Azərbaycan Respublikasının xalq artisti Zərnigar Ağakişiyeva

Qorxduğu kimi yaşayıb, qorxduğu kimi ölən aktrisa: Onu addım-addım izləyən idi?

2172
(Yenilənib 00:56 11.02.2018)
Həyatının böyük sevgisini yaşamışdı, amma bu sevgi ailə həyatı ilə tamamlanmamışdı, çünki sevdiyi şəxs onun sənətini qəbul etmirdi

İradə Cəlil, Sputnik Azərbaycan

BAKI, 9 fevral — Sputnik. Tənhalıq — milyonların sevgisini qazandığın halda kimsəsiz ölməkdir. Əlinin heç yerə çatmaması, öləndən sonra cəsədinin belə, 3 gün sonra aşkarlanmasıdır tənhalıq. Bəlkə də elə buna görə hamımız tənhalıqdan qorxuruq.

Təcili tibbi yardım
© Sputnik / Irade JELIL

O da qorxurdu. Tamaşaçılarının sevimlisi olsa da, teatr səhnələrində, ana, qaynana obrazları canlandırsa da, heç zaman ailə qurmayan, ana olmayan Xalq artisti Zərnigar Ağakişiyeva dünən gecə saatlarında evində ölü tapılıb.

Aktrisa ilə bağlı xatirələrim çox olmasa da, illər əvvəl 3-4 dəfə müsahibə almışdım. Hər zaman sadə geyinər, amma çox makiyaj edərdi. Deyirdi ki, qocalmaq istəmir. İstəmir ki, kimsə onu üzü-gözü qırışlı, haldan düşmüş vəziyyətdə görsün.

19 yaşında Bakıya gəlmişdi. Düşünürdü ki, Bakı onun xəyallarını gerçəkləşdirəcək. Amma düşündüyü heç bir şey həyata keçməmişdi. Əvəzində isə çoxlu tamaşaçı sevgisi qazanmışdı.

Zərnigar Ağakişiyeva ailə həyatı qurmamışdı. Amma müsahibələrimizin birində 13 il biri ilə eyni evdə yaşadığını demişdi. Bunu da ailə kimi qəbul etmirdi. Düşünürdü ki, əgər iki nəfərin birlikdəliyində uşaq yoxdursa, bu, ailə deyil. Və qadın azaddırsa, kişi də azad olur, belə birlikdəlik isə bir ömür sürə bilməz.

Həyatının böyük sevgisini də yaşamışdı. Amma bu sevgi ailə həyatı ilə tamamlanmamışdı. Çünki sevdiyi şəxs onun sənətini qəbul etmirdi. Zərnigar xanım deyirdi ki, sənətinin həkim və ya müəllim olduğunu deyəndə, hamı "əladır" deyir. Aktrisalıq sənətini isə heç kim qəbul etmək istəmir. Elə məhz buna görə də ailəsi olmamışdı Zərnigar Ağakişyevanın.

Deyirdi ki, tənhalıqdan hələ uşaq vaxtlarından qorxurmuş və bu qorxu bütün həyatı boyu onu addım-addım izləyib. Uşaq götürüb saxlamaq istəsə də, maddi sıxıntılarına görə bunu edə bilməmişdi.

Bir dəfə söhbətimiz zamanı demişdi ki, qohumlarının bir qızı var, ona qızı kimi baxır. Düşünür ki, o qız da ona baxacaq. Sonrakı görüşlərimizdə bu barədə söhbət açanda danışmaq istəməmişdi.

Uzun illər idi ki, şəkər xəstəliyindən əziyyət çəkirdi. Bəzən pəhriz də saxlamaq istəmirdi. Deyirdi ki, pəhriz onun üçün deyil. Ömrünün son illərində isə əsəblərinin qaydasında olmadığını deyirdi. Deyirdi ki, gəncliyində yaşadığı əsəb-stress özünü indi biruzə verir. Buna görə də, tənhalığı sevirdi. Heç kimin xətrinə dəyməmək üçün. Elə həyatdan da tənha getdi.

Aktrisanın sənət dostları onu belə xatırlayır:

Respublikanın Əməkdar artisti Sənubər İsgəndərli Sputnik Azərbaycan-a danışır ki, sonuncu dəfə Zemfira xanımı 2 il öncə 70 illik yubileyində görübmüş: "Özü dəvət etmişdi məni. Çox adam da yox idi. 10-15 nəfər ancaq olardı. Ad günündən sonra bir neçə dəfə telefonla danışdıq, görüşdük. Evinə də gedirdim".

"Amma birdən-birə hamı ilə əlaqəsini kəsdi. Nə telefonlarımıza cavab verirdi, nə də evinə gedəndə qapını üzümüzə açırdı. Bu, təkcə mənə qarşı belə deyildi. Bütün iş yoldaşlarımızla eyni cür davranırdı. Amma başa düşməyə çalışırdıq. Onun tez-tez belə özünə qapılan halları olurdu" — aktrisa deyir.

S.İsgəndərli bildirir ki, Z.Ağakişiyeva sənətdən tez getməsəydi, Azərbaycan səhnəsinə daha böyük obrazlar bəxş edə bilərdi: "Amma təəssüf ki, sənətdən də özü getdi. Dəfələrlə onu geri çağırsalar da, qayıtmadı. Elə özünə qapılmağı da özü seçdi. Böyük sənətkar idi, Allah rəhmət eləsin".

Xalq artisti Məleykə Əsədova da, Zərnigar Ağakişiyeva haqqında öz ürək sözlərini bölüşüb: "Bu gün incəsənət aləminə ağır itki üz verib. Sözün həqiqi mənasında çox böyük sənətkar, çox məsuliyyətli və çətin obrazlara imza atan, mənim çox yaxın sənət dostum, Respublikanın Xalq artisti Zərnigar xanım Ağakişiyeva dünyasını dəyişib".

"Bu sözləri göz yaşı ilə yazıram, çünki sənətdə onunla bir səhnədə, bir çox tamaşalarda tərəf müqabili olmuşam", — deyə Əsədova öz "Instagram" səhifəsində yazıb.

Daha sonra Xalq artisti hisslərini belə ifadə edib: "Bununla belə, illərlə bir qrim otağında yoldaşılıq etmişik. Ən əsas da həyatda ana-bala münasibətlərində olmuşuq. Axır vaxtlar telefonlara cavab vermirdi, evində gedəndə də qapını açmırdı. Telefonda sonuncu danışığımızda dedi ki, "tək qalmaq istəyirəm". Gedib şəhəri gəzir, gəlib televizora baxırdı. Belə rahat hiss edirdi özünü. Dəfələrlə danışığımız olub, demişəm ki, "Zara, sən tək özünə deyil, Azərbaycan səhnəsinə də lazımsan. Tamaşaçılar səni görmək istəyir".

"Zərnigar xanım — mənim çox gözəl ürək dostum, anam, bacım, xalqımın aktrisası, səhnə və mən sizin üçün çox darıxacağıq. Qəlbimdə danışdığımız, güldüyümüz, ağladığımız, kədərləndiyimiz günlər həmişə qalacaq. Siz unudulmayacaqsınız. Sənətkarın nə yaşı, nə ömrü olur. Sənətkar həmişəyaşardır. Allah rəhmət eləsin, ruhun şad olsun", — deyə aktrisa əlavə edib.

Qeyd edək ki, Xalq artisti Zərnigar Ağakişiyeva ürək çatışmazlığından dünyasını dəyişib. Bir neçə gündür ki, yaxınlarının telefonlarına cavab verməyən aktrisadan narahat qalan yaxınları Fövqəladə Hallar Nazirliyinin xilasetmə xidmətinə müraciət edib. Xüsusi Riskli Xilasetmə Xidməti əməkdaşları tərəfindən qapı açıldıqdan sonra 73 yaşlı aktrisanın 3 gün əvvəl dünyasını dəyişdiyi məlum olub.

Yadımdadır, deyirdi ki, qorxuları var. Bəzən düşünür ki, bəlkə bir ağrısı, çətin vəziyyəti olar, telefona əli çatmaz. Deyəsən, hiss edirmiş dünyadan belə köçəcəyini… Bəzən övlad nisgilini dilə gətirsə də, sonra özünə təsəlli verib deyirdi: Mənim övladlarım rollarımdır…

Xatırladaq ki, Zərnigar Fəti qızı Ağakişiyeva 1945-ci ildə Quba rayonunun Rustov kəndində doğulub. O, 1972-ci ildə M.A.Əliyev adına Azərbaycan Dövlət İncəsənət İnstitutunun "Dram və kino aktyoru" fakültəsini bitirib. Təhsilini tamamlayandan sonra, bir müddət Tədris teatrında aktrisa kimi çalışan Z.Ağakişiyeva, rejissor Əşrəf Quliyevin dəvəti ilə Azərbaycan Dövlət Akademik Milli Dram Teatrında ilk tamaşası 19 may 1973-cü ildə göstərilən A.Ostrovskinin "Müdriklər" dramında Mamayeva rolunu oynayıb. 1974-cü ildən isə Akademik Milli Dram Teatrının aktyor heyətinə aktrisa kimi qəbul olunub.

Zərnigar Ağakişiyeva yaradıcılığının xarakterik xüsusiyyətlərinə görə realist aktyor məktəbinin poetika göstəricilərinə daha uyğundur. Yaratdığı obrazlar tamaşaçılar tərəfindən həmişə maraqla qarşılanırdı. "Vaqif"-də Xuraman, "Kölgələr pıçıldaşır"-da Şəfəq, "Təhminə və Zaur"-da Zivər ana, "Ölülər"-də Kərbalayi Fatma və s. digər rolları ilə tamaşaçılarının ürəyində həmişə yaşayacaq.

Aktrisa Azərbaycan Dövlət Televiziyasının hazırladığı teletamaşalarda və "Azərbaycanfilm"in istehsal etdiyi bir çox filmlərdə çəkilib. 1982-ci ildə Əməkdar artist, 2000-ci ildə Xalq artisti fəxri adlarına, 2014-cü ildə isə "Şöhrət" ordeninə layiq görülüb. Prezident təqaüdçüsü olub.

Xalq artisti bu gün doğulduğu Quba rayonunda dəfn edilib. Allah rəhmət eləsin!

2172
Teqlər:
Sənubər İsgəndərli, Zərnigar Ağakişiyeva, tənhalıq, Məleykə Əsədova, ailə həyatı, tamaşaçı, övlad, sevgi, səhnə, aktrisa, Quba, Bakı, xalq artisti
Əlaqədar
Bir qalanın sirri - Xalq artistinin qalasının içində gizlədilən qalanın...
Xalq artistlərinin 500 min manatlıq davası ilə bağlı hökm verildi
Xalq artistlərinin qarşıdurması məhkəmə müstəvisinə keçir
Xalq artistimizin qızını Amerikaya dəvət edən erməni kimdir?
Xalq artistinin vəkilindən sərt sözlər: “Zina etməyini haradan sübut edirsiz?”
İndi də Ramiz Məlik xalq artistini məhkəməyə verdi
Azərbaycan xalq artistinin Türkiyəyə səfəri təxirə salınıb

Mona Liza ilə görüşə ancaq maska ilə - Luvr karantindən sonra

116
(Yenilənib 23:31 07.07.2020)
Luvr muzeyi karantindən çıxmağa hazırlaşır: Muzeyin direktoru Jan-Lük Martinezin sözlərinə görə, əvvəlki dövrlərə qayıtmaq üçün üç il vaxt lazımdır. 

Uzun üç ay yarım ərzində Luvr (Louvre), Fransanın bütün muzeyləri kimi, koronavirusla bağlı karantinə görə kilid altında idi və bu həftə publikanı yenidən qəbul etməyə başlayır. Lakin jurnalistlərlə görüşdə onun direktoru Jan-Lük Martinez deyib ki, "əvvəlki vəziyyətə qayıtmaq üçün ən azı üç il vaxt lazımdır". O, ilk növbədə, bəşəriyyətin antik dövrdən XIX əsrin ortalarına qədər yaratdığı dünya incəsənəti incilərinin Fransadakı qoruğuna baş çəkməsini nəzərdə tutub.

"Pessimist olmaq istəmirəm, amma bu, reallıqdır: ən yaxşı halda ziyarətçilərin sayı əvvəlki dövrlə müqayisədə 20-30 faiz səviyyəsində olacaq. Bu isə o deməkdir ki, biz adi günlərdə gələn 40 min ziyarətçi əvəzinə 8-10 min nəfər qəbul edəcəyik", - deyə direktor bildirib.

Jan-Lük Martinezin hesablamalarına görə, istənilən halda Luvrun itkiləri artıq 40 milyon avro təşkil edir. Bu, həm biletlərdən, həm butiklərdəki suvenirlərin, incəsənətə aid kitabların satışından, həm də muzeyin kafe və restoranlarından gələn gəlirlərdir. Luvrun büdcəsi, təxminən 240-250 milyon avro təşkil edir ki, onun da 40 faizi dövlət büdcəsindən və muzeyin öz gəlirlərindən ibarətdir. Bu il həmin gəlirlər əhəmiyyətli dərəcədə azalıb.

Bəs Luvr administrasiyası yaxın aylarda fəaliyyət göstərmək niyyətindədir? Əsas diqqət yerli əhaliyə, eləcə də Avropa İttifaqına daxil olan, sərhədləri artıq açılmış qonşu ölkələrə yönəldilir. Buna görə də muzey fəal şəkildə kampaniya apararaq parisliləri, ətraf departamentlərin və paytaxt regionu olan İl-de-Frans-ın sakinlərini dəvət edir. Bu kampaniyanın nə nəticə verəcəyini indidən demək çətindir.

İstənilən halda biletlərin internet vasitəsilə dəqiq bronlaşdırılması (gün və saat göstərilməklə) hələlik böyük nikbinlik doğurmur. İyunun sonuna olan məlumata görə, yaxın həftələrdə muzeyə getmək istəyənlərin sayı cəmi 12 min olub. Doğrudur, Luvr açıqlayıb ki, bileti yerində də almaq mümkündür. Baxmayaraq ki, muzey personalının böyük hissəsi karantin günlərində məsafədən işləyib, 250-300 nəfər daim Luvrda yeni mövsümün açılışına hazırlaşır. Muzey administrasiyasının xəbərdarlıq etdiyi kimi, bir sıra zalların fəaliyyəti mümkün olmayacaq. Söhbət, əsasən, Şimali Avropa ölkələrinin rəngkarlığının, 1789-cu il böyük Fransız inqilabına qədərki dövrün kolleksiyasının – muzey meydançalarının təxminən 30 faizinin nümayiş etdirilməsindən gedir.

Leonardo da Vinçinin Mona Liza əsəri
© REUTERS / BENOIT TESSIER

Muzeydə ziyarətçiləri qorumaq üçün bir sıra profilaktik tədbirlər həyata keçirilib. Təbii ki, tibbi maskalar hər kəs üçün məcburidir. Əvvəlki vaxtlardan fərqli olaraq, Luvra yalnız məşhur şüşə piramida vasitəsilə daxil olmaq mümkündür. Hər kəsə xüsusi broşuralar verilir. Orada elə marşrutlar göstərilir ki, insanlar nə zallarda, nə də dəhlizlərdə rastlaşmasınlar. Dövlət zalında sərgilənən Cokonda ilə görüşmək üçün indi dartılmış lentlərlə birləşdirilmiş stendlərin böyük labirintinə getmək lazımdır. Bir tərəfdən, bu, sosial məsafəni saxlamağa, digər tərəfdən isə Leonardo Da Vinçinin yaradıcılığı ilə hərtərəfli tanış olmağa imkan verir.

Yeri gəlmişkən, hər şərdə bir xeyir də var. İncəsənət həvəskarları üçün indi ən yaxşı vaxt gəlib çatıb: Luvrun  fransız, italyan, ispan klassiklərinin əsərləri, orta əsrlərin incəsənəti və digər xəzinələrlə zəngin salonlarında hələ uzun müddət seyrəklik olacaq.

Jan-Lük Martinezin sözlərinə görə, hazırda muzey Mədəniyyət Nazirliyi ilə birlikdə dəyişikliklər üzərində işləyir. Luvrun veb-saytının genişləndirilməsi, onun bütün kolleksiyasının “rəqəmsala” köçürülməsi nəzərdə tutulur. Karantin aylarında bu resurs böyük effektivlik nümayiş etdirib. Muzeyin saytında 10 milyondan çox "virtual ziyarətçi"qeydiyyatdan keçib.

116
  • © REUTERS / CHARLES PLATIAU

    Luvr karantindən sonra

  • © REUTERS / CHARLES PLATIAU

    Luvr karantindən sonra

  • © AP Photo / Thibault Camus

    Luvr karantindən sonra

  • © REUTERS / CHARLES PLATIAU

    Luvr karantindən sonra

  • © REUTERS / CHRISTIAN HARTMANN

    Luvr karantindən sonra

  • © REUTERS / CHARLES PLATIAU

    Luvr karantindən sonra

  • © REUTERS / CHRISTIAN HARTMANN

    Luvr karantindən sonra

  • © REUTERS / CHARLES PLATIAU

    Luvr karantindən sonra

  • © REUTERS / CHARLES PLATIAU

    Luvr karantindən sonra

  • © REUTERS / CHARLES PLATIAU

    Luvr karantindən sonra

  • © REUTERS / CHARLES PLATIAU

    Luvr karantindən sonra

  • © REUTERS / CHARLES PLATIAU

    Luvr karantindən sonra

  • © REUTERS / CHARLES PLATIAU

    Luvr karantindən sonra

  • © REUTERS / CHARLES PLATIAU

    Luvr karantindən sonra

  • © REUTERS / CHRISTIAN HARTMANN

    Luvr karantindən sonra

  • © AP Photo / Thibault Camus

    Luvr karantindən sonra

Teqlər:
fotolent
Natiq Məmmədli

Tanınmış yazıçıdan mütaliə həvəskarlarına əvəzolunmaz hədiyyə

70
(Yenilənib 11:49 07.07.2020)
"Ləyaqət düsturu", "Bekketə salam" hekayələr toplusu və "Körpüdə ümid" romanından sonra "Qəhrəmanım sənsən" Natiq Məmmədlinin oxucularla növbəti görüşüdür.

BAKI, 7 iyul — Sputnik. Tanınmış yazıçı Natiq Məmmədlinin seçmə hekayələrindən ibarət kitabı işıq üzü görüb.

Sputnik Azərbaycan xəbər verir ki, "Köhlən" Nəşriyyatının çap etdiyi kitabda müəllifin yeni, habelə müxtəlif vaxtlarda qələmə aldığı otuza yaxın hekayəsi yer alıb.

Kitab Məmmədlinin "Mənim oxucum mənim qəhrəmanımdır" devizi ilə oxucularına müraciəti ilə başlayır. "Qəhrəmanlar təkcə müharibələrdə yetişmir. Adi həyatlarını yaşayan elə səssiz, elə təvazökar qəhrəmanlar var ki, bəlkə də hər gün yanımızdan ötüb keçirlər, amma biz onların fərqinə varmırıq. Heç özlərinin də öz hünərindən xəbərləri olmur. Onların qəhrəmanlığı qəfil bir anın içərisinə sığmayan, ömür boyu davam edən şücaətdir. Onlar qeyri-adi heç nə etmirlər, sadəcə oxuyurlar və mənəvi dünyamızdan gurultulu sözlər danışmağı sevməzlər, lakin onun sərhədlərini qoruyarlar. Onlar məsləhət vermir, öz şəxsiyyətləriylə nümunə yaradırlar. Mən səssiz qəhrəmanların yazıçısıyam", - deyə yazıçı oxucularına xitab edir.

"Ləyaqət düsturu", "Bekketə salam" hekayələr toplusu və "Körpüdə ümid" romanından sonra "Qəhrəmanım sənsən" Natiq Məmmədlinin oxucularla növbəti görüşüdür.

Kitabı paytaxtın kitab mağazalarından əldə etmək olar, həmçinin "Köhlən" Nəşriyyatından onlayn sifariş də mümkündür.

70
Pişik, arxiv şəkli

Ölüm öpüşü: Pişik sahibinin həyatına belə son qoydu

0
(Yenilənib 23:43 07.07.2020)
Həkimlər qadının orqanizmində bakterial meningitə səbəb olan "pasteurella multocida" bakteriyasını aşkar ediblər

BAKI, 7 iyul — Sputnik. Avstraliyanın Melburn şəhərinin sakini pişiyin cırmaqlaması və yaranı yalamasından sonra ölüb.

Sputnik Azərbaycan "Herald Sun" nəşrinə istinadən xəbər verir ki, 80 yaşlı qadının qohumları onu yataqda şüursuz halda yanında pişiklə tapıblar.

Həkimlər onun orqanizmində bakterial meningitə səbəb olan "pasteurella multocida" bakteriyasını aşkar ediblər.

Pensiyaçı komada doqquz gün keçirib, bundan sonra onu həyat təminatı sistemindən ayırıblar.

Yerli xəstəxanalardan birinin yoluxucu xəstəliklər üzrə direktoru Lindsi Qreyson bildirib ki, ev sahibləri pişiklərinə açıq yaraları yalamağa imkan verməməlidirlər. Eyni zamanda o xəbərdarlıq edib ki, immunitet sistemi pozulmuş şəxslər bu ev heyvanlarından qaçmalıdırlar.

Bakterial meningit bakterial infeksiya nəticəsində baş və onurğa beyni membranlarının iltihabıdır.

0
Əlaqədar
Koronavirus bəlasını dünyaya yayan Çin əhli iyrənc adətindən əl çəkmək niyyətində deyil
Bakıda "pişik əməliyyatı" - VİDEO
Evsiz pişikdən yemək əldə etmək üçün ağlasığmaz kələk - Video
Küçədə pişik gəzdirmək cərimə ilə nəticələndi
Telekanal insanları panikaya saldı, sevdiklərindən ayrıldılar