59-cu Qremmi Mükafatları – Adel

Dünyaca məşhur müğənnidən hamını şoka salan addım

313
(Yenilənib 22:22 13.02.2017)
Adel layiq görüldüyü Grammy-ni iki yerə bölərək yarısını Beyonsa verdi

BAKI, 13 fev — Sputnik. Musiqi dünyasının ən önəmli hadisələrindən biri olan Qremmi (Grammy) mükafatları ABŞ-ın Los-Anceles şəhərində biri digərindən məşhur olan şəxslərin yer aldığı səhnədə sahiblərinə təqdim olunub. “Staples Center”də keçirilən təqdimat mərasiminə 5 nominasiyada mükafat qazanan 28 yaşlı ingilis müğənni Adel (Adele) damgasını vurub.

Adel, “25” adlı albomu ilə “İlin Albomu” və “Hello” adlı parçası ilə də “İlin mahnısı” mükafatına layiq görülüb. 

Mərasimdə səhnəyə çıxan Adel, ötən ilin dekabrında həyatını itirən ingilis müğənni Corc Mayklın (George Michael) xatirəsinə “Fast Love” mahnısını oxuyub. 

Mükafatını iki yerə bölüb yarısını Beyonsa verdi

Çıxışı zamanı “İlin albomu” nominasiyasının digər namizədi, “Lemonade” albomunun sahibi Beyonsa (Beyonce) xitab edən Adel göz yaşları içində deyib: “Bu mükafatı qəbul edə bilmərəm. “Lemonade” albomu möhtəşəmdir, Beyons, çox möhtəşəm. O, yaxşı düşünülmüş, gözəl və ruh daşıyan bir albomdur. Bunu təqdir edirik. Biz, bütün sənətçilər sənə heyranıq. Sən bizim işığımızsan!”

​Bu çıxışı dinləyən Beyons da göz yaşlarını saxlaya bilməyib. Və bu zaman Adel mükafatı iki yerə bölərək birini Beyonsa verib.

CBS televiziya kanalı ilə yayınlanan 59-cu Grammy mükafatları mərasimini “The Late Late Show”un aparıcısı, ingilis kino aktyoru Ceyms Korden (James Corden) aparıb. Gecədə reper Chance The Rapper (Çanselor Conatan Bennett — amerikalı hip-hop ifaçısı bu psevdonimlə çıxış edir) ilk Grammy mükafatını qazanıb. 23 yaşlı çikaqolu musiqiçi “Ən yaxşı sənətçi” mükafatı da daxil olmaqla 3 nominasiyanın qalibi olub. 

​2016-cı ilin yanvarında vəfat edən Devid Boui (David Bowie) də “Ən yaxşı rok müğənnisi” və “Ən yaxşı alternativ musiqi albomu” mükafatlarına layiq görülüb. 

2016-cı ildə ölən Prinsin (Prince) də xatırlandığı gecədə ikinci dəfə ana olmağa hazırlaşan Beyons “Lemonade” albomundan “Love Drought” və “Sandcastles” parçalarını oxuyub. Keti Perri, Metallika, Con Leqend, Ledi Qaqa, Alisia Keys, Keit Urban, the Weekend, Daft Punk və Bruno Mars da mərasimdə səhnəyə çıxıblar. 

Trampı da mesajsız buraxmadılar

Məşhur müğənni Cenifer Lopez, Nobel Ədəbiyyat Mükafatının sahibi, Amerikalı qaradərili qadın yazıçı, professor Toni Morrisonun “Ümidsizliyə qapılmağa vaxt yoxdur, özünə acımağa yer yoxdur, səssizliyə gərək yoxdur, qorxuya yer yoxdur” sözlərini dilə gətirərək prezident Donald Trampa siyasi mesaj verib.

Ağ libası və üzərində “İsrar” yazılı parıltılı bir qolbağı ilə səhnəyə çıxaraq yeni mahnısı “Chained to the Rhythm”i səsləndirən Keti Perri də Tramp əleyhinə aksiyalarda istifadə olunan “Nifrətə yox” şüarını yeniləyib. 

59-cu Grammy mükafatını qazananların siyahısı belədir:

İlin albomu: Adel — “25”

İlin mahnısı: Adel — “Hello” 

Ən yaxşı yeni sənətçi: Chance The Rapper

Ən yaxşı rep albomu: Chance The Rapper — “Coloring Book” 

Ən yaxşı rep mahnısı: Drake — “Hotline Bling”

Ən yaxşı çağdaş urban albomu: Beyons — “Lemonade” 

Ən yaxşı Pop Solo Performansı: Adel — “Hello”

Ən yaxşı R&B albomu: Lalah Hathaway — “Lalah Hathaway”

Ən yaxşı R&B mahnısı: Maxwell — “Lake by the Ocean” 

Ən yaxşı R&B Performansı: Solange — “Cranes In the Sky”

Ən yaxşı Pop Vokal Albomu: Adel — “25”

Ən yaxşı Rok Albomu: Cage The Elephant — “Tell Me I'm Pretty” 

Ən yaxşı rok mahnısı: David Bowie — “Blackstar” 

Ən yaxşı musiqi videosu: Beyons — “Formation”

Ən yaxşı pop cütlüyü/qrup performansı: Twenty One Pilots — “Stressed Out” 

Ən yaxşı Country Solo performansı: Maren Morris — “My Church” 

Ən yaxşı alternativ musiqi albomu: David Bowie — “Blackstar”

313
Teqlər:
Staples Center, Lemonade, Fast Love, Grammy Mükafatları mərasimi, CBS televiziya kanalı, Alisia Keys, Prince, Cenifer Lopez, Toni Morrison, Lalah Hathaway, Maren Morris, David Bowie, Beyonce, Adele, George Michael, Ledi Qaqa, Donald Tramp, Los-Anceles, ABŞ
Əlaqədar
Azərbaycanlı musiqiçi ABŞ-da konsert verəcək
XX əsr musiqi tarixinin gedişini dəyişən çıxış
Azərbaycan musiqi sənətinin unudulmaz nümayəndəsi
Məktub, arxiv şəkli

UNESCO-ya müraciət etmiş rusiyalı mədəniyyət xadimlərinə məktub göndərilib

18
(Yenilənib 20:24 02.12.2020)
UNESCO-ya göndərilən müraciət bir sıra tanınmış şəxslər və mədəniyyət xadimləri tərəfindən də birmənalı qarşılanmayıb və çoxsaylı tənqidə məruz qalıb

BAKI, 2 dekabr — Sputnik. Məlum olduğu kimi, Rusiya Federasiyasının bir qrup mədəniyyət xadimi Qarabağda yerləşən xristian irsinin qorunmasına və bu irsin UNESCO-nun Dünya irsi siyahısına salınmasına köməklik göstərilməsi ilə bağlı UNESCO-ya müraciət edib.

Dağlıq Qarabağda və ətraf rayonlarda erməni işğalı zamanı çoxsaylı müsəlman irsi abidələrinin dağıdılmasına baxmayaraq, müraciətdə yalnız xristian irsi haqqında bəhs edilməsi, eləcə də Azərbaycan ərazisindəki bütün tarixi, mədəni, dini irsin heç bir ayrı-seçkilik qoyulmadan dövlət tərəfindən qorunması və hökumətin bu məsələyə çox ciddi yanaşması nəzərə alınmayaraq, müraciətin birbaşa UNESCO-ya ünvanlanması onun qərəzli və məqsədli şəkildə hazırlandığını və ölkəmizə qarşı qarayaxma kampaniyasının bir hissəsi olduğunu göstərir.

Sputnik Azərbaycan xəbər verir ki, məsələ ilə bağlı Azərbaycan Respublikası Mədəniyyət nazirinin birinci müavini, nazirin vəzifələrini müvəqqəti icra edən Anar Kərimov tərəfindən müraciəti imzalayan mədəniyyət xadimlərinə məktub göndərilib.

Məktubda öncə Ermənistan tərəfindən uzun müddət işğal altında saxlanılmış Azərbaycan ərazilərində mədəni irsimizin dağıdılması, əksər hallarda həm müsəlman, həm də xristian irsinin məhv edilməsi haqqında məlumatlar əks olunub. Eyni zamanda Azərbaycanın müxtəlif şəhərlərində yerləşən həm dini (müsəlman, xristian, yəhudi), həm də mədəni irsin dövlət tərəfindən qorunması ilə bağlı faktlar diqqətə çatdırılıb.

Bundan əlavə, rusiyalı mədəniyyət xadimlərinə qeyd etdikləri narahatçılıqla bağlı Azərbaycan Hökumətinə deyil, birbaşa UNESCO-ya müraciət ünvanlamalarına görə irad bildirilib və onlara erməni təbliğatının qurbanı olmamaq tövsiyə edilib.

Məktubun sonunda müraciəti imzalamış mədəniyyət xadimləri işğaldan azad olunmuş ərazilərdə 30 ilə yaxın davam etmiş dağıdıcılıq və talançılığın nəticələrini, həmçinin ölkəmizdə mədəni irsə necə qayğı göstərildiyini görmək üçün Azərbaycana dəvət olunublar.

Qeyd etmək lazımdır ki, UNESCO-ya göndərilən müraciət bir sıra tanınmış şəxslər və mədəniyyət xadimləri tərəfindən də birmənalı qarşılanmayıb və çoxsaylı tənqidə məruz qalıb.

18
Teqlər:
irs, mədəniyyət xadimləri, Rusiya, Dağlıq Qarabağ, UNESCO
Qərənfil

İranın məşhur aktyoru vəfat edib

15
(Yenilənib 12:54 02.12.2020)
İranlı aktyor 98 yaşında dünyasını dəyişib. Yaxınlarının verdiyi məlumata görə, Əli Əsgər ürək tutmasından həyatını itirib.

BAKI, 2 dekabr — Sputnik. İranlı aktyor Əli Əsgər Şahbazi vəfat edib.

Sputnik Azərbaycan xəbər verir ki, Əli Şahbazi İranın "Oskar" qazanan "Ayrılıq" filmindəki Nadir obrazı ilə tamaşaçıların böyük rəğbətini qazanmışdı.

Ə.Əsgər Şahbazi 1922-ci ildə Tehranda anadan olub. Karyerası boyunca bir çox ekran işində rol alıb. Məşhurlaşdığı "Ayrılıq" filmi orta sinif cütlüyünün ayrılmasından bəhs edir, 2011-ci ildə lentə alınıb. Əsgər Ferhadinin rejissorluğu ilə çəkilən film bütün dünyada səs-küy yaratdı və film festivallarında onlarla mükafat qazandı. Şahbazi 61-ci Berlin Beynəlxalq Film Festivalında "ən yaxşı aktyor" nominantlarına verilən "Gümüş Ayı" mükafatını qazanıb.

15
Teqlər:
Oskar, İran, vəfat, aktyor
Türkiyə Prezidenti Rəcəb Tayyib Ərdoğan, arxiv şəkli

Ərdoğan gələn həftə Bakıya gəlir Hərbi paradda iştirak edəcək

7
(Yenilənib 12:35 03.12.2020)
Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb.

BAKI, 3 dekabr — Sputnik. Türkiyə Prezidenti Rəcəb Tayyib Ərdoğan gələn həftə Azərbaycana səfər edəcək. Sputnik Azərbaycan xəbər verir ki, bunu "RİA Novosti"-yə mənbə bildirib.

Türkiyə Prezidentinin dekabrın 10-u Bakıda baş tutacaq hərbi paradda iştirak edəcəyi gözlənilir.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılır və tam atəşkəs elan olunur.

Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) Kəlbəcər rayonu Azərbaycana qaytarılıb. Dekabrın 1-də Laçın rayonu Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

7