Уникальные бакинские здания, созданные в стиле модерн - Sputnik Azərbaycan
MƏDƏNİYYƏT
Azərbaycanın mədəni həyatında baş verən önəmli hadisələr

Ermənilər Gürcüstanda Azərbaycan əleyhinə təxribat törətdilər

© Photo : Azərbaycan Rəqs Assosiasiyasının mətbuat xidmətiAzərbaycan rəqqasları Batumidə keçirilən "Qızıl ulduz-2017" beynəlxalq müsabiqə-festivalında
Azərbaycan rəqqasları Batumidə keçirilən Qızıl ulduz-2017 beynəlxalq müsabiqə-festivalında - Sputnik Azərbaycan
Abunə olmaq
Azərbaycan rəqqasları beynəlxalq müsabiqədə ermənilərin təxribatına baxmayaraq, birinci yeri tutublar

BAKI, 10 iyul — Sputnik. Azərbaycan ifaçıları növbəti dəfə Batumidə keçirilən "Qızıl ulduz-2017" beynəlxalq müsabiqə-festivalında uğurla çıxış ediblər. Həmin tədbirdə dünyanın bir çox ölkələri, həmçinin İsrail, ABŞ, Qazaxıstan, Ukrayna, Ermənistan, Rusiya, Gürcüstan və başqaları müxtəlif nominasiyalarda (vokal, xoreoqrafiya, teatr yaradıcılığı, bədii söz sənəti və s.) iştirak edib.

Azərbaycan Rəqs Assosiasiyasının prezidenti, Gənclər İttifaqının sədr müavini Əziz Əzizov Sputnik Azərbaycan-a bildirib ki, Azərbaycan rəqqasları ilk dəfədir ki, bu layihədə iştirak edir. Onun sözlərinə görə, ölkəmizdən Gürcüstana 32 nəfər gedib. İsrail, Rusiya və Qazaxıstandan cəmi bir komanda iştirak edib. Ermənistandan isə yaxşı hazırlaşmış 12 kollektiv, yəni 400 nəfər qatılıb.

© Photo : Azərbaycan Rəqs Assosiasiyasının mətbuat xidmətiAzərbaycan rəqqasları Batumidə keçirilən "Qızıl ulduz-2017" beynəlxalq müsabiqə-festivalında
Azərbaycan rəqqasları Batumidə keçirilən Qızıl ulduz-2017 beynəlxalq müsabiqə-festivalında - Sputnik Azərbaycan
Azərbaycan rəqqasları Batumidə keçirilən "Qızıl ulduz-2017" beynəlxalq müsabiqə-festivalında

"Hər şey yaxşı keçdi. Erməni nümayəndə heyəti çıxışa bir saat qalmış bizi gördü və öz çıxış proqramını dəyişmək qərarına gəldi. Baxmayaraq ki, festivalın şərtlərinə görə, bu, qadağandır. Onlardan bir oğlan məşhur rus şairi Osip Mandelştamın "1905-ci ildə Şuşada erməni soyqırımı" barədə qondarma hadisələrdən bəhs edən "Faytonçu" şeiri ilə çıxış etməli idi. Ermənilər bu şeiri dəyişmək qərarına gəldilər" — deyə Əzizov bildirib.

Səhnədə baş verənləri görən Əzizov Assosiasiyanın vitse-prezidenti Ülviyə Həsənova ilə birlikdə təşkilatçılara öz narazılıqlarını bildiriblər və ictimaiyyət qarşısında üzr istəməyi tələb ediblər. Onun sözlərinə görə, çıxışdan sonra kulis arxasında erməni nümayəndə heyətinin bir neçə üzvü təhqirlər yağdırmağa başlayıblar. Gürcülər onları çətinliklə sakitləşdiriblər.

Əzizov qeyd edib ki, erməni tərəfinə mübahisəni davam etdirdiyinə görə, xəbərdarlıq edilib. Eyni zamanda onların digər nominasiyalar üzrə iştirakçıları da Qran-pri hüququndan məhrum olublar.

"Festival təşkilatçılarının başqa çıxış yolu yox idi. Çünki biz haqlı idik və onlar bizdən üzr istəməli idilər. Uşaq incəsənət festivalı belə təxribatların yeri deyil və uşaqlardan belə məqsədlərlə istifadə etmək olmaz" — deyə Əzizov bildirib.

O, etiraf edib ki, bir çox irimiqyaslı beynəlxalq tədbirlərdə tez-tez bu cür erməni təşkilatçılarla rastlaşır və onlarla kifayət qədər məsafəli davranmağa çalışır. Həmçinin hər iki tərəf özünü korrekt aparmağa cəhd edir.

Gürcüstandakı müsabiqədə baş verən hala gəlincə, görünür, oradakı ermənilər ilk dəfə idi bu cür layihədə iştirak edirdilər və düşünməmişdilər ki, Azərbaycan tərəfi onların nömrəsinə belə kəskin reaksiya verə bilər. Bütün təşkilatçılar tez-tez çıxış edərək iştirakçıları gələcəkdə belə problemlərdən qaçmağa və qalmaqal yaratmamağa çağırırdı.

"Biz erməniləri sərt şəkildə yerlərinə oturtduq, baxmayaraq ki, onlar bizdən dəfələrlə çox idilər. Biz bütün komanda ilə sübut etdik ki, sayımızın nə qədər olmasından asılı olmayaraq, bizə dost olmayanların üzərində qələbə qazana bilərik" — deyə Əzizov bildirib.

Onun sözlərinə görə, müsabiqə əsasən uğurlu keçib. Onlar dörd nömrə göstəriblər: Azərbaycan süitası, solo özbək rəqsi və hip-hopda birinci yeri tutublar, yalnız "Bayram" rəqsində finalçıların sırasına düşməyiblər.

Qarşıda Azərbaycan rəqqaslarını bir neçə beynəlxalq festival gözləyir və onlar əmindirlər ki, bu layihələr uğurlu olacaq.

Xəbər lenti
0