Oğlan evi filmindən kadr

"Xalqın zövqünü illərlə keyfiyyətsiz istiqamətdə formalaşdırıblar"

3732
ABŞ-a köçən azərbaycanlı rejissor: "Belə məhdud tələblərlə işləməkdənsə, bu sənəti dərindən öyrənməyə üstünlük verirəm"

Təranə Xudabaxşiyeva, Sputnik Azərbaycan

BAKI, 24 iyul — Sputnik. Bir neçə ay öncə "Don Marleone" filmi ilə Azərbaycan mətbuatının gündəminə gələn, ardıcıl olaraq komediya filmləri çəkən rejissorlardan fərqli olaraq aksiyon janrda film ərsəyə gətirən rejissor Elmar Bayramov Amerika Birləşmiş Ştatlarına köçüb. İstedadlı rejissor ABŞ-a köçmə səbəbi və gələcək planları haqqında Sputnik Azərbaycan-a danışıb.

Elmar Bayramov
Elmar Bayramov

- "Don Marleone" filmi ilə ilk uğura imza atdınız. Film maraqla qarşılandı. Siz isə karyeranızın yüksələn vaxtında hər şeyi atıb ABŞ-a getdiniz. Uğur qazandığınız bir zamanda bu addımı atmağa sizi nə vadar elədi?

— "Don Marleone" filmindən sonra Bakıda mənə çox sayda film sifarişləri gəldi, amma hər şeyə "stop" deyib ailəm ilə ABŞ-a gəldik. Yoldaşım həm rəssamdır, həm də rəng korrektorudur. Eyni komandada çalışırıq. Komandanın digər üzvləri sentyabra kimi bura gələcəklər. O ki qaldı getmə səbəbimizə, indiki zamanda Azərbaycanda film sahəsində yalnız komediya janrında sifarişlər işləmək pul qazandırır. Bu, faktdır. Bizim kütlənin də hansı komediyanı sevdiyi məlumdur. Çünki auditoriyanın zövqünü illərlə belə formalaşdırıblar. Təəssüflə deyə bilərəm ki, bu, çox pis haldır. Millətimiz keyfiyyətsiz sənətin qurbanı olub və bu komediya filmlərinin əksəriyyəti bayağı və mənasızdır. Mən belə məhdud tələblərlə işləməkdənsə, bu sənəti dərindən öyrənməyə üstünlük verirəm. Bir sözlə, məqsədim böyük auditoriyalardır.

- Üç aydır ABŞ-dasınız. Orada rejissor kimi fəaliyyət göstərirsiniz?

— Bəli. "Black Garden Company" adı altında fəaliyyət göstəririk. Adımızın mənası "Qara Bağ" deməkdir. Bizdən tez-tez bu adın mənasını soruşurlar. Biz də Qarabağ haqqında məlumat veririk. Bir sözlə, adımızı elə seçmişik ki, burada həm də tariximizi tanıda bilək. Bu, ən rahat və təhlükəsiz üsuldur.

- Hədəfiniz nədir?

— Əsas hədəfimiz beynəlxalq film festivalları üçün filmlər çəkib, Azərbaycanı təmsil etməkdir. Hazirda biz aksiyon janrı üzrə ixtisaslaşmışıq, bir də bu janr daha keyfiyyətli və inandırıcı alınır. Lakin fərqli janrlar da ola bilər. Qeyd edim ki, bura Amerikadır və təbii ki, məhdudiyyət yoxdur.

- Amerikada film sahəsi çox inkişaf edib, belə bir ölkədə seçilə bilməyiniz üçün yeniliklər ortaya qoymalısınız. Bunu bacaracaqsınız?

— Bunu edə biləcəyimə 100% əminəm. Sadəcə vaxt lazımdır ki, burada özümü festivallarda göstərə bilim. Beynəlxalq səviyyədə, dünya səviyyəli film çəkmək üçün təbii ki, çox vaxt lazımdır. Bu, prosesin gedişatında müəyyən olur. Bu proses 3 il də çəkə bilər, 5 ilə kimi də uzana bilər.

- Amerikada film sahəsi üzrə təhsil almaq fikriniz var?

— Əlbəttə, bunun üçün bura gəlmişəm. Alacağım təhsil master səviyyəsi olduğu üçün filmlər çəkməliyəm. Mən rejissoram və təbii ki, rejissorluq sahəsinin dərinliklərini öyrənmək üçün burdayam.

- Təhsilinizi bitirdikdən sonra Azərbaycana geri dönüb qazandığınız təcrübəni burada tətbiq edəcəksiniz?

— Bunu zaman göstərəcək. Bütün cavablar zamandadır.

- Deməli, geri dönməyə də bilərsiniz?

— Hələlik bu barədə bir söz deyə bilmərəm.

- Siz eyni zamanda kapoyera idman növü üzrə peşəkar idmançı və müəllimsiniz. ABŞ-da da bu idman növü ilə məşğul olursuz?

— Bəli. Yaxın gələcəkdə öz qrupumu da açmağı planlaşdırıram. Məşqçi kimi başqa həmyerlilərimiz çalışacaq. Amma mən ona dəstək olacam. Çünki mənim məşqçi kimi fəaliyyət göstərməyə vaxtım yoxdur.

3732
Teqlər:
Elmar Bayramov, "Don Marleone" filmi, komediya, sənət, rejissor, film, Amerika Birləşmiş Ştatları, Azərbaycan, ABŞ
Əlaqədar
"Evdə tək" filminin qəhrəmanı ölü tapıldı
"Yol əhvalatı" filmi bu ölkədə təkrarlandı
Dünya şöhrətli rejissor həyatını itirdi
Azərbaycanlı rejissor vəfat edib
"Bəxt üzüyü"nü səhnələşdirən ilk rejissor
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

17
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

17
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət
Astarada həsir toxuyanlar

Qədimdən gələn ənənə: bir həsir, bir Məmmədnəsir olsaq da... - FOTO

25
(Yenilənib 20:42 16.01.2021)
Əvvəllər soyuducu olmayanda insanlar bütün qidalarını həsir zənbildə saxlayırdılar. Zənbil bütün qidaları keyfiyyətini pozmadan saxlaya bilir. İndi isə həsir başqa bir ehtiyaca görə mazata minib

İradə Cəlilova, Sputnik Azərbaycan

BAKI, 16 yanvar — Sputnik. Azərbaycanda bu ildən polietilen torbaların satışı qadağan edilir.

Yenidən dədə-babalarımızın daim istifadə etdiyi, qiyməti ucuz, keyfiyyəti yüksək, qamışdan hazırlanmış həsir zənbillər dəbə düşəcək.

  • Astarada həsir toxuyanlar
    © Sputnik / Irade JELIL
  • Astarada həsir toxuyanlar
    © Sputnik / Irade JELIL
  • Qamışdan həsir və zənbil toxuyan Rüfət Rzayev
    © Sputnik / Irade JELIL
1 / 3
© Sputnik / Irade JELIL
Astarada həsir toxuyanlar

Yadıma gəlir, hələ uşaq olanda Bakı kəndlərində bir çox evlərdə bu zənbillərdən istifadə edilirdi.

Evin kişisi bazarlığa gedəndə zənbili əlinə alıb, yola düşərdi.

Həsir zənbillərin istifadəsinə "Şərikli çörək", "Bizim Cəbiş müəllim" kimi filmlərdə də rast gəlmişik.

Ancaq müasirləşən dünyada həsir zənbillər tarixə qovuşmuşdu. Hamı onun sağlamlıq üçün təhlükəsiz, istifadə üçün uzunömürlü olduğunu belə unutmuşdu.

Həsir zənbillərin müxtəlif formalarından sadəcə dəb üçün istifadə edilirdi.

© Sputnik / Irade JELIL
Qamışdan həsir və zənbil toxuyan Rüfət Rzayev

Azərbaycanda həsir zənbillər cənub bölgəsində, xüsusilə də Astara rayonunda toxunsa da, alıcıları az idi. Düzdür, ABAD bu sənətkralara bacardığı qədər şərait yaratsa da, qeyd etdiyimiz kimi onların işinə o qədər də dəyər verən yox idi.

Sputnik Azərbaycan həsir zənbil toxuyan sənətkarla görüşmək üçün Astara rayonunun Kakalos kəndinə üz tutub.

Qamışdan həsir və zənbil toxuyan Rüfət Rzayev Kakalos kənd Mədəniyyət evində metodist vəzifəsində çalışır. Bakıdan gələcəyimizi bilib, havanın yağışlı olmasına baxmayaraq, bizi həyətdə gözləyən, mehriban, səmimi, ürəkləri sözlə dolu olan sənətkarlarla görüşüb, işləri ilə tanış oluruq.

İlk həmsöhbətimiz, Kakalos kəndinin canlı tarixi Fərbiyə Şabanova olur (onun haqqında digər yazıda ətraflı danışacağıq). F.Şabanova bizə kəndin tarixindən danışır. Tarix muzeyi ilə, gördüyü işlərlə tanış edir.

© Sputnik / Irade JELIL
Həsir

Həsir və zənbillərin ustası Rüfət Rzayev isə bizə bu sənət haqqında məlumat verir. Onun sözlərinə görə, müasir dünya həsir zənbilləri qəbul etməsə də, bu sənətlə də maraqlananlar az olmayıb.

R.Rzayev özü 1995-ci ildən bu işlə məşğul olur. Deyir ki, iş çətin olsa da, gətirdiyi gəlir o qədər də çox olmur:

"Əvvəllər soyuducu olmayanda insanlar bütün qidalarını zənbildə saxlayırdılar. Yəni zənbillər bütün qidaları keyfiyyətini pozmadan saxlaya bilir. Zənbillər qamışdan hörülür. Qamış isə iki cür olur. Onlar "lığ" və "püzə" adlanır. Əsasən onları may ayında toplayırıq. Sonra quruduruq və həsir, zənbil, asılqan, süfrə, ayaqaltı və s. hörürük".

R.Rzayevin sözlərinə görə, zənbillər ölçülərinə görə müxtəlif qiymətlərə satılır. Kiçik ölçülü zənbillər 3, böyüklər isə 10-15 manata satılır.

Həsir zənbil ustası deyir ki, cənub bölgəsi qış aylarında nəmişlik, rütubət olduğu üçün xüsusi qamışdan hazırlanmış həsir döşəməyə salınır. Bu isə rütubətin qarşısını alır.

"Zənbil keşidən toxunur. Televizora baxa-baxa keşini toxuyuram. 5-6 metr hazırlayıram. Sonra zənbili toxumaq asan olur. Məsələn, bir balaca zənbili bir saata toxuya bilirəm. Böyük zənbillər isə bir günə hazır olur", - deyən R Rzayev bildirir ki, gənclər qamış toxuculuğuna maraq göstərirlər, amma qazanclı olmadığı üçün çoxu bu işlə məşğul olmur.

© Sputnik / Irade JELIL
Qamışdan həsir və zənbil toxuyan Rüfət Rzayev

Ustanın sözlərinə görə, həsir palazların toxunması bir qədər çox zaman alır. Məsələn 1,5 metrlik həsirlər 2-3 günə başa gəlir və müxtəlif qiymətlərə satılır.

Rüfət Rzayev, demək olar ki, bu sənətin ustadıdır. O, mədəniyyət evində təkcə həsirçiliklə məşğul olmur, bəzən tamaşalarda da rol alır. Dediyinə görə, onun tamaşaları əsasən talış dilində olur və bu tamaşalara talışlar çox maraqla baxırlar.

Ömrünün 68-ci ilini yaşayan Rüfət Rzayev bundan sonra yaşayacağı həyatı öz sənətinə həsr edəcəyini deyir.

25
Mövzu:
Sözlə deyə bilmədiklərimizin izharı - sənət