Teatr

Ölkəmizdə taleyin ən böyük təzadına şahid oluruq

318
(Yenilənib 19:02 11.10.2017)
Köçəri teatrın taleyi də adını daşıdığı şəhərin taleyinə bənzəyir

BAKI, 10 oktyabr — Sputnik. İrəvan şəhəri 1918-ci ildə Ermənistana verildi. 1988-ci ilə qədər Ermənistanın müxtəlif şəhərlərində fəaliyyət göstərən, didərgin tale yaşayan İrəvan teatrı, azərbaycanlıların Ermənistandan köçürülməsi prosesi başlayanda Bakıda fəaliyyətini davam etdirməli oldu.

1995-ci ildə Hüseynqulu Sarabski adına mədəniyyət evində məskunlaşdırıldı. İndi həm də Nəriman Nərimanov adına kinoteatrda fəaliyyət göstərən, tamaşaların nümayişi üçün şəraitli binası olmayıb, digər teatrlarda həftədə bir dəfə tamaşa nümayişi haqqı qazanan köçəri teatrın taleyi də adını daşıdığı şəhərin taleyinə bənzəyir.

2000-ci ildə Cəfər Cabbarlı adına İrəvan Dövlət Azərbaycan Dram Teatrı İrəvan şəhərinin Ermənistana verilməsi kimi, bu teatrı 17 ildir ki, öz işğalında saxlayan İftixar Piriyevə verilib. Hansı müqavilə ilə bu direktorluq müddəti təyin olunub? Hansı əsasla İftixar Piriyev bir teatra 17 illik diktatorluq səlahiyyəti qazanıb? Ən əsası isə, hansı ixtiyarla teatrın yaradıcı heyətinə — aktyorlarına, aktrisalarına, rejissorlarına bu qədər əzab verə bilir?

İrəvan teatrındakı təcrübəsi, az qala İftixar Piriyevin yaşı qədər olan sənət adamlarını nə cəsarətlə teatrdan uzaqlaşdıra bilir? Və niyə Mədəniyyət Nazirliyindən, digər yüksək qurumlardan bir nəfər səlahiyyətli şəxs bu direktorun əməllərinə son vermir?

Son dönəm İrəvan Teatrının adı heç vaxt olmadığı qədər məşhurlaşıb. Bakı küçələrində kiçik bir sorğu etsək, bu teatrın heç bir tamaşasını izləməyən, repertuarını tanımayan şəxslər teatrın adını ucuz qalmaqallardan eşitdiklərini deyəcəklər.

Əlbəttə, gəncindən qocasına qədər bütün sənət adamlarını kütləvi şəkildə teatrdan çıxaran, onlara müsahibələrində teatrın direktorunu tərifləmələrini tapşıran, rejissorlara səhnələşdirilməsi üçün yalnız öz pyeslərini təklif edən, ona yarınmayanları, yaltaqlanmayanları müxtəlif böhtanlarla işdən çıxaran şəxsin rəhbərlik etdiyi teatr tamaşaları ilə yox, qalmaqalları ilə tanınar.

Bir müddət əvvəl İrəvan Teatrından çıxarılan aktyor Əjdər Zeynalovun dedikləri: "Əslində, İftixar Piriyevlə aramızdakı soyuqluq çoxdan başlayıb. Onun insanlarla kobud rəftarı, öz yersiz əsərlərinin tamaşaya qoyulması üçün tapşırıqlar verməsi məni və kollektivin başqa nümayəndələrini narahat etdi. İyun ayından mənimlə qərəzli davranmağa başladı. Mən də bu barədə sosial şəbəkələrdə öz tənqidi fikirlərimi yazdım. Görünür, bu fikirlər İftixar Piriyevi əsəbiləşdirib. Bir müddət əvvəl teatrın kollektivini mənə qarşı qaldırdı ki, güya onlar mənimlə işləmək istəmirlər. Onları işdən çıxarmaqla hədələyir, təzyiq göstərir və mənə qarşı çıxmalarını tələb edirdi".

Yenə Zeynalovun dediklərindən: "Sonra başqa bir məsələ atdı ortaya ki, güya mən işə gecikmişəm. Əslində, isə hadisə belə olub: mən saat 09:30-da işə gəldim. Cədvələ imza çəkmək üçün truppa müdirinə yaxınlaşdım. O isə, cədvəlin hələ hazır olmadığını bildirdi. 09:45-də dedilər ki, "cədvəl hazırdır". Gəldim ki, qol çəkim, truppa müdiri bildirdi ki, mən işdən azadam. Səbəbini soruşanda dedi ki, müdiryyətlə aydınlaşdırım. Sonra uşaqlar dedilər ki, mənə töhmət verilib. Güya mən məşqə gecikmişəm, iş ahəngini pozmuşam. Bütün bunlardan sonra İftixar Piriyev işdən çıxarılmağım barədə əmr verib".

Aktyor Əjdər Zeynalovun sözlərinə görə, o, bu əmrdən narazı olduğunu deyəndə direktor İftixar Piriyev belə cavab verib: "Get, hara istəyirsən, şikayət elə".

Aktyora qarşı bu, necə münasibətdir? Oxşar məsələ, mənə rejissor Bəhram Osmanovun "Aktyor nədir axı, onun siyasi baxışı olsun?" fikrini xatırlatdı. Diqqət edin, "aktyor kimdir" də demir, onu lap alçaldır, əşya yerinə qoyur və "aktyor nədir" deyə sual ünvanlayır. Bu sual, əslində, Azərbaycanda bəzi rejissorların, teatr direktorlarının, məmurların, rütbəli və vəzifəli şəxslərin, bəzi hallarda isə sıravi vətəndaşların belə, aktyora münasibətini göz önünə sərgiləyir.

Nəzərinizə çatdırım ki, son dönəmlərdə İrəvan Teatrından bir neçə aktyor, aktrisa uzaqlaşdırılıb. Bəzi hallarda bu sənət adamları özləri teatrdan çıxmaq istəsələr də, məsələnin kökündə yenə də İftixar Piriyevin kollektivə ədalətsiz münasibəti dayanır. Lakin İftixar Piriyev mətbuata açıqlamasında məsələyə belə münasibət bildirir ki, "aktyor Əjdər Zeynalov ona böhtan atır".

İftixar Piriyev çəkinmədən, hətta fəxrlə 17 ildir ki, eyni dövlət müəssisəsinə, xüsusən də sənət ocağına rəhbərlik etdiyini vurğulayır. 17 illik taxtı ilə öyünür. Ardınca isə, taleyin ən böyük təzadını dilə gətirib bildirir ki, o, altı nəfərlik heyətlə Gürcüstanda prezidentin evində qonaq olub.

Gülün, xanımlar və cənablar, gülün. Gülüş ömrü uzadır. Yəqin İftixar Piriyevin təzə komediyasıdır ki, xalq üçün oynayır. Yoxsa buna başqa cür haqq qazandırmaq olmur. Axı, bir teatrın direktoru kollektivin böyük şəhərlərə səfərləri, böyük səhnələrdə çıxışları, beynəlxalq mükafatlar qazanması ilə öyünər. Axı, bir teatrın direktoru hansısa prezidentlə bir süfrə arxasına oturmağı niyə özü üçün fərx bilsin ki? Yoxsa bu teatr direktoruna sənətdən daha çox vəzifə, şan-şöhrət, pul, titul lazımdır?

(Ardı növbəti yazıda)

P. S.

(Müəllifin mövqeyi redaksiyanın mövqeyi ilə üst-üstə düşməyə bilər)

318
Teqlər:
Cəfər Cabbarlı adına İrəvan Dövlət Azərbaycan Dram Teatrı, İrəvan şəhəri, İftixar Piriyev, aktrisa, rejissor, Ermənistan, aktyor
Əlaqədar
Teatr yeni mövsümə sürpriz hazırlayır
ƏSA teatrından daha bir ilk
Aktyor: “Bizim teatrda boş yer olmur”
Opera və Balet Teatrından bəyanat
"Azərbaycan teatrının ləyaqətli tarixi var"
“Miss Azərbaycan-2019” titulunun sahibi Səmra Hüseynova, arxiv şəkli

“Miss Azərbaycan”la tanış olmağın çox asan yolu varmış zərfin içində...

48
Səmra Hüseynova onun şəxsi həyatı ilə maraqlanan, hətta canlı tanış olmaq istəyən izləyicilərinə cavab verib

BAKI, 3 avqust — Sputnik. “Miss Azərbaycan-2019” titulunun sahibi Səmra Hüseynova sosial şəbəkə istifadəçilərini onların suallarına verdiyi cavablarla şok edib.

Sputnik Azərbaycan-ın məlumatına görə, Səmra onunla necə tanış olmağın asan yolunu da deyib.

Model Instagram-dakı izləyicilərinin suallarına cavab vermək qərarına gəlib. Sualların çoxu isə onun şəxsi həyatına aid olub. Bir çoxları onunla tanış olmaq arzularını dilə gətiriblər, Səmra isə deyib ki, bunun üçün içində pul olan zərf və yaxud da brilyant hədiyyə eləmək yetər.

Qiz deyib ki, dörd aydır ki, karantin ucbatından pul qazana bilmir.

Səmra Hüseynova on ilə yaxındır ki, model biznesindədir, bir çox beynəlxalq və yerli dəb layihələrində, məşhur dizaynerlərin defilelərində iştirak edib. Uzun müddət xaricdə işləyib.

2019-cu ildə “Miss Azərbaycan” titulunu qazanıb. Hüseynova azərbaycanlı həmkarlarından açıq-saçıq layihələrdə iştiraka hazır olmasıyla seçilir.

48
Əlaqədar
“Miss Azərbaycan” model biznesindən əl çəkib məşhurluq üçün Türkiyəni seçdi
Azərbaycanın ən gözəl qızı karantinin pozduğu planını İstanbulda reallaşdırdı
Azərbaycanlı model ABŞ-ın ən “ulduzlu” evinə köçməyə hazırlaşır
Kamilla Zərbəliyeva: "Qabağımda soyunmaq istəyənlər çoxdur"
Rusiyalı müğənni: Bakını göz yaşları içində tərk elədim və bir daha oraya qayıtmadım
Emiliya Həmidova, arxiv şəkli

Hələ ki açıq-saçıq səhnələr təklif etməyiblər: azərbaycanlı qız Moskvanı necə fəth edəcək?

20
(Yenilənib 00:20 03.08.2020)
Emiliya Həmidovanın Azərbaycana qayıtmaq fikri yoxdur, çünki Rusiya kinematoqrafında məşhurlaşmaq istəyir və Moskvadakı qazancından razıdır

BAKI, 3 avqust — Sputnik, Kəmalə Əliyeva. Azərbaycanın ən tanınan top-modellərindən olan Emiliya Həmidova Moskvaya köçüb. Rusiya paytaxtında, özü demişkən, “hər şeyi sıfırdan başlamağı” planlaşdırır. O, qarşısına Rusiya kinematoqrafının ulduzu olmaq məqsədini qoyub və artıq filmə çəkilmək barədə təklif alıb. Planları haqda Emiliya Həmidova Sputnik Azərbaycan-a danışıb.

Model Bakıda doğulub-böyüyüb. Kiçik yaşlarından özü pul qazanmağı arzulayıb və buna nail oub. 14 yaşından model biznesində çalışmağa başlayıb və bir çox layihələrdə iştirak edib.

“Heç vaxt kimdənsə, hətta doğmalarımdan da asılı olmağı sevməmişəm, ona görə də erkən yaşımdan özüm pul qazanmağa başlamışam. Bu, çox çətin idi. Amma mən arzumu reallaşdıra bildim. İndi 21 yaşım var və yalnız öz hesabıma yaşayıram. Heş kimdən asılı olmamaq çox gözəl duyğudur”, - o deyib.
Посмотреть эту публикацию в Instagram

Кадры со вчерашней съемки 🎬 Какое фото лучше? 🤔 1/2/3/4/5 ? Не смогла выбрать одну 😬

Публикация от E M I L I A (@emi_li888)

Model Moskva Dövlət Mədəniyyət İnstitutunun aktyorluq fakültəsinin dördüncü kursunda təhsil alır. Təhsili ilə bağlı tez-tez Moskvaya getməli olan Emiliya deyir ki, qabaq bu şəhəri sevmirdi. Sonra isə fikri dəyişib.

“Avropada yarım il qaldıqdan sonra Moskvaya qayıtmağa qərar verdim. Bu dəfə şəhəri tamam başqa tərəfdən gördüm və ona vuruldum. Rusiyaya köçməyi və ixtisasım üzrə işləməyi qərara aldım. Hazırda məni daha çox aktyorluq cəlb edir, nəinki modellik. Model kimi layihələrdə daha az iştirak etməyə başladım. İndi model biznesi mənim üçün bir növ hobbidir”, - Emiliya söyləyib.

Посмотреть эту публикацию в Instagram

Публикация от E M I L I A (@emi_li888)

Həmidova əmindir ki, Rusiyada məşhurlaşmaq üçün bütün şansları var. O hesab edir ki, Moskvaya görə qeyri-adi – yarımşərqli görünüşə malikdir və bu da rusiyalı kinematoqrafçılarda böyük maraq doğurur. Onu artıq bir sıra kinolayihələrə dəvət ediblər, çəkilişlər yaxın zamanda başlayacaq.

“Məqsədimə çatmaq üçün öz üzərimdə çox işləyirəm. Hələ ki öz rollarım barədə danışa bilmərəm – icazə vermirlər. Ancaq onu deyə bilərəm ki, Bakıdan fərqli olaraq, Moskvada mənə hələ ki açıq-saçıq rol təklif etməyiblər. Vətənimdə məni həmişə yataq səhnələrində və ya sevgili rolunda çəkmək istəyirdilər. Amma eyni zamanda, təəssüf ki, Moskvada fırıldaqların da sayı çoxdur. Bir dəfə mənə guya BLACK STAR leylblı üçün klipə çəkilmək təklifi gəldi. Kastinqi Skype vasitəsilə aparırdılar. Məndən sinəmi və digər yerlərimi göstərməyimi istəyəndə şoka düşdüm. Təbii ki, imtina elədim”, - model deyib.
Посмотреть эту публикацию в Instagram

Публикация от E M I L I A (@emi_li888)

Azərbaycana qayıtmağı Həmidova fikirləşmir, çünki Moskvada heç də pis qazanmır, eyni zamanda aktyorluq qabiliyyətini də təkmilləşdirir.
20
Əlaqədar
“Miss Azərbaycan” model biznesindən əl çəkib məşhurluq üçün Türkiyəni seçdi
Azərbaycanın ən gözəl qızı karantinin pozduğu planını İstanbulda reallaşdırdı
Qalmaqallı azərbaycanlı model türk trillerinin qəhrəmanı olacaq
Azərbaycanın ən gözəl qızı və oğlanı – onlayn seçdilər
Azərbaycanlı model Los Ancelesdəki dəbdəbəli villasını göstərdi

Salyanda zəncirvari qəza: yaralılardan biri baş həkimdir

0
Yaralılardan kəllə-beyin travması alan “Toyota Prado” markalı avtomobilin sürücüsü  Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb

BAKI, 4 avqust — Sputnik. Salyanda baş verən zəncirvari qəzada 3 nəfər xəsarət alıb.

Sputnik Azərbaycan APA-ya istinadən bildirir ki, hadisə bu gün günorta saatlarında Salyan rayonunun Kərimbəyli kəndində qeydə alınıb. “Daewoo”, “Toyota Prado” və  “VAZ 2107” markalı avtomobillərinin toqquşması nəticəsində 3 nəfər - Bakı sakini, 1960-cı il təvəllüdlü Əliyev Vidadi Qamət oğlu, 1990-cı il təvəllüdlü Həsənova Lalə İslam qızı və 1982-ci il təvəllüdlü Talıbov Zöhür Nadir oğlu müxtəlif dərəcəli bədən xəsarətləri ilə Şirvan Şəhər Xəstəxanasına yerləşdiriliblər.

Yaralılardan kəllə-beyin travması alan “Toyota Prado” markalı avtomobilin sürücüsü  Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb.

Qeyd edək ki, Vidadi Əliyev Respublika Cüzam xəstəxanasının baş həkimidir.

Faktla bağlı araşdırma aparılır.

0