Azərbaycanlı aktrisa və müğənni Fatimə Abbasquliyeva

Xalq artisti tərəfindən zorlandığını iddia edən aktrisa aksiyaya başladı

762
(Yenilənib 23:13 05.03.2018)
Moskvada yaşayan azərbaycanlı aktrisa onu seksual təcavüzə məruz qoyan rejissorun digər qurbanlarını axtarır

BAKI, 5 mart — Sputnik. Rusiyanın xalq artisti Mark Rozovski tərəfindən zorlandığını iddia edən azərbaycanlı aktrisa və müğənni Fatimə Abbasquliyeva rejissor tərəfindən təcavüzə məruz qalan həmkarlarını axtarır. Sputnik Azərbaycan-ın məlumatına görə, bu barədə aktrisa özünün "Instagram" sosial şəbəkəsindəki səhifəsində yazıb.

O, izləyicilərinə müraciətlə yazıb: "Qızlar, qadınlar, həmkarlar, əgər kimsə Mark Rozovskinin seksual xarakterli hərəkətləri ilə üzləşibsə, mənə yazsın. Biz dünyanı birlikdə dəyişdirəcəyik".

"Reytinqi kim yaradır — xalq, insanlar. Sizin zamanınız gəlib! İndi ola bilsin, incəsənətdəki bütün çirkaba bulaşmış adamlar məni məhv etmək üçün birləşəcəklər. Oturub bunu sakitcə seyr etmək olmaz. Mən sizinləyəm və yalnız siz Rozovski ilə nə etmək lazım gəldiyinə qərar verə bilərsiz. Mən SSRİ-də doğulmuşam", — deyə Abbasquliyeva bildirib.

 

Müğənni dediklərinin həqiqət olduğunu sübuta yetirmək və Mark Rozovskini cəzalandırmaq üçün axıradək getmək niyyətindədir.

Qeyd edək ki, Mark Rozovski təcavüz faktını təkzib edir və bunun aktrisanın uydurması olduğunu deyir.

Fatimə Abbasquliyeva Azərbaycanda doğulub. Erkən yaşlarından oxumağa başlayıb. On beş yaşında "Miss Azərbaycan" titulunun sahibi olub. 17 yaşında Azərbaycanın müstəqil musiqi mükafatı olan "Qızıl mikrofon"un iki nominasiyada qalibi olub. Onu vətənində "Azərbaycanın Lolitası" adlandırırlar. 19 yaşında o, vətənində hər şeyi buraxıb Moskvanı fəth etməyə gedib.

Moskvada Rusiya Teatr Sənəti Universitetinə daxil olub və Mark Rozovski ilə də orada tanış olub. Aktrisa bu günlərdə "Rossiya 1" telekanalının Andrey Malaxovun aparıcısı olduğu "Pryamoy efir" ("Birbaşa efir") verlişinin qonağı olub və orada 12 il əvvəl Rusiyanın Xalq artisti Mark Rozovski tərəfindən təcavüzə məruz qaldığını bildirib.

Mark Rozovski Rusiyanın məşhur teatr rejissoru, dramaturq, ssenari müəllifi, bəstəkar, yazışı, şair və "U Nikitskix vorot" teatrının bədii rəhbəridir.

762
Teqlər:
Mark Rozovski, Fatimə Abbasquliyeva, aktrisa, müğənni, rejissor, Rusiya, təcavüz, xalq artisti
Əlaqədar
Yəhudi aktrisa müsəlman qızdan ötrü səsləndi: İsrailə qarşı çıxın
Məşhur aktrisa tanınmaz hala düşüb… - FOTO
Qorxduğu kimi yaşayıb, qorxduğu kimi ölən aktrisa: Onu addım-addım izləyən nə idi?
Tanınmış aktrisa 6 övladı ilə küçədə görüntülənib
"Əsas instinkt"də çəkilmiş aktrisa vəfat etdi
Amitabx Baççan, arxiv şəkli

Azərbaycanlıların da sevimlisi olan hind aktyoru koronavirusa yoluxdu

72
(Yenilənib 00:04 12.07.2020)
"Mənim COVID-19-la bağlı testimin nəticəsi müsbət oldu. Məni xəstəxanaya apardılar, ailəm və işçilərim yoxlamadan keçdi, nəticələri gözləyirlər", - deyə aktyor yazıb.

BAKI, 12 iyul – Sputnik. Əfsanəvi hind aktyoru və Bollivud ulduzu Amitabx Baççan koronavirusa yoluxaraq xəstəxanaya yerləşdirilib.

Sputnik Azərbaycan-ın məlumatına görə, bu barədə aktyor özünün “Twitter”dəki səhifəsində yazıb.

"Mənim COVID-19-la bağlı testimin nəticəsi müsbət oldu. Məni xəstəxanaya apardılar, ailəm və işçilərim yoxlamadan keçdi, nəticələri gözləyirlər", - deyə aktyor yazıb.

​Aktyor həmçinin son 10 gündə onunla yaxın təmasda olanlardan koronavirus testindən keçmələrini xahiş edib.

Baççan Hindistanın bir çox filmlərdə çəkilmiş ən məşhur aktyorlarından biridir. O, ayrı-ayrı filmlərdə yaratdığı uğurlu obrazlara və rollara görə dəfələrlə yüksək mükafatlara layiq görülüb.

Amitabx Baççan oynadığı rollarla Azərbaycanda da məşhurdur və sevilir.

72
Maksim Fadeyev və Emin Ağalarov, arxiv şəkli

Çox sağ ol, müəllimim! Emin yeni mahnıya görə Fadeyevə təşəkkür edib

21
(Yenilənib 17:32 11.07.2020)
Azərbaycanın xalq artisti yeni kompozisiyanı təqdim edib və onun pərəstişkarların ürəyincə olacağına əmindir.

BAKI, 11 iyul — Sputnik, Kəmalə Əliyeva. Rusiyalı bəstəkar, müğənni və prodüser Maksim Fadeyev Azərbaycanın xalq artisti Emin Ağalarov üçün mahnı yazıb. Mahnının adı qeyri-adidir – "MMM".

Bu barədə Ağalarov "Instagram" səhifəsində məlumat verib və ümidvar olduğunu bildirib ki, kompozisiya onun pərəstişkarlarının xoşuna gələcək.

"Mahnımızın çoxdan gözlənilən relizi. Maksim, mənim üçün etdiyin hər şeyə görə sənə təşəkkür etməkdən yorulmayacağam. Bu cür ruh və emosiyalar ilə. Və bu da sənin növbəti şah əsərindir. Çox sağ ol, müəllimim", - Ağalarov yazıb.

Maksim Fadeyev Azərbaycanın xalq artistinin bir çox hitlərinin, o cümlədən "Azərbaycan", "Gəl bir-birimizi tapaq" kimi mahnıların müəllifidir.

Ağalarov "World Music Awards", "Azərbaycandan Ən Yaxşı İfaçı", "Qızıl Qrammofon", "MUZ-TV Mükafatı" və s. kimi beynəlxalq mükafatların laureatıdır. O, dünyanın müxtəlif ölkələrində konsertlərlə çıxış edir. Müğənninin musiqi xəzinəsində doqquz ingilis dilli albom, "Warner Music" və "Sony ATV Music Publishing" aparıcı musiqi şirkətləri ilə müqavilələr var.

21
Londonda küçələrin birində, arxiv şəkli

Min illərin sirli qətlinin üstü açıldı

0
(Yenilənib 00:04 12.07.2020)
Vendover yaxınlığındakı Uelvik fermasında aparılan qazıntılar zaman kişi skeleti tapılıb. O üzü üstə yerə basdırılıb və əlləri kürəyinin arxasına bağlanıb.

BAKI, 12 iyul — Sputnik. Böyük Britniyada sürətli bir yol çəkmək üçün layihə üzərində çalışan arxeoloqlar, dəmir dövrünə aid insan skeleti tapıblar.

Sputnik Azərbaycan xarici mətbuata istinadla xəbər verir ki, insan qalıqlarının üzü üstə olması və əllərinin arxadan bağlı olması onun qətlə yetirildiyini sübut edir. Bu barədə layihənin rəsmi saytında məlumat verilib.

Vendover yaxınlığındakı Uelvik fermasında aparılan qazıntılar zaman kişi skeleti tapılıb. O üzü üstə yerə basdırılıb və əlləri kürəyinin arxasına bağlanıb. Bu cür qeyri-adi dəfn üsulu insanın qətl və ya edam qurbanı olduğunu göstərir.

Doktor Reyçel Vuud tapıntını sirli adlandırıb. O, mütəxəssislərin bu ölümün səbəbləri barədə məlumat verə biləcəyinə ümid etdiyini bildirib.

Bununla yanaşı, arxeoloqlar bu ərazidə neolit ​​dövründən orta əsrlərə qədər dörd min il davam edən qədim insanların fəaliyyətlərinin izlərini aşkar ediblər. Belə ki, burada Stounhencə bənzəyən taxtadan hazırlanmış diametri 65 metr olan dəyirmi abidə tapılıb.

Digər maraqlı bir tapıntı, bir qurğuşun tabutdakı skelet olub. Alimlərin fikrincə, bu şəxs yüksək statusa sahib olub. Çünki belə bir bahalı dəfn üsulunu ödəmək üçün imkanları olmalıdır.

0