Ənvər Həsənov

Əməkdar artist: “Bu gün həyatda özümə yer tapa bilmirəm"

752
(Yenilənib 22:34 21.01.2017)
Ənvər Həsənov: Bu gün kinostudiyada özümü Ədil İsgəndərovun davamçısı hesab edirəm.

BAKI, 21 yan — Sputnik. Modern.az saytı Azərbaycan kinosunda bir çox məşhur rolları — Cəlal (“Yeddi oğul istərəm”), Murad (“Uşaqlığın son gecəsi”), Şahbaz (“Dərviş Parisi partladır”) yaratmış Əməkdar artist Ənvər Həsənovdan müsahibə alıb. Sputnik Azərbaycan bu müsahibəni təqdim edir:

— 1965-ci ildən bu günə qədər “Azərbaycanfilm” Kinostudiyasında çalışıram. 50-dən çox filmə çəkilmişəm, bəzilərində ikinci rejissor kimi çıxış etmişəm. Hazırda yenə kinostudiyada çalışıram, Kinoyayım şöbəsinin müdiriyəm. Son dörd ildə cəmi bir neçə televiziya filmində ikinci dərəcəli rollar oynamışam. Bunlar da kino effekti olan filmlərdi. Başqa formatda olanlara, seriallara sadəcə, çəkilmək istəmirəm. Bu il yeni film  ekranlaşdırılacaq. Mənə də söz veriblər ki, həmin filmdə yaşlı nəsil nümayəndələri olan kino ustadları ilə birgə çəkiləcəyəm. Bu həm mənim, həm də onlar üçün çox yaxşı olar.

- 1970-80-ci illərdə Azərbaycanda televiziya filmləri, tamaşaları çox geniş yayılmışdı. Hətta bəzi məqamlarda məşhurluğuna görə kinonu da üstələyirdilər. Bu gün durğunluq dövrünü yaşayan  televiziya məkanında həmin tamaşalara nə dərəcədə ehtiyac var?

— 1970-80-ci illərdə istər “Azərbaycanfilm”in çəkdiyi bədii və xroniki filmlər, istərsə də televiziyada hazırlanan tamaşalar arasında bu gün istehsal olunan ekran əsərləri arasında ciddi fərqlər var. Bunun əsas səbəbi odur ki, son illərdə Azərbaycan teatr və kinosunun xeyli dəyərli simaları dünyalarını dəyişdilər. Onları əvəz edənlər isə olmadı. İndi kinoya gələn gənc nəsil hələ ki, onları əvəzləmək gücündə deyil. Bunun üçün zaman, məkan- çəkiliş meydançası lazımdır ki, gənc aktyor özünü sübut etsin. 

Bizdə 1995-ci ildən 2001-ci ilə qədər kinonun durğunluq dövrü oldu. 1995-ci ilə qədər mən “Haray, Xocalım, haray”, “ Tələ” və Hacı Zeynalabdin Tağıyevdən bəhs edən “Sönməyən çıraq” sənədli filmini çəkdim. Sonuncu film üçün 9 obyektdə çəkilişlər aparıldı, amma sonradan müəyyən səbəblərdən materiallar da yoxa çıxdı. Ondan sonra bizdə heç bir film çəkilmədi. 

2001-də Oqtay Mirqasımov “Ovsunçu” filmi ilə bu durğunluğa son qoydu. Biz də bu filmlə bahəm yenidən fəaliyyətə başladıq və bir neçə film çəkdik. Sualınıza qayıdaraq deyim ki, bu gün kinoda olan  cavan rejissor və aktyorlar hələ əvvəlki nəsil kimi püxtələşməyiblər. İnanıram ki, 2-3 il ərzində onların da ustalıq səviyyəsi daha da inkişaf edəcək və əvvəlki kino azmanları kimi fəaliyyət göstərəcəklər.

- Yəni, siz buna inanırsız?

— Bəli. Əlbəttə ki…

- Ömrünüzü tamamilə kinoya təsr etdiniz. Televiziya tamaşaları və teatrda özünüzü niyə sınamadınız?

— Bəli, düz deyirsiniz. Mən gözümü açandan kino xadimlərinin yanında, kinostudiyada böyümüşəm. Bu sualı mənə çox veriblər. Amma inanırsız, məni televiziya tamaşalarına da, teatrlara da dəvət ediblər. Dərs demək üçün Mədəniyyət və İncəsənət Universitetinə də çağırıblar. Amma təəssüflər olsun ki, bunların heç biri mənlik deyil. Hər zaman özümü çəkiliş meydançası üçün uyğun bilmişəm. Sakit insan deyiləm, hər zaman dinamik, hərəkətdə olmağı sevmişəm. Bu da kinonun tələbidir. Bu gün həyatda özümə yer tapa bilmirəm. Ona görə ki, oturaq iş tərzi keçirirəm. Kinoya bağlılığım mənə imkan vermirdi ki, başqa yaradıcı məkanda iştirak edim.

- Amma bu gün Mədəniyyət və İncəsənət Universitetində təhsil alan gənc aktyor, rejissorların sizə ehtiyacı var. Yenidən dəvət gəlsə, gedərsiniz?

— Xeyr, mənim əsəblərimlə, həyat tərzimlə uyğun gəlməz. İnanmıram ki, orada qərar tuta bilim. Mənim yerim çəkiliş meydançasıdır. Bu, bəlkə də, mənfi cəhətimdi. Amma məni tanıyanlar da deyir ki, bu səbirsizliklə kinodan başqa ayrı məkanlarda qərar tuta bilməzsən.

- Amma kino da əvvəki kino deyil, Ənvər müəllim. Hansı ki, siz gənclik çağlarınızdan azman sənətkarla işlədiniz və onlar da sizi yetişdirdilər. Bu gün o azmanların hansılarının yoxluğu sizə daha çox təsir edir?

— 15 yaşımdan kinodayam. Azərbaycanın ən güclü rejissor, aktyor, rəssam və bəstəkarları ilə bərabər çalışmışam. Rejissorlardan Ədil İsgəndərov, Tofiq İsmayılov, Həsən Seyidbəyli, Hüseyn Seyidzadə, Arif Babayev, aktyorlardan Məmmədrza Şeyxzamanov, Mirzə Babayev, Həsən Məmmədov, Həsənağa Turabov, Şahmar Ələkbərov, Muxtar Maniyev və neçə-neçə böyük kino xadimləri ilə çalışımışam. İndi onların böyük əksəriyyəti dünyadan köçüb. Onların bugün olmamağı mənim üçün həqiqətən də faciədir. Yalnız bununla təskinlik tapıram ki, onların hər biri ilə bağlı xoş xatirələrim var. Bu xatirələri nəyəsə dəyişmək olmaz. Filmlərin çəkilişində o qədər maraqlı hadisələr yaşanıb ki, heç onların bəziləri açıq demək də olmaz.

- Ənvər müəllim, bir məqama diqqət etmişəm ki, sizdən danışanda əsasən üç rolunuzdan — Murad, Cəlal və Şahbazdan bəhs edirlər. Amma o biriləri kölgədə qalır…

— Məsələn?

- Məsələn, “Arxadan vurulan zərbə”, “Atları yəhərləyin”, “Gözlə məni” kimi filmlərdəki rollarınız…

— Moskva “Arxadan vurulan zərbə”ni layiq olmadığı 3-cü dərəcəli film kimi qiymətləndirmişdi. Bir gün “Sovetskıy ekran” jurnalını oxuyurdum. İlin sənət yekunlarına aid bir məqaləni görəndə gözlərimə inanmadım. Sən demə, “Arxadan vurulan zərbə” çəkildiyi 1978-ci ildə bütün SSRİ miqyasında ən çox izlənilən 3 filmdən biri olub. Ona kinoteatrlarda 12 milyon yarım insan baxmışdı. Bu rəqəmi pula vuranda görün nə qədər edir?! Yəni, o biri filmlərimdın geri qalsa da, bütün SSRİ-də sevilirdi. Bu gün də  televiziyada tez-tez nümayiş etdirilir. 

- Yaradıcılığınızda o filmin rolu nə oldu?

— Xoşbəxtəm, ona görə ki, böyük rejissorumuz Ədil İsgəndərovla 3 filmdə tərəf müqabili olmuşam. Məndən başqa heç bir tələbəsinə bu qismət olmadı. Mən Ədil İsgəndərovun sayəsində Ənvər Həsənov oldum, aktyor və rejissor kimi püxtələşdim. Ədil müəllim çox qəliz adam idi. Amma biz onunla rastlaşanda görüşüb-öpüşərdik. Bütün fəaliyyətimi izləyirdi, məni gözündən buraxmırdı. Bu gün kinostudiyada özümü onun davamçısı hesab edirəm. Otağımda Ədil müəllimin böyük portreti var. Bu barədə soruşanda deyirəm ki, o kişinin sayəsində Ənvər Həsənov olmuşam. 

O ki qaldı “Arxadan vurulan zərbəyə”, bilirsiniz ki, onun rejissoru mərhum Arif Babayev olub. Çəkdiyi 9 filminin beşində Arif müəllimin yanında olmuşam. İçərişəhərdə Arif müəllimlə qonşu idik. Hərdən altdan mənə baxıb deyirdi ki, “Ənvər, hazırlaş, səni bir gün filmə dəvət edəcəyəm”. Mən də zarafat bilirdim. 

Elə oldu ki, onun “İnsan məskən salır” filmində rejissor köməkçisi oldum. Haradasa, 6 aydan sonra bir gün gəlib mənə dedi ki, “Ənvər, vaxtında sənə demişdim ki, hazırlaş, hazırsan?” Dedim, nə hazırlaşmaq, hara hazırlaşmaq?! 

Ondan sonra “Uşaqlığın son gecəsi filmi”nin ssenarisini mənə göstərdi. Ədəbi ssenari Maqsud İbrahimbəyova məxsus idi. Amma kino-ssenarini o işlədi və Murad obrazını mənə uyğun şəkildə dəyişdi. Əvvəlcə sınaq çəkilişləri oldu. O zaman ölkənin əksər tanınmış aktyorları Murad rolu üçün sınaqdan keçirildi. Amma hamı dedi ki, Muradı Ənvər oynamalıdı. Mən filmə təsdiqlənəndə Arif müəllim də, Ədil müəllim də çox sevindilər. Dediyim odur ki, “Uşaqlığın son gecəsi” filminə aid çox xatirələr bu gün yaddaşımdadır. Amma  “Arxadan vurulan zərbə” haqqında qəfil sual verdiniz deyə, indi nəyisə xatırlaya bilmirəm.

- “Uşaqlığın son gecəsi” ilə bağlı hansısa maraqlı xatirlələr yadınızdadır?

— Məsələn, bir epizodda rolu lazımı qədər oynaya bilmirdim. Hadisəni yaşamırdım sanki. Arif müəllim bu zaman məni sərt tənqid etdi. Başqalarının yanında pərt və əsəbi oldum. Sən demə, Arif müəllim bunu bilərəkdən edirmiş-obrazı yaşamaqdan ötrü həmin epizodda pərt və əsəbi olmağım lazım imiş…

Görün, kimlərlə işləmişik?! Bu cür adamları unuda bilərəmmi?! Artıq 67 yaşım var. Daha bundan sonra Cəlal, Murad, Şahbaz kimi rollar yarada bilmərəm. Amma baba, ata rolundan olsa, əlimdən gələni edərəm. 

752
Leyla Məcnun serialı

"Netflix" ilk dəfə Azərbaycanda film çəkdi - VİDEO

29
(Yenilənib 14:17 15.01.2021)
"Netflix Indonesia" tərəfindən lentə alınan layihədə Leyla və Samirin sevgi həyatından bəhs edilir. Çəkilişlər İndoneziya və Bakıda baş tutub. Filmin baş qəhrəmanlarını aktrisa Aça Septriasa və aktyor Reza Rahadian canlandırıblar.

BAKI, 15 yanvar — Sputnik. Dünyaca məşhur "Netflix" platforması ilk dəfə Azərbaycanla bağlı film çəkib.

Sputnik Azərbaycan xəbər verir ki, ekran işi məşhur yazıçımız Nizami Gəncəvinin "Leyli və Məcnun" poeması əsasında ərsəyə gətirilib.

"Netflix Indonesia" tərəfindən lentə alınan layihədə Leyla və Samirin sevgi həyatından bəhs edilir. Çəkilişlər İndoneziya və Bakıda baş tutub. Filmin baş qəhrəmanlarını aktrisa Aça Septriasa və aktyor Reza Rahadian canlandırıblar.

"Layla və Majnun"un premyerası fevralın 11-də baş tutacaq.

 

29
Teqlər:
Netflix şirkəti
Netflix

İndoneziyalı Leyla ilə azərbaycanlı Məcnunun eşqi Netflix-də - VİDEO

56
(Yenilənib 01:06 15.01.2021)
İndoneziyalı müəllim qıza elçi gəlir, o isə oğlan evinin qarşısında iki şərt qoyur: müəllimlik peşəsini davam etdirmək və Azərbaycana gəlmək

BAKI, 15 yanvar - Sputnik. Netflix İndoneziya istehsalı olan "Leyla-Məcnun" filminin anonsunu paylaşıb.

Sputnik Azərbaycan-ın məlumatına görə, təxminən 2 saat sürən romantik dram fevralın 11-də göstəriləcək. 

Filmin müəyyən hissələri İndoneziyada, bir qismi də Bakıda çəkilib. İndoneziyalı müəllim qıza elçi gəlir, o isə oğlan evinin qarşısında iki şərt qoyur: müəllimlik peşəsini davam etdirmək və Azərbaycana gəlmək. Bakıya gələrkən isə burada Samir adlı oğlana aşiq olur.

Filmin rejissoru və ssenaristi Monti Tiua, həmsenaristi Alim Sudiodur. Leyla rolunu Aça Septriasa, Samir (Məcnun) rolunu Reza Rahadian, Leylanın nişanlısı İbnunu (İbn-Salam) isə Baim Uonq ifa edirlər. 

56
Teqlər:
anons, video, Netflix şirkəti, Leyli və Məcnun, film, Azərbaycan, İndoneziya
Şimal axını – 2 qaz kəmərinin tikintisi, arxiv şəkli

ABŞ yenə "Şimal axını-2"-yə cəlb olunan şirkətlərə qarşı tədbirləri gücləndirdi

0
(Yenilənib 19:44 15.01.2021)
"Qazprom" təqribən 150 kilometr boru çəkməlidir: Danimarkada 120, Almaniyada 30 kilometrdən bir qədər çox. Qaz kəmərinin inşası 94% tamamlanıb.

BAKI, 15 yanvar — Sputnik. Media xəbər verir ki, "Şimal axını-2" layihəsinin iştirakçısı olan Danimarkanın "Ramboll" şirkəti Vaşinqtonun sanksiyalarından qorxaraq geri çəkilib. Həqiqətən də, 1 yanvar tarixindən etibarən ABŞ layihəyə cəlb olunan şirkətlərə qarşı tədbirləri gücləndirib. Bununla belə, kəmərin inşası davam etdirilir.

Avropada bu məsələdə yenidən ehtiraslar qızışır: almanların sanksiyalardan qorunmaq üçün fond yaratdıqları bir vaxtda, ingilislər amerikalılardan nümunə götürmək istəyirlər, isveçlilər isə "təbii qaz müharibəsi"nin başlamasından ehtiyat edirlər. Bəs bütün bunlardan sonra qaz kəmərinin taleyi necə olacaq? Bu sualın cavabı RİA Novosti-nin növbəti materialında.

Norveç də geri çəkildi

"Şimal axını-2" layihəsinin Rusiyadan kənardakı quru hissəsinin inşası uğurla başa çatdırılıb. Hazırda Almaniyanın su hövzələrində boru döşənməsi prosesi gedir, daha sonra növbə Danimarkaya çatacaq. Layihə finiş nöqtəsinə yaxınlaşmaq üzrədir. Ancaq Vaşinqton bunu görməzdən gəlir. 1 yanvar tarixindən etibarən bu ölkədə Rusiya qaz kəmərinə qarşı əlavə sanksiyaların nəzərdə tutulduğu müdafiə büdcəsi haqqında yeni qanun qüvvəyə minib.

Əsasən test, yoxlama və ya sertifikatlaşdırma xidmətləri göstərən təşkilatlardan söhbət gedir. Norveçin DNV GL şirkəti artıq boru kəmərini yoxlamaq üçün bütün fəaliyyətini dayandıracağını və layihəni sertifikatlaşdıra bilməyəcəyini bəyan edib.

Bir qədər əvvəl ABŞ Senatında respublikaçıların lideri Mitç Makkonnel əvvəllər müdafiə büdcəsi qanununun milli təhlükəsizlik üçün vacib olduğunu, "Çin və Rusiya kimi rəqib super güclərin qarşısını aldığını" bildirmişdi. Onun sözlərinə görə, bu sənəd ABŞ-ın "dənizdə, quruda, havada, kiberməkanda və kosmosda" üstünlüyünü möhkəmləndirəcək.

"Qazprom" təqribən 150 kilometr boru çəkməlidir: Danimarkada 120, Almaniyada 30 kilometrdən bir qədər çox. Qaz kəmərinin inşası 94% tamamlanıb. Vaşinqtonun Avropanın beş böyük enerji şirkəti tərəfindən maliyyələşdirilən layihənin tamamlanmasının qarşısını almaq cəhdlərinə baxmayaraq, Almaniyanın ərazi sularında iş bir illik fasilədən sonra yanvarın 11-də bərpa edilib. Yanvarın 15-dən etibarən Danimarka sularına boru döşənməsinə başlanılacaq.

Fortuna boru kəmərinə Rusiya Dəniz Xilasetmə Xidmətinin "Murman", "Baltiyskiy İssledovatel" və digər təchizat gəmiləri dəstək verəcək. Dənizdə boru döşəmə xəttinin hər iki tərəfində 200 metr enində müvəqqəti təcrid zonası yaradılacaq.

"Gazprom Export"-un baş direktoru Yelena Burmistrovanın bir qədər əvvəl qeyd etdiyi kimi, layihənin dəniz hissəsinin inşasının bitmə tarixi bir sıra amillərdən, xüsusən də hava şəraitindən asılıdır.

Müdafiə mexanizmi

Bu arada, Vaşinqton layihədə Rusiyaya kömək etdiklərini düşündüyü Avropa şirkətlərini yenidən təhdid edib. Reuters ABŞ Dövlət Departamentindəki mənbəyə istinadla bildirir: "Biz onları risk barədə xəbərdar etməyə və çox gec olmadan iş birliyindən imtina etməyə çağırırıq". Agentliyin məlumatına görə, yaxın günlərdə Ağ Ev "arzu olunmayan" şirkətlərin siyahısını açıqlayacaq.

Rusiya Xarici İşlər Nazirliyi isə vurğulayır: "Vaşinqton "Qazprom"un Qərbi Avropa tərəfdaşlarına nə qədər təzyiq göstərir-göstərsin, Moskvanın "Şimal axını-2" layihəsinin uğurla tamamlanacağına şübhəsi yoxdur".

Almaniya "Şimal axını-2"ni hələ də iqtisadi layihə hesab etdiyindən, ABŞ-dan kənar ərazilərə şamil olunan sanksiyaları qəbul etmir. Bu məsələni Almaniya Nazirlər Kabinetinin rəsmi nümayəndəsinin müavini Ulrike Demmer da bu günlərdə yada salıb.

Üstəlik, yanvarın əvvəlində Almaniyanın Meklenburq federal əyalətinin parlamenti regional hökumətin "İqlim və Ətraf Mühitin Mühafizəsi " ətraf mühit fondunun yaradılması ilə bağlı təşəbbüsünü səs çoxluğu ilə dəstəkləyib.

Əslində bu fond ABŞ-ın sanksiyalarından yayınmaq üçün qurulub. Qurum tikinti üçün lazım olan avadanlıqları ala biləcək. İlk növbədə, boru kəmərinin ətraf mühit üçün vacib olduğunu qəbul edəcək. Almaniyanın "Bild" qəzetinin yazdığına görə, bu "Şimal axını-2" layihəsini "ətraf mühitin qorunmasının əsas elementi" kimi təsnif etməyə imkan verəcək.

Fond istisnasız olaraq "Şimal axını-2" layihəsinə cəlb olunan kommersiya şirkətlərini qeydiyyata almaq niyyətindədir. Sanksiyalarla təhdid olunan şirkətlər Rusiya tərəfi ilə həmin kommersiya qurumlarının təqdim etdiyi iqtisadi alətlər vasitəsilə qarşılıqlı əlaqədə olacaq.

Vaxt çatacaqmı?

Bəs almanlar özlərini sanksiyalardan qorumaq üçün vaxt tapacaqlarmı? Bu məsələdə ekspertlərin fikri ikiyə haçalanır. "TMT"-nin direktoru Daniil Rostovtsev bildirir ki, bir tərəfdən, fondun Vaşinqtonun sanksiyalarını nəzərə almamaq üçün kifayət qədər sərmayə və gücü var.

"Bununla belə, fondun təşəbbüsü cəmiyyətdə, xüsusən də "yaşıl siyasəti" dəstəkləyənlərdə narazılıq doğurur. Ekoloqlar belə hesab edirlər ki, layihənin bu şəkildə təbliği qeyri-etikdir və hiddət doğurur, eyni zamanda, ətraf mühit üçün təhlükəlidir", – deyə analitik vurğulayır. Onun sözlərinə görə, indi əsas məsələ "Şimal axını-2" layihəsinin tərəfdarlarının cəmiyyətlə dil tapıb-tapmayacağıdır.

Müstəqil sənaye mütəxəssisi Leonid Xazanov isə belə hesab edir ki, hər bir halda, Berlin Vaşinqtona güzəştə getməyəcək: Almaniyaya Amerikanın maye qazından xeyli ucuz olan Rusiyanın "mavi yanacağı" lazımdır. Üstəlik, Rusiya ilə iqtisadi əlaqələri qoruyub saxlamaq Almaniya üçün çox vacibdir. Çünki Rusiya bazarı alman şirkətləri üçün strateji əhəmiyyət daşıyır.

"Əlbəttə ki, fond sanksiyalara məruz qalacaq, amma bu effekt verməyəcək. Çünki onun podratçılarına qarşı yeni bir qanun layihəsi hazırlanmalı, Konqresdən keçirməli və prezidentin imzalamasını gözləməlidirlər. Bu isə ümumilkdə yarım il vaxt tələb edir ki, həmin müddətə qədər layihə tamamlanacaq", – deyə mütəxəssis qeyd edir.

Bununla belə, Xazanov kəmərin istismara verilmə ərəfəsində, özü də məhz ABŞ-ın müdafiə büdcəsində nəzərdə tutulan sanksiyalar səbəbindən.çətinliklərlə qarşılaşacağını istisna etmir.

Qorxu və nifrət

İngilislər də amerikalılardan nümunə götürmək fikrindədirlər. Britaniyanın Mühafizəkarlar Partiyasından olan parlament üzvü Deniel Koçinski bəyan edib ki, Rusiyanın qaz kəməri həddən artıq təhlükəlidir, çünki NATO ölkələri ərazisində yerləşən bütün qaz və neft şəbəkələrini adlayaraq "birbaşa Rusiyaya" aparır.

Onun sözlərinə görə, böyük britaniyalılar artıq Avropa Şurasının üzvü olmadıqlarından, "amerikalı dostlarının yolu ilə gedərək "Şimal axını-2" qaz kəmərinin inşasına cəlb olunmuş istənilən şirkətə qarşı sanskiya tətbiq etməlidirlər.

Bu arada, İsveçdə Co Baydenin prezidentliyi dövründə "qaz müharibələri"nin başlayacağından ehtiyat edirlər. Svenska Dagbladetin vurğuladığı kimi bu amerikalı demokrat məsələyə öz rəqibi Donald Trampdan da sərt yanaşa bilər.

Baydenin prezidentliyinin "Qazprom" üçün mənfi aspekti onun yaşıl enerji siyasətini dəstəkləməsidir. Demokratlar 2035-ci ilə qədər təmiz enerjiyə keçmək üçün 2 trilyon dollar xərcləməyi planlaşdırır. 2050-ci ilə kimi isə atmosferə sıfır tullantı hədəfinə nail olmaq nəzərdə tutulur. Ancaq "yaşıl enerji" siyasəti də Rusiyaya əl verir. Çünki "Şimal axını-2" kəməri ilə yalnız təbii qaz deyil, həm də hidrogen ötürmək mümkündür. Avropanın hidrogen yanacağına tələbatı isə potensial olaraq çox yüksəkdir.

Digər tərəfdən, ABŞ-ın özündə belə Ağ Evin "rus kəmərinə" vəd etdiklərini yerinə yetirə biləcəyinə şübhə ilə yanaşırlar. Virciniya ştatının keçmiş senatoru Riçard Blek əmin edir ki, Bayden tikintinin səssizcə başa çatdırılması barədə Moskva ilə razılığa gəlməyə üstünlük verəcək. Bunun müqabilində isə Rusiya ilə Vaşinqton üçün bəzi faydalı sövdələşmələrə nail olmağa çalışacaq.

0