Hikmət Rəhimov (solda) və Rasim Cəfər

Məşhur aktyor: "Azərbaycanda teatr binaları var, amma teatr yoxdur"

751
(Yenilənib 13:36 10.12.2017)
Populyar aktyorlar baş rejissorun təzyiqlərinə tab gətirməyərək ərizə yaxıb dövlət teatrından çıxıblar

BAKI, 8 dekabr — Sputnik. Mətbuatda gedən məlumata əsasən, hazırda Azərbaycanın ən çox tələb olunan aktyorları Hikmət Rəhimov və Rasim Cəfər guya öz arzuları ilə Dövlət "Yuğ" Teatrından getmək qərarına gəliblər.

Sputnik Azərbaycan-ın müxbiri bu informasiyanın nə dərəcədə doğru olduğunu və onların nə üçün uzun illər işlədikləri teatrdan getmək qərarına gəldiklərini aydınlaşdırmağa çalışıb.

Teatrın baş rejissoru, Azərbaycanın əməkdar incəsənət xadimi Mehriban Ələkbərzadə Hikmət Rəhimov və Rasim Cəfərin öz arzuları ilə teatrdan getdiklərini təsdiqləyib. 

"Onlar tamaşalarda və məşqlərdə iştirak edə bilmirdilər. Hər ikisinin başqa işləri var idi və onlar qərara gəliblər ki, teatrdakı işi davam etdirməyin mənası yoxdur. Səbəb sadəcə budur" — deyə Ələkbərzadə bildirib.

Hikmət Rəhimov əvvəlcə bu barədə suala cavab verməkdən imtina edib. Bildirib ki, Ələkbərzadə artıq bütün informasiyanı jurnalistlərlə bölüşüb: "Amma daha yaxşı olardı ki, o, hər şeyi açıq və səmimi şəkildə deyərdi ki, əslində teatrdan getməyimizə səbəb nə olub. Bilirsiz, biz nə qədər axmaq olmalıyıq ki, elə-belə teatrdan getməklə bağlı ərizə yazaq. Bizi o həddə çatdırdılar ki, teatrdan getmək qərarına gəldik. O, özü bunu istədi və biz də onun arzusunu yerinə yetirdik".

Aktyor "Yuğ" teatrında yalnız bir tamaşada — Azərbaycanın xalq artisti Ramiz Həsənoğlunun rejissoru olduğu, gənc yazar Pərvin Yaşarın eyni adlı pyesi əsasında səhnələşdirilmiş "Sonuncu" tamaşasında oynayıb. Onun sözlərinə görə, bir dəfə də olsun tamaşanı buraxmayıb və nə vaxt lazım olsa, teatra gedib. Heç nəyə baxmayaraq, əgər onu yenə də bu tamaşada oynamağa çağırsalar, müəllifin, aktyorların və rejissorun xatirinə məmnuniyyətlə gedər. Rəhimovun gələcəkdə Azərbaycanın heç bir teatrında oynamaq niyyəti yoxdur. 

"Teatr hər bir aktyor üçün vacibdir. Sadəcə onunla işçi mühit yarada bilən, müxtəlif tamaşalar səhnəyə qoyan, aktyorları eyni şeyləri dəfələrlə təkrarlamağa məcbur etməyən rejissor işləməlidir. Təəssüf ki, Azərbaycanda çoxlu teatr binaları var, amma onlar sadəcə binalardır, əsl teatr isə yoxdur. Bu, mənim fikrimdir" — deyə Rəhimov bildirib.

Qeyd edək ki, Rəhimov 2016-cı ildə Azərbaycan Dövlət Akademik Milli Dram Teatrından kənarlaşdırılıb. Onu dəstəkləyən xalq artisti Fuad Poladov da gənc həmkarına qarşı münasibətdə ədalətsizliyə yol verildiyi üçün həyatı boyu işlədiyi teatrı tərk edib. Hazırda Rəhimov bütün yerli film və seriallarda çəkilir.

751
Ceyla Seyidova, arxiv şəkli

"Sarı gəlin"dən xəbər var

212
(Yenilənib 11:49 19.10.2020)
Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. "Sarı Gəlin" musiqisinin ilk balet versiyasının klipi "ALOV Club"un "Instagram" səhifəsində yayımlanıb.

BAKI, 19 oktyabr — Sputnik. Ermənilərin uzun illər özününkiləşdirmək istədiyi Azərbaycanın xalq mahnısı "Sarı gəlin" yeni balet versiyasında təqdim olunub.

Посмотреть эту публикацию в Instagram

Публикация от ALOV Club (@alovclub)

Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. "Sarı Gəlin" musiqisinin ilk balet versiyasının klipi "ALOV Club"un "Instagram" səhifəsində yayımlanıb: "Müstəqillik günü münasibətilə xalqımızı təbrik edirik! Ölkə üçün çətin bir zamanda ruhdan düşməməyinizi diləyirik".

https://www.instagram.com/p/CGejOZhjSyT/?utm_source=ig_web_copy_link

212
Əlaqədar
Azərbaycanlı aşıq "Sarı gəlin"i niyə ermənilərlə birlikdə oxuduğuna aydınlıq gətirdi
Bakıda “Sarı gəlin” oxuyan italiyalı əfsanəvi müğənni
Eyfel qülləsində "Sarı gəlin" səsləndirildi
Moldovanın Xalq artistinin ifasında “Sarı Gəlin”
Misirlilər azərbaycanlı qızın ifasında "Sarı gəlin"ə valeh oldu
Kinorejissor Elxan Cəfərov

Vətənpərvərlik mövzusunda seriallarımız niyə yoxdu kinorejissorun şərhi

29
(Yenilənib 08:19 19.10.2020)
Kinorejissor Elxan Cəfərov deyir ki, serialların bədii dəyərini saxlaması üçün onun maliyyə imkanları geniş olmaldır
Elxan Cəfərov: “Maddiyatın yüksəlməsi serialın da yüksəlməsinə imkan yaradır”

Azərbaycan televiziyalarında nümayiş etdirilən serialların əksəriyyəti məişət mövzuları əsasında çəkilir. Bəs ölkəmizdə vətənpərvərlik mövzusunda serialların çəkilməsinə nə mane olur?

Bununla bağlı Sputnik Azərbaycan-a danışan kinorejissor Elxan Cəfərov deyir ki, seriallar üçün qeyri-dövlət maliyyə mənbələri tapılmadıqca onlar yüksək səviyyəyə gəlib çatmayacaq:

“Seriallar hazırda inkişaf dövrünü yaşayır. Serialların bədii dəyərini saxlaması üçün onun maliyyə imkanları geniş olmaldır. Bu gün vətənpərlik mövzusunda da işlər görülür. Maddiyatın yüksəlməsi serialın da yüksəlməsinə imkan yaradır. Hazırda serialların özünü  təsdiqetmə dövrüdür. Bu mərhələ başa çatdıqdan sonra bu və ya digər mövzuları tələb etmək olar”.

Elxan Cəfərovun geniş şərhinə audiofaylda qulaq asa bilərsiniz

29
Vaşinqtonda Rusiya səfirliyi, arxiv şəkli

Rusiya səfirliyi ABŞ-ın ittihamlarını rədd edib

0
(Yenilənib 23:09 20.10.2020)
"Aydın məsələdir ki, bu cür xəbərlərin reallıqla heç bir əlaqəsi yoxdur və yalnız Amerika cəmiyyətində rus fobiyasını gücləndirməyə, "ifritə ovu", "casus maniyası" adı altından təqiblərə başlamağa haqq qazandırmağa xidmət edir".

BAKI, 20 oktyabr — Sputnik. Rusiyanın Vaşinqtondakı səfirliyi ABŞ-ın Rusiya vətəndaşlarına qarşı irəli sürdüyü bütün dünyada hakerlik fəaliyyəti və sabitliyi pozmaqla bağlı ittihamlarına qəti şəkildə öz etirazını bildirib.

Xatırladaq ki, bir qədər əvvəl ABŞ Ədliyyə Nazirliyi və Federal Təhqiqatlar Bürosu digər ölkələrin infrastrukturuna zərər vermək məqsədilə bir sıra kiberhücumlarda və zərərli proqramların yayılmasında iştirak etdiyi iddia olunan altı Rusiya vətəndaşına qarşı ittiham irəli sürmüşdü. Onlar, xüsusilə, 2017-ci ildə "NotPetya" virusunun yayılmasında günahlandırılırdı. Bu şəxslərin Rusiya Kəşfiyyat Baş İdarəsinin əməkdaşları olduğu və Cənubi Koreyada keçirilən olimpiada oyunları zamanı kiberhücumlar təşkil etdikləri də iddia olunur. Təxminən eyni vaxtda İngiltərə də bəyan etmişdi ki, Rusiya kəşfiyyatı təxirə salınmadan əvvəl Tokio Olimpiya Oyunlarının təşkilatçılarına qarşı da kiberhücum planlaşdırırmış.

"Aydın məsələdir ki, bu cür xəbərlərin reallıqla heç bir əlaqəsi yoxdur və yalnız Amerika cəmiyyətində rus fobiyasını gücləndirməyə, "ifritə ovu ", "casus maniyası" adı altından təqiblərə başlamağa haqq qazandırmağa xidmət edir. Bütün bunlar artıq bir neçə ildir ki, Vaşinqtonun siyasi həyatının xüsusiyyətinə çevrilib. ABŞ səlahiyyətliləri bir zamanlar praqmatik xarakter daşıyan Rusiya-Amerika münasibətlərini davamlı olaraq məhv edir və əhali arasında süni şəkildə Rusiya və onunla əlaqəli hər şey haqqında pis təsəvvür formalaşdırır", – deyə səfirlik nümayəndəsi bildirib.

Diplomat onu da əlavə edib ki, Rusiyanın heç vaxt bütün dünyada stabilliyi pozmaq kimi niyyəti olmayıb, olmayacaq da.

"Bu, bizim xarici siyasətimizə, milli maraqlarımıza, eyni zamanda, dövlətlərarası münasibətlərin qurulması prinsiplərinə uyğun deyil", – deyə o əlavə edib.

Xarici İşlər Nazirliyindəki mənbədən bildirilib ki, ABŞ və Böyük Britaniyanın müxtəlif hücumlarda, o cümlədən, Tokio Olimpiadasının təşkilatçılarına qarşı kiberhücumlarda Rusiya hakerlərinin iştirakı ilə bağlı ittihamları tamamilə əsassızdır və daxili auditoriyaya yönəlib.

0