Dənizkənarı parkda Şaxta baba və Qar qız, arxiv şəkli

O məşhur şəxs evinizə Şaxta Baba kimi gələcək

540
(Yenilənib 17:02 29.11.2017)
Bizdə aktyorlar, aktrisalar ehtiyacdan dolayı, həm də animatordur

BAKI, 29 noyabr — Sputnik. Qarşıdan yeni il gəlir. Bu yeni ili təkcə uşaqlar həvəslə gözləmir ki, şam ağacı bəzəyib, səmada sayrışan fişəngləri izləyib, dadlı yeməklər yesinlər. Bu yeni ili təkcə böyüklər gözləmir ki, özlərinin yarımçıq qalan işlərini bitirib, arzularını reallaşdırsınlar. Bu yeni ili təkcə şairlər, yazıçılar gözləmir ki, ömürdən keçən illərin hüznünə şeirlər yazıb, yeni il tənhalığına romanlar, hekayələr həsr etsinlər.

Bu yeni ili həm də aktyorlar, aktrisalar gözləyir. Ona görə yox ki, hansısa beynəlxalq mükafatın təqdimetmə mərasimində iştirak edəcəklər. Ona görə yox ki, növbəti ilin Oskar namizədləri arasında adlarını görməyi umurlar. Bizim aktyor və aktrisaların belə arzusu da yoxdur. Çünki bunları arzu etmək də onların ucu-bucağı görünməyən çarəsizliyində bir xoşbəxtlikdir.

Uşaqlığını, yeniyetməliyini dram dərnəklərindən tutmuş, müxtəlif teatrların tamaşaçı auditoriyalarına qədər bütün sənət mühitinə xərcləyən, gəncliyini arzuladığı peşə üzrə təhsil almaq üçün seçdiyi aktyorluq ixtisasını oxumağa sərf edən, cavanlığını rəngarəng həyəcanların ağuşunda müxtəlif teatr tamaşalarına, müxtəlif film və seriallara həsr edən, sonda isə bütün bunların müqabilində ailəsi önündə ac-yalavac görünən sənət fədailərinin yeni ili həvəslə gözləməsinin səbəbi başqadır.

Onlar az da olsa gəlir əldə etmək, illərdir ki, üzünə baxmağa utandıqları ailələrinin önündə az da olsa günahlarını yumaq, onlardan bir şeylər umub-kəslərin — qocaman valideynlərinin, kiçik bacı-qardaşlarının, övladlarının ehtiyaclarını ödəmək ümidləri var.

Hər yeni ildə Şaxta Baba və Qar Qız libaslarında qoşalaşıb eli-obanı məclis-məclis gəzən, aza da, çoxa da şükür edib qane olan, ertəsi gün yenə də tapındığı, sitayiş etdiyi teatr səhnəsinə, film setinə yüyürən bu fədakar adamların yeni ili gözləmək həvəsi öz maddi sıxıntılarından qismən də olsa qurtulmaq ümidlərinə görədir.

Təsəvvür edin, hansısa teatr tamaşasında ifasına valeh olduğunuz, kədərinə üzülüb, sevincinə sevindiyiniz, yumoruna qəhqəhə çəkib, faciəsinə ağladığınız aktyor yeni il gecəsində uşaqlarınızın əylənməsi üçün evinizə dəvət etdiyiniz Şaxta Baba libasının altındadır. Ruhunda Romeolar, Hamletlər, Otellolar, Ferdinandlar, Şpigelberqlər, Per Güntlər, Oqtaylar, Elxanlar, Ariflər, Şeyx Sənanlar, Həsənzadələr yatan o məşhur aktyor içindəki bütün təlatümlərə, təlaşlara, qüssələrə rəğmən bir mistik uşaq qəhrəmanı kimi qarlı dağlar aşaraq, çox ellər dolaşaraq evinizə gəlir.

Yanlarında ağ dona bürünüb, belinə zər bağlayan aktrisalar. Ruhunda Cülyettalar, Ofeliyalar, Dezdemonalar, Luizalar, Amaliyalar, Oselər, Firəngizlər, Solmazlar, Rənalar, Xumarlar, Nargilələr yatan o zərif fədakarlar xəfif təbəssümü ilə uşaqlara gülümsəyir, şam ağacının işıqlarının yanması üçün "alış yolka, yan yolka…" deyə oxuyur… Ağrılı deyilmi?

Bilirəm. Bu da aktyorun, aktrisanın işidir. Amma ömrünü-gününü teatr səhnəsinə, filmə sərf edən, müxtəlif qəhrəmanlar canlandıran aktyorların, aktrisaların işi deyil bu. Animatorların işidir. Bizdə isə aktyorlar, aktrisalar ehtiyacdan dolayı, həm də animatordur.

Bu yeni ilin qapısını sarı it döyür. Vəfa simvoludur. Səbr edin, qurbanlar! Sonuncu nəfəsinizi də qurban verənə qədər səbr edin! Hə, bir də, "Səbr" Allahın neçənci adı idi? Bircə 13 olmasın! Nəhsdir. Bizə düşmür.

540
Teqlər:
tamaşaçı, teatr, aktrisa, aktyor, Qar qız, Şaxta Baba, yeni il
Əlaqədar
Türkiyədə ər axtaran bakılı gözəl, aktrisa oldu
Yenidən Pərvin Abıyeva: "Aktrisa və ya müğənnisənsə, deməli fahişəsən..."
İranlı nazir məşhur türk aktrisasının filmdə çəkilməsinə qarşı çıxdı, çünki...
Seksual iddialar məşhur aktyoru və serialı bitirdi
Teatr səhnəsi, arxiv şəkli

Şuşa Teatrı haqqında film çəkilib

4
(Yenilənib 16:48 22.01.2021)
Teatrdan bəhs edən "Dönüş" filminin ssenari müəllifi Yaqub Əlioğlu, rejissoru isə Murad Quliyevdir. Film Şuşa teatrının yenidən öz doğma torpağına - Şuşaya dönəcəyi haqdadır.

BAKI, 22 yanvar — Sputnik. Şuşa Teatrı haqqında sənədli film çəkilib. Sputnik Azərbaycan xəbər verir ki, teatrdan bəhs edən "Dönüş" filminin ssenari müəllifi Yaqub Əlioğlu, rejissoru isə Murad Quliyevdir. Film Şuşa Teatrının kollektivi və teatrın yenidən öz doğma torpağına - Şuşaya dönəcəkləri haqqındadır.

 

4
Xaç, arxiv şəkli

"Xristian irsimizi tanıyaq" - Müqəddəs Məryəm ana katolik kilsəsi - VİDEO

16
(Yenilənib 11:43 22.01.2021)
Bolşeviklər tərəfindən uçurulan Müqəddəs Məryəm ana kilsəsinin xatirəsinə həsr edilən kilsənin tikintisi 2007-ci ilin fevralında yekunlaşıb.

BAKI, 22 yanvar — Sputnik. Müqəddəs Məryəm ana katolik kilsəsi Bakıda 1912-ci ildə neft maqnatları – Rılskilər ailəsi tərəfindən ("Müqəddəs Bakirə Məryəmin Məsum Hamiləliyi" kostyolu - polyak katolik kilsəsi, memarı İ.K.Ploşko) inşa edilib. Bolşeviklər tərəfindən uçurulan Müqəddəs Məryəm ana kilsəsinin xatirəsinə həsr edilən kilsənin tikintisi 2007-ci ilin fevralında yekunlaşıb. 7 mart 2008-ci ildə Azərbaycan Respublikasının Prezidenti İlham Əliyev, Birinci xanım, Heydər Əliyev Fondunun prezidenti Mehriban xanım Əliyeva və Vatikanın dövlət katibi kardinal Tarçizio Bertone kilsənin rəsmi açılış mərasimində iştirak ediblər.

Sputnik Azərbaycan Mədəniyyət Nazirliyinə istinadən "Xristian irsimizi tanıyaq" layihəsi çərçivəsində Müqəddəs Məryəm ana katolik kilsəsi haqqında qısa videoçarxı təqdim edir.

16
Штаб-квартира Министерства обороны США, фото из архива

Tarixdə ilk dəfə qaradərili general Pentaqonun rəhbəri təyin edilib

0
(Yenilənib 20:58 22.01.2021)
İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

BAKI, 22 yanvar - Sputnik. ABŞ Senatı bu gün istefada olan dörd ulduzlu general Lloyd Ostinin ölkənin müdafiə naziri vəzifəsinə namizədliyini təsdiq edib.

Sputnik Azərbaycan xarici mediaya istinadla xəbər verir ki, Pentaqon rəhbərləri arasında ilk afroamerikalı olan Ostin tezliklə müvafiq and içəcək.

İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

O, 2016-cı ildə ordudan istefa verərək sonradan Nümayəndələr Palatası və Senatın üzvü olub.

0
Teqlər:
Pentaqon, ABŞ