilə təltif edilən pilotlar — mayor Təbriz Musazadə, mayor Urfan Vəlizadə və baş leytenant Əbubəkir İsmayılovdan bəhs edilir.

Tədbirdə çıxış edən Mətbuat Şurasının sədri, millət vəkili Əflatun Amaşov aprel döyüşlərinin tarixi əhəmiyyətindən bəhs edərək, bu döyüşlərin Azərbaycan xalqının qələbə inamının özünə qayıtmasında böyük rol oynadığını, erməni işğalçılarının üzərində böyük hərbi, psixoloji qələbə olduğunu bildirdi: "Bundan sonra da "Bitməyən müharibənin qəhrəmanları" silsiləsindən 3 sənədli film çəkiləcək. "Aprel şəkilləri" sənədli filmi bu silsilədən birinci filmdir. Növbəti film aprel döyüşlərində şəhid olan və "İgidliyə görə" medalı ilə təltif edilən polkovnik-leytenant Raquf Orucova həsr ediləcək "Briqada komandiri" sənədli filmi olacaq".

Filmin nümayişindən sonra çıxış edən Milli Televiziya və Radio Şurasının sədr müavini Sona Vəliyeva aprel şəhidlərinin xalqımız üçün qürur qaynağı olduğunu qeyd etdi: "Bu döyüşlərdə şəhid olan oğullarımız Allah tərəfindən seçiliblər. Aprel döyüşləri zamanı dövlət və xalqın birliyi bir daha ortaya qoyuldu".

Qeyd edək ki, təqdimat mərasimində şəhid pilotların ailə üzvləri, millət vəkilləri, KİV rəhbərləri iştirak ediblər.

115
Teqlər:
aprel şəhidləri, "Aprel şəkilləri" sənədli filmi, "Bitməyən müharibənin qəhrəmanları", aprel döyüşləri, Sona Vəliyeva, Əflatun Amaşov, film
Əlaqədar
Aprel şəhidinin adına küçə verildi
Aprel şəhidinin anasından cəsarətli çağırış: "Dik durun, ağlamayın!"
Aprel şəhidinin xatirəsi əbədiləşdirildi — FOTO
Aprel şəhidimizin adını küçəyə verdilər
 Barak Obama, arxiv şəkli

Obamanı canlandıracaq şəxs məlum oldu

3
(Yenilənib 15:29 30.11.2020)
B.Obama deyib: "Dreyk istedadlı insandır. Hər istədiyini edə biləcək adam təəssüratını bağışlayır. O, nə zaman istəsə bu filmdə mənim obrazımı canlandıra bilər"

BAKI, 30 noyabr — Sputnik. ABŞ-ın 44-cü prezidenti olan Barak Obamanın həyatını əks etdirən bioqrafik film ekranlaşdırılacaq.

Sputnik Azərbaycan xəbər verir ki, keçmiş prezident onun həyat yolundan bəhs ediləcək filmdə, baş qəhrəmanı-yəni özünün obrazını yaradacaq sənətçinin adını açıqlayıb.

Barak Obamanın sözlərinə görə, onun obrazını kanadalı rep ifaçısı Dreyk (Obri Dreyk Qrem) ifa edəcək.

B.Obama deyib: "Dreyk istedadlı insandır. Hər istədiyini edə biləcək adam təəssüratını bağışlayır. O, nə zaman istəsə bu filmdə mənim obrazımı canlandıra bilər".

Keçmiş prezidentin bəyəndiyi repçi Dreyk isə 2010-cu ildən Barak Obamanın surətini ekranda yaratmaq istədiyini açıqlayıb: "Çox istəyirəm ki, tezliklə belə bir film çəkilsin və mən Obama rolunu ifa edim. Onu nə zaman ekranda görsəm, kanalı dəyişmirəm, diqqətlə Obamanı dinləyir, səs tonuna fikir verirəm".

Qeyd edək ki, Dreyk 2001-ci ildə "Degrassi: The Next Generation" serialında 7 sezon boyunca "Jimmy Brooks" obrazını ifa edib.

3
Azərbaycanın əməkdar artisti Lalə Məmmədova

Lalə Məmmədova koronavirusa telekanalda yoluxub?

8
(Yenilənib 12:50 30.11.2020)
Müğənni: "Ancaq son yoluxma ehtimal olunan məkan - telekanallarımızın adını demədim. Günahı kiminsə üstünə yıxmaq mənlik deyil".

BAKI, 30 noyabr — Sputnik. "Nigarançılığınıza səbəb olduğum üçün hamınızdan üzr istəyirəm. Zəng edib soruşan, yazan, dua edən hər kəs sağ olsun. Virus ailəmizdən yan keçmədi. Bir ailənin kiçiyindən tutmuş böyüyünədək hamısının xəstələndiyini gözünüzün qabağına gətirsəniz səhnə sizə bəlli olacaq".

Sputnik Azərbaycan xəbər verir ki, bu sözləri Əməkdar artist Lalə Məmmədova sosial şəbəkədə yazıb. Koronavirusa yoluxan müğənni ailəsinin vəziyyətindən bəhs edib:

"7 yaşlı kiçik qızım belə iybilmə, dadbilməni itirib. Qorunun, yaşlıları qoruyun... Hər gün haldan hala düşən valideynlərimi görmək bilsəniz nə qədər ağrılıdır. Ağrılı və vicdan əzablı... Bu gün xəstəxananın əməkdaşı məndən xəstəliyin yoluxma səbəbini və ilkin şəxsin kim olduğunu soruşanda, ürək ağrısı ilə "mənəm" dedim.

Ancaq son yoluxma ehtimal olunan məkan - telekanallarımızın adını demədim. Günahı kiminsə üstünə yıxmaq mənlik deyil. "Efirimizə niyə gəlmirsiniz?" deyib, giley-güzar edən televiziya işçiləri, dostlarım, siz maska geyinsəniz də, biz maska taxıb çıxıb efirdə oxumuruq. Bu halda biz sənətçilərin yoluxma riski daha çoxdur. İnşallah, her şey yoluna düşər və biz yenə efirlərdə görünərik. Diqqətli olun... Bir adamın yoluxması 1 ailənin yoluxmasına səbəb olur".

8
Teqlər:
telekanal, Koronavirus, yoluxma

Azərbaycanda minaların partlaması nəticəsində 535 mülki şəxs ölüb

0
Əhmədov qeyd edib ki, Agentlik tərəfindən vətəndaşların təhlükəli, naməlum əşyalara, hərbi sursatlara və qurğulara toxunmamaları ilə bağlı maarifləndirmə işləri aparılır.

BAKI, 30 noyabr — Sputnik. 1999-2020-ci illər ərzində Azərbaycanda minaların partlaması nəticəsində 535 nəfər mülki şəxs həlak olub, 2418 nəfər yaralanıb.

Sputnik Azərbaycan xəbər verir ki, bunu Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) direktoru Qəzənfər Əhmədov deyib.

O qeyd edib ki, Agentlik tərəfindən vətəndaşların təhlükəli, naməlum əşyalara, hərbi sursatlara və qurğulara toxunmamaları ilə bağlı maarifləndirmə işləri aparılır.

Q.Əhmədov qeyd edib ki, bununla bağlı vətəndaşların rayon polis idarəsinə və icra hakimiyyətinə məlumat vermələri xahiş olunur.

0