Araz Hümbətli

"Onlar bu səsi heç yerdə eşitməmişdilər"

342
(Yenilənib 22:24 25.04.2017)
Dünyada məşhur olan layihə azərbaycanlı ifaçının həyatını tamamilə dəyişib, o, hətta həyat yoldaşından ayrılıb

BAKI, 25 aprel — Sputnik. Hər il Azərbaycanın istedadlı ifaçıları müxtəlif beynəlxalq musiqi layihələrində iştirak edirlər. Onlardan biri də gənc müğənni Araz Hümbətlidir. Şöhrət onun həyatına bütün dünyada məşhur olan "Fransanın səsi" müsabiqəsində iştirakdan sonra gəlib.

Bu barədə Sputnik Azərbaycan-a müğənni özü danışıb.

— Araz, "Fransanın səsi" layihəsində iştirak sizə nə verdi?

— Bu müsabiqənin mənim üzərimdə heç bir təsiri yoxdur. Mən səhər yuxudan necə oyanırdımsa, elə də oyanıram. Sadəcə xoşdur ki, məni küçədə tanıyırlar, yaxınlaşırlar, şəkil çəkdirirlər. Heç vaxt düşünməzdim ki, mənim səhnədə çıxışım belə böyük rezonansa səbəb ola bilər. Populyarlıq mənim üçün elə də vacib deyil. Sadəcə bu layihədə iştirakdan sonra bir çox şeylər dəyişdi. Mən yüzlərlə təbrik aldım. Bunların çoxu Azərbaycandan idi. Bir azərbaycanlı kimi bu mənim üçün xoş idi. 

— Siz Fransada neçə il yaşamısız?

— Demək olar ki, iki il. Fransaya gedişim mənim üçün eksperiment kimi oldu. Bilirdim ki, bu, mənim musiqimə təsir göstərəcək, nəticə elə gözlədiyim kimi də oldu. Yeni şəraitə düşəndən, müxtəlif istiqamətli musiqiçilərlə tanış olandan sonra hiss etdim ki, mənim musiqim də dəyişib, mən yeni təcrübə toplamışam. Buna qədər müxtəlif festivallarda iştirak etmişəm, amma haqqımda yalnız mən "Səs" layihəsində iştirak edəndən sonra danışıblar.

İl yarım fransız dilini öyrənmişəm ki, insanları başa düşüm və insanlar da məni başa düşsünlər. "Səs" layihəsinin səhnəsində də istəmişəm ki, özüm olum, Bakıdakı pərəstişkarlarım, dostlarım məni necə xatırlayırlarsa, elə. Mən onlar üçün bizim xalq mahnımız "Ay Laçın"ı oxudum. Onun ifası zamanı bizim xalq çalğı alətimiz olan tardan istifadəni qərara aldım. Tarın səsi münsiflərdə təəssürat oyatdı, çünki onlar bu səsi heç yerdə eşitməmişdilər. Onlar sadəcə mənə "yox" deyə bilmədilər.

— Siz nə vaxt musiqinin sizi cəzb etdiyini başa düşmüsüz?

— Uşaqlıqda, atam mənə saksofon, daha sonra gitara, Beatles, Bee Gees, Led Zeppelin, King Crimsonun saysız səs yazılarını hədiyyə edəndə. Mənə ən çox bizim Azərbaycanın etnik musiqisi təsir edib.

— Siz həmişə öz çıxışlarınızda mikrofonunuza kəlağayı bağlayırsız. Niyə?

— O, mənim talismanımdır, ona görə də həmişə mənimlə idi. Mən onu 2011-ci ildə Şəkidən almışam. Məni bu şəhərlə bir çox xoş xatirələr bağlayır. O vaxtdan etibarən həmişə çıxışlarım zamanı onu öz mikrofonuma bağlayıram. 

— Siz niyə yenidən Bakıya qayıtmaq qərarına gəldiz?

— Belə alındı. Tale məni həmişə bir yerdən başqa yerə atır. Amma şikayətçi deyiləm. Əgər hiss edirəmsə ki, Bakıda olmalıyam, bura gəlirəm, əgər sabah harasa getmək istəsəm, gedərəm. Bilmirəm sabah harada olacam. Mən səyahətlərə, testlərə, özünüinkişafa açığam. İstənilən halda mən oxuyacağam.

— Sizin yaradıcılığınız vətəndə necə davam edir?

— Pis deyil. Çalışıram tez-tez konsert verim və öz tamaşaçılarıma sevgi bəxş edim.

— Siz bu günlərdə beynəlxalq musiqi festivalı olan "Youthvision-2017"-də iştirak etmisiz…

— Hə, mənə zəng edib orada iştiraka dəvət etdilər. Təşkilatçılarla görüşdüm və öz razılığımı verdim. Hər halda bu, beynəlxalq layihədir və orada dünyanın müxtəlif ölkələrindən ifaçılar iştirak edir. Musiqi bizi Yer üzündə birləşdirən yeganə qüvvədir. Bütün iştirakçılar çox istedadlı idilər. Mən onları təkcə musiqiçi kimi deyil, həm də insan kimi qiymətləndirirəm. 

— Siz Bakıya həyat yoldaşınızla gəlmisiz?

— Yox, təkcə. Artıq mənim həyat yoldaşım yoxdur, ayrılmışıq. Səbəbləri demək istəmirəm, sadəcə onu deyim ki, belə alındı. Bu həyatdır, heç kəs deyə bilməz ki, sabah onun başına nə gələcək. Mənim keçmiş həyat yoldaşım çox gözəl insandır. Mən ona xoşbəxtlik, sevgi arzulayıram. Şadam ki, o, mənim həyatımda olub. Hər şey artıq keçmişdə qalıb. Mən öz həyatımı yaşamağa davam edirəm və musiqi ilə məşğulam.

— Ayrılmağınızın səbəbi yaradıcılıqla bağlı olmayıb ki?

— Yaradıcılıq heç nədə günahkar deyil. O, yalnız birləşdirir, ayırmır. Boşanmağımın yaradıcılığımla heç bir əlaqəsi yoxdur.

342
Teqlər:
"Youthvision-2017", pərəstişkarlar, Ay Laçın, Fransanın səsi, yarışma, Şəki, Fransa, Bakı, səs, Araz Hümbətli
Əlaqədar
"O Səs Türkiyə"də azərbaycanlıları görəndə qıcıqlanırlar"
Azərbaycanlı çilingər Ukraynanı ayağa qaldırdı
Azərbaycan mahnısı ilə yarışmanı qazanan türk müğənni tanınmaz hala düşüb
Bakıda Zəfər paradı

Ərdoğan Qarabağ Zəfəri Xocalı qətliamı haqqında serial çəkilməsi barədə tapşırıq verib

149
(Yenilənib 16:38 02.03.2021)
Mədəniyyət naziri Anar Kərimov bildirib ki, Qarabağ Zəfəri, Qafqaz İslam Ordusu və Xocalı qətliamı kimi tarixi hadisələr haqqında film və serialların çəkilməsi Azərbaycan və Türkiyə dostluq və qardaşlığının simvolu olacaq.

BAKI, 2 mart — Sputnik. Türkiyə Prezidenti Rəcəb Tayyib Ərdoğan Qarabağ Zəfəri və Xocalı qətliamı haqqında serial çəkilməsi barədə tapşırıq verib.

"Cənab Prezidentimizin tapşırığı ilə Qarabağ Zəfəri ilə yanaşı, Qafqaz İslam Ordusu və Xocalı qətliamı kimi tarixi hadisələr haqqında Türkiyə və Azərbaycan birgə serial və film layihələri həyata keçirəcək".

Sputnik Azərbaycan xəbər verir ki, bunu Türkiyə Prezidenti Administrasiyasının İctimaiyyətlə əlaqələr idarəsinin rəhbəri Fahrettin Altun söyləyib.

O bildirib ki, bu cür layihələrin həm milli, həm də dünya miqyasında mətbuat və rəqəmsal platformalarda yer alması təmin ediləcək: "Həmin layihələrdə tarix və ideallarımızın birliyini ən güclü şəkildə vurğulayacağıq. Serial və film sektorlarımızın birlikdə işləməsi və təcrübələrini paylaşması çox önəmlidir".

Mədəniyyət naziri Anar Kərimov bildirib ki, Qarabağ Zəfəri, Qafqaz İslam Ordusu və Xocalı qətliamı kimi tarixi hadisələr haqqında film və serialların çəkilməsi Azərbaycan və Türkiyə dostluq və qardaşlığın simvolu olacaq.

149
Səmra Rəhimli

Səmra açıq-saçıq klipi fotossesiyası ilə gündəmi zəbt edib - VİDEO/FOTO

22
(Yenilənib 15:42 02.03.2021)
"Hərdən mənə elə gəlir ki, əvvəl səhifəm dini səhifə və izləyicilərim isə dindarlar olub. Dini məsləhətlər vermişəm, bu gün də qəfil artist olmağa qərar vermişəm, izləyicilərim çaş-baş qalıblar" - Səmra Rəhimli

BAKI, 2 mart — Sputnik. Müğənni Səmra Rəhimli "Göz" adlı yeni klipini təqdim edib. Sputnik Azərbaycan xəbər verir ki, layihənin rəhbəri və rejissoru sənətçinin anası İlahə Baxşıyevadır. "Youtube" video hostinqində və "instagram" hesabında paylaşılan klip açıq-saçıq görüntülərinə görə müzakirə olunub. S.Rəhimli isə müzakirələrə səbəb olan klipi haqda bu sözləri yazıb:

Посмотреть эту публикацию в Instagram

Публикация от QUEEN SAMRA (@samraeurovision)

"Hərdən mənə elə gəlir ki, əvvəl səhifəm dini səhifə və izləyicilərim isə dindarlar olub. Dini məsləhətlər vermişəm, bu gün də qəfil artist olmağa qərar vermişəm, izləyicilərim çaş-baş qalıblar".

Посмотреть эту публикацию в Instagram

Публикация от QUEEN SAMRA (@samraeurovision)

Qeyd edək ki, mahnının söz və musiqisi Clavisə məxsusdur. Müğənni bundan başqa, fərqli fotosessiyası ilə hər kəsi təəccübləndirib.

22
Teqlər:
video, Səmra Rəhimli, klip
Ehtiyatda olan hərbiçilərin cəbhəyə yolanması, arxiv şəkli

İlham Əliyev hərbi xidmətlə bağlı sərəncam imzalayıb

0
(Yenilənib 18:37 02.03.2021)
Azərbaycan Respublikası vətəndaşlarının 2021-ci il aprelin 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında Sərəncam imzalanıb.

BAKI, 2 mart - Sputnik. Prezident İlham Əliyev Azərbaycan Respublikası vətəndaşlarının 2021-ci il aprelin 1-dən 30-dək müddətli həqiqi hərbi xidmətə çağırılması və müddətli həqiqi hərbi xidmət hərbi qulluqçularının ehtiyata buraxılması haqqında Sərəncam imzalayıb.

Sputnik Azərbaycan xəbər verir ki, Sərəncama əsasən, 2003-cü ildə doğulmuş və çağırış gününədək (həmin gün də daxil olmaqla) 18 yaşı tamam olmuş, habelə 1986–2002-ci illərdə doğulmuş, yaşı 35-dək olan, Azərbaycan Respublikasının Silahlı Qüvvələrində müddətli həqiqi hərbi xidmət keçməmiş, müddətli həqiqi hərbi xidmətə çağırışdan möhlət hüququ olmayan və ya müddətli həqiqi hərbi xidmətə çağırışdan azad edilməmiş Azərbaycan Respublikası vətəndaşları 2021-ci il aprelin 1-dən 30-dək müddətli həqiqi hərbi xidmətə çağırılırlar.

2020-ci il oktyabrın 30-dək “Hərbi vəzifə və hərbi xidmət haqqında” Azərbaycan Respublikası Qanununun 38.1.1-ci maddəsində nəzərdə tutulmuş xidmət müddətini keçmiş müddətli həqiqi hərbi xidmət hərbi qulluqçuları 2021-ci il aprelin 1-dən 30-dək ehtiyata buraxılırlar.

Azərbaycan Respublikasının Nazirlər Kabineti bu Sərəncamın icrası üçün qanunvericilikdə nəzərdə tutulmuş tədbirləri görməlidir.

0
Teqlər:
Prezident İlham Əliyev, prezident İlham Əliyev, İlham Əliyev