Yazıçı Reyhan Şıxlinskaya

Azərbaycanlı yazıçının əsəri Ukraynanın elektron kitabxanasına daxil edilib

46
(Yenilənib 13:15 28.04.2017)
Kosmik gəminin qəzaya uğraması nəticəsində Yer planetinə düşən 12 yaşlı Leminin macəralarından bəhs edən kitab Ukraynada da uğur qazanıb

BAKI, 28 aprel — Sputnik. Azərbaycanlı qadın yazıçı Reyhan Yusifqızının kitabı, Ukraynada ən yaxşı kitablarla bağlı müsabiqədən keçərək bu ölkənin elektron kitabxanasına daxil edilib. Bu barədə Sputnik Azərbaycan-a yazıçı özü məlumat verib.

Moskvanın Strelbitski Multimedia Nəşriyyatı azərbaycanlı yazıçının "Yaşıl gözlü qız" kitabını rus dilində nəşr edib. Bu nəşr Ukrayna ədəbiyyatsevərlərinin və dövlətinin diqqətini cəlb edib. Nəticədə nəinki ölkəmizdə, eləcə də yaxın xaricdə populyar olan bu kitab Ukraynanın elektron kitabxanasına daxil edilib.

Qeyd edək ki, müəllifin uşaq fantastikası janrında olan bu əsəri 12+ yaş həddində olan uşaqlar üçün nəzərdə tutulub. "Yaşıl gözlü qız" kosmik gəminin qəzaya uğraması nəticəsində Yer planetinə düşən 12 yaşlı yadplanetli qız Leminin macəralarından bəhs edir. Lemi ilə tanış olan Yer planetindəki dostları onun köməyi ilə kainatın sirlərini açmağa çalışırlar.

Qeyd edək ki, sözügedən əsər Azərbaycanda orta məktəb dərsliklərinə daxil edilib. "Yaşıl gözlü qız" 2009-cu ildə Türkiyənin TMMOB nəşriyyatında türk dilində də çap olunub.

46
Teqlər:
nəşr, "Yaşıl gözlü qız", Reyhan Yusifqızı, kitab, Ukrayna, yazıçı, Azərbaycan
Əlaqədar
Xalq yazıçısının oğlu işdən çıxarıldı
Azərbaycanda dini mövzuda yazan yazıçıların birliyi yarandı
Əsərinə Hollivudda film çəkilmiş azərbaycanlı yazıçı
Dünya şöhrətli yazıçı ilə həmsöhbət olmaq fürsəti
Yazıçı: “Uşaq ədəbiyyatı sahəsində problemlərimiz var”
Şair və yazıçılar əsgərlərlə mütəmadi görüşlər keçirəcəklər
İbrahim Tatlısəs, arxiv şəkli

Tatlısəsin qızı ona cərimə yazan polisləri təhqir etdi

14
(Yenilənib 22:46 27.11.2020)
Müğənniyə 3 min 150 lirə dəyərində pul cəzası təyin edilib. Bundan sonra Dilan polis əməkdaşlarına qarşı müqavimət göstərib

BAKI, 27 noyabr — Sputnik. İbrahim Tatlısəsin müğənni qızı Dilan Çıtak Tatlısəs karantin qaydasını pozub.

Sputnik Azərbaycan xəbər verir ki, gənc ifaçı koronavirus səbəbi ilə ölkədə tətbiq edilən qaydalara əməl etməyib.

Bazar günü evdən çıxmağa icazə olmadığı halda, Dilan şəhərdə görüntülənib. Şişli ərazisində olan ifaçı polislər tərəfindən saxlanılıb.

Müğənniyə 3150 lirə dəyərində pul cəzası təyin edilib. Bundan sonra Dilan polis əməkdaşlarına qarşı müqavimət göstərib.

Sənətçi haqqında polisə müqavimət göstərdiyi, təhqir etdiyi və yoluxucu xəstəliklər üçün görülən tədbirlərə qarşı çıxdığı üçün istintaq başladılıb.

Qeyd edək ki, Tatlısəsin qızı aprel ayında koronavirusa yoluxmuşdu. O, bir müddət öncə də karantin qaydalarını pozduğuna görə cəzalandırılmışdı.

14
Teqlər:
İbrahim Tatlısəs, karantin, Türkiyə, Koronavirus, epidemiya, COVID-19
Gecə vaxtı yol, arxiv şəkli

Xalq artisinin qardaşı intihara cəhd etdi

35
(Yenilənib 21:20 27.11.2020)
Canına qəsd etmək istəyən kişi xəsarət alaraq Sumqayıt şəhər Təcili Tibbi Yardım Xəstəxanasına yerləşdirilib

BAKI, 27 noyabr - Sputnik. Xalq artisti Əlixan Səmədovun qardaşı, 1966-cı il təvəllüdlü Vəlixan Səmədov özünü Sumqayıtda, Sülh küçəsində avtomobilin altına atıb. 

Sputnik Azərbaycan APA-ya istinadən bildirir ki, canına qəsd etmək istəyən V.Səmədov xəsarət alaraq Sumqayıt şəhər Təcili Tibbi Yardım Xəstəxanasına yerləşdirilib.  

Faktla bağlı araşdırma aparılır.

35
Teqlər:
xəsarət, avtomobil, intihara cəhd, qardaş, xalq artisti
Uşaqlar, arxiv şəkli

Müharibədən əziyyət çəkmiş uşaqlara göstərilən sosial-psixoloji dəstək gücləndiriləcək

0
(Yenilənib 23:15 27.11.2020)
Sənəddə Ermənistan–Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb

BAKI, 27 noyabr — Sputnik. "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı" yerli səviyyədə uşaqları müdafiə sistemini gücləndiməklə, ölkə üzrə uşaqları müdafiə mexanizminin təkmilləşdirilməsi və genişləndirilməsi istiqamətində tədbirlərin həyata keçirilməsini nəzərdə tutur. Sputnik Azərbaycan-ın məlumatına görə, bu, Prezident İlham Əliyevin 2020-ci il 27 noyabr tarixli Sərəncamı ilə təsdiq edilən "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əksini tapıb.

Fəaliyyət Planında pandemiya və digər fövqəladə vəziyyətlər də nəzərə alınmaqla, uşaq hüquqlarının müdafiəsinə hərtərəfli yanaşma prinsipləri, xüsusi vəziyyətlərdə uşaqların bütün növ xidmətlərə təhlükəsiz çıxışında bərabərliyin təmin olunması məsələləri, xüsusilə Ermənistan-Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb. Eyni zamanda, xarici ölkələrdə münaqişə qurbanı olmuş və daha sonra ölkəmizə qaytarılmış Azərbaycan Respublikası vətəndaşı olan uşaqların cəmiyyətə reinteqrasiyası istiqamətində də fəaliyyətin həyata keçirilməsi nəzərdə tutulub.

Çətin həyat şəraitində, baxımsız və sosial təhlükəli vəziyyətdə olan uşaqların aşkarlanması və onların sosial müdafiəsi, reabilitasiyası, cəmiyyətə inteqrasiyası sahəsində tədbirlərin həyata keçirilməsi, eyni zamanda, ölkəmizdə alternativ qayğı xidmətlərinin inkişafı, həyatın bütün sahələrində uşaqlara qarşı zorakılığın qadağan olunması ilə bağlı qanunvericilik təkliflərinin işlənilməsi Fəaliyyət Planında xüsusi yer tutur.

0
Teqlər:
psixoloji yardım, sosial, reabilitasiya, əziyyət, müharibə, uşaqlar