Yad siqnal filmi

Azərbaycanda görünməmiş hadisə: "17 yaşlı oğlanı yadplanetlilər apardı"

10831
(Yenilənib 08:46 29.06.2017)
Atası pəncərəyə yaxınlaşıb səmaya baxanda yadplanetlilərin uçan gəmisi havalanıb ulduzların arasına doğru uçaraq gözdən itir

Şahpəri Abbasova, Sputnik Azərbaycan

BAKI, 28 iyun — Sputnik. Şəki tarixən istedadlı insanlar bəxş edib vətənimizə. "Ad günü" filminin Mustafa müəllimi demişkən, "elm adamlarının çoxu elə Şəkidən çıxıb". Şəki həm də sənətkarların, incəsənət xadimlərinin məskənidir. Müsahibimiz, gənc rejissor Ruslan Kərimov da elə bu torpağın yetirməsidir. O, Azərbaycanda ilk dəfə yad planetlilərdən bəhs edən "Yad siqnal" adlı bədii film çəkib.

Onun Sputnik Azərbaycan-a verdiyi məlumata görə, film fizikanı öz yaşıdlarından daha yaxşı bilən, 17 yaşlı nitqi qüsurlu oğlanın göy cisimlərinə həddən artıq marağından bəhs edir. Bu gənc bir gün göydəki ulduzları izlərkən onların arasında yad bir parıltılı cisim görür. Gördüklərini atasına danışır, ancaq atası ona inanmır. Bir neçə gündən sonra o, yenə ulduzları izlərkən həmin cismi daha yaxından görür. Amma atasına bu haqda heç nə demir. Gördüyü cisim haqqında kitablardan, daha sonra isə internetdən məlumat axtarmağa başlayır. Oradan əldə etdiyi məlumatlar əsasında siqnalötürücü bir cihaz hazırlayır. Bu cihazla morze əlifbası əsasında həmin gördüyü cismə siqnallar yollamağa başlayır. Bir neçə gün siqnal göndərdikdən sonra həmin cihaza cavab siqnalları gəlir. Oğlan həmin siqnalları morze əlifbasından latın əlifbasına çevirir və gördüklərinə çox sevinir.

Oğlanın atası onun üçün çox narahat olur. Çünki o, hər gün yemək yedikdən sonra otağına çəkilib qapını bağlayır. Onun içəridə nə ilə məşğul olduğunu başa düşmür. Buna görə də atası oğlunun otağına gizli kamera yerləşdirib onu izləməyə başlayır.

Oğlu içəri girdikdən sonra kameranın görüntüsü silkələnməyə başlayır və pəncərənin qabağında yad planetlilərin siluetləri görünür. Onlardan biri oğlana tərəf yaxınlaşıb əlini uzadır. Bunu görən atası tez oğlunun otağının qapısına tərəf qaçaraq qapını sındırıb içəri daxil olur və oğlunun yataqda uzanmış şəkildə görür. Gördüklərindən təəccüblənmiş və bir o qədər də qorxmuş şəkildə onu qucaqlayır.

Gecə olur. Hamı işıqları söndürüb yatır. Birdən oğlanın cihazından yenə siqnal səsləri gəlməyə başlayır. Oğlan başını yorğanın altından çıxarıb cihaza baxır. Bu zaman atası yatmış vəziyyətdə siqnal səslərini eşidərək gözlərini açır və cəld yatağından sıçrayaraq oğlunun otağına qaçıb qapını açır. Gördüyü mənzərə qarşısında donub qalır.

Oğlanın yatağı boş, pəncərələri isə açıq bir vəziyyətdə cırıldayır. Atası pəncərəyə yaxınlaşıb səmaya baxır. Səmada yad planetlilərin uçan gəmisi havalanıb ulduzların arasına doğru uçaraq gözdən itir.

Ruslan deyir ki, filmin ssenarisini yazmadan öncə uzun müddət araşdırmalar aparıb.

"Neçə illərdir bu mövzu beynimdə dolanırdı. Amma başlaya bilmirdim. Təbii ki, araşdırmalar aparsam da, bu film mənim fantaziyamın "məhsulu"dur. Filmimə baxan müəllimlərim də öz aralarında müzakirə etdilər ki, doğrudan da, yad planetlilər var ya yox. Mənə həmişə maraqlı gəlirdi yad planetlilər. Həmişə düşünürdüm ki, axı necə ola bilər, yer kürəsində insan yaşasın, amma başqa planetlərdə yox. Yad planetlilərin mövcudluğunu sübut edən faktlar olsa da, insanlar buna inanmırlar. Əslində bu məsələ hələ də müəmmalıdır. Ona görə də, bu mövzu məni həmişə özünə cəlb edib" — deyə gənc rejissor bildirib.

Rejissor iddia edir ki, dünyada bu süjet və ideya ilə çəkilən film yoxdur.

"Əslində mən bu mövzu, film üzərində işləyəndə bunun bir ilk olduğunun fərqinə varmamışdım. Filmi çəkdikdən sonra araşdırdım. Müəllimlərim də dedilər ki, bu ideya ilə film dünyada yoxdur. Təbii ki, sənədli filmlər var. Amma süjet və ideya baxımından mənim filmim ilkdir" — deyən Kərimov filmin onun diplom işi olduğunu qeyd edib.

Rejissor onu da vurğulayıb ki, başqa ölkələrdə tələbə film çəkəndə, onu ən azından texnika ilə təmin edirlər. Təəssüf ki, bizdə belə deyil.

Yad siqnal filminin posteri
© Photo : Qrafika
"Yad siqnal" filminin posteri

"Filmi öz büdcəm hesabına çəkdim. Sponsora müraciət etsəm də, nəticəsi olmadı. Çünki sponsorlar ancaq şit, bayağı komediya filmlərinə pul ayırırlar. Əslində onları da qınamıram" — deyən rejissor hesab edir ki, bu gün kütlə şit, bayağı komediyaya görə kinoteatra gedir. Çünki mahiyyətə varmır, sadəcə gülməklə kifayətlənir.

Qeyd edək ki, film 30 iyun səhər saat 09:00 Nizami Kino Mərkəzində nümayiş olunacaq. Giriş pulsuzdur.

10831
Teqlər:
Şəki, Ruslan Kərimov, Nizami Kino Mərkəzi, rejissor, yadplanetlilər, Yad siqnal
Əlaqədar
Yadplanetlilər Yerə siqnal göndərdi
Ay yadplanetlilər tərəfindən işğal olunub
Yadplanetlilər bu şəkillərlə bizə nə demək istəyiblər?
“Üzeyir sənətinin gənclik sədaları” layihəsinin növbəti konserti

"Üzeyir sənətinin gənclik sədaları"

10
(Yenilənib 22:24 24.09.2021)
Xəzər Universitetinin Kamera orkestri ilə solistlərinin də qatıldığı "Xəzər dalğası" adlı layihə maraqla qarşılanıb.

BAKI, 24 sentyabr — Sputnik. XIII Beynəlxalq Musiqi Festivalı çərçivəsində "Üzeyir sənətinin gənclik sədaları" layihəsinin növbəti konserti baş tutub.

Mədəniyyət Nazirliyindən Sputnik Azərbaycan-a verilən məlumata görə, Xəzər Universitetinin Kamera orkestri ilə solistlərinin də qatıldığı "Xəzər dalğası" adlı layihə maraqla qarşılanıb. Orkestrin bədii rəhbəri Zülfiyyə Sadıqova, dirijoru Orxan Həşimovdur.

Konserti ön sözlə açan bəstəkar, respublikanın Xalq artisti Sərdar Fərəcov 13 il ərzində keçirilən bu festivalın əhəmiyyətindən danışıb. Festivala artıq yeddinci ildir ki, qatılan Xəzər Universitetinin iştirakının gözəl ənənə olduğunu vurğulayıb.

Xəzər Universitetinin Fikrət Əmirov adına konfrans-konsert mərkəzində keçirilən tədbirin solist iştirakçıları sırasında respublikanın əməkdar artistləri - müğənni tenor Fərid Əliyev, zurna və balaban ifaçısı Şirzad Fətəliyev, beynəlxalq müsabiqə laureatları Məhsəti Cabbarova və Yuliya Behbudova olublar.

Konsertdə Nikolay Rimski-Korsakovun "Seyrələn uçan buludlar", Frans Leqarın "Cuditta" operasından Cudittanın mahnısı, Leo Delibin "İspan mahnısı", Tomazo Albinoninin "Adajio", Sərdar Fərəcovun "Elegiya", Ü.Hacıbəylinin "Arşın mal alan" musiqili komediyasından Gülçöhrənin ariyası və digər əsərlər səslənib. Tədbir Fikrət Əmirovun "1001 gecə" baletindən "Şəhrizadın bayramı" rəqs nömrəsi ilə tamamlanıb.

10
UNESCO

Azərbaycanlılar Venesiyada: UNESCO-nun tədbirində "Sarı gəlin" səsləndi

32
(Yenilənib 20:59 24.09.2021)
Qala gecəsinin ən mühüm məqamı isə azərbaycanlı tanınmış caz ifaçısı Etibar Əsədlinin Azərbaycanın xalq mahnısı “Sarı gəlin”i ifa etməsi olub.

BAKI, 24 sentyabr — Sputnik. İtaliyanın Venesiya şəhərinin San Klemente adasında UNESCO-nun iştirakı, Beynəlxalq Memarlar İttifaqının dəstəyi ilə "Rise from the ashes" (“Küllərdən qalx”) adlı humanitar xarakterli multikultural forum keçirilib.

Sputnik Azərbaycan xəbər verir ki, 17-ci Venesiya Memarlıq Biennalesi çərçivəsində “Vasconi Architectes by Thomas Schinko” memarlıq şirkətinin təşəbbüsü ilə təşkil olunan beynəlxalq forumda dünyanın tanınmış şəxsləri ilə yanaşı, azərbaycanlı memarlar, sənətçilər, incəsənət nümayəndələri və tələbələr iştirak ediblər.

Tədbirin əsas məqsədi Beyrut şəhərinin rekonstruksiyası, həmçinin şəhərin Baş memarlıq planı üçün həll yollarının tapılması olub. Forumda, eyni zamanda, təcrübəli beynəlxalq təlimçilər müxtəlif mövzularda çıxışlar ediblər.

UNESCO-nun Baş Konfransının prezidenti Altay Cengizer çıxış edərək UNESCO-nun Baş direktoru xanım Odre Azulenin bu foruma dəstək olduğunu iştirakçıların diqqətinə çatdırıb. Tədbirdə tanınmış memar Renzo Piano, UNESCO-nun xoşməramlı səfiri Hedva Ser, UNESCO-nun Venesiya bölgəsi üzrə rəsmi nümayəndəsi Ana Luiza Thompson-Flores, Livan Mühəndislər və Memarlar Federasiyasının prezidenti Cad Tabet, ALBA Universitetinin prezidenti Andre Bexazi, Beynəlxalq təhlükəsizlik, enerji və ətraf mühit üzrə direktorlar şurası və Pentaqonun baş məsləhətçisi Çarlz Sills və digər nüfuzlu şəxslər iştirak etdilər.

Forumda, həmçinin peşəkar təlimçilər tərəfindən müxtəlif aktual mövzularda çıxışlar olub. “Millionaire Concept Network”un dəstəyi ilə konfransda iştirak edən Afrika Sağlamlıq Federasiyasının idarə heyətinin sədri Mohamed El Sahilinin məruzəsi dinlənilib.

Tədbirdə “Eurasia Analytics”in direktoru Gülmira Rzayeva, “Millionaire Concept Network”un İtaliya üzrə direktoru Turan Sadigi, elm, cəmiyyət və rəssamlıq sahəsində 20 illik təcrübəyə malik rəssam Koen Vanmexelen, “SnarkArt” şirkətinin icraçı direktoru Nadia Taiga və digər şəxslər iştirak ediblər. Forumda NFT rəssamı kimi məşhurluq qazanan Krista Kim şəhərlərin yenidən qurulması üçün UNESCO-ya sənət, memarlıq sahəsində, cəmiyyətdə inqilab edəcək fikirlər təqdim edərək bu işdə qlobal miqyasda fəaliyyət göstərən təşkilatların, institutların və yaradıcı şəxslərin önəmli rol oynadığını qeyd edib. "TheSuperWorld" virtual daşınmaz əmlak platformasının baş icraçı direktoru və həmtəsisçisi Hrish Lotlikar isə daha yaxşı bir dünya yaratmaq üçün AR/VR/Blockchain və AL texnologiyalarından istifadə etməyin vacibliyini bildirib.

Livanın məşhur sənətçisi Rudy Rahme qala gecədə canlı performans nümayiş etdirib. Türk sənətçisi Özge Günaydın isə “Küllərdən qalx” simvolunu yaradıb. Qala gecəsinin ən mühüm məqamı isə azərbaycanlı tanınmış caz ifaçısı Etibar Əsədlinin Azərbaycanın xalq mahnısı “Sarı gəlin”i ifa etməsi olub.

Tədbirin təşkilatçısı, “Vasconi Architectes by Thomas Schinko” memarlıq şirkətinin vitse-prezidenti, həmyerlimiz Aytən Mirzoyeva gələcəkdə belə bir formatda forumun Gəncə şəhərinin və Qarabağın yenidən qurulması üçün Mədəniyyətlərarası Dialoqa dair Sülh Yaradıcılıq Mərkəzinin iştirakı ilə Azərbaycanda keçirilməsinin nəzərdə tutulduğunu deyib.

 

32
Cütlük, arxiv şəkli

Həyat yoldaşı onu cəzalandırıb, zurnasını 40 gün dağda çalacaq

0
(Yenilənib 22:26 24.09.2021)
Türkiyənin Aydın şəhərində təqaüdə çıxdıqdan sonra atasının zurna ifaçılığı peşəsi ilə maraqlanan Hüseyn Gülərə (67) həyat yoldaşı qəribə cəza verib.

BAKI, 25 sentyabr — Sputnik. Türkiyənin Aydın şəhərində təqaüdə çıxdıqdan sonra atasının zurna ifaçılığı peşəsi ilə maraqlanan Hüseyn Gülərə (67) həyat yoldaşı qəribə cəza verib.

Belə ki, Hüseynin evdə zurna çalması onun xanımı Nilüfər Güləri (61) özündən çıxarıb. Zurna səsindən bezən qadın ərinə 40 gün dağda zurna çalmaq cəzasını verib.

Nazilli rayonunun İşıqlar məhəlləsində yaşayan, evli və 3 uşaq atası olan Hüseyn Gülər 2004-cü ildə Dövlət Su İdarəsindən təqaüdə çıxıb. Bundan sonra işsiz qalaraq darıxan adam atasının və qardaşının peşəsi ilə maraqlanmağa başlayıb.

Evdə zurnanı uzun və yüksək səslə çaldığına görə 46 illik xanımı və qonşuları bu vəziyyətdən narahat olublar. Bu səbəbdən əri ilə tez-tez dalaşan Nilüfər Hüseynə evində zurna çalmağı qadağan edib.

Xanımı ona zurnanı 40 gün dağda çalmaq cəzası verərək "səni yalnız bu halda bağışlayacağam" deyib və evdən gedib.

Sentyabrın 2-dən etibarən gündüzləri yaşadığı məhəlləsinin yaxınlığındakı dağlıq ərazidə zurna çalan və gecələri evinə qayıdan Hüseyn Gülər 40 günün sonunda həyat yoldaşının onu bağışlayacağını gözləyir.

Cəzamın yarısı bitib

"Mən musiqiçilər ailəsindənəm. Atam və qardaşım zurna ifaçıları idi. Mən də zurna çalmağı çox sevirəm. Bəzən bu musiqi alətində ifa edəndə kövrəlirəm, hətta gözlərimdən yaş da gəlir. Təqaüdə çıxandan sonra evdə zurna çalmağa başladım. Arvadım zurnanı yüsək səslə çaldığım üçün narahat olurdu. Xəbərdarlıqlarına baxmayaraq evdə zurnanı çalmağa davam edirdim və ona görə də o, əsəbiləşirdi. "Get zurnanı dağlarda çal" deyərək mənə 40 günlük cəza verdi. Mən də polislərdən icazə alaraq, işimi bu yöndə görürəm. Cəzamın yarısı bitib. Görəsən 40 günün tamamında arvadım məni bağışlayacaq? Bilmirəm. Əgər məni bağışlasa, ona təşəkkür edəcəm, ancaq bağışlamasa zurnamı dağlarda çalmağa davam edəcəm", - deyə Hüseyn bildirib.

Ərinə əsəbləşən Nilüfər Gülər, Kuşadasında yaşayan qızının yanına gedib.

"Həyat yoldaşım bütün xəbərdarlıqlarıma baxmayaraq, evdə zurna çalmağa davam edirdi. Zurnanın səsindən mənim kimi qonşular da narahat olurdu. Ona görə də ərimə 40 günlük belə bir cəza verdim", - deyə Nilüfər bildirib.

0