Mavi ekranın işığı

Azərbaycanın televiziya məkanında nələr yaşanır AzTV xaric

625
(Yenilənib 01:29 20.04.2018)
AzTV yeganə keyfiyyətli yerli telekanaldır

BAKI, 19 aprel — Sputnik. Azərbaycanlıların əksəriyyəti Rusiya və Türkiyə telekanallarını izləyir. Yerli telekanallara isə ən uzağı rus və türk dillərini bilməyən kənd yerlərində baxılır. Bu, hamımızın bildiyi həqiqətdir.

Əməkdar artist Cahangir Qurbanovun İkimizdə bir ürək adlı solo konserti
© Photo : Nəriman İsmayılov

Sənət haqqında ibtidai bilikləri olan adamlar belə, yerli telekanallardan, onların bayağı şoularından, qeyri-peşəkar aparcılarından çoxdan imtina ediblər. Bu telekanallar pavilyonlarından tutmuş verilişlərinin məzmununa qədər, aparcılarının danışıqlarına qədər təpədən-dırnağa utancverici vəziyyətdədir.

Əlbəttə, ölkənin ümumi televiziya məkanında hal-hazırda yayımlanan ən çox üç ortabab veriliş saymaq olar. Lakin bu, istisnadır və bütün nəzəriyyələrdə olduğu kimi istisnalar qaydanı pozmur.

Təcrübəyə görə inkişaf etmiş və inkişafda olan ölkələrin əsas dövlət televiziyası həmin ölkənin ən baxımsız, ən maraqsız telekanalı olur. Çünki bu cür telekanallarda əsasən dövlətin maraqları təbliğ edilir və azad cəmiyyətlər dövlətin təbliğ etdiklərini deyil, özünün maraqlarını əsas götürür. Bizim ölkədə isə bunun tam əksi baş verməkdədir.

Ölkənin əsas dövlət telekanalı olan Azərbaycan Televiziyası (AzTV) digər yerli telekanallarla müqayisədə ən peşəkar, ən professional, ən maraqlı və ən lazımlı repertuara malikdir. Digər telekanalların verilişlərini bir dəqiqə izlədikdə operatorun səriştəsizliyi, səs rejissorunun qeyri-peşəkarlığı, aparıcının idarəetmə qabiliyyətindən yoxsulluğu və başqa bu kimi hallar dərhal sezilir. Azərbaycan Televiziyasının verilişlərində isə bütün hallarda heyətin peşəkarlığı görünür.

Heç şübhəsiz, yerli televiziya jurnalistikası üçün AzTV nəhəng məktəbdir. Bu məktəb Rafiq Hüseynov, Davud Əhmədov, Ofeliya Sənani, Şərqiyyə Hüseynova, Natəvan Hacıyeva, Nərgiz Cəlilova və başqa natiqləri, səhnə ustalarını yetirib. Bu gün də gənclər arasından kifayət qədər bilikli, bacarıqlı diktorlar yetirməkdədir.

Digər telekanalların isə yetirdiyi elə şəxs yoxdur ki, adı Rafiq Hüsyenovla, Nərgiz Cəlilova ilə yanaşı çəkilə bilsin. Onların az qala telekanalın simasına çevirdikləri nitqi qüsurlu, hərəkətləri qeyri-etik, davranışları ürəkbulandıran adamların adlarını sadalamağı isə mən nə özümə, nə də yazıma yaraşdırıram. Hətta digər telekanallarda nitqi səlis və axıcı, səhnə etikası və estetikası olan bir-iki aparıcı varsa belə, onlar da zamanında AzTV məktəbindən keçiblər.

Türkiyə istehsalı Diriliş Ərtoğrul serialından kadr
© Photo : © MNS studio 2014 / "Diriliş Ərtoğrul" serialından kadr

AzTV-nin mədəniyyət, elm və tarix mövzusunda kifayət qədər maairfləndirici, maraqlı verilişləri var. Üstəlik, ölkədə yeganə telekanaldır ki, tez-tez sənədli filmlər, teatr tamaşaları və televiziya tamaşaları yayımlayır.

Bu telekanalın verilişlərində aparıcı qonaqları ələ salmır, qonaqlar bir-birinə stəkan atmır, bir-birinin saçını yolmur, studiyada hamı eyni anda ağız-ağıza verib danışmır. Bu mənada AzTV bu gün Azərbaycanda ən baxımlı və ən maraqlı telekanaldır.

Əlbəttə, mənim müqayisə etdiyim və alqış tutduğum nüanslar dünyada və ölkədə baş verənlərə yanaşma üslubu deyil, sırf sənət məsələləridir. Sənət baxımından isə AzTV bütün digər yerli telekanallara ustad dərsi keçməlidir.

625
Teqlər:
Azərbaycan Televiziyası, televiziya məkanı, veriliş, AzTV, aparıcı, telekanal, Rusiya, Türkiyə, Azərbaycan
Əlaqədar
Durmadan 20 saat telefona baxdı, başına iş gəldi
Qulu Məhərrəmli: “Yeni televiziya kanalının yaradılması ümid oyadır”
Telekanallarımızla bağlı arzuolunmaz gedişat
Azərbaycan televiziyasında əyləncəli verilişlərin yayımı dayandırıldı
Samirə Əfəndi, arxiv şəkli

Azərbaycanlı müğənni "B" planına düşdü

17
Qeyd olunub ki, Azərbaycan təmsilçisi Samirə Əfəndi və digər iştirakçılar "Avroviziya-2021"dən 5 gün əvvəl Niderlanda gedərək karantində olacaqlar

BAKI, 5 mart — Sputnik. Avropa Yayım Birliyi (EBU) "Avroviziya-2021" üçün hazırlanan dörd əsas ssenari arasında "B" planını seçməyə məcbur olub. Sputnik Azərbaycan xəbər verir ki, buna səbəb dünyada koronavirusun hələ də gündəmdə qalmasıdır. Müsabiqənin ənənəvi qaydada keçirilməsi mümkün olmadığı üçün təşkilatçılar bütün səylərini "B" planına yönəldiblər. Bununla da "Avroviziya-2021"ın necə təşkil ediləcəyi ilə bağlı yekun qərar verilib.

Bu barədə müsabiqənin icraçı məsləhətçisi Martin Österdahl məlumat yayıb.

"Müsabiqənin ruhu və ənənəsi Avropanı bir səhnədə birləşdirməkdir və biz buna Rotterdamda nail olmaq qərarındayıq. Bütün sənətçilərin Rotterdamda canlı ifa etdiyi təhlükəsiz bir yarışma keçirmək istəyirik", - deyə o bildirib.

Qeyd olunub ki, Azərbaycan təmsilçisi Samirə Əfəndi və digər iştirakçılar "Avroviziya-2021"dan 5 gün əvvəl Niderlanda gedərək karantində olacaqlar. Onlardan uçuşdan 72 saat əvvəl neqativ koronavirus test nəticəsini ("PCR" test - red.) təqdim etmələri tələb edilir. İfaçılar lazım olmadığı təqdirdə qaldıqları oteldən kənara çıxa bilməyəcəklər. Müsabiqənin bütün heyətindən mütəmadi olaraq test götürüləcək. Media mərkəzinə 500 nəfər dəvət ediləcək, rəqəmsal mühitə 1000 işçi cəlb olunacaq. Müsabiqənin keçirildiyi "Ahoy Arena"nın tutumu kiçildiləcək, 1,5 metr məsafəyə riayət olunacaq. Buna baxmayaraq, yarışda tamaşaçıların iştirak edib-etməyəcəyi barədə aprel ayının ortalarında məlumat veriləcək.

"Avroviziya-2021" beynəlxalq mahnı müsabiqəsi onlayn formatda keçiriləcək, nümayəndə heyətlərinin tərkibi və jurnalistlərin sayı ixtisar olunacaq. Mahnı müsabiqəsində tamaşaçıların olub-olmaması barədə qərar isə hələ qəbul edilməyib.

Yeni ssenari çərçivəsində hər bir nümayəndə heyətində iştirakçıların sayı əvvəlki müsabiqələrlə müqayisədə ixtisara salınacaq. Tədbirdə iştirak edəcək jurnalistlərin sayı isə 500 nəfərə qədər məhdudlaşdırılacaq, daha 1000 jurnalist isə müsabiqəni xüsusi mətbuat mərkəzindən işıqlandıracaq. S.Əfəndinin "Avroviziya-2021" mahnısı martın ikinci həftəsində elan olunacaq.

17
Teqlər:
Koronavirus, epidemiya, COVID-19, plan, "Avroviziya" mahnı müsabiqəsi
Çap maşını, arxiv şəkli

Şəhid Cəbrayıl Dövlətzadədən roman yazıldı

17
Azərbaycan Prezidenti İlham Əliyevin 15.12.2020-ci il tarixli Sərəncamına əsasən, Cəbrayıl Dövlətzadə ölümündən sonra "Vətən uğrunda" və 3-cü dərəcəli "Azərbaycan Bayrağı" ordeni ilə təltif edilib

BAKI, 4 mart — Sputnik. Yazıçı Azad Qaradərəli 44 günlük Vətən Müharibəsinin qəhrəmanlarından olan 19 yaşlı şəhid Cəbrayıl Dövlətzadənin qısa ömür və döyüş yolundan bəhs edən roman yazıb. Sputnik Azərbaycan xəbər verir ki, "Cəbrayıl əfsanəsi" adlı romanını proloq, epiloq və 19 fəsildən ibarətdir. Hər fəsil qəhrəman həmvətənimizin ömrünün bir ilinə ithaf olunur.

Qeyd edək ki, Cəbrayıl Dövlətzadə 2019-cu ildən Azərbaycan Silahlı Qüvvələrinin Cəlilabad rayon N saylı hərbi hissədə müddətli həqiqi hərbi xidmətdə idi. 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Cəbrayılın azadlığı uğrunda gedən döyüşlərdə savaşıb. Cəbrayıl Dövlətzadə, sentyabrın 28-də şəhid olub. II Fəxri Xiyabanda dəfn olunub. Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Cəbrayıl Dövlətzadə ölümündən sonra "Vətən uğrunda" medalı və 3-cü dərəcəli "Azərbaycan Bayrağı" ordeni ilə təltif edilib

17
Teqlər:
kitab, şəhid

Azərbaycan Prezidenti: "Ermənistanla bu səhifəni bağlamalıyıq"

0
Dövlət başçısı: "Müharibə dövründə ədalətsiz mövqe sərgiləyən ölkələrlə də münasibətlər normallaşır".

BAKI, 5 mart — Sputnik. Xarici siyasətlə bağlı kursumuz dəyişməz olaraq qalır. Müharibə dövrü və müharibədən sonrakı dövr bir daha göstərdi ki, bu, çox düzgün kurs idi. Müharibə dövründə bəzi ölkələr bizə qarşı müəyyən iradlar irəli sürdülər. Amma mənim cavabım nə oldu? Azərbaycan xalqı bunu bildi. Artıq bu iradlar da yoxdur.

Bunu Prezident, Yeni Azərbaycan Partiyasının Sədri İlham Əliyev partiyanın VII qurultayındakı çıxışında ölkəmizin xarici siyasət kursunun uğurlarından danışarkən deyib.

Dövlət başçısı bildirib ki, artıq əsassız ittihamlar da aradan qaldırılıb. Hətta müharibə dövründə ədalətsiz mövqe sərgiləyən ölkələrlə də indi münasibətlər normallaşır.

“Onlar tərəfindən belə bir təklif irəli sürüldü, biz də bunu qəbul etdik. Biz indi anlayırıq ki, bəzi daxili səbəblər ola bilər. İndi bəzi yalan məlumatlar ola bilər. Hər halda, biz maraqlı deyilik ki, bu məsələni uzadaq. Mən demişəm, hətta Ermənistanla biz bu səhifəni bağlamalıyıq, vəssalam, qurtardı getdi. Biz heç vaxt Xocalı soyqırımını unutmayacağıq. Heç vaxt şəhidlərimizin qəhrəmanlığını unutmayacağıq. Amma biz şəhidlərimizin, o cümlədən Xocalı qurbanlarının qanını aldıq. Düşməndən qisasımızı döyüş meydanında aldıq. Xalqımızın böyüklüyünü bir daha göstərmək üçün hesab edirəm ki, əldə olunmuş qələbə bizi tam qane edir. Biz bundan sonra belə yaşamalıyıq. Biz şəhidlərimizin qanını yerdə qoymadıq, qisasımızı aldıq, düşməni cəzalandırdıq. Bütün dünyanın gözü qarşısında onlar bizim qabağımızda diz çöküblər, təslim olublar, ağ bayraq qaldırıblar və bundan sonra məğlub edilmiş ölkə damğası ilə əbədi yaşayacaqlar. Biz isə bundan sonra qürurlu xalq kimi və mübariz dövlət kimi yaşayacağıq”, - Prezident vurğulayıb.

0