Hoqqa filmindən kadr

Müasir Azərbaycan filminin hoqqaları

700
Yaxud yeni nümayiş olunan filmlərin bədbəxt taleyi: "Naxox", "Hoqqa", "Ağanatiq"...

BAKI, 15 fev — Sputnik. Artıq bir neçə ildir ki, Azərbaycanda ard-arda yeni filmlər çəkilir. Televiziyada, radioda, sosial mediada, metroda, marşrutda, kinoteatrların qabağında — az qala hər yerdə bu filmlərin afişaları ilə qarşılaşırıq. Təmtəraqlı qala gecələri, film haqqında ard-arda yayımlanan reklam xarakterli ucuz xəbərlər, baş rol ifaçılarının qalmaqallı açıqlamaları və bu kimi digər şeylər də hər yerdə gözümüzə girməyə çalışır.

Yaxşı bəs bu filmlərdə filmə, sənətə dair nəsə varmı? Bu filmlər tarixdə qalacaqmı? Çəkilən mövzunun verdiyi mesaj nədən ibarətdir? Hadisələr aktuallıq və maarifləndiricilik baxımından nə dərəcədə əhəmiyyətlidir?

Elə düşünməyin ki, mən sovet senzurasının tərəfdarıyam. Əsla! Əksinə, mən sənətə, yaradıcılığa tətbiq olunan bütün növ qadağalara, məhdudiyyətlərə qarşıyam. Yaradıcılığı qəliblərə salmağın, çərçivələrə soxmağın əleyhinəyəm. Amma təkrar edirəm: sənəti və yaradıcılığı.

Son 5 ilin yerli filmlərinin böyük bir qismində sənətdən və yaradıcılıqdan əsər-əlamət olmadığı üçün bu filmlərə hər cür qadağa, məhdudiyyət, qəlib, çərçivə və bu kimi şeylər tətbiq oluna bilər. Məsələn, "Şərikli çörək" filmində balaca qızcığazın öz dizində kömür və yaylıqla kukla düzəltdiyi səhnə bugünkü yerli filmlərin tamamından qat-qat daha böyük yaradıcılıq məhsulu, sənət əsəridir. Təkcə həmin filmin o səhnəsi bugünkü filmlərimizin hamısından daha aktual və maarifləndiricidir.

"Nəsimi" filmində Nəsiminin Topal Teymurla dialoq səhnəsi də, "Yeddi oğul istərəm" filmində Cəlalın güllələnmə səhnəsi də, "Babək" filmində Babəkin oğlu ilə dialoqu səhnəsi də, "Qaynana" filmində Cənnət xalanın gəlini Afətin məşqini izlədiyi səhnə də, "Bəxt üzüyü" filmində Hüseynin monoloq səhnəsi də həmçinin. Bu xırda səhnələrin hər biri ayrılıqda o qədər böyük məzmun, məna, ideya ehtiva edir ki, eyni istedad və əmək səviyyəsini müasir Azərbaycan filminin tamamında görmək mümkün deyil. "My name is İntiqam", "Xoxan", "My Name is İntiqam 2 — Moldova", "Naxox", "Hoqqa", "Ağanatiq", "Həddən artıq uyğunluq", "Gecə qonağı" və digərləri bu qəbildəndir.

Son günlər təqdimatı keçirilən yerli filmlərin əksəriyyətini izlədim. Məsələn, "Naxox" filmində Ağaxan Salmanlının mükəmməl ifasından başqa sənətə, yaradıcılığa aid heç bir şey yoxdur. Olduqca bəsit ssenari, bayağı dialoqlar, zərrə qədər daxili yaşantısı olmayan, sadəcə nitq və bədən hərəkətləri ilə güldürməyə çalışan bərbad aktyor oyunu və s. və i. a.

"Hoqqa" filmini isə filmdən daha çox elə hoqqa adlandırmaq yerinə düşər. Bəli, bu, film deyil. Ssenaristlərin, rejissorun və aktyorların çıxardığı hoqqadır. Acınacaqlısı odur ki, bu filmin rejissoru Cavid Təvəkküldür. Ad sizə tanış gəlmədisə, kömək edə bilərəm: Cavid Təvəkkül məşhur "Azarkeş" filminin rejissorudur. Zarafat deyil. Ciddi sözümdür. "Azarkeş" filmini çəkən adam "Hoqqa"nı da film adıyla insanlara sırımağa çalışıb.

Maraqlısı budur ki, hörmətli rejissorun ssenari ilə bağlı giley-güzar püskürən çıxışlarına tez-tez rast gəlirik. Görəsən, Cavid bəyin nəzərdə tutduğu fövqəladə ssenari bu idimi? Yoxsa… Yoxsa maddi sıxıntıların məcburiyyətimi?

"Ağanatiq" isə müəyyən qədər digər ikisindən daha yaxşı idi. Ən azından bu filmdə komediya bayağı dialoqların üzərində barmaqucu dayanmaqdansa, konkret hadisələrin içində kürsü qurmuşdu. Bir də ki, mövzu müəyyən qədər əhəmiyyətli idi. Məlum cəmiyyətimizin varlı-kasıb qarşıdurması, varlıların tamahı, kasıbların saflığı kimi ümumi və işlənmiş mövzular bir yerə cəmlənsə də, ümumilikdə, digərlərinə nisbətən daha çox film idi.

"My name is İntiqam 2 — Moldova" filmini isə kinoteatrdan deyil, bu yaxınlarda internet portalından izlədim. Əmin oldum ki, İntiqam hər hansı bir sadə vətəndaşın deyil, elə müasir Azərbaycan kinosunun obrazıdır. Çünki müasir Azərbaycan kinosu da İntiqam kimi özünü zirvələrdə zənn edir, amma səfil həyatı yaşayır. Uğur qazanacağına inanır, amma hər dəfə bədbəxtliklə üzləşir. Özünü bir şey zənn edir, amma əslində, İntiqamın təfəkküründən o yana keçə bilməyib.

Bu keyfiyyətsiz, sənətdənkənar məhsullara film dediyim üçün üzr istəyirəm. Axı bu yazını filmin peşəkarları oxuya bilər. Əgər ruh deyə bir şey varsa, kim bilir, bəlkə Həsən Seyidbəylinin, Rasim Ocaqovun, Əlisəttar Atakişiyevin ruhları da bunları görür. Hər halda əminəm ki, bunların heç biri film deyil, amma bizə bu cür sırınır.

Mən isə ən birinci hələ də dünyaya göstərə biləcəyimiz bir film sahibi olmadığımız üçün üzülür, bu sənətdənkənar məhsullara xərclənən vəsaitlərin zay olmasına təəssüf edirəm…

700
Teqlər:
səhnə, sənət, rejissor, kino, film, aktyor
Əlaqədar
Türk filmlərinin əfsanəsi ağır günlər yaşayır
Milyonların sevə-sevə baxdığı "keyfiyyətsiz" film
“Naxox” filminin qala gecəsi keçirildi
Bakıda azyaşlı uşaqlar yaş həddi qoyulmuş filmlərə niyə buraxılır
“Fitnə” sənədli filminin təqdimatı keçirildi
Əsrimizin 100 ən möhtəşəm filmi
Bakıda türk filmlər həftəsi başlayır
Corc Kluni, arxiv şəkli

Corc Kluni şeytandır?

18
(Yenilənib 10:51 25.11.2020)
"Qəzetlər yazırdı: Şeytan! Corc Kulini şeytandır!"- deyən aktyor bildirib ki, o, bundan sonra Bred Pittdən qisasını alıb.

BAKI, 25 noyabr — Sputnik. Amerikalı aktyor Corc Kluni GQ jurnalına müsahibəsi zamanı "Ouşenin 12 dostu" filminin çəkilişləri zamanı baş verən kuryoz hadisədən danışıb.

Sputnik Azərbaycan xarici mətbuata istinadla xəbər verir ki, filmin bəzi hissələri aktyorun bir neçə il yaşadığı İtaliyada, Komoda çəkilib. Onun sözlərinə görə, filmdə rol alan Bred Pitt şəhərə Kluni ilə "xüsusi" davranmağa çağıran vərəqələr yerləşdirərək, yerli sakinlərə mesaj verib.

"Xahiş edirəm, Corc Kluni ilə filmdəki Denni Ouşen kimi davranın və onun gözlərinə baxmayın", - divara yapışdırılmış məktublarda yazılıb.

Bu zaman həmin mesaja yerli KİV xüsusi reaksiya göstərib.

"Qəzetlər yazırdı: Şeytan! Corc Kluni şeytandır!"- deyən aktyor bildirib ki, o, bundan sonra Bred Pittdən qisasını alıb.

Xatırladaq ki, rejissor Stiven Soderberqin çəkdiyi "Ouşenin 12 dostu" filmi 2004-cü illərdə ekranlaşdırılıb.

Filmdə Corc Kluni və Bred Pittlə yanaşı, Mett Deymon, Ketrin Zeta-Cons, Culya Roberts, Vensan Kassel rol alıblar.

18
Teqlər:
çəkiliş, film, Bred Pitt, amerikalı aktyor Corc Kluni
Aşpaz, arxiv şəkli

Məşhur "Master Chef" yarışında Azərbaycan mətbəxi günü elan edilib

36
(Yenilənib 22:02 24.11.2020)
Yarışın ötən gün yayımlanan bölümündə iştirakçılara "Dovğa", "Şah plov", "Gürzə", "Sazan ləvəngi", "Şəkərbura" bişirmələri tapşırılıb.

BAKI, 24 noyabr — Sputnik. Türkiyənin məşhur "Master Chef" yarışında Azərbaycan mətbəxi günü elan edilib.

Sputnik Azərbaycan xəbər verir ki, yarışın ötən gün yayımlanan bölümündə iştirakçılara "Dovğa", "Şah plov", "Gürzə", "Sazan ləvəngi", "Şəkərbura" bişirmələri tapşırılıb.

"Bu həftə mətbəxinə müraciət etdiyimiz ölkə qəlbimizə yaxındır. Qardaş ölkə Azərbaycan mətbəxinə müraciət edəcəyik", - deyə münsiflərdən Somer Sivrioğlu söyləyib.

Посмотреть эту публикацию в Instagram

Публикация от MasterChef Türkiye (@masterchefturkiye)

Digər münsif Mehmet Yalçınkaya isə: "Qardaşlarımızın qələbəsini təbrik edirik. Haqlı bir qələbə qazandılar. Ən sonunda haqları olanı geri aldılar. Oradakı şəhidlərimizi sevgi və sayqıyla anırıq. Mübarizələri davam edir, uğurlar diləyirik", - sözlərini deyib.

36
Teqlər:
Azərbaycan mətbəxi, "Master Chef", tv, Azərbaycan, Türkiyə

Dünya futbolunun əfsanəsi FOTOlarda

0
(Yenilənib 08:53 26.11.2020)
Dieqo Maradonanın oyunu dedikdə yəqin ki, öncə göz önünə onun sinəsini qabağa verərək rəqib oyunçuları aldadaraq bütün meydançanı keçməsi göz önünə gələcək.

Xəbər verildiyi kimi, dünya futbolunun əfsanəsi argentinalı Dieqo Armando Maradona dünyasını dəyişib. Maradona 60 yaşında infarktdan həyatını itirib. 

Əfsanəvi hücumçu azrkeçlərin yadında yalnız fenomenal oyunu ilə deyil, həm də qalmaqallarla yadda qalıb. 

Məsələn, 1986-cı ildə Argentina yığmasının qızıl medal qazandığı dünya çempionatında Maradonanın 1/4 finalda İngiltərə yığmasının qapısından əl ilə keçirdiyi top uzun müddət müzakirə mövzusu olub. Səbəbkarın özü hakimin hesaba aldığı topu "tanrının əli" vasitəsilə qapıdan keçirdiyini bildirib.

1991-ci ildə isə İtaliya çempionatının oyunundan sonra dopinq-testdən keçən Maradonanın kokain qəbul etdiyi aşkarlanıb.

Bütün bunlara baxmayaraq, futbolla maraqlanan hər kəs Dieqo Maradonanı futbol dahisi, təkbaşına oyunun taleyini həll edə bilən oyunçu kimi xatırlayacaq.

Sputnik Azərbaycan əfsanənin müxtəlif görüntülərini təqdim edir. 

 

0
  • © REUTERS / Carlos Barria

    Argentinalı futbolçu Dieqo Maradona müsahibə zamanı, 2010-cu il.

  • © REUTERS / Action Images / Juha Tamminen

    Argentinanın hücumçusu Maradona DÇ-1986-nın dörddəbir final matçında İngiltərə yığmasına qarşı oyunda.

  • © AP Photo / Carlo Fumagalli, file

    Dieqo Armando Maradona DÇ-1986-ın finalında AFR üzərində qələbədən sonra kuboku başı üzərinə qaldırır.

  • © REUTERS / Stringer

    Dieqo Maradona həyat yoldaşı Klaudiya və anası ilə toyda, 1989-cu il.

  • © Sputnik / Vladimir Rodionov

    İtaliyanın "Napoli" klubunun futbolçusu Dieqo Maradona Moskvanın "Spartak" komandası ilə oyundan sonra, 1990-cı il.

  • © AFP 2020 / Daniel Garcia

    Argentina millisinin kapitanı Dieqo Maradona DÇ-1994-də Yunanıstan komandasının qapısına vurduğu qolu qeyd edir.

  • © REUTERS / Stringer

    Futbol əfsanəsi Dieqo Maradona və Kuba lideri Fidel Kastro, 2001-ci il.

  • © REUTERS / Marcos Brindicci

    Maradona Kuba siqarı və Çe Qevaranın tatusu ilə, 2006-cı il.

  • © AFP 2020 / Stringer

    Futbol əfsanəsi Dieqo Maradona kolumbiyalı futbolçu Karlos Valderamanın karyerasını başa vurması ilə əlaqədar təşkil olunan şənlikdə rəqs edir, 2004-cü il.

  • © AP Photo / Matt Sayles

    Futbol əfsanəsi Dieqo Maradona Kannda özünə dair sənədli filmin nümayişi zamanı, 2008-ci il.

  • © AFP 2020 / Valery Hache

    Dieqo Maradona qızları ilə birgə 61-ci Kann kinofestivalında "Maradona" sənədli filminin premyerasından əvvəl, 2008-ci il.

  • © REUTERS / Eddie Keogh


    Məşqçi Maradona komandasının DÇ-2010-da Nigeriya millisinə vurduğu qolu qeyd edir.

  • © Sputnik / Sergey Guneev

    Rusiya Prezidenti Vladimir Putin, braziliyalı futbolçular Pele və Dieqo Maradona FİFA-2018 futbol üzrə dünya çempionatının püşkatmasından əvvəl.

  • © REUTERS / Marcos Brindicci

    Argentinalı futbol ulduzu Dieqo Maradona sevgilisi ilə, 2017-ci il.

  • © REUTERS / Grigory Dukor

    Futbol əfsanəsi Dieqo Maradona Kremldə, 2017-ci il.

Teqlər:
Argentina, braziliyalı futbolçu Pele, futbol, Dieqo Maradona