Mikayıl Müşfiq

Müşfiqi təhqir etməyin uğuru...

589
(Yenilənib 16:58 15.03.2018)
O, həmin Müşfiqdir ki, tarix onun daş heykəlinin də yıxılmasına icazə vermədi

BAKI, 15 mart — Sputnik. Qidaya ac olan kəsin qarnı, şöhrətə ac olan kəsin nitqi quruldayırmış. Bunu son dönəm mühitimizdə şöhrət xətrinə ağzına gələni danışan və ya yazan kəslərin çıxışlarından öyrəndik.

Gündəm yazılarını sevmirəm. Mümkün qədər gündəm yazılarından qaçıram. Bir müddət sonra əhəmiyyəti itəcək yazı sənət nümunəsi sayılmır, bilavasitə tarixi önəm də daşımır. Bu yazıda da gündəm haqqında yazmaqdan yayınacağam. Yəni mövzumuz kiminsə Mikayıl Müşfiqi təhqir etməsi deyil, ümumilikdə müasir Azərbaycanın ədəbi mühitində ard-arda tarixi şəxsiyyətlərin təhqir obyektinə çevrilməsidir.

Zənn etməyin ki, kimlərisə bütləşdirməyin və mühafizəkar davranışların tərəfdarıyam. Əsla! Bir fərd kimi istər keçmişdə, istərsə də müasir dövrdə mənim də sevdiyim, pərəstiş etdiyim sənət adamları var. Onlar haqqında tənqidi yazılar görsəm, uzağı, həmin adamları sevməyimə səbəb olan bir neçə arqument gətirərəm. Hər kəs sənətə və sənətkara münasibətdə azaddır, amma heç kəsin sənəti və sənətkarı təhqir etmək ixtiyarı yoxdur.

Bir dönəm Bəxtiyar Vahabzadə təhqir obyektinə çevrilmişdi və bir qrup müasir yazar onun ünvanına "bayağı şair", "cahil adam" və indi yazmaq istəmədiyim başqa ifadələr işlədir, "istedadsızlığının dibi görünmür" deyə fikir yürüdürdü. Bəlkə də Bəxtiyar Vahabzadə onlara görə istedadsız adamdır. Bəlkə elə həyatdakı hər şey kimi istedad da nisbi anlayışdır.

Lakin mənə görə "Atılmışlar" poemasını yazan adam istedadsız ola bilməz. Şəxsiyyəti müzakirə olunursa, burda söhbəti uzatmağa ehtiyac yoxdur. Sənət şəxsiyyətdən milyon arşın uzaqda dayanan anlayışdır. Məsələn, mənim Səməd Vurğuna şəxsiyyət kimi hansı münasibəti bəsləməyimdən asılı olmayaraq, məncə o, sənətkar kimi ədəbiyyatımızın ən nəhəng söz adamlarından biridir.

Bəzən bu şəxsiyyətlərin müdafiəsinə qalxanda Hacı Zeynalabidin Tağıyev və Baba Pünhan haqqında yazılarımı əsas gətirib məni də eyni məsələdə ittiham edirlər. Lakin nəzərinizə çatdırım ki, mən Hacı Zeynalabidin Tağıyev haqqında yox, Hüseyn Ərəblinski haqqında yazıb, onun taleyində Hacı Zeynalabidin Tağıyevin mənfi rolunu tarixi əsaslarla göstərmişəm. Baba Pünhan haqqında isə əsla təhqir işlətməmişəm, yaradıcılığını da bir yazıya sığacaq qədər beytləri ilə təhlil etməyə çalışmışam.

Gələk Mikayıl Müşfiqə… Mikayıl Müşfiq yaradıcılığını təhlil etmək fikrim yoxdur. Ölümündən 80 il keçməsinə rəğmən, hələ də adı çəkilirsə, şeirləri sevilirsə, demək ki, ona lazım olan qiyməti tarix özü verib. O, həmin Müşfiqdir ki, tarix onun daş heykəlinin də yıxılmasına icazə vermədi. İndi Mikayıl Müşfiqi şair hesab etməyənlər düşünsünlər, ölümlərindən 80 il sonra şeirləri oxunacaqmı, seviləcəkmi, qorunacaqmı, adları şair kimi çəkiləcəkmi?

Zənn edirlər ki, Mikayıl Müşfiq yaradıcılığı ilə deyil, nakam taleyinə görə sevilir. Bəs Mikayıl Müşfiq niyə nakam tale yaşadı? Heç şübhəsiz, yaradıcılığına görə. Sovet rejimini özünün "Kəndli və ilan" poemasında təsvir edən şair 37-nin repressiyasına qurban gedəcəkdi, əlbəttə. Tara qadağa qoyan nəhəng ittifaqa qarşı durub "Oxu, tar!" deyə hayqırdığı üçün güllələndi. İndi öz dövrünün haqsızlıqlarına bir cümləlik etiraz şüarı olmayanlar nə haqla Müşfiqə "mənasız adam" deyirlər?

Mikayıl Müşfiqin sovet rejiminin tələblərinə uyğun şeirlər yazdığını əsas gətirib yaltaqlığına işarə edirlər. Şairin vəzifəsi həm də öz mühitini təsvir etmək deyilmi? 30 illik ömrünün böyük qismi sovet sosializminə təsadüf edən şairin fəhlə sinifinə şeir yazması qəbahətdirmi?

Müşfiqin hay qızlarına, Sevan çöllərinə, Ermənistan-Azərbaycan dostluğuna həsr etdiyi şeirlərlə onu vətən xaini çıxarmağa çalışanlar, gərək Azərbaycan mədəniyyətinin böyük bir qismini silib atsınlar. Nəsiminin "Erməni" rədifli qəzəli var. Sayat Nova həm ermənicə, həm azərbaycanca şeirlər yazırdı. Cəfər Cabbarlı "1905-ci ildə" əsərində Ermənistan-Azərbaycan xalqlarının dostluğundan bəhs edir.

21-ci əsrin əvvəllərində Azərbaycan sənət adamları ilə Ermənistan sənət adamlarının sıx əməkdaşlığı vardı. Sovet dövründə çəkilən kinolarımızda erməni aktyorları rol alıblar. İndi bu boyda mədəni irsin tamamını vətən xainiliyi deyib silməliyik? Yoxsa təkcə Müşfiqmi nankor çıxdı? Dövr dəyişilir, tələblər dövrə uyğunlaşır və uyğunlaşacaq da.

Məsələ isə Mikayıl Müşfiqdə və digər şəxsiyyətlərdə deyil. Məsələ azad ola bilməyən, azad yaradıcılıqla məşğul ola bilməyən, ümumiyyətlə, nəsə yaratmağı bacarmayan adamların uğursuzluğundadır. Müşfiq şeirləri ilə eşqin, ölümü ilə mübarizənin simvoluna çevrilmiş adamdır. Öz uğurundan arxayın olan adam 80 il əvvəl güllələnmiş bu şairi niyə təhqir edə bilər? Çünki o, sənəti ilə deyil, yalnız Müşfiqi təhqir etməklə şöhrət qazanacağından arxayındır.

589
Teqlər:
dövr, Mikayıl Müşfiq, təhqir, əsər, sənətkar, yazar, şair, sənət, yazıçı
Əlaqədar
Məşhur şairimizin oğlunu öldürənlərə hökm oxundu
Dahi şair dünyasını dəyişdi
Parisdə görkəmli şairimizin kitabı təqdim olunub
Şair İlyas Tapdıq vəfat edib
Azərbaycan bayrağı

Məşhur türk sənətkarının ifasında "Qarabağ türküsü" səsləndirildi

47
(Yenilənib 12:02 21.10.2020)
Mahnı Azərbaycan Ordusunun göstərdiyi sücaətlərdən, işğaldan azad olunan torpaqlarımızdan bəhs edir.

BAKI, 21 oktyabr — Sputnik. Son günlər Azərbaycan Ordusunun aparığı uğurlu əməliyyatları nəticəsində Cəbrayıl, Fizuli və Zəngilan şəhərləri və bir sıra kəndlərimizin işğaldan azad olunması xəbəri Azərbaycan xalqı ilə yanaşı, qardaş Türkiyə xalqını da sevindirib. Azərbaycana dəstək məqsədilə Türkiyənin ən məşhur bölgələri Azərbaycan bayrağına bürünüb.

Bundan başqa qardaş ölkənin sənət adamları da ölkəmizə dəstək olublar. Bu dəfə bu axına Türkiyənin məşhur saz ifaçısı, müğənni Əsəd Kabaklı da qoşulub. Sputnik Azərbaycan xəbər verir ki, məşhur ozan Qarabağda davam edən vətən savaşı üçün mahnı ifa edib. Mahnı Azərbaycan Ordusunun göstərdiyi sücaətlərdən, işğaldan azad olunan torpaqlarımızdan bəhs edir. Sözügedən mahnının sözləri İntiqam Yaşar, musiqisi isə Əziz Əlibəyliyə məxsusdur.

47
Mövzu:
Azərbaycan və Ermənistan arasında müharibə
Ceyla Seyidova, arxiv şəkli

"Sarı gəlin"dən xəbər var

255
(Yenilənib 11:49 19.10.2020)
Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. "Sarı Gəlin" musiqisinin ilk balet versiyasının klipi "ALOV Club"un "Instagram" səhifəsində yayımlanıb.

BAKI, 19 oktyabr — Sputnik. Ermənilərin uzun illər özününkiləşdirmək istədiyi Azərbaycanın xalq mahnısı "Sarı gəlin" yeni balet versiyasında təqdim olunub.

Посмотреть эту публикацию в Instagram

Публикация от ALOV Club (@alovclub)

Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. "Sarı Gəlin" musiqisinin ilk balet versiyasının klipi "ALOV Club"un "Instagram" səhifəsində yayımlanıb: "Müstəqillik günü münasibətilə xalqımızı təbrik edirik! Ölkə üçün çətin bir zamanda ruhdan düşməməyinizi diləyirik".

https://www.instagram.com/p/CGejOZhjSyT/?utm_source=ig_web_copy_link

255
Əlaqədar
Azərbaycanlı aşıq "Sarı gəlin"i niyə ermənilərlə birlikdə oxuduğuna aydınlıq gətirdi
Bakıda “Sarı gəlin” oxuyan italiyalı əfsanəvi müğənni
Eyfel qülləsində "Sarı gəlin" səsləndirildi
Moldovanın Xalq artistinin ifasında “Sarı Gəlin”
Misirlilər azərbaycanlı qızın ifasında "Sarı gəlin"ə valeh oldu
Jurnalist, arxiv şəkli

"Hərbi forma geyinməyin!" - Əflatun Amaşov

0
Ermənistan tərəfdən də xarici media təşkilatları ilə sıx təmaslar var. Tutalım, bizimlə bağlı bir xəbər hansısa nüfuzlu media təşkilatının saytında gedirsə, onlar dərhal çalışırlar ki, onun əsassızlığını sübuta yetirib materialı sildirsinlər.

BAKI, 21 oktyabr — Sputnik. Azərbaycan Mətbuat Şurasının Sədri Əflatun Amaşov cəbhə bölgəsində fəaliyyət göstərən jurnalistlərə müraciət edib.

Sputnik Azərbaycan üraciət mətnini təqdim edir:

"Əziz və dəyərli cəbhə bölgəsində fəaliyyət göstərən jurnalistlər!

Çox çətin şəraitdə çalışırsınız. Həyat və sağlamlığınızla risk edirsiniz. Bu, Vətən qarşısındakı müstəsna və danılmaz xidmətinizdir. Sizə hörmət və ehtiramımızı bildiririk.

Əziz dostlar, həmkarlar, daxilinizdəki ruh yüksəkliyini və coşğunu da anlayırıq. Ancaq işinizi görərkən hərbi formada, hərbi forma rəng çalarları olan paltarlarda olmayın. Məsələ yalnız onda deyil ki, bununla özünüzü açıq hədəfə çevirirsiniz. Hərçənd bu da əsasdır. Daha bir əsas məsələ sosial şəbəkələrdəki, xüsusən "Facebook"dakı şəkillərinizdir. Ora hərbi formada, əldə silah şəkil qətiyyən qoymayın.

Yada salım ki, biz hərbi formada, əlində mikrafon, diktafon, çiynində avtomat olan erməniləri görürdük. Əsaslandırırdıq ki, onların başlarına bir iş gəlsə, ermənilər başlayacaqlar ki, Azərbaycan Ordusu jurnalistlərə atəş açıb.

Allah eləməsin ki, başınıza bir iş gəlsin. Canınızı sağ və sağlam olsun. Gün o gün olsun ki, hər biriniz tam qələbə xəbərlərinin müjdəçisi olasınız. Amma müharibədir, hər şey mümkündür. Müharibənin ağırlığını sizlərə izah etməyə heç ehtiyac yoxdur. Hər gün görür və yaşayırsınız...

Uzun sözün qısası, sizlərlə bağlı hansısa hadisəni beynəlxalq media ictimaiyyətinin diqqətinə çatdıranda, xarici həmkarlarımızın etdikləri ilk iş açıb "Facebook"da sizinlə maraqlanmaq olur. Bu halda qarşılarında hərbi formalı adam çıxanda məsələni diqqətə çatdıranlara, yəni bizə münasibətləri heç də yaxşı olmur. İlk təəssürat çox çox önəmlidir. Prinsipial olaraq gördüklərinə inanırlar. Belədə qaldırılan haqlı problem əhəmiyyətini itirir.

Üstəlik onu da nəzərə alın ki, Ermənistan tərəfdən də xarici media təşkilatları ilə sıx təmaslar var. Tutalım, bizimlə bağlı bir xəbər hansısa nüfuzlu media təşkilatının saytında gedirsə, onlar dərhal çalışırlar ki, onun əsassızlığını sübuta yetirib materialı sildirsinlər. Hər vasitəyə əl atırlar. Cəbhə bölgəsində olan jurnalistin hərbi formadakı şəklindən gözəl sübut isə yoxdur. Bunu mütləq qaydada nəzərə almağınızı xahiş edirəm.

Hər birinizə bol-bol uğurlar və cansağlığı arzulayıram!"

0
Mövzu:
Azərbaycan və Ermənistan arasında müharibə