Rusiya xalq artisti Mariya Aronova

Qonorarını ala bilməyən Xalq artisti səhnədə dava saldı

574
(Yenilənib 10:30 04.04.2018)
Aronovanın sözlərinə əsasən, gecikməyə görə tamaşaçılardan heç kim biletini geri qaytararaq zalı tərk etməyib

BAKI, 3 aprel — Sputnik. Rusiyanın Surqut şəhərində "Kiçik komediyalar" tamaşasında rol alan Rusiya xalq artisti Mariya Aronova qonorarı ödənmədiyi üçün tamaşaya başlamaqdan imtina edib.

Sputnik Azərbaycan Rusiya mətbuatına istinadla xəbər verir ki, bu barədə kiçik videogörüntü "Youtube"da yerləşdirilib.

Videoda bildirilir ki, tamaşa yarım saat gecikib. Aktrisa Aronova səhnəyə çıxaraq bildirib ki, təşkilatçılar aktrisanın qonorarını ödəməyib və onu "texniki problemlər" bəhanəsilə tamaşaçıları aldatmağa məcbur edirlər.

"Soyadını demək istəməyən xanım sizi salona buraxıb. Və məni — Xalq artistini, dövlət mükafatı laureatını məcbur edir ki, sizin qarşınıza çıxım və texniki problemlərin olduğundan danışım. Artıq ikinci zəng çalınıb. Hazırda biz sizi və özümüzü alçaldaraq oturub gözləyirik" – deyə o bildirib.

Aronova ilə birlikdə səhnəyə aktyor Mixail Polisemayko və Sergey Şakurov da çıxıb. Xalq artisti tamaşaçılara müraciət etdiyi vaxtda direktor bildirib ki, truppa üçün pul tapılıb.

Tamaşaçılar vəziyyətə anlayışla yanaşıb və aktyorları alqışlayıb. Aronavanın sözlərinə əsasən, gecikməyə görə tamaşaçılardan heç kim biletini qaytararaq zalı tərk etməyib.

574
Əlaqədar
Tanınmış aktrisa kinostudiyanı məhkəməyə verdi
Xalq artisti tərəfindən zorlandığını iddia edən aktrisa aksiyaya başladı
Məşhur aktrisa tanınmaz hala düşüb… - FOTO
Qorxduğu kimi yaşayıb, qorxduğu kimi ölən aktrisa: Onu addım-addım izləyən nə idi?
Fiqurlu konkisürmə üzrə Olimpiya çempionu Yevgeni Plyuşşenko və musiqi prodüseri Yana Rudkovskaya

Olimpiya çempionunu azərbaycanlının mahnısı cuşa gətirdi VİDEO

5
(Yenilənib 00:51 05.06.2020)
Babək Məmmədrzayevin mahnısı rusiyalı cütlüyün o qədər xoşuna gəlib ki, onlar videoçarx çəkmək qərarına gəliblər

BAKI, 5 iyun — Sputnik, Kəmalə Əliyeva. Məşhur cütlük – musiqi prodüseri Yana Rudkovskaya və fiqurlu konkisürmə üzrə Olimpiya çempionu Yevgeni Plyuşşenko Azərbaycan əsilli rusiyalı müğənni Babək Məmmədrzayevin "Потанцуй со мной" (Mənimlə rəqs elə) mahnısının sədaları altında rəqs ediblər.

Rudkovskaya rəqs etdikləri zaman çəkdirdikləri videonu Instagram-dakı səhifəsində paylaşıb.

“Mən ağac kimi olsam da, bu cür oğlana necə yox deyə bilərəm? Yana, mənimlə rəqs elə. Problem deyil, Jenya. Mən burada ikinci planda sənin gözəlliyini vurğulayaram”, - Rudkovskaya videoya şərh yazıb.

Посмотреть эту публикацию в Instagram

Публикация от Yana Rudkovskaya (@rudkovskayaofficial)

Yana Rudkovskaya ilə Yevgeni Plyuşşenko 2009-cu ildə evləniblər. Onların Aleksandr (Qnom Qnomıç) adlı oğulları var.

Babək Məmmədrzayev Qazaxıstanın Şımkent şəhərində doğulub. Qazaxıstan Milli İncəsənət Akademiyasını bitirib. Akademiyanı bitirəndən sonra Qazaxıstanda məşhur "The Magic Of Nomads" musiqi kollektivinə qoşulub. Orada vokalçı kimi çıxış edirək MDB ölkələrinə qastrol səfərlərinə çıxmağa başlayıb.

2016-cı ildə Babək Məmmədrzayev Qazaxıstanın aparıcı səsyazma şirkəti olan "Elvin Grey Music"lə müqavilə imzalayaraq sözügedən studiyanın komandası ilə birlikdə bir ildə 150-dən çox şəhərə qastrol səfərinə gedib. Hazırda Rusiyada ən çox tələb olunan ifaçılardan biridir.

5
Əlaqədar
Norilskdə doğulan azərbaycanlı qıza məşhurlaşmaqda "Instagram" kömək edib
Sevgilisindən ayrılan azərbaycanlı müğənniyə qızlar təklif yağdırırlar
Azərbaycanın "Avroviziya"lı ulduzları Yana Çurikovanın qonağı olacaq
Yevgeni Plyuşenko: Azərbaycanlı fiqurist hər kəslə mübarizə aparmağa qadirdir
Maykl Ceksonun bacısından azərbaycanlı ulduza dəstək
Kalaşnikov filmindən kadr. Olqa Lerman Mixail Kalaşnikovun ikinci həyat yoldaşı Yekaterina Moiseyeva rolunda.

Məşhur azərbaycanlı qadın Rusiya filminin qəhrəmanı olub

27
(Yenilənib 00:26 05.06.2020)
Azərbaycanın Əməkdar artisti Fuad Osmanovun qızı Rusiya filmində Mixail Kalaşnikovun ikinci həyat yoldaşı rolunu oynayıb.

BAKI, 4 iyun - Sputnik, Kəmalə Əliyeva. Yevgeni Vaxtanqov adına Dövlət Akademik Teatrının aparıcı aktrisalarından olan Olqa Lerman Rusiyanın "Kalaşnikov" filminin qəhrəmanı olub. Sputnik Azərbaycan Rusiya KİV-lərinə istinadla xəbər verir ki, filmin rejissoru Konstantin Buslovdur. Lerman filmdə Mixail Kalaşnikovun ikinci həyat yoldaşı Yekaterina Moiseyevanı canlandırır.

"Mixail Kalaşnikovun həyatı haqqında kitab və internetdən çox şey oxumuşam, müxtəlif video və məqalələri nəzərdən keçirmişəm. Öz qəhrəmanım haqqında bütün məlumatları tapmağa cəhd etmişəm. Bu, kifayət qədər effektiv yanaşmadır, çünki insana kənardan baxış, məsələn, şəxsi memuarları, onun daha obyektiv portretini təsəvvür etməyə imkan verir. Həm də hazırlıq zamanı onun peşəsindən xəbərdar olmaq üçün bəzi hiylələri öyrəndim. Düşünürəm ki, bunlar onun xarakterində öz izini qoyub", - deyə Lerman qeyd edib.

Film 28 ilə əfsanəvi AK-47 silahını yaradan Mixail Kalaşnikovun həyatından bəhs edir.

Olqa Lerman Azərbaycan Dövlət Akademik Rus Dram Teatrında çalışan şöbə müdiri Viktoriya Lerman və Azərbaycanın Əməkdar artisti Fuad Osmanovun ailəsində dünyaya göz açıb. Aktyor peşəsində ilk addımlarını Azərbaycan Dövlət Rus Dram Teatrının və Heydər Əliyev Sarayının səhnəsində atıb. On altı yaşında Bakı Xoreoqrafiya məktəbindən Krasnodar Xoreoqrafiya məktəbinə köçürülüb. O vaxtdan Lerman Rusiyada yaşayır.

Boris Şukin adına Teatr Məktəbini bitirib. Moskva Akademik Satira Teatrında çalışıb, indi isə Yevgeni Vaxtanqov adına Dövlət Akademik Teatrının aktrisasıdır.

27
Əlaqədar
Azərbaycanlı aktrisa acı keçmişindən danışdı - Uşaq vaxtı çörək satırmış
Məşhur aparıcımız dəlləklik öyrəndi – Öz başında
Rusiyanın ulduz aktyoru azərbaycanlı həkimin hekayəsini anladıb
Azərbaycan filminə ABŞ-dan sponsorluq təklifi gəldi
Azərbaycanın məşhur aktrisasının şərəfinə marka hazırlandı
Zaqatalaya mənzərə, arxiv şəkli

Cənubi Qafqazda ilk olaraq Azərbaycanda...

0
Səmədova onu da bildirib ki, layihə Almaniyanın İqtisadi Əməkdaşlıq və İnkişaf Nazirliyi tərəfindən maliyyələşdirilir və icra müddəti 4 ildir.

BAKI, 6 iyun — Sputnik. Azərbaycanda "Zaqatala–Balakən biosfer rezervatının yaradılması" layihəsinə start verilir. Bu barədə Sputnik Azərbaycan-a Ekologiya və Təbii Sərvətlər Nazirliyinin Bioloji Müxtəlifliyin Qorunması Xidmətinin rəis müavini Arzu Səmədova bildirib.

O, qeyd edib ki, layihə çərçivəsində Zaqatala Dövlət Təbiət Qoruğunun bazasında yaradılacaq Zaqatala-Balakən biosfer rezervatı həmin bölgədə ekoturizmin inkişafına və yerli əhalinin məşğulluğunun artırılmasına şərait yaradacaq, insanların flora və faunaya zərər vermədən təbiət gözəlliklərini görməsi üçün hərəkət çığırları, seyr nöqtələri müəyyənləşdiriləcək. Qoruqdan fərqli olaraq biosfer rezervatın ərazisinə ekoturistlərin girişi açıq olacaq.

ETSN rəsmisi biosfer qoruğunun yaxın qonşularımız Türkiyə, Rusiya, Belarusiyada da mövcud olduğunu, lakin Cənubi Qafqaz regionunda ilk dəfə Azərbaycanda yaradılacağını vurğulayıb.

O qeyd edib ki, bununla da bölgədə ekoloji və kənd turizminin stimullaşdırılmasına, əhalinin sosial-iqtisadi rifahının yüksəldilməsinə şərait yaranacaq. Biosfer rezervatda müasir tələblərə cavab verən infrastruktur qurulacaq, alternativ və bərpa olunan enerji mənbələri ilə təmin olunacaq. Eyni zamanda, burada ekoloji təmiz məhsulların istehsalı üçün təsərrüfat yaradılacaq.

"Biosfer rezervatın özəlliklərindən biri də odur ki, burada istehsal olunan orqanik məhsullar qoruğun loqosu ilə qablaşdırılacaq və bir sıra ölkələrə ixrac olunan zaman gömrük rüsumundan azad olunacaq. Həmçinin, layihə çərçivəsində ətraf ərazilərdə təsərrüfat fəaliyyəti ilə məşğul olan şəxslərə kiçik həcmli qrantların verilməsi də planlaşdırılır".

A.Səmədova onu da bildirib ki, layihə Almaniyanın İqtisadi Əməkdaşlıq və İnkişaf Nazirliyi tərəfindən maliyyələşdirilir və icra müddəti 4 ildir.

0