İsveçrədə “Azərbaycan muğamları gənc muğam ifaçılarının təqdimatında” adlı layihə

Azərbaycan muğamı isveçrəliləri valeh edib

64
İfaçılar 55 dəqiqədə muğam sənətinin bütün gözəlliyini isveçrəlilərə və buradakı əcnəbi qonaqlara çatdırmağa çalışıblar

BAKI, 28 iyun — Sputnik. İsveçrənin Bazel şəhərində "Azərbaycan mədəniyyəti inciləri" proqramı çərçivəsində "Azərbaycan muğamları gənc muğam ifaçılarının təqdimatında" adlı növbəti layihə həyata keçirilib.

Diasporla İş üzrə Dövlət Komitəsindən Sputnik Azərbaycan-a verilən məlumata görə, layihə İsveçrədə fəaliyyət göstərən "Azərbaycanın Dostları" Birliyinin sədri Arzu Əliyevanın təşəbbüsü, Beynəlxalq Muğam Mərkəzinin və ölkəmizin İsveçrədəki səfirliyinin dəstəyi ilə reallaşıb.

İsveçrədə “Azərbaycan muğamları gənc muğam ifaçılarının təqdimatında” adlı layihə
© AZƏRTAC
İsveçrədə “Azərbaycan muğamları gənc muğam ifaçılarının təqdimatında” adlı layihə

Bazel şəhərindəki "Botanika" bağında təşkil olunan muğam axşamında Azərbaycan musiqisinin pərəstişkarları iştirak edib.

Azərbaycandan dəvət olunmuş gənc muğam ifaçıları Ehtiram Hüseynov, Günay İmamverdiyeva və onları müşayiət edən musiqiçilər Xəyyam Məmmədov, Rövşən Qurbanov qonaqlara unudulmaz anlar yaşadıb. İfaçılar 55 dəqiqə davam edən musiqi proqramında muğam sənətinin bütün gözəlliyini isveçrəlilərə və buradakı əcnəbi qonaqlara çatdırmağa çalışıb.

Sonda tədbir iştirakçılarına və qonaqlara təşəkkür edən Arzu Əliyeva belə tədbirlərin tamamilə fərqli mədəniyyətə, düşüncə tərzinə malik insanlar arasında körpü olduğunu vurğulayıb. Gələcəkdə də bu cür görüşlərin keçiriləcəyinə böyük ümid bəslədiyini bildirib və əlavə edib ki, bu kimi layihələr İsveçrə musiqiçilərinin də Azərbaycanda konsertlərinin təşkilinə təkan verəcək.

Qeyd edək ki, Azərbaycan muğam sənətinə həsr olunmuş ikinci konsert proqramı "Azərbaycanlıların İsveçrədəki Mədəniyyət Mərkəzi"nin sədri Qasım Nəsirovla birgə Bern şəhərinin "Ono" Mədəniyyət Mərkəzində təşkil olunub. Bu tədbirdə də Azərbaycan musiqisinin çoxsaylı pərəstişkarlarını bir araya gətirib.

64
Teqlər:
"Ono" Mədəniyyət Mərkəzi, Rövşən Qurbanov, Xəyyam Məmmədov, Günay İmamverdiyeva, Ehtiram Hüseynov, Azərbaycanın Dostları" Birliyi, Arzu Əliyeva, İsveçrə
Əlaqədar
Əyalət müəllimi sistemləşdirilmiş muğam cədvəli tərtib edib
Azərbaycan Muğam Caz Hərəkatının memarı
Ağdamda Muğam Mərkəzinin təməli qoyulub
Muğam dünyasının Seyidi
Daş ürəklərdə yanıb daşları sındırdı muğam
Öz ifası ilə muğam ustalarını qorxuya salmış ustad
Kitab oxuyan şəxs, arxiv şəkli

"Qara sözləri" indi ana dilimizdə oxuya biləcəksiniz

16
(Yenilənib 18:41 23.11.2020)
Rəhbəri Elxan Zal Qaraxan olan "İRS" seriyasından Nursultan Nazarbayev, Oljas Suleymenov, Sabit Dosanov, Berik Şaxanov kimi qazax müəlliflərinin kitabları da işıq üzü görüb.

BAKI, 23 noyabr — Sputnik. Mahmud Kaşqari adına Beynəlxalq Fondun "İRS" seriyasında böyük qazax şairi Abay Kunanbayevin bütün şeirlərinin, poemalarının və "Qara sözləri"nin Azərbaycan dilinə tərcüməsindən ibarət kitabı nəşr olunub.

Sputnik Azərbaycan xəbər verir ki, kitabdakı tərcümələr ilk dəfə olaraq qazax dilindən Azərbaycan dilinə uyğunlaşdırılıb. Tərcümələr Elxan Zal Qaraxan və İbrahim İlyaslıya məxsusdur.

"Qazax xalqının dan ulduzu" adlı "Ön söz"ün müəllifi Milli Məclisin Mədəniyyət komitəsinin sədri Qənirə Paşayevadır. Rəyçi və "Abayın əsərlərinin Azərbaycan nəşri barədə" yazının müəllifi filologiya elmləri doktoru, professor Knyaz Mirzəyevdir. Külliyyatın məsləhətçiləri professorlar Sabit Dosanov və İmdat Avşar, redaktorları Əkbər Qoşalı və Əfqan Nəsirlidir.

Kitabın ilk səhifələrində professor Akılbek Şayaxmetin "Tərcümələrdə Abayın taleyi" araşdırması da yer alıb. 448 səhifəlik nəşrin "Birinci kitab" bölməsinə "Şeirlər və poemalar", "Son illərdə tapılan şeirləri", "Mənzum dastanlar" və "İkinci kitab" bölməsinə 45 dənə "Qara sözlər" cəm olunub.

Rəhbəri Elxan Zal Qaraxan olan "İRS" seriyasından Nursultan Nazarbayev, Oljas Suleymenov, Sabit Dosanov, Berik Şaxanov kimi qazax müəlliflərinin kitabları da işıq üzü görüb.

16
Teqlər:
tərcümə, Abay Kunanbayev, kitab
Rejissor Cavid Təvəkkül, arxiv şəkli

Cavid Təvəkkül Şuşa haqqında film çəkməyi planlaşdırır

10
(Yenilənib 16:13 23.11.2020)
"Filmin ssenarisi var. Bir neçə yerə müraciət etmişəm. Mənə yaxın şirkətlərdən biri 50% razılıq verib".

Şahpəri Abbasova, Sputnik Azərbaycan

BAKI, 23 noyabr — Sputnik. Mingəçəvir Dövlət Dram Teatrının baş rejissoru Cavid Təvəkkül Şuşa haqqında film çəkməyi planlaşdırır. Rejissorun Sputnik Azərbaycan-a verdiyi məlumata görə, film bədii-informativ xarakterli olacaq. Məqsəd Şuşada baş verənləri, ta qədim zamanlardan bu günə qədər şəhərin keçdiyi tarixi mərhələləri dünya ictimaiyyətinə çatdırmaqdır: "Filmin ssenarisi var. Bir neçə yerə müraciət etmişəm. Mənə yaxın şirkətlərdən biri 50% razılıq verib, indi layihəni 100%-ə çatdırmaq üçün tamhüquqlu ikinci partnyor şirkət axtarıram. Televiziyalardan, istehsal ilə məşğul olan şirkətlərdən, biznesmenlərdən, QHT-lərdən, müxtəlif cəmiyyət və birliklərdən, ümumiyyətlə, marağı olanlardan dəstək gözləyirəm".

Rejissor bildirir ki, erməni vandalizminin dünyada tanıdılmasında kinonun rolu əvəzedilməzdir: "Təklif edirəm ki, rejissorlara imkan yaradılsın, onlar getsinlər, işğaldan azad olunmuş torpaqlarımızda filmlər çəksinlər. Bir müddət o torpaqlar abadlaşdırılmasın. Erməni vandalizmini dünyaya göstərək. Cansız daşlardan, abidələrimizdən necə qisas aldıqlarını əyani surətdə, kino vasitəsi ilə dünyaya çatdıraq".

10
Teqlər:
Qarabağ, film, Şuşa, Azərbaycan
Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərində

Prezident İlham Əliyev Ağdamda Azərbaycan bayrağını ucaldıb - VİDEO

18
(Yenilənib 21:04 23.11.2020)
Səfər zamanı Prezident və Birinci xanım Ağdam Cümə məscidində olublar. Həmçinin Prezident İlham Əliyev Ağdamda Azərbaycan bayrağını qaldırıb.

BAKI, 23 noyabr — Sputnik. Noyabrın 23-də Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyev və birinci xanım Mehriban Əliyeva işğaldan azad edilmiş Ağdam şəhərində olublar.

Səfər zamanı Prezident və Birinci xanım Ağdam Cümə məscidində olublar. Həmçinin Prezident İlham Əliyev Ağdamda Azərbaycan bayrağını qaldırıb.

Ağdam rayonu Ermənistan silahlı qüvvələri tərəfindən noyabrın 20-də üçtərəfli bəyanatın şərtlərinə əsasən azad edilib.

Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 9-da imzalanıb. Azərbaycan Respublikasının Prezidenti İlham Əliyev və Rusiya Federasiyasının Prezidenti Vladimir Putin Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanata görə, Ağdam rayonu 2020-ci il noyabrın 20-dək Azərbaycan Respublikasına qaytarılır. 2020-ci il noyabrın 15-də Azərbaycan Respublikasına Kəlbəcər rayonu, dekabrın 1-də Laçın rayonu qaytarılır. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

18
Teqlər:
Prezident İlham Əliyev, Birinci vitse-prezident Mehriban Əliyeva, Cümə məscidi, Üçtərəfli bəyanat, Azərbaycan bayrağı, Ağdamın azad olunması