Orxan Bahadırsoy Almaniyada keçirilən Next Stage Europe 3 festivalına qatılıb

Sputnik Azərbaycan-ın əməkdaşı böyük uğura imza atdı

334
(Yenilənib 14:56 10.07.2017)
Orxan Bahadırsoy festivala özünün "Saçını satan aktrisa"adlı dram əsəri ilə qatılmaq imkanı qazanıb

BAKI, 10 iyul — Sputnik. Sputnik Azərbaycan-ın əməkdaşı, yazıçı, şair, dramaturq Orxan Bahadırsoy Almaniyada keçirilən "Next Stage Europe 3" festivalına qatılıb.

Festivalda Azərbaycan, Rusiya, Gürcüstan və Ermənistandan olan dramaturqlar iştirak ediblər. Almaniyanın Höte adına İnstitutunun təyin etdiyi xüsusi münsif heyəti tərəfindən 400 namizəd arasından 12 dramaturq seçilib. Orxan Bahadırsoy festivala özünün "Saçını satan aktrisa"adlı dram əsəri ilə qatılmaq imkanı qazanıb.

Xüsusi münsif heyətinin seçdiyi dörd dramaturqun əsəri isə Potsdam şəhərində yerləşən Hans Otto teatrında səhnələşdirilib. Orxan Bahadırsoyun "Saçını satan aktrisa" pyesi iyul ayının 6-da həmin teatrın səhnəsində nümayiş olunub. Pyes Hans Otto teatrının repertuarına uzunmüddətli daxil edilib. 

Saçını satan aktrisa tamaşasından sonra — Hans Otto Teatrı
© Photo : STR
"Saçını satan aktrisa" tamaşasından sonra — Hans Otto Teatrı

Festival çərçivəsində dramaturqlar Berlində yerləşən Maksim Qorki teatrında, Berlin İncəsənət Universitetində, Berlin Bertolt Brext teatrında, bir neçə muzeydə və tarixi məkanlarda olublar. Frankfurt (Oder) şəhərində Henrix von Kleistin ev muzeyini, Kleistin çalışdığı universiteti və 13-cü əsrdən qalma bir neçə tarixi abidəni ziyarət ediblər. Festivala qatılan dramaturqların Maksim Qorki teatrının dramaturqu Məzlum Nərgizlə, Berlin İncəsənət Universitetinin professoru, dramaturq Con fon Düffellə, Bertolt Brext və Hans Otto teatrlarının kollektivləri ilə, Almaniya Bundestaqının deputatı Martin Qorholtla görüşü keçirilib.

Gürcüstandan və Rusiyadan olan dramaturqlarla — Qarina Besolti, Nataşa Borenko, Lile Şengelia, İrakli Zadaia, Quram Mazonaşvili, Orxan Bahadırsoy
© Photo : STR
Gürcüstandan və Rusiyadan olan dramaturqlarla — Qarina Besolti, Nataşa Borenko, Lile Şengelia, İrakli Zadaia, Quram Mazonaşvili, Orxan Bahadırsoy

Qeyd edək ki, Almaniyanın Höte adına İnstitutu tərəfindən keçirilən "Next Stage Europe 3" festivalına Azərbaycan ilk dəfə qatılmaq şansı əldə edib. Festivalda Orxan Bahadırsoy Azərbaycanı təmsil edən yeganə dramaturq olub. Bundan başqa, gənc dramaturqun əsəri sentyabr ayında Almaniyada çap olunacaq dramaturgiya almanaxına daxil edilib.

Orxan Bahadırsoy oktyabr ayında Sankt-Peterburq şəhərində keçiriləcək dramaturgiya seminarına da dəvət alıb.

334
Teqlər:
"Next Stage Europe 3" festivalı, Orxan Bahadırsoy, Almaniya, Gürcüstan, Ermənistan, Rusiya, Azərbaycan
Əlaqədar
Repressiya qurbanları: Qatil mərhəməti
İzsiz qatil bizi addım-addım izləyir
Repressiya qurbanları: 20 dəqiqədə ölüm hökmü...
Repressiya qurbanları: Bağırova sui-qəsd hazırlanması iddiası kimin yalanı idi?
Məktub, arxiv şəkli

UNESCO-ya müraciət etmiş rusiyalı mədəniyyət xadimlərinə məktub göndərilib

18
(Yenilənib 20:24 02.12.2020)
UNESCO-ya göndərilən müraciət bir sıra tanınmış şəxslər və mədəniyyət xadimləri tərəfindən də birmənalı qarşılanmayıb və çoxsaylı tənqidə məruz qalıb

BAKI, 2 dekabr — Sputnik. Məlum olduğu kimi, Rusiya Federasiyasının bir qrup mədəniyyət xadimi Qarabağda yerləşən xristian irsinin qorunmasına və bu irsin UNESCO-nun Dünya irsi siyahısına salınmasına köməklik göstərilməsi ilə bağlı UNESCO-ya müraciət edib.

Dağlıq Qarabağda və ətraf rayonlarda erməni işğalı zamanı çoxsaylı müsəlman irsi abidələrinin dağıdılmasına baxmayaraq, müraciətdə yalnız xristian irsi haqqında bəhs edilməsi, eləcə də Azərbaycan ərazisindəki bütün tarixi, mədəni, dini irsin heç bir ayrı-seçkilik qoyulmadan dövlət tərəfindən qorunması və hökumətin bu məsələyə çox ciddi yanaşması nəzərə alınmayaraq, müraciətin birbaşa UNESCO-ya ünvanlanması onun qərəzli və məqsədli şəkildə hazırlandığını və ölkəmizə qarşı qarayaxma kampaniyasının bir hissəsi olduğunu göstərir.

Sputnik Azərbaycan xəbər verir ki, məsələ ilə bağlı Azərbaycan Respublikası Mədəniyyət nazirinin birinci müavini, nazirin vəzifələrini müvəqqəti icra edən Anar Kərimov tərəfindən müraciəti imzalayan mədəniyyət xadimlərinə məktub göndərilib.

Məktubda öncə Ermənistan tərəfindən uzun müddət işğal altında saxlanılmış Azərbaycan ərazilərində mədəni irsimizin dağıdılması, əksər hallarda həm müsəlman, həm də xristian irsinin məhv edilməsi haqqında məlumatlar əks olunub. Eyni zamanda Azərbaycanın müxtəlif şəhərlərində yerləşən həm dini (müsəlman, xristian, yəhudi), həm də mədəni irsin dövlət tərəfindən qorunması ilə bağlı faktlar diqqətə çatdırılıb.

Bundan əlavə, rusiyalı mədəniyyət xadimlərinə qeyd etdikləri narahatçılıqla bağlı Azərbaycan Hökumətinə deyil, birbaşa UNESCO-ya müraciət ünvanlamalarına görə irad bildirilib və onlara erməni təbliğatının qurbanı olmamaq tövsiyə edilib.

Məktubun sonunda müraciəti imzalamış mədəniyyət xadimləri işğaldan azad olunmuş ərazilərdə 30 ilə yaxın davam etmiş dağıdıcılıq və talançılığın nəticələrini, həmçinin ölkəmizdə mədəni irsə necə qayğı göstərildiyini görmək üçün Azərbaycana dəvət olunublar.

Qeyd etmək lazımdır ki, UNESCO-ya göndərilən müraciət bir sıra tanınmış şəxslər və mədəniyyət xadimləri tərəfindən də birmənalı qarşılanmayıb və çoxsaylı tənqidə məruz qalıb.

18
Teqlər:
irs, mədəniyyət xadimləri, Rusiya, Dağlıq Qarabağ, UNESCO
Qərənfil

İranın məşhur aktyoru vəfat edib

15
(Yenilənib 12:54 02.12.2020)
İranlı aktyor 98 yaşında dünyasını dəyişib. Yaxınlarının verdiyi məlumata görə, Əli Əsgər ürək tutmasından həyatını itirib.

BAKI, 2 dekabr — Sputnik. İranlı aktyor Əli Əsgər Şahbazi vəfat edib.

Sputnik Azərbaycan xəbər verir ki, Əli Şahbazi İranın "Oskar" qazanan "Ayrılıq" filmindəki Nadir obrazı ilə tamaşaçıların böyük rəğbətini qazanmışdı.

Ə.Əsgər Şahbazi 1922-ci ildə Tehranda anadan olub. Karyerası boyunca bir çox ekran işində rol alıb. Məşhurlaşdığı "Ayrılıq" filmi orta sinif cütlüyünün ayrılmasından bəhs edir, 2011-ci ildə lentə alınıb. Əsgər Ferhadinin rejissorluğu ilə çəkilən film bütün dünyada səs-küy yaratdı və film festivallarında onlarla mükafat qazandı. Şahbazi 61-ci Berlin Beynəlxalq Film Festivalında "ən yaxşı aktyor" nominantlarına verilən "Gümüş Ayı" mükafatını qazanıb.

15
Teqlər:
Oskar, İran, vəfat, aktyor
Yaşadığı ünvanı tərk edən koronavirus xəstəsi

Evi tərk edən COVID-19 xəstələrindən ikisi həyatını itirib

0
Ötən gün tərəfimizdən 27 nəfər müəyyən olunub. Onlardan 25 nəfəri evə qaytarılıb, 20 nəfər barəsində cinayət işi başlayıb. 2 nəfər ağır xəstə isə həyatını itirib.

 

BAKI, 3 dekabr — Sputnik. Dekabrın 2-də ölkə üzrə yaşayış yerini tərk edən 27 nəfər saxlanılıb. Daxili İşlər Nazirliyinin mətbuat xidmətindən Sputnik Azərbaycan-a verilən məlumata görə, koronavirusa yoluxan şəxslər məsuliyyətli davranmalı və ətrafdakı insanları nəzərə almalı, digər şəxslərin həyat və sağlamlığına həssas yanaşmalıdır.

"Ötən gün tərəfimizdən 27 nəfər müəyyən olunub. Onlardan 25 nəfəri evə qaytarılıb, 20 nəfər barəsində cinayət işi başlayıb. 2 nəfər ağır xəstə isə həyatını itirib. Pandemiya dövründə aktiv koronavirus xəstələri sosial təcrid, özünü təcrid tədbirlərinə ciddi əməl etməlidir", - məlumatda bildirilib.

0