Bilgəh qəsəbəsində yerləşən Qala

Bir qalanın sirri - Xalq artistinin qalasının içində gizlədilən qalanın...

15314
(Yenilənib 10:35 05.02.2018)
Bilgəh qəsəbəsində yerləşən "Qala"nın ətrafı hasarlanıb

Kəmalə Əliyeva, Sputnik Azərbaycan

BAKI, 5 fevral — Sputnik. Azərbaycanda xeyli tarixi abidələr var ki, onların çoxu unudulub və demək olar, heç kəs onları ziyarət eləmir. Belə abidələrdən biri də Bilgəh qəsəbəsində yerləşən "Qala"dır. Azərbaycan Respublikası Mədəniyyət və Turizm Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti (MİQBDX) Sabunçu Rayon İcra Hakimiyyətinə (RİH) müraciət edərək qalaya bitişik divarı dağıtmağı rica edənə qədər bu qala heç də hamıya məlum deyildi və artıq unudulmuşdu.

Həmin qala barədə internetdə, demək olar ki, məlumat olmadığından Sputnik Azərbaycan-ın müxbiri informasiya almaq üçün sözügedən Xidmətə müraciət edib. Xidmətdən bildiriblər ki, "Qala" Şirvanşahların dövründə — XIII-XIV əsrlərdə ağ daşdan tikilib. Təəssüf ki, bizim günlərə yalnız qalanın bir hissəsi gəlib çatıb.

O dövrlərdə uzun müddət həmin qaladan mayak kimi istifadə ediblər. Onun başında məşəl yandırıblar ki, Xəzərdəki gəmilər gecələr sahilin yolunu tapa bilsin. Ona görə də, sözügedən qalanı həm də "Tonqal qalası" adlandırıblar.

  • Bilgəh qəsəbəsində yerləşən Qala
    Bilgəh qəsəbəsində yerləşən "Qala"
    © Sputnik / Murad Orujov
  • Bilgəh qəsəbəsində yerləşən Qala
    Bilgəh qəsəbəsində yerləşən "Qala"
    © Sputnik / Murad Orujov
  • Bilgəh qəsəbəsində yerləşən Qala
    Bilgəh qəsəbəsində yerləşən "Qala"
    © Sputnik / Murad Orujov
1 / 3
© Sputnik / Murad Orujov
Bilgəh qəsəbəsində yerləşən "Qala"

Xidmətin Sabunçu RİH-ə müraciətinə gəlincə, MİQBDX bəyan edib ki, heç kəsin tarixi abidənin ərazisində ev tikmək, yaxud onu hasara almaq ixtiyarı yoxdur. "Biz hələ bilmirik, onun ərazisi hansı əsasla zəbt edilib və orada hansı tikinti işləri aparılıb. Bizə heç o da məlum deyil ki, ora sahib çıxan şəxsin əlində o ərazilərin ona məxsus olduğunu təsdiqləyən rəsmi sənədlər varmı və onlar kim tərəfindən verilib", — deyə Xidmətdən bildiriblər.

Onlar qeyd ediblər ki, Azərbaycanda rəsmən kiminsə şəxsi mülkiyyəti olan tikililər, abidələr mövcuddur. Amma onlarda olan məlumata görə, "Qala" onu zəbt edən şəxsin mülkiyyəti deyil. Ona görə də, bu məsələyə aydınlıq gətirmək istəyirlər. Hazırda MİQBDX Sabunçu RİH-dən cavab gözləyir.

"Biz bir aydır ki, onlara sorğu göndərmişik. Əgər müəyyən edilsə ki, sahibinin rəsmi sənədləri yoxdur, onda həmin şəxs abidənin ərazisini tərk etməli və hasarı götürməli olacaq ki, camaat qalanı ziyarət edə bilsin", — deyə Xidmətdən bildirilib.

Sputnik Azərbaycan-ın müxbiri qalanı öz gözləri ilə görmək üçün Bilgəh qəsəbəsinə gedib. Bu abidəni tapmaq çox çətin olub, çünki hətta yerli sakinlərin əksəriyyəti belə, bir qalanın mövcudluğundan xəbərsizdirlər.

Amma qala barədə məlumatı olanlar onu fərqli adlarla ("Qız qalası", "Oğlan qalası") çağırırlar və harada yerləşdiyini bilmirlər. Biz qəhrəmanlıq edərək onu tapmağa nail olduq, ancaq təəssüf ki, bu uzun yolu boşuna getdiyimiz məlum oldu. Çünki qalanı yaxından görə bilmədik, hər tərəfdən yüksək hasarla əhatələnmişdi.

Qonşuların sözlərinə görə, həmin bağ evi Xalq artisti Əminə Yusifqızına məxsusdur. O isə bura ancaq yay aylarında gəlir. Onlar qeyd ediblər ki, qala artıq uzun illərdir hasara alınıb və bu müddətdə heç kəs onunla maraqlanmayıb. Qala elə yerdədir ki, nadir hallarda onun fərqinə varırlar.

"Biz hamımız Əminə xanımı çox sevirik və ona hörmət edirik. Onu, əsasən, yayda görürük. Amma onun bağ evinin gözətçisi var. Gündə bir dəfə gəlir və baxır ki, bağda hər şey qaydasındadır, ya yox", — deyə qonşular bildiriblər.

Biz sözügedən bağın sahibi — Xalq artisti Əminə Yusifqızı ilə də əlaqə saxladıq. O bildirdi ki, hazırda bağ onun qızına məxsusdur. Xalq artistinin sözlərinə görə, həmin bağ vaxtilə "Qala" ilə birlikdə alınıb.

"Bizdə həmin abidənin bizim özəl mülkiyyətimiz olduğu barədə bütün sənədlər mövcuddur. Düzü başa düşmürəm ki, bu barədə informasiyanı yaymaq nəyə lazımdır?" — deyə Yusifqızı bildirib.

Sabunçu Rayon İcra Hakimiyyətindən isə bildirdilər ki, onlara hələ Azərbaycan Respublikası Mədəniyyət və Turizm Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətindən hər hansı məktub daxil olmayıb: "Bizə nə vaxt məktub daxil olsa, araşdıracağıq".

Bir sözlə, bizə gözləmək qalır. Ümid edək ki, məsələ həllini tapacaq və onda azərbaycanlılar da, ölkəyə gələn turistlər də "Qala" tarixi abidəsini yaxından görə biləcəklər.

15314
Teqlər:
Əminə Yusifqızı, Sabunçu RİH, MİQBDX, Mədəniyyət və Turizm Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti, "Qala", Bilgəh qəsəbəsi, Sabunçu Rayon İcra Hakimiyyəti, qonşu, tarixi abidə, Sputnik Azərbaycan, qala, yay, bağ, Azərbaycan, ev, xalq artisti
Əlaqədar
Açıq səma altında muzey: Qala
Qarabağdakı abidələrimizi kimlər və niyə farslaşdırır?
İsmayılov: “İşğal olunmuş ərazilərimizdə 4500 tarixi abidə aşkar edilib”
Balakəndə Alban katolikosluğuna aid unikal abidə aşkarlanıb
Tərtərdəki tarixi abidə Ermənistanın hədəfində
Prezident Cümhuriyyət abidəsini ziyarət edib
Azərbaycan prezidenti “Xocalı” abidəsini ziyarət edib
Teatr səhnəsi, arxiv şəkli

Şuşa Teatrı haqqında film çəkilib

5
(Yenilənib 16:48 22.01.2021)
Teatrdan bəhs edən "Dönüş" filminin ssenari müəllifi Yaqub Əlioğlu, rejissoru isə Murad Quliyevdir. Film Şuşa teatrının yenidən öz doğma torpağına - Şuşaya dönəcəyi haqdadır.

BAKI, 22 yanvar — Sputnik. Şuşa Teatrı haqqında sənədli film çəkilib. Sputnik Azərbaycan xəbər verir ki, teatrdan bəhs edən "Dönüş" filminin ssenari müəllifi Yaqub Əlioğlu, rejissoru isə Murad Quliyevdir. Film Şuşa Teatrının kollektivi və teatrın yenidən öz doğma torpağına - Şuşaya dönəcəkləri haqqındadır.

 

5
Xaç, arxiv şəkli

"Xristian irsimizi tanıyaq" - Müqəddəs Məryəm ana katolik kilsəsi - VİDEO

20
(Yenilənib 11:43 22.01.2021)
Bolşeviklər tərəfindən uçurulan Müqəddəs Məryəm ana kilsəsinin xatirəsinə həsr edilən kilsənin tikintisi 2007-ci ilin fevralında yekunlaşıb.

BAKI, 22 yanvar — Sputnik. Müqəddəs Məryəm ana katolik kilsəsi Bakıda 1912-ci ildə neft maqnatları – Rılskilər ailəsi tərəfindən ("Müqəddəs Bakirə Məryəmin Məsum Hamiləliyi" kostyolu - polyak katolik kilsəsi, memarı İ.K.Ploşko) inşa edilib. Bolşeviklər tərəfindən uçurulan Müqəddəs Məryəm ana kilsəsinin xatirəsinə həsr edilən kilsənin tikintisi 2007-ci ilin fevralında yekunlaşıb. 7 mart 2008-ci ildə Azərbaycan Respublikasının Prezidenti İlham Əliyev, Birinci xanım, Heydər Əliyev Fondunun prezidenti Mehriban xanım Əliyeva və Vatikanın dövlət katibi kardinal Tarçizio Bertone kilsənin rəsmi açılış mərasimində iştirak ediblər.

Sputnik Azərbaycan Mədəniyyət Nazirliyinə istinadən "Xristian irsimizi tanıyaq" layihəsi çərçivəsində Müqəddəs Məryəm ana katolik kilsəsi haqqında qısa videoçarxı təqdim edir.

20
 Distant təhsil, arxiv şəkli

Nazirlik bu ərazilərdə simsiz rabitə şəbəkəsi qurur - Şagirdlərin problemi həll olunacaq

0
(Yenilənib 13:06 23.01.2021)
Hazırda Ağdamın Ayaq Qərvənd, Səfərli və Alıbəyli qəsəbələrində də internet xidmətinə tələbatının ödənilməsi üçün tədbirlər görülür.

Zülfiyyə Quluyeva, Sputnik Azərbaycan

BAKI, 23 yanvar — Sputnik. Ağdam rayonun müharibədən əvvəl cəbhəyanı əraziləri sayılan qəsəbələrinə simsiz rabitə xətti çəkiləcək. Bu barədə Sputnik Azərbaycan-ın sorğusuna Nəqliyyat, Rabitə və Yüksək Texnologiyalar Nazirliyindən verilən cavabda bildirilir. Nazirlikdən verilən məlumata görə, 44 günlük Vətən Müharibəsi zamanı Ermənistanın təcavüzü nəticəsində mülki əhaliyə, dövlət əmlakına, o cümlədən infrastruktur obyektlərinə xeyli ziyan dəyib. Hərbi əməliyyatlar zamanı düşmən tərəfindən Ağdam rayonuna atılmış mərmilər xətt təsərrüfatını zədələyib. Nəqliyyat, Rabitə və Yüksək Texnologiyalar Nazirliyinin "Aztelekom" Məhdud Məsuliyyətli Cəmiyyəti tərəfindən rayonun Qaradağlı, Əfətli, Mirəşelli, Mahrızlı, Çəmənli, Xındırıstan, Rzalar, Təzəkənd, Bənövşələr kəndləri və Dördyol-1, Dördyol-2, Yeni qəsəbə, Baharlı qəsəbələrində təmir-bərpa işləri həyata keçirilib, xətt təsərrüfatının bərpası və xidmətlərin təminatı qısa müddət ərzində təmin edilib. Belə ki, şəbəkənin bərpası məqsədilə 10 kilometrə yaxın zədələnmiş müxtəlif tipli kabellər dəyişdirilib, 60 ədəd dirək yeniləri ilə əvəz olunub. Eyni zamanda abunəçi xətlərinin 13 km uzunluğunda hissəsi normalara cavab verən vəziyyətə gətirilib.

Nazirlikdən verilən məlumatda qeyd olunur ki, Ağdam rayonunun Ayaq Qərvənd qəsəbəsində yaşayan sakinlərə genişzolaqlı internet xidmətinin göstərilməsi üçün simsiz rabitə şəbəkəsi qurulub: "Hazırda Səfərli və Alıbəyli qəsəbələrində də internet xidmətinə tələbatının ödənilməsi üçün tədbirlər görülür. Həmçinin rayon ərazisində telefon və yüksək sürətli internet xidmətinə olan tələbat nəzərə alınaraq müvafiq layihələr hazırlanır və mərhələli şəkildə icra edilir. Bütün müraciətlər qeydə alınır, sorğuda qeyd olunan və digər ərazilərin sakinlərinin telefon və internet xidmətləri ilə təminatı istiqamətində işlər davam etdirilir".

Xatırladaq ki, Ağdam Rayon Təhsil şöbəsinin müdiri Mətanət Misirxanova Sputnik Azərbaycan-a açıqlamasında bildirib ki, Ağdam rayonu üzrə təxminən 56 faizə yaxın şagird onlayn təhsilə cəlb olunub: "Müharibədən sonra müəllimlərlə şagirdlər arasında artıq bir vasitə var. Amma müəyyən qisim şagird hələ də təhsildən, müəllim təmasından kənardadır. Bunlar Ağdam rayonu ərazisindəki Səfərli, Alıbəyli, Ayaqqərvənd qəsəbələrinin şagirdləridir. Burada yaşayan şagirdlərlə təmas qurmaq mümkün deyil. Çünki bu ərazilərdə telefon xətti yoxdur. Mobil internetdən istifadə etməyə isə maddi baxımdan imkanları çatmır. Amma biz həmin qəsəbələrdə yaşayan şagirdlərlə daima əlaqə qururuq. Məktəb direktorları və sinif rəhbərləri şagirdləri teledərslərə yönəldirlər ki, onlar teledərsləri izləsinlər. Bununla belə, biz nəzərdə tutmuşuq ki, məktəblər açıldıqdan sonra onlayn dərslərə qoşula bilməyən şagirdlər üçün həmin dərslər sıxlaşdırılmış formada keçirilsin. Bunun üçün də əlavə dərs və məşğələ cədvəlləri hazırlanır".

0