Məsum Fatimə Abbasquliyeva

Azərbaycanlı müğənni-aktrisadan şok etiraf: "Xalq artisti mənə təcavüz etdi"

1068
(Yenilənib 18:15 28.02.2018)
Fatimə Abbasquliyeva "Məni çarpayı olan otağa apardı, soyundurdu və təcavüz elədi"

BAKI, 28 fevral — Sputnik. Azərbaycanlı aktrisa və müğənni Fatimə Abbasquliyeva "Rossiya 1" telekanalının Andrey Malaxovun aparıcısı olduğu "Pryamoy efir" ("Birbaşa efir") verlişinin qonağı olub və orada Rusiyanın Xalq artisti Mark Rozovskini onu zorlamaqda günahlandırıb. Sputnik Azərbaycan-ın məlumatına görə, həmin verilişin sözügedən buraxılışı layihənin "YouTube" səhifəsində yerləşdirilib.

Abbasquliyeva Azərbaycanda doğulub. Erkən yaşlarından oxumağa başlayıb. On beş yaşında "Miss Azərbaycan" titulunun sahibi olub. 17 yaşında Azərbaycanın müstəqil musiqi mükafatı olan "Qızıl mikrofon"un iki nominasiyada qalibi olub. Onu vətənində "Azərbaycanın Lolitası" adlandırırlar. 19 yaşında o, vətənində hər şeyi buraxıb Moskvanı fəth etməyə gedib və orada Rusiya Teatr Sənəti Universitetinə daxil olub.

"Mən üçüncü kursda oxuyanda Mark Qriqoryeviç Rozovskinin emalatxanasına köçdüm. O, məni səmimiyyətlə qəbul elədi. Bir dəfə yanıma gələrək dedi ki, mənimlə teatrdan kənarda karyeram barədə danışmaq istəyir. Mən onun dediyi ünvana getdim. Ora zirzəmidə yerləşirdi. Həmin yerdə böyük bilyard zalı vardı. O, danışmağa başladı ki, mən necə də gözələm və məni hiss etmək istəyir", — deyə Abbasquliyeva bildirib.

Qızın sözlərinə görə, Rozovski onu bilyard zalının yanında yerləşən böyük çarpayı olan otağa aparıb, soyundurub və onunla intim əlaqədə olub. Müğənni indiyə qədər həmin günü unuda bilmir. Sonra rejissor ondan hər şeyi gizli saxlamağı xahiş edib ki, onların əlaqəsi barədə heç kəs bilməsin.

"Mən özümü dəhşətli dərəcədə pis hiss edirdim, ürəyim bulanırdı. O, çay sifariş elədi və dedi ki, "bu, bizim sirrimizdir". Yəni mən bu barədə susmalıyam və o istəyəndə, mən həmişə onunla görüşə hazır olmalıyam. Mən başa düşmürdüm ki, bu, necə mümkün ola bilər. Ona mənim istedadımı görən bir müəllim kimi münasibət bəsləyirdim. Bundan sonra mən hər şeyə görə özümü günahkar sayırdım və qərara gəldim ki, bunları unutmaq lazımdır", — deyə aktrisa əlavə edib.

Sonralar Abbasquliyeva Rozovski ilə görüşməmək üçün ondan qaçmağa çalışıb. Bu, rejissorun onunla növbəti dəfə əlaqə saxlamasına qədər davam edib: "Mən ondan qorxurdum və ona heç nə deyə bilmirdim. Bu, ikinci və sonuncu görüşümüz oldu. Mənə elə gəlirdi ki, günahkar mənəm və zahiri görkəmimdir. Onda mən kifayət qədər açıq-saçıq geyinirdim".

Azərbaycan Respublikasının Prezidenti İlham Əliyev
© Official website of President of Azerbaijan Republic

Aktrisa iddia edib ki, Rozovski ilə ikinci dəfə görüşəndə rejissor ona intim əlaqəyə başqa kurs yoldaşını da cəlb etməyi təklif edib. Fatimə Rozovskinin teatrında bir müddət işləməyə davam edib, sonra isə işdən qovulub. Aktrisanın fikrincə, Rozovski indiyə qədər də teatrın gənc aktrisalarına təcavüz edir.

12 il keçəndən sonra Abbasquliyeva başa düşüb ki, o, onu zorlayan şəxsi cəzalandırmalıdır. Buna görə də, danışmaq qərarına gəlib.

Məşhur rejissorun hərəkətlərini emosional tərzdə şərh edən Fatimə daha sonra deyib:

"Murdar, iyrənc, riyakar. Mən öz pedaqoqumun qurbanı olmuşam. Mark Rozovski öz tələbələrinə təcavüz edir, onlarla sauna və qrup şəklində seksual əlaqədən danışır. Özü də təkcə danışmır, həm də həyata keçirir. Mark Qriqoryeviç, cəzalanmağınızın zamanı gəlib. Mənimlə belə davranmaq, mənə 6 il ərzində belə əzab vermək və şantaj etmək lazım deyildi. Siz öz tələbələrinizi və teatrın aktrisalarını cinsi istismara məruz qoyursunuz. Mən sizin səhnə üsullarınıza və insanlığınıza hörmət etmirəm".

Qeyd edək ki, sözügedən verlişdə müğənni Dmitri Nesterov da Rozovskinin teatrında baş verənlər barədə eşitdiyini, lakin onların şişirdildiyini qeyd edib. Rozovskinin dostu Vladimir Dolinski isə Abbasquliyevanı yalan danışmaqda, teatrda 200 tamaşanı səhnəyə qoyan rejissora böhtan atmaqda günahlandırıb: "O, öz əlləri ilə teatrda 200 tamaşa qoyub ki, 70 yaşında səni zirzəmiyə aparıb təcavüz etsin?".

Lakin vaxtilə Rozovskinin teatrında çalışan aktrisa Yekaterina Kmit də sözügedən rejissorun təcavüzünə məruz qaldığını etiraf edib. Aktrisanın sözlərinə görə, rejissor onu da yatağına dəvət edib: "Bu, Rozovskinin başlıca xüsusiyyətlərindən biridir və bunu teatrda hamı gözəl bilir".

Rozovskinin özü isə jurnalistlərə açıqlamasında aktrisaların dediklərini təkzib edib. Bildirib ki, Abbasquliyeva teatrda özünü adekvat aparmadığı üçün qovulub.

Qeyd edək ki, Mark Rozovski Rusiyanın məşhur teatr rejissoru, dramaturq, ssenari müəllifi, bəstəkar, yazışı, şair və "U Nikitskix vorot" teatrının bədii rəhbəridir.

1068
Teqlər:
Andrey Malaxov, Fatimə Abbasquliyeva, azərbaycanlı aktrisa, müğənni, teatr, rejissor, təcavüz, xalq artisti
Əlaqədar
"İçində olan cini çıxarmaq üçün" 8 yaşlı qıza təcavüz etdi
Təəccüblənməyin: Təcavüzə qarşı tuman yaradıldı
Məşhur aktrisa tanınmaz hala düşüb… - FOTO
Qorxduğu kimi yaşayıb, qorxduğu kimi ölən aktrisa: Onu addım-addım izləyən nə idi?

Tərcüməçi məşhur qazax şairi Abayın dilimizə tərcümə olunan yeni kitabından danışır

5
(Yenilənib 14:14 27.11.2020)
Mahmud Kaşqari adına Beynəlxalq Fondun həmsədri Elxan Zal Qaraxan deyir ki, indiyə qədər qazax ədəbiyyatından Oljas Suleymenov, Sabit Dosanov, Berik Şaxanov kimi qazax müəlliflərinin kitabları işıq üzü görüb
Elxan Zal Qaraxan: “Abay qazaxlar üçün böyük şairdir”

Mahmud Kaşqari adına Beynəlxalq Fondun “İRS” seriyasında böyük qazax şairi Abay Kunanbayevin bütün şeirlərinin, poemalarının və "Qara sözləri”nin Azərbaycan dilinə tərcüməsindən ibarət kitabı nəşr olunub.

Mahmud Kaşqari adına Beynəlxalq Fondun həmsədri Elxan Zal Qaraxan Sputnik Azərbaycan-a deyir ki, müstəqillik dövründən bu yana  bir çox qazax ədəbiyyatı nümunələri fond tərəfindən tərcümə edilərək nəşr olunub:

“Qazax ədəbiyyatından Nursultan Nazarbayev, Oljas Suleymenov, Sabit Dosanov, Berik Şaxanov kimi qazax müəlliflərinin kitabları işıq üzü görüb. Son olaraq isə qazax ədəbiyyatının klassiklərindən hesab olunan Abay Kunanbayevin yaradıcılığı qazax dilindən Azərbaycan dilinə tərcümə edilərək nəş edildi. Abay qazaxlar üçün böyük şairdir. Qazaxıstan yazılı ədəbiyyatında Abaya qədər elə böyük şair olmayıb”.

Elxan Zal Qaraxanın geniş şərhinə audiofaylda qulaq asa bilərsiniz

5
Netflix şirkətinin binası, arxiv şəkli

"Oskar" mükafatında yeni rekordçu ola bilər

11
(Yenilənib 23:25 27.11.2020)
Sofi Lorenin iştirak etdiyi "The Life Ahead" və Priyanka Çopranın rol aldığı "The White Tiger" filmlərinin də şansı olduğu vurğulanır

BAKI, 28 noyabr — Sputnik. "Netflix" 2021-ci ildə "Oskar" mükafatının təqdimetmə mərasimində "Ən Yaxşı Film" nominasiyaları üzrə yeni rekordçu ola bilər.

Sputnik Azərbaycan-ın verdiyi məlumata görə, "Netflix"in namizədləri arasında Aaron Sorkinin "The Trial of the Chicago 7" və Devid Finçerin "Mank", Nikol Kidmanın iştirakı ilə "Ma Rainey"s Black Bottom", Meril Stripin oynadığı "The Prom", Spayk Linin "Da 5 Bloods" filmləri və Corc Kluninin genişmiqyaslı "The Midnight Sky" layihəsi yer alıb.

Bundan əlavə, Sofi Lorenin iştirak etdiyi "The Life Ahead" və Priyanka Çopranın rol aldığı "The White Tiger" filmlərinin də şansı olduğu vurğulanıb.

Nəşrin yazdığına görə, əvvəlki rekord MGM ("Metro-Goldwyn-Mayer") kino şirkətinə məxsus olub.

11
Teqlər:
film, rekord, Netflix şirkəti, Oskar mükafatı
Məktəbdə dərs, arxiv şəkli

İnklüziv təhsillə bağlı qanun təkmilləşdiriləcək

0
Bu məsələ Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əks olunub.

 

BAKI, 28 noyabr — Sputnik. 2021–2022-ci illərdə uşaqların təhsilə çıxışında bərabərliyin təmin olunması məqsədilə inklüziv təhsilə dair mövcud normativ hüquqi bazanın təkmilləşdirilməsi ilə bağlı təkliflər hazırlanacaq.

Sputnik Azərbaycan-ın məlumatına görə, bu, Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əks olunub.

0