YUĞ Dövlət Teatrının binası

Yuğ Dövlət Teatrında premyera olacaq

20
(Yenilənib 18:17 07.06.2017)
Tamaşa Azərbaycan Dövlət Kukla Teatrının binasında nümayiş olunacaq

BAKI, 7 iyun — Sputnik. İyunun 8-də Yuğ Dövlət Teatrında Kamal Abdullanın "Bir, iki, bizimki" pyesi əsasında hazırlanmış "Səsimi unutma" tamaşasının premyerası keçiriləcək. Teatrın mətbuat xidmətindən Sputnik Azərbaycan-a verilən məlumata görə, tamaşanın quruluşçu rejissoru baş rejissor Gümrah Ömər, səhnə tərtibatçısı teatrın baş rəssamı Rəşid Şerifdir. Janrı bir bölümlü yuğlama kimi təyin olunan tamaşanın geyim üzrə rəssamı Leyla Əliyeva, musiqi tərtibatçısı Amid Qasımova məxsusdur.

Tamaşada əməkdar artistlər Məmmədsəfa Qasımov (Kişi), Gülzar Qurbanova (Qadın), aktyorlar Amid Qasımov (Oğlan səsi) və Ləman Novruzova (Qız səsi) çıxış edir.

İki dünya arasındakı sahibsiz bir məkana düşmüş qəhrəman vəfat etmiş qadını ilə ünsiyyət qurur. Qəhrəman sadəlövhcəsinə elə vəziyyətlər yaradır ki, sonradan özü onu fani dünyaya bağlayan hər şeydən qaçılmaz şəkildə imtina etməli olur. Əbədiyyətin elçisi – sevimli qadın səbrlə, lakin güzəştsiz olaraq öz opponentinə "kömək" edir, təkəbbür və iltifatla onun hiylələrinə göz yumur.

Tamaşa saat 19.00-da başlayacaq.

Qeyd edək ki, tamaşa Azərbaycan Dövlət Kukla Teatrının binasında nümayiş olunacaq.

20
Teqlər:
Premyera, Azərbaycan Dövlət Kukla Teatrı, Yuğ Dövlət Teatrı, Rəşid Şerif, Gümrah Ömər, Ləman Novruzova, Gülzar Qurbanova, Məmmədsəfa Qasımov, Leyla Əliyeva, Amid Qasımov
Əlaqədar
Teatrın direktoru Kiyevdə işgüzar səfərdədir
ADGT teatrı Oyunlar zamanı 7 tamaşa nümayiş etdirəcək
ƏSA teatrından daha bir ilk
Beynəlxalq Teatr Günü
144 yaşlı Azərbaycan teatrının arzuları da var, problemləri də