Televizor pultu

Populyar serial ekranlara qayıdır

196
(Yenilənib 21:40 24.07.2017)
15 il əvvəl başlamış serial dördüncü dəfə efirə qayıdır

BAKI, 24 iyul — Sputnik. Türk seriallarının fenomeni sayılan "Çocuklar Duymasın" filmi illər sonra yeni seriyaları ilə ekranlara qayıdır. Serial bu axşam Kanal D-də yayımlanmağa başlayacaq.

Sputnik Azərbaycan-ın məlumatına görə, "Çocuklar Duymasın"ın əfsanəvi aktyorları serialın ekranlara qayıtması ilə bağlı sevinclərini CNNTurk-lə bölüşüblər.

Tamer Karadağlı: "Bütün "Çocuklar Duymasın" sevənlərə xeyirli-uğurlu olsun! Çox gözəl və komik bölümlər onları gözləyir. "Çocuklar Duymasın" Türkiyənin çox gözəl bir rəngi idi. Bu axşam izləyicimiz o rəngə yenidən qovuşur". 

Pınar Altuğ: "Uzun fasilədən sonra tamaşaçı ilə görüşmək bizi də çox həyəcanlandırır. Amma digər tərəfdən sanki son seriyanı keçən həftə çəkmişik kimi gəlir adama. Aramızdakı bu gözəl təəssüratın tamaşaçılara da sirayət edəcəyini düşünürük".

Zeyno Günenç: "Çox xoşbəxt və həyəcanlıyam. 15 il əvvəl başlamış super bir yolçuluq indi Kanal D-də davam edir. Dördüncü dəfədir yenidən başlayırıq. Bu, türk serialları tarixində ilk hadisədir. Həyəcanla yenidən görüşümüzü gözləyirik".

Volkan Severcan: "Kanal D ekranında yenidən başlamağımıza görə çox şadam. Həyəcanla bu axşam tamaşaçılarla görüşü gözləyirəm. Bütün komandamızla birlikdə ilk gündə olduğu kimi çalışırıq. "Çocuklar Duymasın"ın bütün sevərlərinə xeyirli-uğurlu olmasını arzulayıram".

Melek Şahin: "Küçədə rastladığım hər kəs dərhal "Yenidən başlayacaqmı? Başlasa nə yaxşı olar, yenə baxardıq" deyirlər. Bu, elə bir serialdır ki, təkrar-təkrar veriləndə də həvəslə baxılır. Yenidən yayıma başladığı üçün çox xoşbəxtik. Kanal D-də yayımlanması isə bir başqa xoşbəxtlikdir". 

Suzan Kardeş: "Mən də başlayacağını eşidəndə çox sevindim. Bütün aktyorların və texniki heyətin bu işə bu qədər inanması, sanki ilk dəfə başlayırıqmış kimi çalışması mənə çox qeyri-adi gəlmişdi. Bunu komandaya daxil olanda hiss etdim. Bu komandaya qatılmaq mənə həyəcan verir. Bu, heç gözləmədiyim, amma çox arzuladığım bir şey idi. Elə hey "bircə seriyasında oynasaydım, daha bir hekayəm olardı" deyə xəyal edirdim. Bu, mənə verilmiş çox gözəl bir hədiyyədir".

Alpaslan Özmol: ""Çocuklar Duymasın" uzun illərdir içində olduğum layihədir. Artıq bir ailə kimi olduq. Kanal D-də yenidən yayıma başlayacağına şadam".

Ferdi Akarnur: "Yayımlandığı ilk gündən indiyədək reytinq rekordlarını qıran və cox sevilən "Çocuklar Duymasın"ın yenidən Kanal D-də başlamasına çox şadam".

Şükrü Koruyucu: "İllərdir dəsti-xəttini pozmayan, maarifləndirici, ibrətamiz, məlumatlandırıcı, xəbədaredici və tam bir ailə serialıdır".

Alp Eren Khamis: "Bu axşam çox zövqlü, hər cür sıxıntıdan uzaq, kefli bir axşam olacaq".

Öykü Güven: "Bundan 7 il əvvəl fərqinə belə varmadan çox gözəl bir yola başlamışam. İndi 14 yaşım var və bu yola daha can-başla davam edirəm. Çox xoşbəxtəm. Biz də yeni bölümü həyəcanla gözləyirik. Doğru zamanda və doğru kanalda olduğumuza inanıram".

Vatan Şaşmaz: "Yenə əfsanə serialımızla tamaşaçıların qarşısındayıq. İllər keçsə də, yenə eyni dad, eyni həvəslə güldürəcək və düşündürəcəyik. Canlandırdığım Engin obrazı ilə komik mübarizəm davam edəcək".

Mehmet Auf: "Bizi bizdən yaxşı bilən, davamlı olaraq xatırlayan və xatırladan möhtəşəm tamaşaçılar hər dəfə görəndə "davam edəcəkmi?" deyə soruşurdular. İndi onlara böyük məmnuniyyətlə "bəli" deyə bilməyin dadını çıxarırıq". 

Süleyman Yağcı: "Bizi başına tac edən xalqımıza minnətdarıq. Kanal D-yə, rejissor-senarist Birol Güvenə, onun komandasına, aktyor dostlarıma təşəkkür edirəm".

Deniz Gök: ""Çocuklar Duymasın" bu axşam həqiqətən inanılmaz əyləncəli və komik bir seriyası ilə Kanal D-də olacaq".

196
Corc Kluni, arxiv şəkli

Corc Kluni şeytandır?

17
(Yenilənib 10:51 25.11.2020)
"Qəzetlər yazırdı: Şeytan! Corc Kulini şeytandır!"- deyən aktyor bildirib ki, o, bundan sonra Bred Pittdən qisasını alıb.

BAKI, 25 noyabr — Sputnik. Amerikalı aktyor Corc Kluni GQ jurnalına müsahibəsi zamanı "Ouşenin 12 dostu" filminin çəkilişləri zamanı baş verən kuryoz hadisədən danışıb.

Sputnik Azərbaycan xarici mətbuata istinadla xəbər verir ki, filmin bəzi hissələri aktyorun bir neçə il yaşadığı İtaliyada, Komoda çəkilib. Onun sözlərinə görə, filmdə rol alan Bred Pitt şəhərə Kluni ilə "xüsusi" davranmağa çağıran vərəqələr yerləşdirərək, yerli sakinlərə mesaj verib.

"Xahiş edirəm, Corc Kluni ilə filmdəki Denni Ouşen kimi davranın və onun gözlərinə baxmayın", - divara yapışdırılmış məktublarda yazılıb.

Bu zaman həmin mesaja yerli KİV xüsusi reaksiya göstərib.

"Qəzetlər yazırdı: Şeytan! Corc Kluni şeytandır!"- deyən aktyor bildirib ki, o, bundan sonra Bred Pittdən qisasını alıb.

Xatırladaq ki, rejissor Stiven Soderberqin çəkdiyi "Ouşenin 12 dostu" filmi 2004-cü illərdə ekranlaşdırılıb.

Filmdə Corc Kluni və Bred Pittlə yanaşı, Mett Deymon, Ketrin Zeta-Cons, Culya Roberts, Vensan Kassel rol alıblar.

17
Teqlər:
çəkiliş, film, Bred Pitt, amerikalı aktyor Corc Kluni
Aşpaz, arxiv şəkli

Məşhur "Master Chef" yarışında Azərbaycan mətbəxi günü elan edilib

36
(Yenilənib 22:02 24.11.2020)
Yarışın ötən gün yayımlanan bölümündə iştirakçılara "Dovğa", "Şah plov", "Gürzə", "Sazan ləvəngi", "Şəkərbura" bişirmələri tapşırılıb.

BAKI, 24 noyabr — Sputnik. Türkiyənin məşhur "Master Chef" yarışında Azərbaycan mətbəxi günü elan edilib.

Sputnik Azərbaycan xəbər verir ki, yarışın ötən gün yayımlanan bölümündə iştirakçılara "Dovğa", "Şah plov", "Gürzə", "Sazan ləvəngi", "Şəkərbura" bişirmələri tapşırılıb.

"Bu həftə mətbəxinə müraciət etdiyimiz ölkə qəlbimizə yaxındır. Qardaş ölkə Azərbaycan mətbəxinə müraciət edəcəyik", - deyə münsiflərdən Somer Sivrioğlu söyləyib.

Посмотреть эту публикацию в Instagram

Публикация от MasterChef Türkiye (@masterchefturkiye)

Digər münsif Mehmet Yalçınkaya isə: "Qardaşlarımızın qələbəsini təbrik edirik. Haqlı bir qələbə qazandılar. Ən sonunda haqları olanı geri aldılar. Oradakı şəhidlərimizi sevgi və sayqıyla anırıq. Mübarizələri davam edir, uğurlar diləyirik", - sözlərini deyib.

36
Teqlər:
Azərbaycan mətbəxi, "Master Chef", tv, Azərbaycan, Türkiyə

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

0
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

0