Sosial şəbəkə istifadəçisi, arxiv şəkli

Sosial şəbəkədə yeni dalğa: ciddi sənət sıradan çıxarılır

225
Peşəkarlıq görülən işin səviyyəsini təyin edən amil deyil, bazar iqtisadiyyatının şərtləridir

BAKI, 27 iyun — Sputnik. Azərbaycanda kinematoqrafiya sahəsində vəziyyətin ağır olması heç kimə sirr deyil. Uzun illər durğunluq yaşayan bu sahə, son bir neçə ildə komediya janrında çəkilən filmlərlə inkişaf etməyə başlayıb. Amma buna tam mənada inkişaf da demək mümkün deyil. Bu filmlərin keyfiyyəti ilə yanaşı, orada yer alan aktyorların da peşəkarlığı narahatlıq doğurur.

Belə ki, son zamanlar bəzi gənclər videoblogger adı ilə qısa "vine"-lər çəkərək, qısa bir zamanda sosial şəbəkələrdə yüzlərlə izləyici toplaya bilirlər. Təbii ki, az bir zamanda məşhurlaşan gənclər bununla kifayətlənmir, xüsusilə komediya filmlərində çəkilməyə dəvət alırlar. Sonradan uğur qazanmayan bu filmlər tez bir zamanda kinoteatrlardan yığışdırılır. Sputnik Azərbaycan peşəkar aktyor olmayan, bu sənətin incəliyini bilməyən, hansısa səbəbdən qısa zamanda məşhurlaşan gənclərin filmlərə dəvət alması ilə bağlı, peşəkarlardan münasibət alıb.

Rejissor Tahir Tahiroviçin sözlərinə görə, rejissorun aktyor seçiminə müdaxilə etməsi mümkün deyil: "Elə filmlər olub ki, peşəkar aktyor olmayan oyunçular kifayət qədər uğur qazanıblar. Mənim düşüncəmə görə, hər şey rejissordan asılıdır. O, aktyoru filmə dəvət edirsə, onun işinə müdaxilə etmək düzgün deyil".

"Təbii ki, təhsil və məktəb aktyor üçün önəmlidir. Amma bu, qanun deyil. Gərək olarsa, təhsili olmayan istedadlı bloggeri filmə çəkərəm" – deyə rejissor əlavə edib.

Aktyor Kamran Ağabalayev "aktyor sənəti"nin böyük söz olduğunu və bu sənəti ucuzlaşdırmaq istəmədiyini bildirib: "Mən Qurban İsmayılova, Fuad Poladova aktyor deyirəm, Rasim Cəfərə aktyor deyirəm. Bloggerlikdən aktyorluğa yüksələnləri bu cür sənətkarlarla eyni tərəziyə qoymaq mümkünsüzdür. Bu cür insanların filmlərə dəvət alması və çəkilməsinin bir səbəbi də kütlədir. Kütlənin filmə baxması üçün belə məşhur gənclərdən istifadə edirlər. Elə gəncləri bəyənib filmə çəkən rejissor da elə o kütlədəndir. Ümid edirəm ki, bu hal düzələcək. Sadəcə zaman lazımdır".

Rəhim Rəhimov
© Photo : R.Rəhimovun şəxsi arxivindən

Yuğ Dövlət Teatrının direktoru Tərlan Rəsulov deyib ki, məşhur olmaq üçün heç bir qadağa yoxdur: "Əgər onlar özlərini bu cür təqdim edə, sonunda bir nəticəyə və uğura çata bilirlərsə, buna qarşı çıxmaq olmaz. Əgər onlar özləri üçün tələbat yarada bilirlərsə, rejissorlar onları çağırıb işlərindən razı qalırsa, bunun nəyi pisdir ki? Həm də peşəkarlıq gördüyün işin əsas qazanc yeri olduğunu nəzərdə tutur. Onların əsas məqsədi mənfəətidirsə və bununla pul qazanıb öz tələbatlarını ödəyə bilirlərsə, niyə onları peşəkar adlandırmayaq? Peşəkarlıq görülən işin səviyyəsini təyin edən amil deyil. Bu, bazar iqtisadiyyatının şərtləridir".

"İndi sovet vaxtı deyil ki, kiminsə sənətlə məşğul olması üçün bacarıqdan savayı diplomu da olmalıdır. Bu, həmçinin, rəqabət yaradar və artıq hər kəs öz üzərində daha səylə işləməyə başlayar" – deyə teatr müdiri əlavə edib.

O, qeyd edib ki, məktəb olmasa, insan nə qədər istedadlı olsa belə, tez tükənər: "1-2 filmdən sonra həmin aktyorlar məktəb keçməsələr, təkrarlanmağa başlayacaqlar və rejissorlar üçün maraqlı olmayacaqlar. Bu təhlükə istənilən təcrübə sahibi olan aktyorlara və rejissorlara da aiddir. Onlar bir müddətdən sonra özləri də təhsil almağa ehtiyac duyacaqlar. Universitet də olmasa, ən azı bir kurs bitirmək istəkləri yaranacaq".

Aktyor Kamran Yunisun məsələyə mövqeyi fərqli olub: "Hər kəs özünü aktyor saya və özünə aktyor deyə bilər. Bu gün bir az balaca rol alan kimi özlərini aktyor bilirlər. Amma aktyor o insandır ki, sənətin incəliklərini bilməlidir, yaradıcı olmalıdır. Mən heç İncəsənət Universitetində təhsil almış bəzi aktyorları qəbul etmirəm, onda qalsın bu sahədən uzaq birini aktyor sayım. Bu sənətin çox incəlikləri var. Hər yoldan keçən aktyor ola bilməz. Belə insanlarla tərəf müqabili olmaq çox çətindir. Elə sənətçilərlə normal sənət yaratmaq mümkün deyil. Bu gün Azərbaycanda belə insanlar yetərincədir. Mən belə aktyorlardan qaçmağa çalışıram".

225
Teqlər:
vine, videoblogger, kinematoqrafiya, sənət, rejissor, film, aktyor, Azərbaycan
Əlaqədar
Repressiya qurbanları: məşhur aktyor haqqında yalan ifadələri kimlər verib?
Məşhur aktyor prezidenti sərt tənqid etdi
Aktyorumuz "Ən yaxşı kişi ifaçısı" nominasiyası üzrə qalib oldu
Minilliklərə dayanan sənət məhv olmaq təhlükəsindən xilas edilib
Sənətkarların evlərini əllərindən alıblar
Müğənni Samirə Əfəndi Rotterdamda firuzəyi xalıda

Bu gün Azərbaycan təmsilçisi "Avroviziya"nın birinci yarımfinalında çıxış edəcək

3
(Yenilənib 11:15 18.05.2021)
Müsabiqənin birinci yarımfinalında ölkəmizlə yanaşı, Litva, Sloveniya, Rusiya, İsveç, Avstraliya, Şimali Makedoniya, İrlandiya, Kipr, Norveç, Xorvatiya, Belçika, İsrail, Rumıniya, Ukrayna və Malta çıxış edəcək.

BAKI, 18 may — Sputnik. Bu gün ölkəmizi "Avroviziya-2021" mahnı müsabiqəsində təmsil edən Samirə Efendi birinci yarımfinal mərhələsində çıxış edəcək.

Sputnik Azərbaycan xəbər verir ki, ifaçı "Mata Hari" mahnısı ilə səhnəyə 14-cü çıxacaq. Təqdim olunan bəstənin müəllifləri niderlandlı Amy van der Vel, Coş Earl, Lyuk Van Birsdir.

Müsabiqənin birinci yarımfinalında ölkəmizlə yanaşı Litva, Sloveniya, Rusiya, İsveç, Avstraliya, Şimali Makedoniya, İrlandiya, Kipr, Norveç, Xorvatiya, Belçika, İsrail, Rumıniya, Ukrayna və Malta çıxış edəcək.

Qeyd edək ki, Niderland Krallığının Rotterdam şəhərində keçirilən beynəlxalq müsabiqəyə 39 ölkədən 34 iştirakçı toplaşıb. Müsabiqənin ikinci yarımfinalı mayın 20-də keçiriləcək, final yarışması isə mayın 22-nə təyin olunub.

3
Xalça Muzeyi

Sabah muzeyə gedin, amma ayaqla yox - əyləncə seçimi var

20
Beynəlxalq Muzeylər Günü Beynəlxalq Muzeylər Şurasının (ICOM) təşəbbüsü ilə 1977-ci ildə xalqlar arasında mədəni mübadilə və əməkdaşlığın inkişafına kömək məqsədilə təsis olunub. Bu il Beynəlxalq Muzeylər Gününün devizi "Muzeylərin gələcəyi: dirçəliş və yeni baxış"dır.

BAKI, 17 may — Sputnik. Azərbaycan Milli Xalça Muzeyi Beynəlxalq Muzeylər Gününü silsilə tədbirlərlə qeyd edəcək. Sputnik Azərbaycan xəbər verir ki, bu münasibətlə mayın 18-də müxtəlif icma nümayəndələri ilə onlayn görüşlər keçiriləcək. Ayrı-ayrı icmalarla əməkdaşlıq əlaqələrini daim inkişaf etdirən Azərbaycan Milli Xalça Muzeyi bu dəfə də müxtəlif sənət sahələri üzrə mütəxəssislər, sənətkarlar arasında ünsiyyət körpüsü yaradacaq. Görüş zamanı Mədəniyyət Nazirliyinin dəstəyi ilə həyata keçirilən "Kreativ Azərbaycan" proqramları ilə bağlı məlumat veriləcək, bu istiqamətdə müxtəlif icmaların fəaliyyəti müzakirə olunacaq. Onların rifahının yüksəldilməsi məqsədilə öz potensiallarını üzə çıxarması, yerli yaradıcı məhsulları və xidmətləri ölkə daxilində, həmçinin xarici bazarlarda tanıtması və s. mövzularda fikir mübadiləsi aparılacaq.

Sağlamlıq imkanları məhdud şəxsləri birləşdirən ictimai təşkilatların rəhbərləri ilə görüş zamanı indiyədək birgə həyata keçirilən uğurlu layihələrdən və gələcək planlardan söhbət açılacaq. Ölkəmizin ilk inklüziv muzeyi kimi Azərbaycan Milli Xalça Muzeyi ilə bu istiqamətdə qarşılıqlı fəaliyyətin genişləndirilməsi məsələlərinə toxunulacaq.

Qarabağ muzeylərinin direktorları ilə onlayn görüş zamanı isə işğaldan azad olunmuş torpaqlarda vaxtilə fəaliyyət göstərmiş muzeylərin mövcud problemləri və onların həlli yolları müzakirə ediləcək. Həmin muzeylərin kolleksiyalarının öz vətəninə qaytarılması məqsədilə Beynəlxalq Muzeylər Şurasının (ICOM) müvafiq komitələri ilə həyata keçirilən danışıqlar, toplanmış yeni məlumatlar ətrafında fikir mübadiləsi aparılacaq.

© Photo : Azerbaijan National Carpet Museum
Afişa

Bununla yanaşı, mayın 18-də, saat 19:00-da muzeylər içərisində ilk dəfə Azərbaycan Milli Xalça Muzeyi "Nə? Harada? Nə zaman?" intellektual oyununu keçirəcək. Azərbaycan dilində baş tutacaq oyunda qeydiyyatdan keçən ilk 20 komanda iştirak edəcək, digər komandalar isə gözləmə siyahısında yer alacaq. Oyun muzeyin "Facebook" səhifəsindən canlı yayımlanacaq.

Qeyd edək ki, iştirakçılara ünvanlanacaq sualların mövzusu incəsənət sahəsini əhatə edəcək, o cümlədən dünya muzeyləri, xalçaçılıq sənəti və Azərbaycan Milli Xalça Muzeyi ilə bağlı olacaq. Qaliblər isə müxtəlif hədiyyələr qazanacaqlar.

Odur ki intellektual və yaradıcılıq imkanlarını sınamaq istəyən hər kəsi oyuna qatılmağa dəvət edirik. Bunun üçün aşağıdakı linkdən qeydiyyatdan keçə bilərsiniz: https://form.jotform.com/211223719513448

Silsilə tədbirlərin yekunu olaraq isə saat 21:00-da Azərbaycan Milli Xalça Muzeyində "Muzeylər gecəsi" keçiriləcək. Azərbaycan Milli Xalça Muzeyi və Beynəlxalq Muğam Mərkəzinin birgə təşkilatçılığı ilə baş tutacaq gecədə yeni fəaliyyətə başlayan rok, caz qrupları və ifaçıları maraqlı konsert proqramı ilə çıxış edəcəklər. Sənətdə yeni addımlarını atan istedadlı yaradıcı gənclərə dəstək olmaqla yanaşı, onların pərəstişkarlarının muzeylərə marağının artırılması məqsədilə keçirilən konsertdə "The Etude Band", "Ayna Band", "Diqqət", "Caz Band" qrupları, həmçinin Milan, Mixail Altuxov, Joseph Abbas ifa edəcəklər.

Həm əylənmək, həm də zövqlü musiqi dinləmək istəyirsinizsə, muzeyin "Facebook" səhifəsindən canlı yayımlanacaq konserti izləməyi unutmayın!

Qeyd edək ki, 18 may Beynəlxalq Muzeylər Günü Beynəlxalq Muzeylər Şurasının (ICOM) təşəbbüsü ilə 1977-ci ildə xalqlar arasında mədəni mübadilə və əməkdaşlığın inkişafına kömək məqsədilə təsis olunub. Bu il Beynəlxalq Muzeylər Gününün devizi "Muzeylərin gələcəyi: dirçəliş və yeni baxış"dır.

Eləcə də oxuyun:

* Mərhum kraliçanın alt paltarı hərraca çıxarılacaq

* Londonda azərbaycanlı rəssamın sərgisi açılıb

 

20
Teqlər:
onlayn, tədbir, Xalça Muzeyi