BAKI, 20 iyul — Sputnik. Uzun müddət xərçəngdən müalicə alan müğənni Harun Kolçak 62 yaşında vəfat edib.
Sonuncu dəfə xəstəxanaya yerləşdirilən ifaçının xərçəng xəstəliyinin bütün bədəninə yayıldığı və nəticədə təcili əməliyyat olunması lazım olduğu iddia olunub. Əməliyyat olunan məşhur müğənni dünyasını dəyişib.
Harun Kolçak Türkiyədə 90-cı illərin məşhur pop ifaçılarından sayılır. O, eyni zamanda bəstəkar və gitara ifaçısı kimi də tanınırdı.
