BAKI, 18 apr — Sputnik. Bred Pittlə boşanma Ancelina Colinin həyatında böyük dəyişikliyə səbəb olub.

Sputnik Azərbaycan Qərb mediasına istinadla xəbər verir ki, məşhur ulduz aktyor karyerasını başa vurmaq qərarına gəlib.

"Malefisenta" fantastik filminin ikinci hissəsindəki rolu onun sonuncu kino işi olacaq.

Məlumata görə, Coli vaxtının çox hissəsini ailə vəzifələrinə və altı uşağına həsr etmək niyyətindədir.

Bununla belə, Coli xeyriyyə layihələri ilə işə konsentrə olur. Bundan sonra o, səyahətə və dünyanın müxtəlif guşələrindəki qaçqınları ziyarət etməyə daha çox vaxt ayıracaq.

Ulduza yaxın mənbələr bildirirlər ki, Ancelina kino dünyasından tamamilə uzaqlaşmayacaq. O, indi ssenarilər yazacaq, rejissura ilə məşğul olacaq və yeni filmlərin prodüserliyini edəcək.

Ancelina özü, gələcək planları ilə bağlı hər hansı rəsmi açıqlama və ya şərh verməyib.

KİV-də yayılan məlumatlara görə, Pitt keçmiş həyat yoldaşı ilə yenidən qovuşmaq niyyətindədir. O, bu qərara 8 yaşlı qızı Vivyenin Londondakı Hayd-parkda dayəsi ilə birlikdə gəzərkən yıxılaraq başına möhkəm zərbə dəydiyi barədə informasiya aldıqdan sonra gəlib.

İnsident dayə qadın əkiz tayı olan qızı velosipeddə apararkən baş verib. Həmin vaxt Ancelina özü ümumiyyətlə ölkədə olmayıb. Bu xəbər Pitti özündən çıxarıb və indi o özü Colidən qisas almaq niyyətindədir. Pitt həmişə Colini uşaqlara lazımi diqqət və qayğı göstərməməkdə günahlandırır.

BAKI, 26 yanvar - Sputnik. Almaniyanın Güterslo şəhərindəki anbardan dəyəri 40 min avro olan on konteyner maska oğurlanıb.

Sputnik Azərbaycan bildirir ki, bu barədə yerli polis məlumat yayıb. Məlumata görə, oğrular FFP2 tipli maskaların olduğu anbara girərək on konteyner maskanı oradan çıxarıblar.

Almaniyada yanvar ayından etibarən mağazalarda və ictimai nəqliyyatda FFP2, FFP3 və КN95/N95 maskalarının taxılması məcburi elan edilib. Evdə tikilən maskaları taxmaq isə qadağandır, çünki onlar koronavirusdan etibarlı şəkildə qorumur.