İnsan siluetləri, arxiv şəkli

Azərbaycanda narkotiki əxlaqsızlığı təbliğ edən "sənətçilər"

1237
(Yenilənib 10:02 11.10.2017)
Bütün sözləri "nəşə"dən, "iynə"dən, "pulla maşına mindirilən qızlar"dan, boş meydanlardakı "avtoş" yarışlarından ibarət bu "musiqili meyxana"lar özündə hansı mesajı ehtiva edir?

BAKI, 3 oktyabr — Sputnik. Bir müddət əvvəl yerli seriallardakı gizli mafiyalardan yazmışdım. Bu mafiyaların, əli silahlı dəstələrin, terroçuların bizim mühitimizə aid olmadığını, başqa ölkələrin seriallarından təsirlənərək bu absurd məhsulların meydana gəldiyini qeyd etmişdim. Bu problemin nə dərəcədə öz həllini tapacağı isə müvafiq qurumların öhdəsindədir.

Lakin başqa cinayətlərin təbliğ olunduğu daha bir qeyri-peşəkar sənət növü də cəmiyyətimizdə kifayət qədər məşhurdur. Adına musiqili meyxana dedikləri, əslində, nə musiqidən, nə də meyxanadan pay alan bir yığın məhsullar var ki, öz dinləyici auditoriyasına zərər verir, fayda yox. Bəs onda bu, necə sənətdir?

Axı sənət şüurun və mənəviyyatın qidalanması, ağlın və hisslərin müsbət inkişafı üçün sunulan təbliğ vasitəsidir. İndi misralarından nümunə gətirmək istəmədiyim bu yararsız və zərərli məhsullardan hansı kütlənin şüuru və mənəviyyatı qidalanacaq? Hansı cəmiyyətin ağlı və hisləri müsbət yöndə inkişaf edəcək?

Bütün sözləri "nəşə"dən, "iynə"dən, "pulla maşına mindirilən qızlar"dan, boş meydanlardakı "avtoş" yarışlarından, yol polislərinə verilən rüşvət hadisələrindən ibarət bu "musiqili meyxana"lar özündə hansı mesajı ehtiva edir? Ölkədə narkotik vasitələrin saqqız əvəzi satılmasını, yoxsa özünü pul, maşın, ev müqabilində satan qadınların çoxluğunu? Bu qeyri-qanuni maşın yarışlarının əyləncəsini, yoxsa insanların yol polisləri üçün cibində rüşvət saxlamaları barədə məlumatlandırılmasını?

Qəribədir. Ölkədə jurnalistlər, yazıçılar, ziyalı media nümayəndələri, sənət adamları ümumi ictimai problemlər haqqında danışanda, hansısa faktı ortaya çıxaranda, hansısa qanunsuz əməllə bağlı tədbir görülməsi üçün müvafiq orqanlara müraciət edəndə, həmin adamın özünə qarşı tədbir görülür. Bunun hansı məntiqə sığdığını anlamış deyiləm. Sən yazırsan ki, filankəs cəmiyyətə ziyan verir, sənin özünü hədələyirlər.

İndi bu "musiqili meyxana"larda narkotik vasitələrin, fahişələrin, qeyri-qanuni maşın yarışlarının, rüşvətxorluğun reklam olunduğunu, təbliğ edildiyini yazdığım üçün mənim özümü təqib və təzyiq altında saxlamasalar, yaxşıdır. Məgər mənim (və ya başqa qələm adamının) cəmiyyətlə şəxsi qərəzi var? Qələm adamı ölkənin və cəmiyyətin ümumi mədəni, ictimai, siyasi problemlərini işıqlandırmaqla, bu problemlərin aradan qaldırılması üçün müvafiq qurumları xəbərdar etməklə vəzifələndirilib. Niyə icazə vermirsiniz ki, bu məzlum qələm adamları öz vəzifəsini yerinə yetirsinlər?

Sözümün canı odur ki, mafiyanın, terrorun təbliğ olunduğu seriallarla, narkotikin, fahişəliyin, qeyri-qanuni əyləncələrin, rüşvətxorluğun tərənnüm edildiyi musiqili meyxanalarla cəmiyyətdə olduqca ağır bəlalara meydan açılacağı təhlükəsi var. Nə qədər ki, gec deyil, bütün bunlara həm dövlət tərəfindən, həm də cəmiyyət tərəfindən, el dilində desək, bir əncam çəkilməlidir.

Hələ son dönəm nəşr olunan dərsliklərin yetişdirdiyi nəslin gələcəyini düşünəndə insanı vahimə bürüyür! Məhəllə nitqinin, yaddilli kriminal sözlərin, insanlararası qeyri-qanuni ayrıseçkiliklər yaradan ifadə vasitələrinin, uşaq və yeniyetmə psixologiyasına uyğun olmayan mətnlərin (bilərəkdən ya da bilməyərəkdən) şüuraltına yeridilməsi prosesi gedir.

Bu prosesin ağır nəticələrini isə elə bu günün özündə dünyanın müxtəlif ölkələrində görə bilərik. Müvafiq qurumlar öz qol gücünü qələm adamlarına tətbiq etməkdənsə, bu işlərlə məşğul olsalar, həm öz gələcəkləri üçün, həm də cəmiyyətin gələcəyi üçün müsbət addım atmış olarlar.

1237
Teqlər:
fahişə, mafiya, meyxana, sənət, serial, musiqi, cinayət, narkotik, cəmiyyət
Əlaqədar
Məşhur meyxanaçı faciəli şəkildə həyatını itirdi
Məşhur meyxanaçılar qəzaya düşüb: Pərvizin ayağı, Rəşadın qolu sınıb
Məşhur meyxanaçı qardaşlardan Sputnik-ə unikal təbrik
"Artıq o meyxanaçıları məclislərə buraxmırlar"
Meyxanaçı Vahid Qədimi polis axtarır
Fiqurlu konkisürmə üzrə Olimpiya çempionu Yevgeni Plyuşşenko və musiqi prodüseri Yana Rudkovskaya

Olimpiya çempionunu azərbaycanlının mahnısı cuşa gətirdi VİDEO

5
(Yenilənib 00:51 05.06.2020)
Babək Məmmədrzayevin mahnısı rusiyalı cütlüyün o qədər xoşuna gəlib ki, onlar videoçarx çəkmək qərarına gəliblər

BAKI, 5 iyun — Sputnik, Kəmalə Əliyeva. Məşhur cütlük – musiqi prodüseri Yana Rudkovskaya və fiqurlu konkisürmə üzrə Olimpiya çempionu Yevgeni Plyuşşenko Azərbaycan əsilli rusiyalı müğənni Babək Məmmədrzayevin "Потанцуй со мной" (Mənimlə rəqs elə) mahnısının sədaları altında rəqs ediblər.

Rudkovskaya rəqs etdikləri zaman çəkdirdikləri videonu Instagram-dakı səhifəsində paylaşıb.

“Mən ağac kimi olsam da, bu cür oğlana necə yox deyə bilərəm? Yana, mənimlə rəqs elə. Problem deyil, Jenya. Mən burada ikinci planda sənin gözəlliyini vurğulayaram”, - Rudkovskaya videoya şərh yazıb.

Посмотреть эту публикацию в Instagram

Публикация от Yana Rudkovskaya (@rudkovskayaofficial)

Yana Rudkovskaya ilə Yevgeni Plyuşşenko 2009-cu ildə evləniblər. Onların Aleksandr (Qnom Qnomıç) adlı oğulları var.

Babək Məmmədrzayev Qazaxıstanın Şımkent şəhərində doğulub. Qazaxıstan Milli İncəsənət Akademiyasını bitirib. Akademiyanı bitirəndən sonra Qazaxıstanda məşhur "The Magic Of Nomads" musiqi kollektivinə qoşulub. Orada vokalçı kimi çıxış edirək MDB ölkələrinə qastrol səfərlərinə çıxmağa başlayıb.

2016-cı ildə Babək Məmmədrzayev Qazaxıstanın aparıcı səsyazma şirkəti olan "Elvin Grey Music"lə müqavilə imzalayaraq sözügedən studiyanın komandası ilə birlikdə bir ildə 150-dən çox şəhərə qastrol səfərinə gedib. Hazırda Rusiyada ən çox tələb olunan ifaçılardan biridir.

5
Əlaqədar
Norilskdə doğulan azərbaycanlı qıza məşhurlaşmaqda "Instagram" kömək edib
Sevgilisindən ayrılan azərbaycanlı müğənniyə qızlar təklif yağdırırlar
Azərbaycanın "Avroviziya"lı ulduzları Yana Çurikovanın qonağı olacaq
Yevgeni Plyuşenko: Azərbaycanlı fiqurist hər kəslə mübarizə aparmağa qadirdir
Maykl Ceksonun bacısından azərbaycanlı ulduza dəstək
Kalaşnikov filmindən kadr. Olqa Lerman Mixail Kalaşnikovun ikinci həyat yoldaşı Yekaterina Moiseyeva rolunda.

Məşhur azərbaycanlı qadın Rusiya filminin qəhrəmanı olub

27
(Yenilənib 00:26 05.06.2020)
Azərbaycanın Əməkdar artisti Fuad Osmanovun qızı Rusiya filmində Mixail Kalaşnikovun ikinci həyat yoldaşı rolunu oynayıb.

BAKI, 4 iyun - Sputnik, Kəmalə Əliyeva. Yevgeni Vaxtanqov adına Dövlət Akademik Teatrının aparıcı aktrisalarından olan Olqa Lerman Rusiyanın "Kalaşnikov" filminin qəhrəmanı olub. Sputnik Azərbaycan Rusiya KİV-lərinə istinadla xəbər verir ki, filmin rejissoru Konstantin Buslovdur. Lerman filmdə Mixail Kalaşnikovun ikinci həyat yoldaşı Yekaterina Moiseyevanı canlandırır.

"Mixail Kalaşnikovun həyatı haqqında kitab və internetdən çox şey oxumuşam, müxtəlif video və məqalələri nəzərdən keçirmişəm. Öz qəhrəmanım haqqında bütün məlumatları tapmağa cəhd etmişəm. Bu, kifayət qədər effektiv yanaşmadır, çünki insana kənardan baxış, məsələn, şəxsi memuarları, onun daha obyektiv portretini təsəvvür etməyə imkan verir. Həm də hazırlıq zamanı onun peşəsindən xəbərdar olmaq üçün bəzi hiylələri öyrəndim. Düşünürəm ki, bunlar onun xarakterində öz izini qoyub", - deyə Lerman qeyd edib.

Film 28 ilə əfsanəvi AK-47 silahını yaradan Mixail Kalaşnikovun həyatından bəhs edir.

Olqa Lerman Azərbaycan Dövlət Akademik Rus Dram Teatrında çalışan şöbə müdiri Viktoriya Lerman və Azərbaycanın Əməkdar artisti Fuad Osmanovun ailəsində dünyaya göz açıb. Aktyor peşəsində ilk addımlarını Azərbaycan Dövlət Rus Dram Teatrının və Heydər Əliyev Sarayının səhnəsində atıb. On altı yaşında Bakı Xoreoqrafiya məktəbindən Krasnodar Xoreoqrafiya məktəbinə köçürülüb. O vaxtdan Lerman Rusiyada yaşayır.

Boris Şukin adına Teatr Məktəbini bitirib. Moskva Akademik Satira Teatrında çalışıb, indi isə Yevgeni Vaxtanqov adına Dövlət Akademik Teatrının aktrisasıdır.

27
Əlaqədar
Azərbaycanlı aktrisa acı keçmişindən danışdı - Uşaq vaxtı çörək satırmış
Məşhur aparıcımız dəlləklik öyrəndi – Öz başında
Rusiyanın ulduz aktyoru azərbaycanlı həkimin hekayəsini anladıb
Azərbaycan filminə ABŞ-dan sponsorluq təklifi gəldi
Azərbaycanın məşhur aktrisasının şərəfinə marka hazırlandı
Zaqatalaya mənzərə, arxiv şəkli

Cənubi Qafqazda ilk olaraq Azərbaycanda...

0
Səmədova onu da bildirib ki, layihə Almaniyanın İqtisadi Əməkdaşlıq və İnkişaf Nazirliyi tərəfindən maliyyələşdirilir və icra müddəti 4 ildir.

BAKI, 6 iyun — Sputnik. Azərbaycanda "Zaqatala–Balakən biosfer rezervatının yaradılması" layihəsinə start verilir. Bu barədə Sputnik Azərbaycan-a Ekologiya və Təbii Sərvətlər Nazirliyinin Bioloji Müxtəlifliyin Qorunması Xidmətinin rəis müavini Arzu Səmədova bildirib.

O, qeyd edib ki, layihə çərçivəsində Zaqatala Dövlət Təbiət Qoruğunun bazasında yaradılacaq Zaqatala-Balakən biosfer rezervatı həmin bölgədə ekoturizmin inkişafına və yerli əhalinin məşğulluğunun artırılmasına şərait yaradacaq, insanların flora və faunaya zərər vermədən təbiət gözəlliklərini görməsi üçün hərəkət çığırları, seyr nöqtələri müəyyənləşdiriləcək. Qoruqdan fərqli olaraq biosfer rezervatın ərazisinə ekoturistlərin girişi açıq olacaq.

ETSN rəsmisi biosfer qoruğunun yaxın qonşularımız Türkiyə, Rusiya, Belarusiyada da mövcud olduğunu, lakin Cənubi Qafqaz regionunda ilk dəfə Azərbaycanda yaradılacağını vurğulayıb.

O qeyd edib ki, bununla da bölgədə ekoloji və kənd turizminin stimullaşdırılmasına, əhalinin sosial-iqtisadi rifahının yüksəldilməsinə şərait yaranacaq. Biosfer rezervatda müasir tələblərə cavab verən infrastruktur qurulacaq, alternativ və bərpa olunan enerji mənbələri ilə təmin olunacaq. Eyni zamanda, burada ekoloji təmiz məhsulların istehsalı üçün təsərrüfat yaradılacaq.

"Biosfer rezervatın özəlliklərindən biri də odur ki, burada istehsal olunan orqanik məhsullar qoruğun loqosu ilə qablaşdırılacaq və bir sıra ölkələrə ixrac olunan zaman gömrük rüsumundan azad olunacaq. Həmçinin, layihə çərçivəsində ətraf ərazilərdə təsərrüfat fəaliyyəti ilə məşğul olan şəxslərə kiçik həcmli qrantların verilməsi də planlaşdırılır".

A.Səmədova onu da bildirib ki, layihə Almaniyanın İqtisadi Əməkdaşlıq və İnkişaf Nazirliyi tərəfindən maliyyələşdirilir və icra müddəti 4 ildir.

0