Azərbaycan Dövlət Akademik Milli Dram Teatrı

Onu qatarın altına atdılar

251
(Yenilənib 15:24 06.01.2017)
Bu qatar o qədər böyük idi ki, nəhəng sənət ocağı, əzəmətli teatr binası "taxtabiti" yuvası kimi göründü

BAKI, 6 yan — Sputnik. Bir neçə gün əvvəl bir səs yazısı yayımlanmışdı. Bu, Akademik Milli Dram Teatrının rəhbəri Azər Paşa Nemətovun səsi idi və bu xırıltılı səs qırıq-qırıq, kəkələyərək, aydın olmayan bir nitqlə deyirdi: "Məni cənab Prezident bura qoymasaydı, bu taxtabiti yuvasında nə gəzirdim?"

Teatra deyir. Aktyor üçün, rejissor üçün məbəd olan, bütün zamanlarda və bütün məkanlarda öz aliliyini, müqəddəsliyini qoruyub saxlayan sənət ocağına deyir. Həm də bunu deyən ixtisasca rejissordur. Üstəlik, universitetdə müəllim işləyir. Ən acınacaqlısı isə odur ki, hal-hazırda teatrın rəhbəri vəzifəsinə təyin olunub.

Maraqlı bir nüans var ki, Azər Paşa Nemətov həmin səsyazmada onu vəzifəyə Prezidentin təyin etdiyini deyir. Amma teatrlara direktorları mədəniyyət və turizm naziri təyin etməlidir. Azər Paşa Nemətovun direktor təyin olunması ilə bağlı xəbərlərdə də onun Əbülfəs Qarayevin əmri ilə Akademik Milli Dram Teatrına direktor təyin olunduğu yazılıb.

Bəzi yazıçılar öz qəhrəmanlarının talelərini yaşayırlar. Öz yaratdığı obrazın taleyini yaşayan aktyorlar, aktrisalar da var. Bu yaxınlarda öyrəndim ki, bəzi teatrlar da öz tamaşalarının taleyini yaşaya bilirmiş. Necə ki, Akademik Milli Dram Teatrı özünün ən mükəmməl sənət nümunəsi olan "Qatarın altına atılan qadın" tamaşasındakı faciəni yaşadı.

Müəllifi Afaq Məsud, rejissoru Mehriban Ələkbərzadə olan, Kəmalə Müzəffər və Cəfər Namiq Kamalın fövqəladə ifası ilə əsl sənət məhsuluna çevrilən bu tamaşada, Gültəkin Sarabskaya adlı aktrisanın və Xasay Niyazoviç adlı yazıçının taleyindən söhbət gedir. Onların taleyinin fonunda Azərbaycanın teatr və ədəbiyyat mühiti, bu iki mühüm yaradıcılıq sahəsinin hansı vəziyyətə salınması ustalıqla göstərilir.

"Qatarın altına atılan qadın" tamaşası artıq repertuarda yoxdur. Əlbəttə, teatrın faciəsini, teatr hegemonlarının özbaşnalıqlarını, pərdəarxası çirkinlikləri çılpaqlığı ilə göstərdiyinə görə belə bir tamaşanı repertuarda uzun müddət saxlamaq həmin hegemonlara sərf etməzdi. Ona görə də Azər Paşa Nemətov teatra bədii rəhbər və baş rejissor təyin olunduğu zaman ilk işi bu tamaşanı repertuardan çıxarmaq oldu.

Təkcə "Qatarın altına atılan qadın" tamaşasını deyil, Mehriban Ələkbərzadənin quruluşunda kifayət qədər uğur qazanan "Qatil" tamaşasını da repertuardan sildi. Yəqin ki, Mehriban xanıma qarşı qərəzini, kinini bu yolla göstərməyə çalışdı. Çünki Azər Paşa Nemətovun bütün tamaşaları birlikdə Mehriban Ələkbərzadənin bircə tamaşası qədər uğurlu ola bilməyib. Nə "Boy çiçəyi", nə "Ölülər", nə də başqaları…

"Qatarın altına atılan qadın" tamaşasındakı aktrisa intihar etdi. O, sənətsiz, səhnəsiz yaşaya bilmədi və ədalətsizliklərlə bacarmadı. Amma Akademik Milli Dram Teatrını zorla qatarın altına atdılar. Özü də Azər Paşa Nemətov boyda bir qatarın. İki kürəyinin ortasından vurub onu dəmir relslərin üstünə uzatdılar. Azər Paşa Nemətov da bir qatar kimi əzdi, tapdaladı, sındırdı, çilik-çilik etdi gözəlim teatrı.

Bu qatar teatrın ən gözəl məhsullarını məhv etdi, ən yaxşı aktyorlarını, aktrisalarını, rejissorlarını əzdi. Bu qatar Fuad Poladov kimi nəhəngin teatrdan getməsinə səbəb oldu. Bu qatar o qədər böyük idi ki, Akademik Milli Dram Teatrı kimi nəhəng sənət ocağı, əzəmətli teatr binası ona "taxtabiti" yuvası kimi göründü.

Kim bilir?! Bəlkə də Azər Paşa Nemətov sənədlər üzərindəki saxta möhürlü vəzifəsini deyil, ürəklərdə gizlənən həqiqi vəzifəsini icra etməyə çalışır. Bəlkə də onu məhz teatrı əzmək, məhv etmək üçün ora direktor təyin ediblər. Axı hər şey göz önündədir.

251
Teqlər:
taxtabiti, Azər Paşa Nemətov, rəhbər, Akademik Milli Dram Teatrı, sənət, teatr, rejissor, qatar, aktyor
Əlaqədar
Mədəniyyət işçilərini pambıq yığımına aparırlar
Maddiyyət qədər ucuzlaşan mədəniyyət
"Mədəniyyət təcrid oluna bilməz"
Mədəniyyəti əsarətdən xilas etməli
Müharibə mədəniyyəti
Sami Yusuf, arxiv çəkli

Azərbaycan əsilli müğənnidən növbəti dəstək

38
(Yenilənib 22:40 27.10.2020)
Müğənni özünün "Instagram" səhifəsində video paylaşaraq "Azərbaycan I love you. Yaşasın Azərbaycan!" deyib

BAKI, 27 oktyabr — Sputnik. Azərbaycan əsilli dünyaca məşhur müğənni və bəstəkar Sami Yusuf cəbhə xəttində həyata keçirilən əks-hücumlarla əlaqədar Azərbaycan Ordusuna növbəti dəfə dəstəyini ifadə edib. Sputnik Azərbaycan xəbər verir ki, müğənni özünün "Instagram" səhifəsində video paylaşaraq "Azərbaycan I love you. Yaşasın Azərbaycan!" deyib.

Qeyd edək ki, Azərbaycan əsilli dünyaca məşhur müğənni və bəstəkar Sami Yusuf cəbhə xəttində həyata keçirilən əks-hücumlarla əlaqədar dəfələrlə Azərbaycan Ordusuna dəstəyini ifadə edib: "Davamlı uğurlarınız, firavanlığınız və torpağınızın və suverenliyinizin qorunması üçün dua edirəm".

38
Mövzu:
Azərbaycan və Ermənistan arasında müharibə
Əlaqədar
Türkiyəli sənətçilər Qarabağda müharibəyə görə toylarını təxirə saldılar
Biz Qarabağda oyanmaq istəyirik - VİDEO
Sinan Akçıldan daha bir dəstək - "Daim yaşa, Azərbaycan" adlı mahnı bəstələyib
Rəzalət davam edir - Türk sənətkarları Qarabağda "öldürürlər"
İbrahim Tatlısəsdən kövrək addım: "Ölənədək yanındayıq, AZƏRBAYCAN!"
Eldar Qasımov, arxiv şəkli

Biz Qarabağda oyanmaq istəyirik - VİDEO

27
(Yenilənib 22:02 27.10.2020)
"Mən Qarabağda oyanmaq istəyirəm" adlı mahnının bəstəkarı Vaqif Yaqubov, söz müəllifi Leyla Nəsibli, aranjmançısı isə Osman Həmidovdur

BAKI, 27 oktyabr — Sputnik. Eldar Qasımov Şuşaya həsr olunmuş mahnısını təqdim edib.

Sputnik Azərbaycan xəbər verir ki, Azərbaycana Avroviziya qalibiyyəti bəxş edən müğənni Eldar Qasımov Şuşaya həsr olunmuş yeni mahnısını təqdim edib. Rus dilində olan mahnı "Mən Qarabağda oyanmaq istəyirəm" adlanır və vətənpərvərlik mövzusundadır.

Mahnının bəstəkarı Vaqif Yaqubov, söz müəllifi Leyla Nəsibli, aranjmançısı isə Osman Həmidovdur. Mahnı qısa zamanda sosial şəbəkələrdə paylaşılıb.

 

27
Teqlər:
mahnı, Eldar Qasımov, Şuşa şəhəri, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Türkiyəli sənətçilər Qarabağda müharibəyə görə toylarını təxirə saldılar
Daha bir rəzalət - Sərdar Ortacı şəhid Azərbaycan əsgəri kimi təqdim etdilər
Sinan Akçıldan daha bir dəstək - "Daim yaşa, Azərbaycan" adlı mahnı bəstələyib
Rəzalət davam edir - Türk sənətkarları Qarabağda "öldürürlər"
İbrahim Tatlısəsdən kövrək addım: "Ölənədək yanındayıq, AZƏRBAYCAN!"
Azərbaycanın Birinci vitse-prezident Mehriban Əliyeva, arxiv şəkli

Mehriban Əliyeva Ermənistanın müharibə cinayətlərinə üsyan etdi

46
(Yenilənib 23:55 27.10.2020)
"Erməni təcavüzkarlarının əli ilə daha neçə günahsız insan həlak olmalıdır ki, dünya birliyi bu cinayətləri dinməzcə seyr etməyə son qoysun?"

BAKI, 27 oktyabr - Sputnik. "Bu gün Ermənistan silahlı qüvvələri döyüş əməliyyatları zonasından kənarda yerləşən Bərdə şəhərini raket atəşinə məruz qoyaraq humanitar atəşkəs rejiminin şərtlərini növbəti dəfə kobud şəkildə pozublar. “Smerç” qurğusundan buraxılmış kasetli raketlərlə atəş nəticəsində dörd mülki şəxs, o cümlədən yeddi yaşlı qız həlak olub. Dördü uşaq olmaqla on dörd nəfər ciddi xəsarət alıb".

Sputnik Azərbaycan bildirir ki, bu barədə Azərbaycanın Birinci vitse-prezidenti Mehriban Əliyeva sosial şəbəkədəki heabında yazıb.

Посмотреть эту публикацию в Instagram

Публикация от Mehriban Aliyeva (@firstvicepresidentazerbaijan)

"Silahlı münaqişələr zamanı mülki şəxslərin qətlə yetirilməsi 1949-cu il Cenevrə Konvensiyalarının və bütövlükdə beynəlxalq humanitar hüquq normalarının ən kobud şəkildə pozulması deməkdir.
Erməni təcavüzkarlarının əli ilə daha neçə günahsız insan həlak olmalıdır ki, dünya birliyi bu cinayətləri dinməzcə seyr etməyə son qoysun?
Həlak olanların doğmalarına və yaxınlarına dərin hüznlə başsağlığı verirəm, yaralananların tezliklə sağalmalarını arzulayıram.
Biz öz torpağımızı təcavüzkarlardan azad edəcəyik və bu cinayətlərə son qoyacağıq.
Uca Tanrı Vətənimizi qorusun!" - paylaşımda deyilir.

46
Teqlər:
Atəşkəsin pozulması, ölənlər və yaralılar, dinc sakinlər, raket zərbələri, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Beynəlxalq təşkilatların ciddi ölçü götürməməsi Ermənistanı azğınlaşdırır - Ombudsman
Bərdədə erməni təxribatından ölənlərdən biri 7 yaşlı uşaqdır - FOTO
XİN: Ermənistan münaqişənin siyasi həllində maraqlı deyil
Hikmət Hacıyev: "Bərdəyə "Smerç"dən kasetli bomba atılıb"
Ermənilərin Bərdəni atəşə tutması nəticəsində ölənlərin sayı artdı